The Latest

quetta strikeوحدت نیوز (کوئٹہ)  کوئٹہ میں گذشتہ روز دہشتگردی کے دو واقعات میں چھ افراد کے جاں بحق ہونے کیخلاف شہر بھر میں سوگ کی سی کیفیت ہے، جبکہ مختلف تنظیموں کی جانب سے شٹر ڈاون ہڑتال کی کال دی گئی ہے۔ ہڑتال کی کال مجلس وحدت مسلمین سمیت مختلف شیعہ تنظیموں کی طرف سے دی گئی ہے، جس پر باچا خان چوک، لیاقت بازار، طوغی روڈ، مری آباد، عبدالستار روڈ، آرچر روڈ، مسجد روڈ، قندہاری بازار اور اس سے ملحقہ علاقوں میں کاروباری مراکز بند اور ٹریفک بھی معمول سے کم ہے۔ گذشتہ روز مسجد روڈ پر افطاری سے قبل ایک گاڑی پر فائرنگ کے واقعہ میں چار افراد جبکہ رات گئے خدائے داد چوک پر فائرنگ میں دو افراد جاں بحق ہوگئے تھے۔ ان واقعات کیخلاف شہریوں نے احتجاج کیا اور وزیراعلٰی نے واقعہ کا نوٹس لیتے ہوئے پولیس کو ملزمان کی فوری گرفتاری کا حکم دیا تھا، تاہم کوئی گرفتاری عمل میں نہیں آئی۔

دیگر ذرائع کے مطابق کوئٹہ میں اہل تشیع تنظیموں، انجمن تاجران اور ہزارہ ڈیمو کرٹیک پارٹی نے گذشتہ روز دہشتگردی کے دو واقعات میں چھ افراد کے جاں بحق ہونے کے خلاف آج شٹر ڈاؤن کی کال دی ہے، جس پر علمدار روڈ اس کے اردگرد کے علاقوں میں مکمل جبکہ شہر کے دیگر علاقوں میں جزوی ہڑتال ہے۔ بلوچستان شیعہ کانفرنس نے تین روز کے سوگ کا اعلان کیا ہے۔ واضع رہے کہ گذشتہ روز کوئٹہ میں چند گھنٹے کے دوران ٹارگٹ کلنگ کے دو واقعات میں 6 افراد جاں بحق جبکہ پانچ زخمی ہوگئے تھے۔ ٹارگٹ کلنگ کا پہلا واقعہ مسجد روڈ پر پیش آیا، جہاں نامعلوم افراد کی فائرنگ سے ہزارہ برادری کے تاجر رضا سمیت 4 افراد جاں بحق جبکہ 2 زخمی ہوئے۔ پولیس کے مطابق حملہ آور ایک کرولا کار میں آئے تھے اور کلاشنکوف سے فائرنگ کرکے فرار ہونے میں کامیاب ہوگئے۔

 فائرنگ کا دوسرا واقعہ چار گھنٹے بعد خدائے داد روڈ پر پیش آیا، جس میں نامعلوم مسلح افراد نے جوس کی ایک دوکان پر فائرنگ کر دی جس میں دو افراد جاں بحق اور تین شدید زخمی ہوئے۔ واقعے کے بعد مشتعل افراد نے سول ہسپتال کے سامنے جناح روڈ پر ٹائر جلا کر احتجاج کیا اور صوبائی حکومت کے خلاف شدید نعرہ بازی کی۔ دوسری جانب وزیراعلٰی بلوچستان ڈاکٹر عبدالمالک بلوچ نے فائرنگ کے دونوں واقعات کی شدید الفاظ میں مذمت کی ہے اور ملزمان کے فوری گرفتاری کے احکامات جاری کر دئیے ہیں۔ ٹارگٹ کلنگ کے ان واقعات کے خلاف ہزارہ ڈیمو کریٹک پارٹی اور انجمن تاجران نے شہر میں آج شٹر ڈائون ہڑتال کا اعلان کیا ہے۔

allama s a rوحدت نیوز (بلتستان)  مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے کوئٹہ میں ماہ مبارک رمضان میں مسجد روڈ پر شیعہ ہزارہ برادری پر فائرنگ کی شدید الفاظ میں مذمت کی اور ملک میں تسلسل کے ساتھ جاری دہشت گردانہ واقعات کو سکیورٹی اداروں کی ناکامی اور دہشت گردوں کی پشت پناہی کا نتیجہ قرار دیا۔

