وحدت نیوز(کراچی) مجلس وحدت مسلمین پاکستان کے زیر اہتمام 7 اگست کو اسلام آباد میں ہونے والے تاریخی قومی اجتماع میں شرکت کیلئے ہزاروں کارکنان و عوام پر مشتمل کراچی ڈویژن کا قافلہ جمعہ کو روانہ ہوگا۔ تفصیلات کے مطابق مجلس وحدت مسلمین پاکستان کے زیر اہتمام 7 اگست کو شہید قائد علامہ عارف حسین کی برسی کے سلسلہ میں تاریخی قومی اجتماع "تحفظ پاکستان کانفرنس" کا انعقاد اسلام آباد میں کیا جا رہا ہے، جس میں ملک بھر سے ایک لاکھ سے زائد افراد شریک ہونگے۔ تحفظ پاکستان کانفرنس میں شرکت کیلئے علامہ نشان حیدر کی سربراہ میں ہزاروں کارکنان و افراد پر مشتمل ایم ڈبلیو ایم کراچی کا قافلہ جمعہ کو روانہ ہوگا۔ اس حوالے سے انتظامات کو حتمی شکل دے دی گئی ہے۔ انتظامی امور کے حوالے سے وحدت ہاو ¿س کراچی میں ہونے والے ایک اجلاس سے خطاب میں علامہ نشان حیدر نے سندھ حکومت سے مطالبہ کیا کہ وہ اسلام آباد میںہونے والی تحفظ پاکستان کانفرنس میں شرکت کیلئے کراچی سمیت سندھ بھر سے جانے والے قافلوں کو فول پروف سیکیورٹی کی فراہمی کو یقینی بنائیں۔ انہون نے کہا کہ شہید قائد حسینی مسالک کے مابین اتحاد و یگانگت اور وطن کے استحکام کی علامت تھے، مجلس وحدت مسلمین انہی کے مشن کو لے کر آ گے بڑھ رہی ہے۔

وحدت نیوز(کراچی) مجلس وحدت مسلمین پاکستان کے زیراہتمام 7 اگست کو اسلام آباد میں شہید قائد علامہ عارف حسین الحسینی کی برسی کے موقع پر تاریخی قومی اجتماع کے حوالے سے ملک بھر کی طرح کراچی میں بھی بھرپور عوامی رابطہ مہم کا آغاز کر دیا ہے۔ تفصیلات کے مطابق ایم ڈبلیو ایم کراچی کی جانب سے اسلام آباد میں 7 اگست کو ہونے والے تاریخی قومی اجتماع کے حوالے سے شہر کے مختلف علاقوں میں عوامی رابطہ مہم کے سلسلے میں کارنر میٹنگز اور اجلاس منعقد کئے گئے، جن سے علامہ نشان حیدر ساجدی، علامہ علی انور،علامہ مبشر حسن، علامہ صادق جعفری،میثم عابدی و دیگر نے خطاب کرتے ہوئے 7 اگست کو اسلام آباد میں منعقد ہونے والے تاریخی قومی اجتماع بمناسبت برسی شہید قائد عارف حسین الحسینی پر تفصیلی گفتگو کی۔ انہوں نے بتایا کہ اسلام آباد میں منعقدہ قومی اجتماع میں کراچی سے بھی ہزاروں کی تعداد کارکنان و عوام شریک ہونگے، یہ قومی اجتماع اسلام آباد کی تاریخ کا سب سے بڑا اجتماع ثابت ہو گا۔ رہنماؤں کا کہنا تھا کہ 7 اگست کا قومی اجتماع ملک سے دہشتگردی اور تکفیریت کے خاتمے کے حوالے اہم سنگ میل ثابت ہوگا، قومی اجتماع میں ملک بھر سے شریک ہونے والے لاکھوں مرد و خواتین ملک کو حقیقی معنوں میں قائد و اقبال کا پاکستان بنانے کیلئے شہید قائد علامہ عارف حسین الحسینی سے تجدید عہد کرینگے۔ رہنماؤں نے کہا کہ علامہ عارف حسینی کی آواز پاکستان میں عالمی استعمار و طاغوت اور نے نمک خوار ایجنٹوں کے خلاف جرات مندانہ للکار تھی، ہم بھی اپنے اس عظیم قائد کے مشن کو پوری ذمہ داری کے ساتھ آگے بڑھاتے ہوئے اس پر گامزن رہیں گے۔ انہوں نے مزید کہا کہ علامہ عارف حسینی وحدت و اخوت کے حقیقی داعی تھے، آپ ملک میں شیعہ سنی اتحاد واخوت کے داعی تھے، جس ک خاطر آپ نے اپنی جان کا نذرانہ دینے سے بھی درغ نہیں کیا، آپ کی ساری زندگی اسلام کی سربلندی اور وطن عزیز کے استحکام کی جدوجہد میں گزری۔ رہنماؤں کا کہنا تھا کہ اگر نواز حکومت نے ہوش کے ناخن نہ لئے اور دہشتگردی کی سرپرستی اور حمایت پر مبنی پالیسیاں ختم نہیں کیں تو نواز حکومت کو تاریخ کا حصہ بنا دیا جائیگا۔ کراچی سے ہزاروں کی تعداد میں کارکنان و عوام کی شرکت کے پیش نظر ایم ڈبلیو ایم نے انتظامی حوالے سے مختلف کمیٹیاں تشکیل دے دی ہیں اور سندھ حکومت سے مطالبہ کیا ہے کہ کراچی سمیت سندھ بھر سے جانے والے قافلوں کی سیکورٹی کیلئے فول پروف انتظامات کو یقینی بنایا جائے۔

وحدت نیوز(اسلام آباد) مجلس وحدت مسلمین پاکستان شعبہ خواتین کی مرکزی کمیٹی کا اجلاس محترمہ سیدہ زہراء نقوی مرکزی سیکرٹری جنرل مجلس وحدت مسلمین پاکستان شعبہ خواتین کی صدارت میں منعقد ہو ا جس میں مرکزی کمیٹی کے دیگرتین ممبران مرکزی ڈپٹی سیکرٹری جنرل جناب علامہ سید احمد اقبال رضوی اور جناب برادر ناصر شیرازی مرکزی ڈپٹی سیکرٹری جنرل مجلس وحدت مسلمین پاکستان نے بھی شرکت کی ۔ اس اجلاس میں ایم ڈبلیو ایم شعبہ خواتین کی نئی مرکزی کا بینہ کی تشکیل کا اعلان کیا گیا ۔ اس کے علاوہ اس اجلاس میں 7 اگست کو قائد شہید ؒ کی برسی کے حوالے سے خواہران کی شرکت اور دیگر امورپر غور کیا گیا ۔اس موقعہ پر محترمہ خواہرسیدہ زہراء نقوی مرکزی سیکرٹری جنرل مجلس وحدت مسلمین پاکستان شعبہ خواتین نے اس عزم اظہار کیا کہ 7 اگست کو تمام خواہران اپنے مردوں کے شانہ بشانہ تحفظ پاکستان کانفرنس میں بھرپور انداز میں شرکت کریں گی۔

 انہوں  نےمزید کہا کہ نئی مرکزی کابینہ 3 ماہ کےلئے تشکیل پائی ہے تاکہ خواہران اپنے اپنے شعبہ میں فعال کردارادا کریں اور اگلے مرحلے میں باقاعدہ ایک نئی کابینہ کا انتخاب عمل میں لایا جائے گا ۔اور اس نئی کابینہ کی حلف برداری کی تقریب بھی منعقد کی جائے گی ۔ جن خواہران کا اس نئی کابینہ میں انتخاب عمل میں لایا گیا ہے ان کے اسماء گرامی اور ذمہ داریاں درج ذیل ہیں ۔  جنرل،محترمہ خواہر نرجس نقوی صاحبہ کو سیکرٹری تربیت ،محترمہ خواہر فرحانہ گلزیب صاحبہ کوفلاح و بہبود ، محترمہ خواہر طیبہ اعجاز صاحبہ کو سیکرٹری مالیات ،محترمہ خواہر زہراء جبین صاحبہ کو سیکرٹری میڈیا سیل ،خواہر لبنی کاظمی سیکرٹری شماریات،محترمہ خواہر سیماب صاحبہ کومسئوول گائیڈ، اور محترمہ خواہر قمرالنساء کو سیکرٹری تنظیم سازی کے طور نامزد کیا گیا ہے ۔

