وحدت نیوز(حیدرآباد) مجلس وحدت مسلمین ضلع حیدرآباد کی جانب سے آج قدم گاہ مولاعلی پر احتجاجی مظاہرہ کیا گیامظاہرے سے خطاب کرتے ہوئے مولانا امداد علی نسیمی نے کہا کہ موجودہ حکمران اور ان کے اتحادی ملک میں قائم ہونے والی فرقہ وارانہ ہم آہنگی اور عوام میں پیدا ہونے والے سیاسی شعور اور اپنے حقوق کی آگاہی حاصل ہونے سے سخت نا لاں ہیں ۔حکمرانوں نے اپنی صفوں میں موجودہ دہشت گردوں کے ذریعے پورے ملک خصوصاً صوبہ سندھ میں فرقہ وارانہ دہشت گردی کے ذریعے کراچی کے بعد اب حیدر آباد میں اتحاد کو خراب کرنے کی پوری سازش کی جارہی ہے صوبہ سندھ کو فرقہ وارانہ دہشت گردی میں ایک پلاننگ کے تحت جھونکا جارہا ہے ۔جس کی مثال علامہ عباس کمیلی کے فرزند شہید علی اکبر کمیلی پر دہشت گرد حملہ اور انکی شہادت کے بعد اور اب حید رآباد میں شیعہ مذہبی رہنما شہید سید محسن رضا جعفری کو چند دن پہلے لطیف آباد نمبر پانچ میں ان کے گھر کے باہر دہشت گردوں نے حملہ کرکے اپنی دہشت گردی کا نشانہ بنایا وفاقی اور صوبائی حکومت کراچی اور حید رآباد میں ہونے والے ان دہشت گردی کے واقعات کو روکنے میں مکمل طور پر ناکام ہوچکی ہے صوبہ سندھ خصوصاً کراچی میں دہشت گردوں کی آمد گاہ بن چکا ہے گزشتہ ایک سال سے کراچی میں جاری آپریشن کے باوجود دہشت گرد کھلے عام دہشت گردی کے واقعات کررہے ہیں ہم حکومت سندھ سے مطالبہ کرتے ہیں کہ شہید علی اکبر کمیلی اور شہید محسن رضا جعفری کے قاتلوں کو فوراً گرفتار کرکے سر عام پھانسی دی جائے۔اس موقع پرمولانا گل حسن مرتضوی ، عالم کربلائی ، مولانا اشفاق مطہری اور ان کے ہمراہ رحمان رضا عباسی سید وقارزیدی ، سید شکیل حسین ، عر فان علی بھی موجود تھے۔

وحدت نیوز(کراچی) سربراہ مجلس وحدت مسلمین علامہ ناصرعباس جعفری کی اپیل پر کراچی میں جاری شیعہ ٹارگٹ کلنگ کے خلاف مجلس وحدت مسلمین کراچی ضلع ملیر کے زیر اہتمام بعد نماز جمعہ حسینی جامع مسجد برف خانہ ملیر کے باہر احتجاجی مظاہرہ کیا گیا جس میں نمازیوں اور ایم ڈبلیوایم کاکارکنان کی بڑی تعداد نے شرکت کی اور نااہل حکومت اور قاتلوں کی عدم گرفتاری کے خلاف نعرے بازی کی،شرکاء نے ہاتھوں میں بینر اور پلے کارڈ اٹھا رکھے تھے جن پر ٹارگٹ کلنگ میں ملوث دہشت گردوں اور ان کی سرپرست صوبائی اور وفاقی حکومت کے خلاف نعرے درج تھے،اس موقع پر ایم ڈبلیوایم کے رہنما علامہ علی انور جعفری ، ثمر عباس زیدی اورعارف رضا نے شرکاء سے خطاب کیا۔