انہوں نے اپنے بیان میں کہا کہ حکومت اور سکیورٹی ادارے شیعہ مکاتب فکر کو تحفظ دینے میں ناکام ہی نہیں بلکہ غیر سنجیدہ بھی ہے۔ چنانچہ شیعہ مکتب فکر کو سلف ڈیفنس کی اجازت دی جائے، تاکہ وہ اپنے بل بوتے پر اپنی جان، مال، عزت اور آبرو کی حفاظت کرسکیں۔ آغا علی رضوی نے کہا کہ پاکستان میں جاری تمام فسادات اور دہشت گردانہ واقعات کے پیچھے امریکہ اور ان کی پالتو کالعدم تکفیری تنظیمیں ہیں، پاکستان کی بقا اسی میں ہے کہ دہشت گردوں کو کیفر کردار تک پہنچایا جائے اور پاکستان سے امریکہ کو بے دخل کیا جائے۔

آغا علی رضوی نے مزید کہا کہ بلوچستان آج جس نہج پر پہنچ چکا ہے، یہ امریکہ کی براہ راست مداخلت اور ریاستی اداروں کی نااہلی کا نتیجہ ہے۔ اگر بلوچستان سے غیر ملکی تنظیموں کو بے دخل کرکے وہاں کے عوام کے جائز مطالبات پر کان دھریں اور دہشت گردوں کی پشت پناہی کے بجائے انہیں تختہ دار پر لٹکایا جائے تو وہاں کے حالات سنبھل سکتے ہیں۔

00raja nasir jaffriوحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری نے کوئٹہ میں ہونے والی دہشت گردی کی شدید مذمت کرتے ہوئے کہا ہے کہ موجودہ حکومت دہشت گردی کے روک تھام میں مکمل ناکام اور محض کھوکھلے دعووں سے آگے نہیں بڑھ سکی، سکیورٹی اداروں کی ناکامی دراصل حکمرانوں کی نااہلی کا منہ بولتا ثبوت ہے۔ انہوں نے کہا کہ پاکستان کو مٹھی بھر دہشت گردوں نے یرغمال بنایا ہوا ہے، دہشت گرد پاکستان کو داخلی طور پر عدم استحکام کا شکار کرنے کے بعد بین الاقوامی سطح پر اس کی بدنامی کے اسباب پیدا کر رہے ہیں۔

انہوں نے کہا کہ شام کی قانونی حکومت کے خلاف پاکستان سے سینکڑوں دہشت گردوں کے امریکہ اور اسرائیلی حمایت یافتہ باغیوں کی حمایت کیلئے پہنچنے کی خبروں نے پاکستان کو دہشت گرد برآمدکنندگان کے صف میں کھڑا کرکے وطن عزیز کو دنیا بھر میں بدنام کر دیا ہے، اس شرمناک جرم میں ہماری ایجنسیاں برابر کی شریک ہیں۔ علامہ ناصر عباس کا کہنا تھا وزیراعظم کی طرف سے دہشت گردی کے خلاف قومی اتفاق رائے کیلئے بلائی جانے والی آل پارٹیز کانفرنس وقت سے پہلے ڈھیر ہوگئی ہے۔

انہوں نے کہا کہ اگر ان حکمرانوں کی ترجیحات میں قومی سلامتی شامل ہوتی تو ہزاروں شہداء کے قاتل اور ملک دشمن دہشت گردوں کے خلاف بھرپور آپریشن کا اعلان کرتے، لیکن ایسا یہ ہرگز نہیں کرسکتے کیونکہ ان کو مینڈیٹ صرف اس لیے ملا ہے کہ افغانستان سے نکلنے میں امریکی گماشتوں کو محفوظ راستہ دے سکیں۔ علامہ ناصر عباس کا کہنا تھا کہ پاکستان میں امن کے قیام کے لیے محب وطن قوتوں کو میدان میں آنا ہوگا کیونکہ مادر وطن مزید بحرانوں کی متحمل نہیں ہوسکتی، دشمن ہمیں تقسیم در تقسیم کرکے اپنے مذموم مقاصد کے حصول میں لگے ہوئے ہیں، ہمیں باہمی اتحاد سے دشمن کی شازشوں کو ناکام بنانا ہوگا۔

علامہ ناصر عباس جعفری نے کہا کہ کوئٹہ میں تاجر کو ساتھیوں سمیت شہید کر دیا گیا ہے اور تاحال حکومت کی جانب سے کوئی ردعمل سامنے نہیں آیا۔ انہوں نے کہا کہ سابق حکومت کو بھی رحمان ملک لے ڈوبا اور دہشت گردی کی وجہ سے ہی پیپلز پارٹی نے الیکشن میں عبرت ناک شکست کا مزہ چکھا اور اب نواز شریف کی حکومت بھی اسی ڈگر پر چل پڑی ہے جو راستہ صدر زرداری نے اپنایا تھا۔ انہوں نے کہا کہ سانحہ کوئٹہ کے ملزم فوری گرفتار کئے جائیں اور پاکستان میں ملت تشیع کو تحفظ فراہم کیا جائے، بصورت دیگر ہم اپنا دفاع کرنا جانتے ہیں۔

00 agha razaوحدت نیوز (کوئٹہ) مجلس وحدت مسلمین کے ممبرصوبائی اسمبلی آغا رضا نے ڈاکٹرعبدلمالک بلوچ کے لوڈشیڈنگ کے خاتمے سے متعلق حالیہ بیان کی بھر پور تائید کی ہے کہ وفاق و صوبائی حکومت ایسے فوری اقدامات کرے جس سے بلوچستان میں لوڈشیڈنگ کا خاتمہ ہو ۔حالیہ دنوں میں ہزارہ ٹاؤن بروری اور کوئٹہ شہر کے دیگر علاقوں میں بے وقت کی لوڈشیڈنگ کی جارہی ہے شدید گرمی میں ہزارہ ٹاؤن کے مکین ماہِ رمضان میں 16 گھنٹوں کی لوڈشیڈنگ سے سخت عذاب میں مبتلا ہیں۔

ٹینکر مافیا اور کیسکو گتھ جوڑ کی وجہ سے ٹینکرمالکان کے وارے نیارے ہوگئے ہیں۔لوڈشیڈنگ کا سارا بوجھ مظلوم عوام پر ڈال دیا گیا ہے جس کی وجہ سے علاقہ مکینوں کی پانی کی قلت کا سامنا پڑرہا ہے اور علاقہ مکین ٹینکر مافیا کے رحم و کرم پرزندگی گذار رہے ہیں ۔حکومت فوری ایسے اقدامات کرے جس سے لوڈشیدنگ کا خاتمہ ہو ۔رمضان کے مقدس مہینہ میں روزہ داروں کا پانی کی تلاش میں مارے مارے پھر نا کوئی نیک شگون نہیں ہے اور ٹینکر مافیا بھی عوام اور روزہ داروں پر رحم کھاتے ہوئے مناسب نرخوں پر پانی کی فراہمی کو یقینی بنائے ۔

s fazalوحدت نیوز (کراچی) وحدت یوتھ ونگ پاکستان کے مرکزی چیئر مین سید فضل عباس نقوی ایڈوکیٹ یوتھ ونگ کی تنظیم سازی اور تنظیمی امور کا جائزہ لینے کے لئے سندھ پہنچ گئے ہیں۔وحدت یوتھ ونگ کے مرکزی دفتر سے جاری ہونے والے ایک بیان میں بتایا گیا ہے کہ وحدت یوتھ ونگ پاکستان کے مرکزی چیئر مین سید فضل عباس نقوی ایڈووکیٹ سندھ پہنچ چکے ہیں جہاں پہلے مرحلے میں وہ کراچی پہنچیں گے اور پھر سندھ کے اندرونی شہروں کا دورہ کریں گے تاہم اس موقع پر سندھ بھر کے تمام شہروں میں یوتھ ونگ کے آرگنائز نامزد کئے جانے کا امکان ہے۔
وحدت یوتھ ونگ کے مرکزی مسؤل فضل عباس نقو ی دورے کے پہلے مرحلے میں کراچی پہنچے ہیں جہاں انہوں نے وحدت یوتھ ونگ سندھ کے سیکرٹری مہدی عباس سے ملاقات کی ہے اور تنظیمی امور کا جائزہ لیتے ہوئے برادر عباس مرتضائی کو وحدت یوتھ ونگ صوبہ سندھ کا ڈپٹی سیکرٹری نامزد کر دیا ہے۔
واضح رہے کہ مرکزی مسؤل وحدت یوتھ ونگ سید فضل عباس نقوی نے ہدایات جاری کرتے ہوئے صوبائی اور ضلعی مسؤلین کو کہا ہے کہ وہ یوتھ ونگ کی تنظیم سازی میں دن رات محنت کریں اور جلد از جلد تنظیم سازی کو عملی جامہ پہنائیں۔
واضح رہے کہ سید فضل عباس نقوی سات رمضان المبار ک کو کراچی کے ضلع غربی میں یوتھ ونگ کے یونٹس اور ڈسٹرکٹ ویسٹ کے ذمہ داروں کے ساتھ افطار کریں گے اور گفتگو کریں گے اس موقع پر ان کے ہمراہ صوبہ سندھ کے سیکرٹری سمیت کراچی کے مسؤل اور دیگر بھی موجود ہوں گے۔