اس اجلاس سے علامہ سید احمداقبال رضوی اور برادر ناصر عباس شیرازی نے بھی خطاب کیا اور کہا کہ جن خواہران کا آج انتخاب عمل میں آیا ہے ان سے یہی توقع ہے کہ وہ اپنے اپنے شعبے میں فعال کردارادا کریں اور 7 اگست کے پروگرام اور تحفظ پاکستان کانفرنس میں خواہران کی بھرپور شرکت کو یقینی بنائیں ہمیں امید ہے کہ خواہران اس سلسلے میں اپنے اپنے علاقوں میں ایک دوسرے کے ساتھ مکمل تعاون کریں گیں ۔آج کا انتخاب درحقیقت ایک آزمائشی انتخاب ہے لہذا خواہران سے یہی توقع ہے کہ وہ پہلے مرحلے میں بھرپور انداز سے فعالیت انجام دیں اور اپنے آپ کو ثابت کریں کہ واقعاً ایک عورت کس طرح بہترین مربی ہو سکتی ہے ۔اللہ تعالیٰ ہمارے ہر عمل کو با اخلاص بنائے اور ہمیں ہرحال میں کامیابی و کامرانی نصیب فرمائے ۔ اجلاس کے آخر میں قائد وحدت کی صحت و سلامتی اور کامیابی کےلئے دعا بھی کی گئی

وحدت نیوز(لاہور) مجلس وحدت مسلمین کے صوبائی سیکرٹریٹ لاہور میں لاہور،فیصل آباد اور ساہیوال ڈویژن کے اضلاع کے سیکرٹری جنرلز کا اجلاس ،اجلاس کی صدارت مرکزی رہنما علامہ مبارک الموسوی نے کی اجلاس میں پنجاب میں حکومتی انتقامی کاروائیوں سمیت 7 اگست کو اسلام آباد میں منعقدہ قومی اجتماع برسی شہیدقائد عارف حسین الحسینی پر تفصیلی گفتگو کی،اسلام آباد میں منعقدہ قومی اجتماع ہزاروں کی تعداد میں پنجاب سے کارکنان شریک ہونگے،یہ قومی اجتماع اسلام آباد کی تاریخ کا سب سے بڑا اجتماع ثابت ہو گا،اجلاس سے خطاب کرتے ہوئے علامہ مبارک الموسوی نے کہا کہ پنجاب میں بے گناہوں کی گرفتاری عزاداری سید شہداء ؑ کے راستے میں رکاوٹیں ہم کسی بھی صورت برداشت نہیں کریں گے،ملت جعفریہ نے ہمیشہ ملکی سالمیت اور آئین و قانون کی پاسداری کی اور ہم اسی جرم کی سزا بھگت رہے ہیں،ہمارے 74 روزہ پرامن احتجاج کے باوجود حکمرانوں کے کانوں پر جوں تک نہیں رینگی،ن لیگ نے بدترین آمریت کی مثال قائم کرکے اپنے سرپرست آمرجنرل ضیاء کی یاد تازہ کر دی ہے،اجلاس میں مطالبات کے حق میں لاہور اور پنجاب کی سطح پر احتجاجی تحریک چلانے پر بھی فیصلہ کرکے مرکزی کمیٹی کو بھجوا دی ہے جس کا اعلان چند دنوں بعد کیا جائے گا۔