وحدت نیوز(حیدرآباد) مجلس وحدت مسلمین حیدرآباد ڈویژن کی جانب سے نورائی شریف میں عزاداری سید الشہداء کے خلاف جاری سازشوں اور کراچی میں علامہ عباس کمیلی کے فرزند علامہ علی اکبر کمیلی کے بہیمانہ قتل کے خلاف ہنگامی پریس کانفرنس کی گئی اور بعد اذاں حیدر آبادپریس کلب کے باہر احتجاجی مظاہرہ کیا گیا، جس میں ایم ڈبلیوایم کے مرکزی رہنمایعقوب حسینی ، صوبائی رہنما عالم کربلائی اورحیدر آبادڈویژن کے سیکریٹری جنرل علامہ امداد علی نسیمی اور علامہ گل حسن مرتضوی بھی موجود تھے پریس کانفرنس کرتے ہوئے رہنما ؤں کا کہنا تھا کہ نورائی شریف میں عرصہ 200 سال سے عزاداری ہو رہی ہے اور اس عزاداری کا روٹ پرمٹ نمبر883 ہے اور وہاں پر مسجدِ ثانئی زہرہؑ بنائی گئی ہے جس میں با جماعت نماز ادا کی جاتی ہے لیکن پچھلے کئی روز سے وہاں کے مقامی نام نہاد پیر غلام جیلانی لوگوں کو ہراساں کر رہے ہیں کہ اگر آپ لوگوں نے مسجد ثانئی زہرہؑ میں نماز اداکی تو آپ لوگوں کو جانی و مالی نقصان پہنچاؤں گا جب کہ مسجد کے احاطے میں واقع علمِ غازی عباس ؑ قائم ہے لیکن نام نہاد پیر غلام جیلانی نے اپنے غنڈوں کو وہاں پر بٹھا دیا ہے اور علم پاک پر قبضہ کر لیا ہے۔ہم نے علم پاک پر قبضے اور مسجد میں نماز نہ ادا کرنے کے خلاف سہری تھانے میں رپورٹ درج کروائی ہے لیکن ابھی تک پولیس کوئی بھی کاروائی کرنے سے قاصر ہے ۔

 

رہنماوں نے کہاکہ ہم ضلعی انتظامیہ سے مطالبہ کرتے ہیں کہ اس نام نہاد پیر کو فوری گرفتار کیا جائے اور علم پاک کا قبضہ ختم کرایا جائے ۔ مجلس وحدت مسلمین حیدرآباد علامہ عباس کمیلی کے صاحبزادے علی اکبر کمیلی کو شہید کئے جانے پر ہم پر زور مذمت کرتے ہیں اور قاتلوں کو فوری گرفتاری کا مطالبہ کرتے ہیں پریس کانفرنس کے بعد پریس کلب حیدرآباد پر مجلس وحدت مسلمین کی جانب سے احتجاجی مظاہرہ کیا گیا جس میں بڑی تعداد میں مومنین و مومنات نے شرکت کی اور مظاہرے میں شریک شرکاء نے انتظامیہ کے خلاف نعرے بازی کی اور حکومت سندھ سے مطالبہ کیا کہ نورائی شریف میں مسجد و علم پاک پر فوری قبضہ ختم کرایا جائے اور شہید علی اکبر کمیلی کے قاتلوں کو فوری گرفتار کیا جائے مظاہرے کی قیادت مولانا امداد علی نسیمی نے کی۔

وحدت نیوز(کراچی) مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری کی اپیل پر پیر کے روز ملک بھر میں فلسطینی عوام سے اظہار یکجہتی اور غاصب اسرائیل کے غزہ پر جاری انسنایت سوز مظالم کے خلاف ملک بھر میں یوم احتجاج منایا گیا ، ملک بھر کی طرح کراچی میں بھی مجلس وحدت مسلمین کراچی ڈویژن کے زیر اہتمام غزہ کے مظلومین کے ساتھ ہمدردی کے لئے احتجاجی مظاہرہ کراچی پریس کلب کے سامنے کیا گیا جس میں خواتین اور مردوں سمیت بچوں کی بڑی تعداد نے شرکت کی، مظاہرین نے ہاتھوں میں بینرز اور پلے کارڈز اٹھا رکھے تھے جن پر غزہ کے مظلوم عوام سے اظہار ہمدردی کے لئے نعرے اور جملے آویزاں تھے، شرکائے احتجاجی مظاہرہ نے سروں پر سرخ پٹیاں باندھ رکھی تھیں اور ہاتھوں میں فلسطینی پرچم بھی اٹھا رکھے تھے، شرکائے احتجاجی مظاہرہ غزہ پر ڈھائے جانے والی صیہونی مظالم کے خلاف نعرے بلند کر رہے تھے اور غزہ پر حالیہ اسرائیلی جارحیت کا ذمہ دار عالمی سامراج اور شیطان بزرگ امریکہ کو قرار دیتے ہوئے مردہ باد امریکہ اور اسرائیل نا منظور سمیت اقوام متحدہ اور او آئی سی سمیت عالمی انسانی حقوق کے اداروں کے خلاف زبردست نعرے بازی کر رہے تھے۔

 

