وحدت نیوز(لاہور) مجلس وحدت مسلمین شعبہ خواتین ضلع لاھور کی جانب سے دسترخوان امام حسن ع کا اہتمام، لوگوں کی کثیر تعدار نے شرکت کی ۔تفصیلات کے مطابق مجلس وحدت مسلمین شعبہ خواتین ضلع لاھور کی جانب سے پندرہ رمضان المبارک کوروزولادت امام حسن مجتبی ع کے موقع پر ایئرپورٹ روڈ لاھور میں وسیع دسترخوان امام حسن مجتبی ع کا اھتمام کیا گیا جس میں بلا تفریق مذہب و مسلک روزے داروں کی کثیر تعداد نے افطارکیا۔ روزہ داروں نےولادت امام حسن ع پر ایک دوسرے کو مبارکباد دی اور اس کار خیر اور بین المسالک اتحاد کی فضا قائم رکھنے کے عمل کو سراہا۔

وحدت نیوز (کراچی) مجلس وحدت مسلمین پاکستان صوبہ سندھ کے نومنتخب سیکریٹری جنرل علامہ سید باقرعباس زیدی نے پہلے مرحلے میں ایم ڈبلیوایم صوبہ سندھ کی 10رکنی کابینہ کے ناموں کا اعلان کردیا۔صوبائی سیکریٹریٹ سے جاری اعلامیہ کے مطابق علامہ باقرعباس زیدی نے ایم ڈبلیوایم کی صوبائی کابینہ میں علامہ رضا محمد سعیدی ، سید علی حسین نقوی ، یعقوب حسینی کو ڈپٹی سیکریٹری جنرل ، سید علی احمر زیدی کو سیکریٹری اطلاعات (میڈیا )،صابرکربلائی کو سیکریٹری شماریات، سید فرمان علی شاہ کو سیکریٹری تعلیم (اعزازی)، علامہ نقی حیدری کو سیکریٹری امور تبلیغات،منور جعفری کو سیکریٹری تنظیم سازی، ظہیر حیدر زیدی کو سیکریٹری خیرالعمل ویلفیئر اینڈ ڈیویلپمنٹ ٹرسٹ (شعبہ فلاح بہبود)،ارشداللہ مکتبی کو آفس سیکریٹری جبکہ ناصرالحسینی کو معاون آفس سیکریٹری نامزد کیا ہے ۔

واضح رہے کہ علامہ سید باقرعباس زیدی 5مئی کو کراچی میں منعقدہ مجلس وحدت مسلمین صوبہ سندھ کےتنظیمی کنونشن میں اراکین شوریٰ کی کثرت رائے سے ایم ڈبلیوایم صوبہ سندھ کے آئندہ تین سال کیلئے سیکریٹری جنرل منتخب ہوئے تھے۔ سیکریٹری جنرل منتخب ہونے کے بعد آج انہوں نے پہلے مرحلے میں اپنی صوبائی کابینہ کے 10اراکین کے ناموں کا اعلان کردیا ہے ۔

وحدت نیوز(اسلام آباد) ایم ڈبلیوایم، آئی ایس او ،ملی یکجہتی کونسل اور شیعہ علماءکونسل کا اسلام آباد میں اس سال مشترکہ مرکزی القدس ریلی نکالنے کا اعلان ۔مجلس وحدت مسلمین ضلع راولپنڈی،اسلام آباد اور امامیہ اسٹوڈنٹس آرگنائزیشن راولپنڈی ڈویثرن کایوم القدس کے حوالے سے مشترکہ اجلاس آج ایم ڈبلیوایم کے مرکزی سیکرٹریٹ میں منعقد کیا گیا ۔جس میں القدس کمیٹی کا قیام عمل میں لایاگیا ۔اجلاس میں ایم ڈبلیو ایم اور امامیہ اسٹوڈنٹس آرگنائزیشن کےدرمیان مشترکہ ورکنگ کمیٹی بنائی گئی۔

اجلاس میں یہ بھی فیصلہ کیا گیا کہ ریلی اپنے پرانے روٹ امام بارگاہ جی سکس ٹو سے نکالی جائے گی جو اپنے مقررہ روٹ پر جائے گی اور اس کا اختتام ڈی چوک پر ہو گا۔جہاں پر مرکزی خطابات ہونگے ۔اجلاس کے اختتام پر یہ باہمی مشاورت سے یہ فیصلہ کیا گیا کہ اسلام آباد میں عالمی یوم القدس ریلی ملی یکجہتی کونسل کے زیراہتمام منعقد ہوگی جس میں شیعہ علما کونسل سمیت دیگر جماعتیں بھی شرکت کرینگے ۔

 اجلاس میں تنظیمی برادران نے بھر پور شرکت کی ۔ اسی ہفتے یوم القدس کے حوالے سے دعوتی عمل شروع کردیا جائے گا ۔تمام انجمنوں ،ٹرسٹیز، بانیاں مجالس و امام بارگاہ ، آئمہ جمعہ جماعات اور مدارس کے علماء اور طلباء کو عالمی یوم القدس ریلی میں باقاعدہ دعوت دی جائے گی ۔

وحدت نیوز (گلگت)  پرائمری سکول گوچ پر بااثر اساتذہ کا قبضہ ، چیف سیکرٹری کے احکامات ٹھاہ۔ گائوں کے عوام اپنے چھوٹے بچوں کو بھاری کرایے اداکرکے دوسرے علاقوں میں بھیجنے پر مجبور۔محکمہ ایجوکیشن کے ذمہ داران نوٹس لیں۔مجلس وحدت مسلمین گلگت بلتستان کے ترجمان محمد الیاس صدیقی نے گوچ کے نمائندگان سے ملاقات کے دوران اس امر پر سخت افسوس کا اظہار کیا کہ پرائمری سکول گوچ کے دروازے چند بااثر اساتذہ نے بند کردیئے ہیں۔

انہوں نے کہا کہ محکمہ ایجوکیشن کے ذمہ داران پرائمری سکول گوچ کو کھلوانے کا بندوبست کریں تاکہ گائوں کے بچے بنیادی تعلیم سے محروم نہ ہوسکیں۔سکول بند ہونے کی وجہ سے علاقے کے عوام اپنے بچوں کو ٹرانسپورٹ کے بھاری کرایے ادا کرکے رحیم آباد بھیجنے پر مجبور ہیں جو کہ اس گائوں کے عوام کیساتھ انتہائی زیادتی ہے۔

انہوں نے کہا کہ چیف سیکرٹری کے واضح احکامات کے باوجودچند بااثر افراد نے ملی بھگت سے بچوں کو بنیادی تعلیم اپنے گائوں میں حاصل کرنے سے محروم کردیا ہے۔ستم ظریفی یہ ہے کہ مذکورہ گائوں میں اعلیٰ تعلیم یافتہ افراد کی موجودگی کے باوجود دیگر علاقوں سے مذکورہ سکول کے نام پر اساتذہ بھرتی ہوئے ہیں لیکن آفیسران بالا سے ساز باز کرکے اپنی ٹرانفسری کروادیتے ہیں اور سکول ہٰذا میں کوئی معلم ڈیوٹی دینے کو تیار نہیں۔حکام بالا اس زیادتی کا نوٹس لیں اور گوچ میں بچوں کو پرائمری تک تعلیم حاصل کرنے کے مواقع فراہم کریں۔

وحدت نیوز(شکارپور) مرکز تبلیغات اسلامی کے زیراہتمام جشن میلاد امام حسن مجتبی ع کے سلسلے کربلا معلی امام بارگاہ شکار پور میں تقریب جشن کا انعقاد۔مجلس وحدت مسلمین پاکستان کے مرکزی رہنما علامہ مقصود علی ڈومکی ،آغا سیف علی ڈومکی اور مولانا حسن رضا غدیری کا خطاب ۔تقریب کے مہمان خاص شکارپور بچاو تحریک کے چیئرمین میاں ظفر علوی ،قومی عوامی تحریک کے ضلعی صدر زاھد علی بھنبھرو، مجلس وحدت مسلمین کے رہنما اصغر علی سیٹھار، نظام دین برڑو، وارثان شھداء کمیٹی کے رہنما سکندر علی دل، وارثان شہداء اور شیعہ علماء کونسل کے ضلعی صدر علی احمد برڑو کی خصوصی شرکت۔

تقریب سے خطاب کرتے ہوئے علامہ مقصود علی ڈومکی نے کہاہے کہ امام حسن مجتبی ع کو کریم آل محمد کہا جاتا ہے۔ آپ انتہائی صابر اور سخی و کرم کا پیکر تھے۔ آپ ع نے اپنے کریمانہ اخلاق سے دشمنوں کے دل فتح کئے۔ یہ بھی حقیقت ہے کہ دشمن نے آل محمد کے خلاف تلوار اٹھائی نیزے اٹھائے مگر آل محمد کا کردار اتنا بے عیب اور بے داغ رہا کہ کوئی ان پر انگلی نہ اٹھا سکا۔ ہم اہل بیت پیغمبر کے نقش قدم پر چل کر دنیا و آخرت میں سرخ رو ہو سکتے ہیں۔اس موقعہ پر معزز مہمانوں کو قرآن کریم کا ھدیہ پیش کیا گیا۔

وحدت نیوز(آرٹیکل) یہ کوئی پہلی دفعہ نہیں کی امریکہ ایران تنازعہ نے سر اٹھایا ہو، انقلاب اسلامی ایران کے بعد ہر سال یہ تنازعہ مختلف صورتوں میں رونما ہوتا رہا ہے اور اس کا انجام امریکہ اور اس کے اتحادیوں کی شکست پر تمام ہوتا ہے۔حقیقت یہ ہے کہ امریکہ اور عالمی طاقتیں کبھی یہ نہیں چاہتیں کہ کوئی ملک خصوصا اسلامی ممالک خودمختار ہو جو عالمی طاقتوں کی غلطیوں کی نشاندہی کرے، اور ظلم و ناانصافی کے خلاف آواز بلند کرے۔

 لہذا انقلاب اسلامی ایران کے بعد نظریہ انقلاب امریکہ و اسرائیل اور ان کے حواریوں کے لئے بہت بڑا چیلنج بن گیا۔ انقلاب دشمنوں کی صبر کا پیمانہ کچھ مہینے پہلے لبریز ہوا جب ایران نے انقلاب کی چالیسویں سالگرہ منائی اور ان کی تمام تر پیشنگوئیوں کو شرمندہ تعبیر کیا۔کچھ دنوں پہلے امریکہ نے ایرانی افواج پاسداران انقلاب کو بلیک لسٹ قرار دیا جس کے جواب میں ایران نے امریکی سنٹرل کمانڈ کو بھی دہشت گرد تنظیم قرار دیا، یوں امریکہ ایران تنازع نے ایک دفعہ پھر سر اٹھایا ہے۔

یاد رہے امریکی سنٹرل کمانڈ انقلاب اسلامی کے بعد وجود میں آیا ہے اور اس کی جغرافیائی اسٹریکچر اسرائیل کے گرد گومتی ہے یعنی اس کے بنانے کا مقصد ایران سے کسی بھی ممکنہ خطرے سے اسرائیل اور امریکی مفادات کی تحفظ کرنا ہے۔ اس کے علاوہ افغانستان، عراق جنگ سے لیکر مشرق وسطی، افریقہ اور ایشیاء میں جتنی بدامنی و انارکی پھیلتی ہے یہ سب اسی کمانڈ سنٹر سے کنٹرول ہوتا ہے۔امریکہ مختلف حیلوں بہانوں سے ایران پر دباء ڈالنا چاہتا تھا تاکہ ایران پریشر میں آکر کسی حد تک امریکہ کو تسلیم کرے لیکن ایسا نہیں ہوپایا۔ بلکہ برعکس ایران کی طاقت میں دن بہ دن اضافہ ہوتا گیا اور انقلاب کی چالیسویں سالگرہ کے ساتھ ساتھ عراق، شام، فلسطین، لبنان کے محازوں پر بھی امریکہ اسرائیل کو شکست دینے کا جشن منایا جس نے امریکی شکست اور بے بسی کو ساری دنیا کے سامنے واضح کیا۔

اب امریکہ دوبارہ اپنے جھوٹے دعوں کو سچ ثابت کرنے اور ایران کو محکوم کرنے کے لئے میدان میں کود پڑا ہے جس کا مقدمہ پاسداران انقلاب کو بلیک لیسٹ کرنے کے بعد عرب امارات کی بندرگاہ فجیرہ پر حملہ اور عراق سے اپنے تمام باشندوں کو انخلاء کا حکم، ایران کی طرف سے عراق میں امریکیوں پر ممکنہ حملے کے خدشہ کو ظاہر کرنا ہے۔ متحدہ عرب امارات کی بندرگاہ فجیرہ پر چار جھازوں میں تخریب کاری کی کوشش کی گئی جن میں سے دو تیل بردار جہازوں کو شدید نقصان پہنچا اور یہ دونوں جہازیں سعودی عرب کی تھیں۔ کہتے ہیں کہ تخریب کاری کی یہ کوشش بھی امریکہ کی طرف سے بنایا گیا منصوبہ تھا تاکہ ایران کے خلاف اس کے دعوں کو سچ ثابت کر سکیں مگر ابھی تک اس کو کوئی خاطر خواہ کامیابی نہیں ملی ہے۔

امریکہ زبانی حد تک تو ایران سے جنگ کرتا ہے مگر حقیقی میدان میں وہ ایران کے ساتھ دو بہ دو جنگ کو تیار نہیں ہے کیونکہ وہ جانتا ہے، جب انقلاب اسلامی نومولد تھا اور اُس نے آٹھہ سالہ عراق جنگ مسلط کیا تھا تب ایران کو شکست نہیں دے سکے تھے۔ ابھی تو ایران ایک ناقبل تسخیر طاقت بن چکی ہے جس کی میزائیلوں کی رینج میں امریکہ کا قلب اسرائیل موجود ہے اور کسی بھی امریکی جارحیت کا خمیازہ اسرائیل کو اٹھانا پڑے گا۔ لہذا کہتے ہیں کہ لوہا لوہے کو کاٹتا ہے بلکل اسی طرح امریکہ نے مسلمانوں کو مسلمانوں کے خلاف کھڑا کر دیا ہے اوراسی لئے ایک دفعہ پھر سعودی عرب اور امارات کو آگے کیا ہے جس نے اپنی بادشاہت کی خاطر امریکہ و اسرائیلی غلامی کو قبول کیا ہوا ہے اور عالم اسلام میں اس وقت جو مشکلات ہیں ان کی اسی فیصد جڑیں انہیں ممالک سے ملتی ہیں۔

متحدہ عرب امارات میں سعودی جہازوں کو نشانہ بنانے کا مقصد بھی یہی تھا کہ اسلامی ممالک کو ایران کے روبرو کھڑی کریں { واضح رہے کی ایران نے سعودی جہازوں کو نشانہ بنانے کی مذمت کی ہے اور اس تخریب کاری کی مخالفت کی ہے} اور خود جنگی طبل بجا کر پیچھے ہٹ جائے، لیکن اس میں ابھی تک امریکہ کامیاب ہوتا نظر نہیں آتا ہے۔ بلکہ امریکہ کی طرف سے ان تمام تر جنگی خطرات کا ایران کے سپریم لیڈر آیت اللہ خامنہٰ ی نے صرف دو جملوں میں جواب دیا کہ " جنگ نہیں ہوگی اور مذاکرات ہم نہیں کرینگے"۔

دوسری طرف امریکی بے بسی کا یہ عالم ہے کہ وہ کبھی جنگ کی دھمکی دیتا ہے تو تو کبھی تردید کرتا ہے، کبھی حملے کی بات کرتا ہے تو کھبی ٹرمپ اپنا فون نمبر دیتا ہے کہ ایرانوں سے کہیں وہ ان سے بات کریں۔ان سب کے باوجود میری نظر میں ابھی ایک خطرہ موجود ہے اور وہ سعودی اور عرب امارات کے خائن و بے وقوف حکمرانوں کی جانب سے ہے جو امریکی اور اسرائیلی باتوں کو کسی بھی چوں چرا کے بغیر تسلیم کرتے ہیں، کہیں ان کی مشوروں میں آکر مسلمان ممالک کو پھر کسی مشکلات سے دوچار نہ کر دیں۔

ابھی فجیرہ تخریب کاری کو گزرے کئی دن ہوئے ہیں اور کل واشنگٹن کی طرف سے بن سلمان کو کال کی جاتی ہے اور ایک گھنٹے کی طویل گفتگو کے بعد ان کو یاد آتا ہے کہ فجیرہ حملے اور یمنی ڈرون حملے کے حوالے سے عرب سربراہان کی ایمرجنسی میٹینگ ہونی چاہئے اور اس حملے کے حوالے سے لاحہ عمل طے ہونا چاہئے یعنی ایران کے خلاف ایک نئے محاز کا آغاز کرنا چاہئے۔ اگر یہاں پر اسلامی ممالک نے ذاتی مفادات کو بالائی طاق رکھ کر اسلام اور مسلمانوں کی نہیں سوچی تو ایک نئے فتنہ کا آغاز ہوسکتا ہے، لیکن اگر مدبرانہ اور مخلصانہ فیصلہ کیا گیا تو امریکہ کی شکست لازمی ہے۔ لہٰذا اب کچھ دن مزید انتظار کریں اور دیکھیں کہ حالات کہا تک پہنچتے ہیں اور عرب سربراہان کیا گل کھلاتے ہیں۔

 تحریر: ناصر رینگچن

Page 3 of 1294

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree