وحدت نیوز(دیپال پور) مجلس وحدت مسلمین ضلع اوکاڑہ کے زیر اہتمام جیو اور جنگ گروپ کے خلاف احتجاجی جلوس امام بارگاہ سجادیہ دیپال پورسے نکالا گیا جس میں پاکستان عوامی تحریک اور منہاج القرآن کے مقامی رہنما اور کارکنوں نے بھر پور شرکت کی جلوس کی قیادت ایم ڈبلیو ایم کے ضلعی جنرل سیکرٹری سید انوار الحق زیدی ضلعی سیکرٹری تعلیم سید راحت حسین زیدی،انجمن سجادیہ دیپال پور کے صدر سید ذاکر حسین زیدی،پاکستان عوامی تحریک کے تحصیل صدر خالد محمود،حافظ احمد نواز قادری،حاجی محمد رمضان توگیروی،حاجی محمدسرور،اور منہاج القرآن کے کارکنوں نے بھر پور شرکت کی جلوس مدینہ چوک سے صدر بازار سے ہوتا ہوا پریس کلب پہنچا تو مظاہرین سے خطاب کرتے ہوئے ایم ڈبلیو ایم کے ضلعی سیکرٹری جنرل سید انوارالحق زیدی اور پاکستان عوامی تحریک کے رہنماؤں نے کہا کہ حکومت پیمرا اور عدلیہ فوری طور پر جیو کی اہلبیتؑ کی شان میں گستاخی کا نوٹس لے اور جیو اور جنگ گروپ کا لائسنس منسوخ کرے انہوں نے کہا کہ حکومت جیو گروپ کی پشت پناہی بند کرے اور 18کروڑ عوام کی ترجمانی کرتے ہوئے فوری جیو کے خلاف ایکشن لے اور توہین اہل بیتؑ پر295/Cکا مقدمہ میر شکیل الرحمان اور جیو کے ذمہ داران کے خلاف درج کرے بصورت دیگر پورے ملک میں احتجاج کا لامتناہی سلسلہ شروع ہو جائے گا جسے حکومت سے سنبھالنا مشکل ہو جائے گا۔
وحدت نیوز (کوئٹہ )مجلس وحدت مسلمین کوئٹہ کے زیر اہتمام ایک احتجاجی جلوس امام بارگاہ بلتستانی سے برآمد ہوا جس میں سینکڑوں مومنین نے شرکت کی ۔جلوس کے شرکاء سے مجلس وحدت مسلمین کے مرکزی رہنما ،امام جمعہ کوئٹہ علامہ سید ہاشم موسوی نے خطاب کرتے ہوئے کہا کہ دہشتگردوں کیساتھ مذاکرات کی بات کرنے والوں کیلئے بھکر کا واقعہ آئینہ عبرت ہے ۔انہوں نے کہا کہ شیعہ سنی مسلمانوں کے درمیان تفرقہ ایجاد کرنے والے امریکی و اسرائیلی ایجنٹ ہے ورنہ شیعہ سنی دو مستند مذاہب اسلام 14سو سالوں سے آپس میں سا لمیت آمیز زندگیاں گزارتے آرہے ہیں۔انہوں نے کہا کہ دہشتگردوں کیساتھ ہر قسم کی مذاکرات کو ہم رد کرتے ہوئے حکومت سے انکے نیٹ ورک کا خاتمہ اور ان سب کو قانون کے حوالے کرنے کا مطالبہ کرتے ہے۔انہوں نے امریکی اور اسرائیلی ایجنڈے کو ناکام بنانے کیلئے اتحاد بین المسلمین اور اتحاد بین المومنین کی ضرورت پر زور دیا ۔انہوں نے بھکر میں مومنین کے خلاف یکطرفہ کاروائی کی مذمت کرتے ہوئے تحقیقاتی ٹریبونل کی تشکیل کا مطالبہ کیا۔