مجلس وحدت مسلمین کراچی کے تحت منعقد ہونے والے احتجاجی مظاہرے میں مولانا باقر زیدی، علامہ مبشر رضا، سید علی حسین نقوی، مولانا علی انور جعفری، میثم عابدی، حسن ہاشمی سمیت دیگر عہدیداروں نے شرکت کی اور مظاہرین سے خطاب کرتے ہوئے کہا کہ فلسطینیوں کی مدد اور نصرت کرنا ہر مسلمان پر فرض ہے اور ہم فلسطینیوں کی مدد اس وقت تک کرتے رہیں گے جب تک مسلمانوں کا قبلہ اول بیت المقدس بازیاب نہیں کروا لیا جاتا، انہوں نے حالیہ دنوں غاصب اسرائیل کی جانب سے غزہ کے نہتے اور معصوم عوام پر جاری انسانیت سوز مظالم کی شدید الفاظ میں مذمت کرتے ہوئے عالمی اداروں اور بالخصوص اقوام متحدہ سے مطالبہ کیا کہ وہ غزہ پر اسرائیلی جارحیت کو رکوانے میں مثبت کردار ادا کریں ۔

 

مقررین کاکہنا تھا کہ مسلم ممالک کے حکمرانوں نے غزہ پر جاری اسرائیلی جارحیت کی مذمت کرنے کے بعد خواب غفلت اختیار کر لی ہے جس کی جتنی مذمت کی جائے کم ہے ، انہوں نے کہا کہ عرب مسلم ممالک جن میں ترکی سمیت دیگر شامل ہیں ایک طرف تو غاصب اسرائیل کے ساتھ تعلقات قائم کئے ہوئے ہیں تو دوسری جانب اپنے عوام کو بے وقوف بنانے کے لئے چند ملین ڈالروں کی امداد کا اعلان بھی کرتے ہوئے نظر آتے ہیں انہوں نے کہا کہ عالمی برادری سمیت مسلم ممالک اور عربوں کو دہرا معیار ختم کرنا ہو گا اور فلسطینیوں کی آزادی کے لئے سنجیدہ جدوجہد کرناہو گی۔

 

مقررین نے پاکستان کے عوام سے اپیل کی ہے کہ وہ رمضان المبارک کے آخری جمعہ جمعۃ الوداع کو یوم القدس کے طور پر مناتے ہوئے گھروں سے نکل آئیں اور یوم القدس کے لئے نکالی جانے والی فلسطینی حمایت کی احتجاجی ریلیوں میں شریک ہو کر عالمی سامراجی قوتوں امریکہ اور اس کی ناجائز اولاد اسرائیل کے خلاف سراپا احتجاج بن جائیں۔

وحدت نیوز(لاہور) کراچی میں جاری شیعہ نسل کشی کے خلاف مجلس وحدت مسلمین پنجاب کے زیراہتمام احتجاج اور ریلی نکالی گئی۔ لاہور میں پریس کلب کے سامنے ٹارگٹ کلنگ کے خلاف احتجاجی مظاہرہ کیا گیا۔ صوبائی سیکرٹری جنرل مجلس وحدت مسلمین پنجاب علامہ عبدالخالق اسدی نے ریلی کی قیادت کی۔ شرکا سے خطاب کرتے ہوئے علامہ عبدالخالق اسدی نے کہا کہ شیعہ قوم کے خون سے ہولی کھیلنے والوں کے انجام کا وقت آ پہنچا ہے حکومت کو چاہئے کہ دہشت گردوں کیخلاف سخت کارروائی کرے وگرنہ ایسا نہ ہو کہ پورا ملک کراچی کا منظر پیش کرنے لگے اور پھر دہشت گردوں کے ساتھ ساتھ حکومت کو بھی بھاگنے کا راستہ نظر نہ آئے۔

 

علامہ عبدالخالق اسدی نے کہا کہ یہ ملک ہمارے خون سے معرض وجود میں آیا ہے اور ہم ہی اپنے خون سے اس کی حفاظت کریں گے۔ انہوں نے کہا کہ حکومت نے مٹھی بھر دہشت گردوں کے سامنے سرنڈر کر کے اپنی نااہلی کا ثبوت دیا ہے، اگر شیعہ ٹارگٹ کلنگ نہ رکی تو حکمرانوں کو چلتا کریں گے، ہمیں اسلام کے قلعہ میں ایسے حکمران نہیں چاہیں جو شیر کی کھال پہن کر عوام کو دھوکا دے کر اقتدار کے ایوانوں میں گھس بیٹھے ہوں۔ ایم ڈبلیوایم لاہور کے سیکرٹری جنرل علامہ امتیاز کاظمی نے بھی احتجاجی ریلی سے خطاب کرتے ہوئے کہا کہ کراچی میں ہونے والی حالیہ دہشت گردی لمحہ فکریہ ہے اور اگر اس دہشت گردی کو روکنے کیلئے حکومت نے خاطر خواہ انتظامات نہ کئے تو یہ احتجاج گلی گلی کوچہ کوچہ سے ہوتا ہوا پورے ملک میں پھیل جائے گا۔

 

انہوں نے کہا کہ جب تک دہشت گردوں کو کیفر کردار تک نہیں پہنچایا جاتا شیعہ قوم سٹرکوں پر رہے گی۔ انہوں نے کہا کہ شہادت ہمارا ورثہ ہے ہم اپنے پیارے ملک پاکستان کو دہشت گردی کے ناسور سے ہر حال میں پاک کر کے رہیں گے۔ انہوں نے کہا کہ حکومت ان دہشت گردوں کو مزید مہلت نہ دے ورنہ حکومت خود اپنے آپ کو بچانے کیلئے راستے تلاش کرے گی اور دہشت گردوں کے ناپاک ہاتھوں سے خود کو کسی صورت بچا نہ سکیں گے۔ انہوں نے کہا کہ مٹھی بھر شرپسندوں نے ملک کو یرغمال بنا رکھا ہے، دہشت گردوں کو لگام دی جائے۔ انہوں نے کہ دہشت گردوں کے خلاف آپریشن کیا جائے اور ان کے ٹھکانوں کو مکمل طور پر تباہ کر دیا جائے۔ انہوں نے کہا کہ پنجاب میں جہاں بھی طالبان کی پناہ گاہیں ہیں ان کے خلاف بھی آپریشن کیا جائے۔

وحدت نیوز(ملتان) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری کی اپیل پر آج ملک بھر کی طرح ملتان میں بھی نماز جمعہ کے بعد چوک کمہارانوالہ پر کراچی میں جاری شیعہ ٹارگٹ کلنگ کے خلاف احتجاجی مظاہرہ کیا گیا۔ مظاہرے کی قیادت مجلس وحدت مسلمین ملتان کے سیکرٹری جنرل علامہ سید اقتدارحسین نقوی، علامہ قاضی نادرحسین علوی، علامہ محمد حسین مہدوی، علامہ غلام مصطفی انصاری، مولانا عمران ظفر، محمد عباس صدیقی اور دیگر نے کی۔ مظاہرین نے نمازجمعہ کے بعد چوک کمہارانوالہ کو دونوں طرف سے ٹریفک کے لیے بند کردیا اور شیعہ نسل کشی کے خلاف بھرپورنعرے بازی کی۔ مظاہرین نے بینرز، پلے کارڈز اور جھنڈے اُٹھا رکھے تھے۔ مظاہرین نے حکومت کے خلاف نعرے بازی کرتے ہوئے کہا کہ ہمارے صبر کا دامن اب لبریز ہورہا ہے اگر ہماری سیکیورٹی اور حقوق کو یقینی نہ بنایا گیا تو حالات کی ذمہ داری حکومت پر عائد ہوگی۔

 

مظاہرین سے خطاب کرتے ہوئے ایم ڈبلیو ایم ملتان کے سیکرٹری جنرل علامہ سید اقتدارحسین نقوی کا کہنا تھا کہ پاکستان کے حالات شام، بحرین اورلبنان کی طرح بنائے جارہے ہیں، دہشت گردوں کو لگام نہ دی گئی تو کوئی بھی محفوظ نہیں ہوگا۔ اُنہوں نے مزید کہا کہ پاکستان کو اندر سے کھوکھلا کیا جارہا ہے جو کہ غیرملکی سازش کا حصہ ہے۔ اُنہوں نے وزیرستان میں میجر جنرل کی شہادت کی شدید مذمت کرتے ہوئے کہا کہ حکومت ان دہشت گردوں کو تحفظ دے رہی ہے جو ملک کے کونے کونے میں پاک فوج، پولیس اور معصوم عوام کو شہید کررہی ہے۔ جب تک حکومت ان دہشت گردوں کے خلاف منظم کاروائی نہیں کرے کراچی سمیت پورا ملک جلتا رہے گا۔

Page 11 of 16

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree