وحدت نیوز(اٹلی) مجلس وحدت مسلمین کے مرکزی ڈپٹی سیکریٹری جنرل سید ناصرعباس شیرازی ایڈوکیٹ اور دیگر شیعہ لاپتہ افراد کی خلاف قانون اور آئین گرفتاریوں کے خلاف اٹلی میں شنگین ممالک کی فعال قومی شخصیات، مختلف قومی اداروں اور انجمنوں کے عہدیداران کا احتجاجی اجتماع  منعقد ہوا، جس سے مجلس وحدت مسلمین یورپ کے سابق سیکریٹری جنرل اور امام جمعہ پیرس علامہ سید انیس الحسنین شیرازی، بریشیاامامیہ اٹلی کے صدر اور ہدایت ٹی وی کے ڈائریکٹر سید سجاد حسین بخاری اور مقامی انجمن کے مسئول توقیر عباس نے خطاب کیا ، اس موقع پرمجلس وحدت مسلمین یونان کے سیکریٹری جنرل علامہ صفدر عباس صفدری سمیت اٹلی میں مقیم پاکستانیوں کی بڑی تعداد شریک تھی۔

 احتجاجی اجتماع سے خطاب کرتے ہوئے علامہ سید انیس الحسنین شیرازی نے کہا کہ پنجاب سمیت پاکستان کے مختلف شہروں سے شیعہ جوانوں بلخصوص ایم ڈبلیوایم کے رہنما سید ناصرشیراز ی ایڈوکیٹ کا ماورائے عدالت اغواء غیر آئینی اور غیر قانونی اقدام ہے، اعلیٰ عدلیہ تمام اسیران ملت جعفریہ کی فوری بازیابی کے لئے اقدامات کریں ، بصورت دیگر قائد وحدت علامہ راجہ ناصرعباس جعفری کے حکم پر یورپ گیر احتجاج کا سلسلہ کیا جائے گا۔

سید سجاد حسین بخاری نے کہاکہ یہاں اٹلی سے ہم حکومت پاکستان اور بلخصوص حکومت پنجاب کو پیغام دینا چاہتے ہیں کہ ملت جعفریہ کے خلاف ظلم وبربریت کا سلسلہ فوری طور پر بند کیا جائے، شیعہ جوانوں کی غیر قانونی گرفتاریاں کسی صورت قبول نہیں، اگر کوئی مجرم ہے تو اسے قانون کے مطابق عدالت میں پیش کیا جائے اور سزا دی جائے، پاکستان کے نا اہل حکمران ہمیں کسی راست اقدام پر مجبور ناکریں ۔

وحدت نیوز(اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے سوشل میڈیا ذرائع پر جاری اپنے ایک آڈیو پیغام میں ملت جعفریہ سے اپیل کی ہے کہ وہ چہلم امام حسین ؑ کے موقع پر ملک بھر سے جبری طور پر گمشدہ عزاداروں بالخصوص ایم ڈبلیوایم کےمرکزی ڈپٹی سیکریٹری جنرل سید ناصرعباس شیرازی ایڈوکیٹ کے پنجاب حکومت کے ہاتھوں اغواءکے خلاف مجالس عزاء اور مرکزی جلوس ہائے عزا میں بھرپور اور موثرصدائے احتجاج بلند کریں،انہوں نے اربعین حسینی ؑ کے موقع پر نجف ، کربلا، سامرہ ، کاظمین، قم ومشہد میں موجود زائرین سے بھی گذارش کی ہے کہ وہ مقامات مقدسہ پر پاکستان کے طول وعرض سے ریاستی اداروں کے ہاتھوں لاپتہ تمام عزاداروں خصوصاً مظلوموں کے حقوق کی جدوجہد میں مصروف شیعہ سنی اتحاد کے داعی اور مادر وطن کے باوفا بیٹے سید ناصرعباس شیرازی ایڈوکیٹ کی صحت وسلامتی اور فوری بازیابی کیلئے خصوصی دعائیں کریں ۔

وحدت نیوز(سکردو )  ملک بھر میں حکومتی ایماء پر سکیورٹی اداروں کے ہاتھوں ماورائے آئین و قانون درجنوں افراد کی جبری گمشدگی کے خلاف آواز بلند کرنے کے جرم میں مجلس وحدت مسلمین کے مرکزی رہنماء ناصر عباس شیرازی کے اغواء کے خلاف بلتستان بھر میں احتجاجی مظاہرے کیے گئے۔شیڈول فور کی آڑ میں ملک بھر میں جاری سیاسی انتقام اورعزاداروں کی جبری گمشدگی کے خلاف بلتستان میں روندو، گمبہ اسکردو،شگر، گول اور کھرمنگ میں احتجاجی مظاہرے ہوئے۔ مجلس وحدت مسلمین پاکستان اور امامیہ سٹوڈنٹس آرگنائزیشن بلتستان ڈویژن کے زیر اہتمام نکالی جانیوالی احتجاجی ریلی میں سینکڑوں افراد نے شرکت کی۔ شرکاء ریلی نے حکومت کے ظالمانہ اقدام ، مسلم لیگ نون، نواز شریف، شہباز شریف، رانا ثناء اللہ کے خلاف نعرے لگائے گئے اور ناصر شیرازی سمیت دیگر جبری طور پر گمشدہ افراد کی بازیابی کے لیے مطالبہ کیا گیا۔ یادگار شہداء اسکردو پر منعقدہ احتجاجی جلسے میں پاکستان تحریک انصاف، پاکستان پیپلز پارٹی، گلگت بلتستان یوتھ الائنس کے نمائندوں نے شرکت کی۔ یاد گار شہدا ء اسکردو پر منعقدہ احتجاجی جلسے سے سید الیاس موسوی، محمد دلشاد،فدا حسین، شیخ ذیشان، شیخ حسن جوہری اور شیخ احمد علی نوری نے خطاب کیا۔ مقررین نے اپنے خطاب میں کہا کہ پاکستان بھر سے بے گناہ درجنوں عزاداروں کی جبری گمشدگی افسوسناک اور انسانی حقوق کی سراسر خلاف ورزی ہے۔ حکومت جان بوجھ کر ملکی صورتحال خراب کرنا چاہ رہی ہے اور چاہتی ہے کہ ریاستی اداروں کا عوام کے ساتھ ٹکراو ہو۔ ریاستی اداروں کو معلوم ہونا چاہیے کہ ملت جعفریہ نے کبھی ریاست کو نقصان پہنچانے کی کوشش نہیں کی۔ ملک بھر میں ملت جعفریہ کو حب الوطنی کی سزا دی جا رہی ہے جبکہ کلعدم جماعتوں کے افراد دھندناتے پھر رہے ہیں۔

 

ان کا کہنا تھا کہ سانحہ آرمی پبلک سکول کی ذمہ داری قبول کرنے والے احسان اللہ احسان کو ہیرو بناکر پیش کرنے کی کوشش ہو رہی ہے جبکہ ملت جعفریہ کے بے گناہ رہنماوں اور عزاداروں میں لاپتہ کیا جا رہا ہے جو کہ انتہائی تکلیف دہ ہے۔ایم ڈبلیو ایم کے مرکزی رہنما ناصر عباس شیرازی کی بلاجواز گرفتاری پنجاب حکومت کی بوکھلاہٹ اور سکیورٹی اداروں میں نواز لیگ کی غیر معمولی مداخلت کا نتیجہ ہے۔ سکیورٹی اداروں کو ہوش کے ناخن لینا چاہیے اور ملک کو لوٹنے والے ان بدمعاش حکومتوں کی ایماء پر وطن کے باوفا بیٹوں کی حب الوطنی کو قدر کی نگاہ سے دیکھنا چاہیے۔  ملت جعفریہ کا کوئی فرد اگر ریاست کے خلاف سرگرم ہو تو عدالتوں میں ٹرائل کیا جائے بصورت دیگر یہ سراسر ناانصافی اور آئین پاکستان کی خلاف ورزی ہے۔ملت جعفریہ نے دہشتگردی کے خلاف سب سے زیادہ قربانیاں دینے کے باوجود بیلنس پالیسی کی خاطر یاکسی خاص طبقے کی خوشنودی کی خاطر عرصہ حیات تنگ کرنا افسوسناک ہے۔ احتجاجی مظاہرہ میں مطالبہ کیا کہ آرمی چیف اور چیف جسٹس آف پاکستان ملک بھر میں جاری گمشدگی کا نوٹس لے اور ملت جعفریہ کے تحفظات کو دور کرنے ، آئین و قانون کی بالادستی کو یقینی بنانے، ریاستی اداروں کو سیاسی انتقام کے لیے استعمال ہونے سے بچانے اور جمہوری و انسانی حقوق کی پامالی روکنے میں کردار ادا کریں۔

وحدت نیوز(لاہور) نماز جمعہ کے بعد لاہور پریس کلب کے سامنے مجلس وحدت مسلمین،جمعیت علمائے پاکستان نیازی اور اتحاد امت مصطفیٰ کے زیر اہتمام پنجاب کے وزیر قانون رانا ثنااللہ کا اعلیٰ عدلیہ کو مسلکی بنیادوں پر تقسیم کرنے اور ختم نبوتﷺ شق میں حکومتی شرمناک ترمیم کیخلاف مشترکہ احتجاجی مظاہرہ کیا گیا،مظاہرے میں بڑی تعداد میں لوگوں نے شرکت کی،مظاہرے کی قیادت جمعیت علمائے پاکستان کے رہنماوں پیر عثمان نوری،علامہ جاوید اکبر ثاقی،ڈاکٹرامجد چشتی،پیر اختررسول اور مجلس وحدت مسلمین کے رہنماوں اسد عباس نقوی،علامہ مبارک موسوی،علامہ حسن ہمدانی اور سید حسین زیدی نے کی۔

مظاہرین سے خطاب کرتے ہوئے ،جمعیت علمائے پاکستان کے رہنما پیر عثمان نوری نے کہا کہ پنجاب میں ن لیگ اپنے غیر ملکی آقاوں کی ایماء پر ایک خوفناک سازش میں مصروف ہیں،اس سازش کا مرکزی کردار رانا ثنااللہ ریاست کے اہم ستون اعلیٰ عدلیہ کو مسلکی بنیادوں پر تقسیم کرنے کا اعلان کر چکا ہے،اعلیٰ عدلیہ کے معزز ججوں کو اپنی گھناونے جرائم چھپانے کے لئے مسلکی بینادوں پر تقسیم کرنے والے ملک و قوم کے غدار ہیں،آج ن لیگ وہ وہ کام کررہی ہیں جو ہمارے دشمن کرنے میں ناکام رہے،ہم شیعہ سنی متحد ہیں اور فرقہ واریت پھیلانے والوں کیخلاف آخری حد تک جائیں گے،سانحہ ماڈل ٹاوُن کے قاتل دنیا اور آخرت دونوں میں نہیں بچ پائیں گے،ہم سپریم کورٹ اور مقتدر قوتوں سے مطالبہ کرتے ہیں کہ آپتیشن ردالفساد کا دائرہ کار پنجاب اسمبلی تک بڑھایا جائے،اور اسمبلی میں بیٹھے کالی بھیڑوں،دہشتگردوں کے سرپرستوں کو کٹہرے میں لایا جائے،جو اپنی بادشاہت کے لئے ملک میں بھائی سے بھائی کو لڑانے کی سازشوں میں مصروف ہے۔

مظاہرے سے علامہ جاوید اکبر ثاقی نے بھی خطاب کیا انہوں نے کہا نواسہ رسول ﷺ اور خاندان رسالت سے محبت مسلمانوں کے ایمان کاجز ہے،راناثنااللہ نے پنجاب کو ایک دفعہ پھر فرقہ واریت کی دلدل میں دھکیلنے کی کوشش کی ہے،اگر اس مفسد شخص کیخلاف کاروائی نہ کی گئی تو ملک گیر احتجاجی مظاہروں کا اعلان کرینگے،انہوں نے کہا ہماری جانیں فدا ہوں سرکار دوعالم ﷺ پر ختم نبوت قانون میں تبدیلی کرنے والے وزیر کو برطرف کر دیا جائے،اور اسے تاحیات کے لئے نااہل قرار دیا جائے۔

احتجاجی مظاہرے سے مجلس وحدت مسلمین پنجاب کے سیکرٹری جنرل علامہ مبارک موسوی نے بھی خطاب کیا، انہوں نے کہا کہ افسوس کی بات یہ ہے کہ آج حکمرانوں کو چاہیئے تھا کہ مذہبی ہم آہنگی کے لئے کردار اداکرے لیکن آج پنجاب کے نام نہاد وزیر قانون نے خود قانون کو ہاتھ میں لے لیا اور صوبے میں فرقہ پرستوں کو یہ باور کرایا کہ تم فرقہ واریت پھیلاو ہم سرپرستی کے لئے تیار ہے،اعلیٰ عدلیہ کو تقسیم کرنا ملک سے بغاوت ہے،لیکن یہاں جنگل کا قانون نافذ ہے،چودہ معصوموں کے قاتل اورعدلیہ اور قومی اداروں کیخلاف ہرزہ سرائی کرنے والے اس بدمعاش شخص کو کوئی لگام دینے والا نہیں،رانا ثنااللہ یہ یاد رکھیں جب فرعون ،نمرود اور یزید جیسے ظالم نہیں رہے تو تم اور تمھاری لیگی حکومت بھی بہت جلد اپنے انجام کو پہنچ جائیں گے،دنیا وی قانون اور عدالت خداوندی سے اب کوئی طاقت تمہیں بچانہیں سکے گا،ہم جناح اور اقبال کے پاکستان کو شدت پسندوں کے سرپرستوں کے ہاتھوں یرغمال نہیں ہونے دینگے،انشااللہ ملک دشمنوں کیخلاف ہر فورم آواز بلند کرتے رہیں گے۔لاہور پریس کلب کے سامنے مظاہرین حکومت اور راناثنااللہ کے خلاف نعرہ بازی کرتے رہے،بعد میں پرامن طور پر منتشر ہوگئے۔

وحدت نیوز(حیدرآباد) مجلس وحدت مسلمین  ضلع حیدرآباد کی جانب سے ضلعی سیکریٹری جنرل  ایڈوکیٹ رحمان رضا عباسی،  سید صفدر عباس عابدی، ترجمان علامہ گل حسن مرتضوی اور سیکریٹری نشرواشاعت عابد علی قریشی کی قیادت میں لاپتہ شیعہ علماءوجوانوں کی بازیابی اور علامہ حسن ظفر نقوی صاحب کی جیل بھرو مہم کی حمایت میں قدم گاھ مولا علی پر بعد نماز جمعہ بھرپور احتجاج کیا گیا۔ مقررین نے کہا کہ  ہم لاپتہ کئے گئے عزاداران کی بازیابی کے لئیے جدوجہد کرنے والے مرد مجاھد علامہ حسن ظفر نقوی کے ساتھ ہیں اور حکم ملنے پر حیدرآباد کے مومنین بھی عزاداران امام کی بازیابی کی خاطر اپنی گرفتاری کے لئیے تیار ہیں۔

وحدت نیوز(لاہور) پنجاب کے متعصب وزیر قانون رانا ثنااللہ کا مسلکی بنیاد پر لاہور اعلیٰ عدلیہ کے معزز ججز کو تقسیم کرنے اور ملک میں فرقہ واریت کو ہوا دینے کی سازش کیخلاف شیعہ سنی علماء و اکابرین آج بعد از نماز جمعہ سہ پہر چاربجے لاہور پریس کلب کے سامنے احتجاجی مظاہرہ کرینگے،مجلس وحدت مسلمین لاہور کے سیکرٹری جنرل علامہ حسن ہمدانی نے کہا ہے کہ پاکستان میں بسنے والے شیعہ سنی متحد ہیں،شدت پسندوں کے سرپرست رانا ثنااللہ قومی مجرم ہے،جو اداروں کو تقسیم کرکے پاکستان کو کمزور کرنے کی سازش کررہا ہے،یہ شخص کبھی پاک فوج کیخلاف ہرزہ سرائی کرتا ہے تو کبھی عدلیہ کو نشانہ بناتا ہے،ہم ایسے ملک دشمنوں کو قانون کے گرفت میں لانے تک جدو جہد جاری رکھیں گے،جمعیت علمائے پاکستان نیازی کے رہنما ڈاکٹر امجد چشتی نے کہا کہ پاکستان میں شیعہ سنی کے نام پر تقسیم پیدا کرنے والے انڈیا اور مودی کی زبان بول رہے ہیں،رانا ثنااللہ سانحہ ماڈل ٹاون کے شہداء کا قاتل ہے،ہم اسے محب وطن پاکستانیوں کو تقسیم کرنے اور فرقہ واریت پھیلانے کی اجازت نہیں دینگے،انشااللہ ایسے ملکدشمن عناصر کیخلاف ہر فورم پر آواز بلند کرتے رہیں گے۔

Page 8 of 42

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree