وحدت نیوز(ملتان) امامیہ اسٹوڈنٹس آرگنائزیشن پاکستان ملتان ڈویژن این ایف سی یونٹ کے زیراہتمام یونیورسٹی آف انجینئرنگ اینڈ ٹیکنالوجی میں سالانہ ''یوم حسین ''کانفرنس کا انعقاد کیا گیا۔

کانفرنس کی صدارت مجلس وحدت مسلمین پاکستان کے چیئرمین علامہ راجہ ناصر عباس جعفری نے کی۔ کانفرنس سے اہلسنت عالم دین پروفیسر ڈاکٹر صدیق خان قادری، مجلس وحدت مسلمین کے مرکزی جنرل سیکرٹری سید ناصر عباس شیرازی، ہمدرد ڈیزاسٹر منیجمنٹ سیل کے چیئرمین سید فضل عباس نقوی، مجلس وحدت مسلمین جنوبی پنجاب کے صدر مولانا اقتدار حسین نقوی، سابق مرکزی صدر آئی ایس او پاکستان عارف علی الجانی اور ڈویژنل صدر آئی ایس او ملتان ڈاکٹر جوہر عباس سمیت یونیورسٹی کے دیگر طلباء و طالبات نے خطاب کیا۔

 کانفرنس سے خطاب کرتے ہوئے علامہ راجہ ناصر عباس جعفری نے کہا کہ حسینیت ایک نظر و فکر کا نام ہے، تعلیمی اداروں میں ایسی محافل وقت کی ضرورت ہیں، ہمیں اسلامی ثقافت کو عام کرنے کی ضرورت ہے، بدقسمتی سے ہمارے تعلیمی اداروں میں یورپ کی ثقافت کو فروغ دیا جارہا ہے۔

وحدت نیوز(ملتان) مجلس وحدت مسلمین جنوبی پنجاب کے فلاحی شعبے المجلس ڈیزاسٹر مینجمنٹ سیل کی جانب سے لاک ڈاؤن سے متاثرہ جہانیاں کی مسیحی برادری میں راشن تقسیم کیا گیا۔ راشن کی تقسیم کی تقریب چرچ آف پاکستان جہانیاں میں منعقد ہوئی، تقریب میں مجلس وحدت مسلمین کے صوبائی رہنما علامہ اقتدار حسین نقوی نے خصوصی شرکت کی۔ اس موقع پر پچاس سے زائد مستحق اور متاثرہ خاندانوں میں راشن تقسیم کیا گیا۔

تقریب سے خطاب کرتے ہوئے علامہ اقتدار حسین نقوی کا کہنا تھا کہ عالمی وبا کی صورت میں پیش آنے والی مشکل کی اس گھڑی میں ہمیں اقلیتوں کی بھی مدد کرنے کی ضرورت ہے۔ جہاں ہم مسلمانوں کی مدد کر رہے ہیں وہاں پر ہمیں چاہیے کہ ہم مشکل کی اس گھڑی میں ان مسیحی بھائیوں کی بھی مدد کریں، ہمارے نبی اور ہمارا دین اسلام ہمیں انسانیت کا درس دیتا ہے۔ انسانیت کا تقاضا ہے کہ اس وقت پاکستان میں جتنے بھی مسالک اور مذاہب ہیں بلاتفریق سب کی خدمت کی جائے۔

 اس موقع پر مسیحی کمیونٹی کے رہنماؤں شہزاد مسیح اور فاروق مسیح نے مجلس وحدت مسلمین کا شکریہ ادا کیا۔ اس موقع پر المجلس ڈیزاسٹر منیجمنٹ سیل ضلع خانیوال کے مسئول سید عدیل حیدر زیدی بھی موجود تھے۔

وحدت نیوز(علی پور) مجلس وحدت مسلمین پاکستان کے مرکزی ڈپٹی سیکرٹری جنرل و المجلس ڈیزاسٹر منیجمنٹ سیل کے چیئرمین سید ناصر عباس شیرازی ڈیرہ غازیخان کے بعد امدادی سرگرمیوں کا جائزہ لینے کے لیے علی پور پہنچ گئے، اس موقع پر صوبائی سیکرٹری جنرل علامہ اقتدار حسین نقوی بھی ان کے ہمراہ تھے۔ ضلعی سیکرٹری جنرل سید رضوان علی کاظمی، سید شاکر حسین کاظمی اور دیگر نے استقبال کیا۔ ناصر عباس شیرازی کو لاک ڈاؤن کے دوران ضلع علی پور کی جانب سے جاری سرگرمیوں پر بریفنگ دی گئی، سید رضوان کاظمی نے بتایا کہ اب تک ضلع علی پور ایک ہزار متاثرہ گھرانوں تک المجلس ڈیزاسٹر منیجمنٹ سیل کے پلیٹ فارم سے امداد پہنچائی گئی ہے۔

اس موقع پر مرکزی امام بارگاہ علی پور میں لاک ڈاؤن سے متاثرہ 200 گھرانوں میں مزید راشن تقسیم کرنے کی تقریب منعقد کی گئی، جس سے سید ناصر عباس شیرازی، علامہ اقتدار حسین نقوی، سید رضوان علی کاظمی اور دیگر نے خطاب کیا۔ بعدازاں مستحق افراد میں راشن تقسیم کیا گیا۔ اس موقع پر میڈیا سے گفتگو کرتے ہوئے سید ناصر عباس شیرازی کا کہنا تھا کہ جنوبی پنجاب کے اضلاع نے لاک ڈاؤن میں بھرپور فعالیت کا اظہار کیا ہے اور بالخصوص علی پور کی ٹیم نے نمایاں کارکردگی دکھائی ہے، اُنہوں نے کہا کہ انشاء اللہ عوامی خدمت کا یہ سلسلہ جاری رہے گا ہماری کوشش ہوگی ہر غریب تک پہنچا جائے۔

وحدت نیوز(ملتان) مجلس وحدت مسلمین پاکستان کے ذیلی ادارے المجلس ڈیزاسٹر منیجمنٹ سیل کے زیراہتمام جنوبی پنجاب کے اضلاع ملتان، علی پور اور بھکر میں گزشتہ روز 200سے زائد خاندانوں میں چھ لاکھ روپے کا امدادی سامان تقسیم کیا گیا۔ اے ڈی ایم سی جنوبی پنجاب کے کوارڈینیٹر سید زعیم حیدر زیدی نے بتایا کہ کرونا وائرس کے باعث لاک ڈاون سے متاثرہ غریب اور مستحق افراد کی جنوبی پنجاب کے تمام اضلاع میں معاونت کی جا رہی ہے، روزانہ کی بنیاد پر مختلف اضلاع میں امدادی سرگرمیوں کا سلسلہ جاری ہے، اس کے ساتھ ماہ رمضان المبارک کے دوران مختلف اضلاع میں سحر و افطار کا اہتمام بھی کیا جارہا ہے۔

 زعیم حیدر زیدی کے مطابق کرونا وائرس کی اس مشکل گھڑی میں سب سے زیادہ نقصان سفید پوش انسان اور دیہاڑی دار مزدوروں کو ہوا ہے، ہماری کوشش ہے کہ غریب، مستحق اور نادار افراد کی عزت نفس کا خیال رکھتے ہوئے معاونت کی جائے۔ اُنہوں نے کہا کہ انشاءاللہ عیدالفطر کے موقع پر مختلف اضلاع میں غریب، نادار اور مستحق خاندانوں میں عیدی تقسیم کی جائے گی۔ اُنہوں نے مزید کہا کہ اس سے قبل ملک بھر میں تقریبا ایک لاکھ خاندانوں تک امداد پہنچائی جا چکی ہے اور یہ سلسلہ اسی طرح جاری رہے گا۔

وحدت نیوز(ملتان) مجلس وحدت مسلمین کے ذیلی ادارے المجلس ڈیزاسٹر منیجمنٹ کی جانب سے ملتان میں جامعہ شہید مطہری کے پرنسپل علامہ قاضی نادر حسین علوی کی سرپرستی میں کرونا وائرس سے جاں بحق افراد کی تجہیز و تکفین کے لیے چار رکنی ٹیم کا اعلان کردیا گیا، ایم ڈبلیو ایم جنوبی پنجاب کے سیکرٹری جنرل علامہ اقتدار حسین نقوی نے حفاظتی سامان چار رکنی ٹیم کے حوالے کیا۔

 واضح رہے کہ کرونا وائرس سے جاں بحق افراد کی تجہیز و تکفین کے لیے دیگر شہروں میں ٹیمیں موجود تھیں لیکن ملتان سمیت جنوبی پنجاب میں اس حوالے سے اقدام نہیں کیا گیا تھا۔

 وحدت نیوزسے گفتگو کرتے ہوئے تجہیز تکفین ٹیم کے سرپرست اور جامعہ شہید مطہری کے پرنسپل علامہ قاضی نادر حسین علوی نے کہا کہ ہمارے جامعہ کے طلباء اور ہمارے والنٹیئرز اس وقت ملتان میں کسی بھی ایسی دشواری کا مقابلہ کرنے کے لیے تیار ہیں، ہماری اولین ترجیح ہے کہ احتیاطی اور حفاظتی انتظامات کو مدنظر رکھتے ہوئے اس کرونا وائرس سے انتقال کرنے والے افراد کی تجہیز و تکفین شرعی طریقے سے کی جائے۔

 اُنہوں نے کہا کہ المجلس ڈیزاسٹر منیجمنٹ سیل جہاں دیگر اُمور میں اپنا کردار ادا کررہی ہے وہیں اس اہم مشکل کو حل کرنے میں بھی اپنا کردار ادا کرے گی۔ اس موقع پر صوبائی ڈپٹی سیکرٹری جنرل سلیم عباس صدیقی، صوبائی سیکرٹری سیاسیات مہر سخاوت علی، اسد عباس عسکری اور دیگر رہنما بھی موجود تھے۔

وحدت نیوز (کراچی) مجلس وحدت مسلمین پاکستان کے ذیلی ادارے  المجلس ڈیزاسٹر منیجمنٹ سیل کے زیراہتمام ملک کے دیگر حصوں کی طرح کراچی میں بھی فلاحی سرگرمیوں کا سلسلہ جاری ہے۔ تفصیلات کے مطابق المجلس ڈیزاسٹر منیجمنٹ سیل کراچی ضلع ملیرکی جانب سے مختلف علاقوں میں لاک ڈاؤن سے متاثرہ گھرانوں کے لئے راشن کی تقسیم کا سلسلہ جاری ہے۔

 راشن کی تقسیم کے علاوہ لاک ڈاؤن سے متاثرہ شہریوں میں مخیر حضرات کے تعاون سے پکے ہوئے کھانے بھی ضرورت مند گھرانوں میں تقسیم کئے جارہے ہیں، ساتھ ہی ساتھ ادارے کی جانب سے طبی عملے میں Protection Kits بھی تقسیم کی گئی ہیں۔ جبکہ مختلف علاقوں میں سبزی کے بیگز بھی سینکروں گھرانوں میں تقسیم کیئے گئے ہیں۔

ایم ڈبلیو ایم ضلع ملیر کے سیکریٹری جنرل احسن عباس رضوی نے بتایا کہ گذشتہ دوماہ سے اب تک ضلع ملیراور دیگر علاقوں کے500 گھرانوں میں راشن تقسیم کیا جاچکا ہے، ان شاء اللہ امداد کا یہ سلسلہ جاری رہے گا۔ انہوں نے مخیر حضرات سے اپیل کی مشکل کی اس گھڑی میں المجلس ڈیزاسٹر مینجمنٹ سیل کے شانہ بشانہ ضرورت مند گھرانوں کی امداد میں اپنا حصہ ضرور ڈالیں۔

وحدت نیوز(ڈیرہ غازی خان) مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی نے ڈیرہ غازیخان کا دورہ کیا اور ضلع میں موجود تین قرنطینہ سنٹر میں زائرین کی تعداد، صورتحال اور اب تک کی ہونے والی کارکردگی کا جائزہ لیا۔ اس موقع پر صوبائی کوارڈینیٹر المجلس ڈیزاسٹر منیجمنٹ سیل جنوبی پنجاب سید زعیم حیدر زیدی، ضلعی سیکرٹری جنرل سید انعام حیدر زیدی، ضلعی کوارڈینیٹر المجلس ڈیزاسٹر منیجمنٹ سیل رحمت رضا کھوسہ، زوار جہانزیب اور دیگر موجود تھے۔

 سید انعام حیدر زیدی نے صوبائی سیکرٹری جنرل کو بتایا کہ ضلع ڈیرہ غازیخان مین واقع تینوں قرنطینہ سنٹر سے زائرین اپنے اپنے گھروں کو روانہ ہوچکے ہیں، جس دورانیے میں زائرین نے یہاں قیام کیا المجلس ڈیزاسٹر منیجمنٹ سیل کی جانب سے ضلعی انتظامیہ کے ساتھ مکمل تعاون کرتے ہوئے زائرین کی اشیائے ضروریہ پہنچانے میں اپنا کردار ادا کیا۔

اُنہوں نے بتایا کہ مجلس وحدت مسلمین کے پلیٹ فارم سے ڈی جی خان کے علاوہ سخی سرور، چوٹی زیریں، کوٹ چھٹہ اور دیگر علاقوں میں سفید پوش اور لاک ڈاون سے متاثرہ افراد میں لاکھوں روپے مالیت کا راشن بھی تقسیم کیا گیا، اس کے علاوہ ضلع کے مختلف علاقوں میں ماسک، گلوز، ہینڈ سینٹائزر اور غریب افراد میں سبزی بھی تقسیم کی گئی اور امدادی سرگرمیوں کا سلسلہ تاحال جاری ہے۔

 اس موقع پر علامہ اقتدار نقوی نے کہا کہ باقی اضلاع کی طرح ڈیرہ غازیخان کی ٹیم بھی لائق تحسین ہے جنہوں نے پہلے ایک ماہ سے زیادہ عرصہ زائرین کی خدمت اور اب مسلسل غریب، نادار اور مستحق افراد کی داد رسی میں مصروف ہیں۔ اُنہوں نے کہا کہ خدمت خلق کا یہ سلسلہ مزید جاری اور اس میں تیزی کی ضرورت ہے۔

وحدت نیوز(لیہ)مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی نے ضلع لیہ کا ایک روزہ دورہ کیا، دورے کے دوران المجلس ڈیزاسٹر مینجمنٹ سیل کے زیراہتمام جاری فلاحی سرگرمیوں کا جائزہ لیا، اس موقع پر صوبائی کوارڈینیٹر المجلس ڈیزاسٹر منیجمنٹ سیل جنوبی پنجاب سید زعیم حیدر زیدی بھی ان کے ہمراہ تھے۔

علامہ اقتدار حسین نقوی نے ضلع لیہ کی کابینہ کے اجلاس میں خصوصی شرکت کی اور ملک بھر سمیت جنوبی پنجاب میں ہونے والی فعالیت پر گفتگو کی۔ اس موقع پر ضلعی سیکرٹری جنرل صفدر حسین خان مورانی، مولانا ساجد اسدی، صفدر خان، جمیل حسین خان، ساجد خان اور دیگر رہنما موجود تھے۔

بعدازاں علامہ اقتدار حسین نقوی نے سابق ضلعی سیکرٹری جنرل ڈیرہ غازیخان کی زیرسرپرستی میں چلنے والے الحجت سکول کا دورہ بھی کیا اور اس کاوش کو سراہا۔ علامہ اقتدار حسین نقوی نے کہا کہ الحمداللہ دیگر اضلاع کی طرح لیہ میں بھی فلاحی اُمور کی انجام دہی خوش آئند ہے، کرونا جیسی وبا کا مل کر مقابلہ کرنا ہوگا، اس مشکل کی گھڑی میں باہمی اتحاد اور وحدت کے ساتھ عوام کی خدمت کا جذبہ لے کر آگے بڑھنا ہے۔

 اُنہوں نے کہا کہ حکومت لاک ڈاون کا حکم تو جاری کرتی ہے لیکن اس لاک ڈاون سے متاثرین کے لیے امدادی پیکج سست روی کا شکار ہے، مہنگائی کا طوفان حکومت کنٹرول کرنے میں ناکام ہوچکی ہے، ماہ رمضان کے شروع میں ہی ذخیرہ اندوزوں نے مارکیٹ سے اشیائے خوردونوش غائب کر دی ہیں جس کے باعث مہنگائی میں اضافہ ہوا ہے۔

وحدت نیوز(کھرمنگ)  مومنین کھرمنگ کے تعاون سے المجلس ڈیزاسٹر مینجمنٹ سیل ضلع کھرمنگ کے زیر اہتمام طے شدہ امدادی پروگرام کے تحت  کھرمنگ کے بارڈر ایریاز ، ترکتی سے اوپر کے تمام موضعات اور نالہ جات میں مقیم ضرورت مند فیملیز تک امدادی رقوم تقسیم کئے۔ المجلس ڈیزاسٹر مینجمنٹ سیل کے ذمہداران میں سکریٹری جنرل ایم ڈبلیو ایم کھرمنگ شیخ اکبر رجائی، ڈپٹی سکریٹری جنرل جناب شیخ یعقوب محمدی، متحرک صوبائی رہنماؤں راجہ ولایت علیخان اور نصرت علی، مجلس وحدت کھرمنگ کے سرگرم بزرگ رہنما حاجی محسن علی، شریف ولی کھرمنگی، انجنئیر شجاعت حسین یورنگوت، امام جماعت اولڈنگ شیخ ہادی مقدسی، نوجوان سماجی کارکن اکبر روحانی اولڈنگ و دیگر شامل تھے۔

 اس دوران مختلف علاقوں کے مقامی علمائے کرام اور سماجی شخصیات بھی ہمراہ رہے، اور مستحقین کی شناخت اور ان تک امداد پہنچانے میں معاونت کیں۔ کرونا وایریس کی وجہ سے پیدا شدہ مشکل حالات اور رمضان المبارک کی آمد پر اس پروگرام کے تحت انتہائی ضرورت مندوں کو فوکس کرنے کی کوشش کی گئی۔ ان علاقوں میں اولڈنگ ، ہرغوسیل نالہ، میموش تھنگ ، میموش،  بریسل، بریسیل چھو، گنگنی، بلارگو،بلارگو پایو، سیر تھنگ بلارگو، برولمو، مورول، گنوخ، دنسر تھنگ ،ژے ژے تھنگ، ترکتی، حمزیگونڈ، سنکرمو، اور تمام ملحقہ محلہ جات و موضعات شامل ہیں۔ پہلے مرحلے میں ان علاقوں کے مقامی علمائے کرام کے توسط سے اصل مستحقین کی نشاہدہی کی گئی اور انہی علماء کے ذریعے معلوم شدہ فیملیز تک امداد پہنچا دیئے گئے۔

 المجلس ڈیزاسٹر منیجمنٹ سیل کھرمنگ اس کار خیر میں حصہ لینے والے تمام مومنین کرام کے ممنون و مشکور ہیں۔ ان دور افتادہ علاقوں میں دیں مبین اسلام کی تبلیغ اور مومنین کی خدمت میں مصروف عمل معزز علمائے حقہ کے ممنون و مشکور ہیں۔ واضح رہے کہ تائید خداوندی کے طفیل صرف اور صرف ضلع کھرمنگ کے ہی چند درجن مومنین کی مالی معاونت نے کرونا وایریس کی وجہ سے پیدا شدہ حالیہ مشکل صورتحال میں چند ایام کے اندر ہی مستحقین کی امداد کے لئے مرتب کئے اس امدادی سرگرمی کو کامیابی عطا کی۔ بہت زیادہ نہ سہی مگر ان تمام بارڈرز سے ملحقہ دور دراز علاقوں کے مستحق فیملیز کو ایک امدادی پیکیج با عزت، باوقار اور بالکل غیر محسوس انداز میں پہنچانے کی سعی کی۔ بحق آئمہ معصومین علیھم السلام ان تمام مومنین کرام کو آباد و بامراد رکھے، انکو اور انکی فیملیز کو صحت و سلامتی عطا ہو، خدا پاک انکی توفیقات خیر میں اضافہ فرمائے۔

ضرورت مند فیملیز کی نشاندہی، تقسیم کے عمل میں بھرپور کردار ادا کرنے والے علمائے عظام اور مختلف علاقوں کے زعماء، طلبا و دیگر مومنین کے بھی مشکور و ممنون ہیں، خدا ان سب مومنین کی خلوص و توکل اور عزم و حوصلے کو دوام بخشے، انکی دنیاوی و اخروی حوائج شرعیہ برآور فرمائے۔ آمین۔ انشاللہ تعالیٰ اگلے مرحلے میں ترکتی سے نیچے کے علاقوں اور ملحقہ نالہ جات کے مستحقین کی امداد کیجائے گی۔ اس سلسلے میں آپ سب کو پہلے سے بڑھ کر تعاون اور روابط کرنے کی ضرورت ہے۔ خداوند متعال کی نصرت و تائید حاصل رہی تو اگلے مرحلے میں بھی اسی طرح مکمل عزت و تکریم کیساتھ مقامی علمائے عظام و مومنین کرام کی تشخیص کردہ حقیقی مستحقین و معذورین تک مخیر مومنین کیجانب سے جمع شدہ امداد پہنچائے جائیں گے۔ انشاللہ العزیز۔

وحدت نیوز(میانوالی) المجلس ڈیزاسٹر مینجمنٹ سیل ضلع میانوالی کے پلیٹ فارم سے سابق سیکرٹری جنرل علمدار حسین ایڈووکیٹ کی خصوصی دلچسپی سے لاک ڈاون سے متاثرہ، غریب، نادار اور مستحق 100خاندانوں میں تین لاکھ روپے کا راشن تقسیم کیا گیا، اس موقع پر صوبائی سیکرٹری جنرل علامہ اقتدار حسین نقوی، صوبائی کوارڈینیٹر المجلس ڈیزاسٹر منیجمنٹ سیل سید زعیم حیدر زیدی، ضلعی سیکرٹری جنرل سید عابد حسین عابدی اور سابق ضلعی سیکرٹری جنرل علمدار حسین ایڈووکیٹ موجود تھے۔

صوبائی سیکرٹری جنرل نے اس موقع پر گفتگو کرتے ہوئے کہا کہ الحمداللہ جنوبی پنجاب کے دیگر اضلاع کی طرح میانوالی میں بھی المجلس ڈیزاسٹر منیجمنٹ سیل کے ورکر قابل تحسین ہیں اور بالخصوص علمدار حسین ایڈووکیٹ جنہوں نے میانوالی میں ایسے افراد تک امداد پہنچائی جو مستحق اور سفید پوش خاندان تھے۔

 اُنہوں نے مزید کہا کہ اس وقت کرونا کے خلاف ہم سب کو اپنا اپنا کردار ادا کرنا ہوگا، ضروری نہیں کہ ہم لاکھوں روپے کی امداد کریں بلکہ ہم اپنی بساط کے مطابق اگر اپنے محلے اور علاقے میں مستحقین کی مدد کریں تو مشکل کی اس گھڑی کا مقابلہ کیا جاسکتا ہے، میانوالی کے علاوہ جنوبی پنجاب کے دیگر اضلاع بھی مشکل کی اس گھڑی میں قوم کے ساتھ کھڑے ہیں۔