kashmir rajanasirوحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا ہے کہ تحریک آزادی کشمیر میں ہزاروں شہداء کا خون شامل ہے اور اسے کسی بھی صورت سیاست کی بھینٹ نہیں چڑھنے دیا جائے گا، یوم شہدائے کشمیر کی مناسبت سے ایم ڈبلیو ایم کے مرکزی سیکرٹریٹ سے جاری بیان میں علامہ ناصر عباس جعفری کا کہنا تھا کہ کشمیریوں کا عزم بتاتا ہے کہ ہزاروں مرد و زن شہداء کا خون ان کے حق خود ارادیت کا پاسدار ہے اور ان کی جدوجہد آزادی اور قربانیوں کا سلسلہ بھارت کے ظلم و ستم سے مکمل رہائی حاصل کرنے تک جاری رہے گا، انہوں نے کہا کہ بھارت کے ساتھ تعلقات بڑھانے کا یہ مطلب ہرگز نہیں کہ مسئلہ کشمیر کو پس پشت ڈال دیا جائے، ہمارے دل کشمیری مسلمانوں کے ساتھ دھڑکتے ہیں، انشاءاللہ ان کی جدوجہد آزادی کو کبھی بھی رائیگاں نہیں ہونے دیں گے، وہ وقت دور نہیں جب وادی کشمیر میں آزادی کا سورج طلوع ہوگا اور اس جنت ارضی کے مکینوں کو بھارتی مظالم سے نجات ملے گی، علامہ ناصر عباس جعفری نے شہدائے کشمیر کے خانوادگان کو تعزیت پیش کی اور مطالبہ کیا کہ کشمیری مسلمانوں کو اقوام متحدہ کی قراردادوں کی روشنی میں حق خود ارادیت دیا جائے۔

وحدت نیوز (کراچی)  مجلس وحدت مسلمین پاکستان صوبہ سندھ کے سیکریٹری جنرل علامہ مختار امامی نے کراچی میں بلاول ہاؤس کے چیف سیکورٹی افسر بلال شیخ کی بم دھماکے میں ہلاکت کی مذمت کرتے ہوئے کہا ہے کہ سندھ حکومت اپنی ہی جماعت کے رہنماؤں کو تحفظ فراہم کرنے میں ناکام ہوگئی ہے، ایسی حکومت سے عوام کے تحفظ کی امید رکھنا فضول ہے۔ ان خیالات کا اظہار انہوں نے وحدت ہاؤس سولجر بازار سے جاری ایک بیان میں کیا۔ علامہ مختار امامی نے کہا کہ ایک عرصے سے ہم یہ بات کہتے چلے آرہے ہیں کہ دہشت گردوں کی بیخ کنی کے لئے فی الفور اقدامات کئے جائیں مگر ہمارے سیکورٹی کے ادارے اور سیاسی پارٹیاں دہشت گردوں کو تحفظ فراہم کرتی رہیں، جس کا نتیجہ یہ نکلا کہ ان دہشت گردوں نے بینظیر بھٹو، بشیر بلور اور کئی ارکان اسمبلی کو خاک و خون میں غلطاں کیا۔

 

علامہ مختار امامی نے مزید کہا کہ اب بھی وقت ہے حکومت اور ہماری سیکورٹی کے ادارے ہوش کے ناخن لیں اور دہشت گردوں سے مزاکرات کے بجائے ان کے خلاف ملک بھر میں آپریشن کلین اپ کریں تاکہ پاکستان کی عوام اپنے ہی وطن میں آزادی کے ساتھ زندگی بسر کرسکیں۔ ان کا کہنا تھا کہ ماہ رمضان المبارک کی آمد سے قبل دہشت گردی کے واقعات سندھ پولیس کی ناکامی کا منہ بولتا ثبوت ہیں، ضرورت اس امر کی ہے کہ پولیس حکام فقط زبانی دعوؤں کے بجائے عملی اقدامات کرتے ہوئے ٹارگٹ کلرز اور دہشت گردوں کے خلاف آپریشن کا آغاز کرے۔

وحدت نیوز (اسٹاف رپورٹر) کراچی کے علاقے گرومندر میں واقع جامعہ بنوریہ کے قریب دھماکے کے نتیجے میں پاکستان پیپلز پارٹی کے شریک چیئرمین صدر پاکستان آصف علی زرداری کے قریبی رفیق اور بلاول ہاؤس کے سیکورٹی انچارج بلال شیخ سمیت 3 افراد جاں بحق جب کہ متعدد افراد زخمی ہوگئے۔ تفصیلات کے مطابق دھماکا جامعہ بنوریہ کے قریب ہوا جس میں بلاول ہاؤس کے سیکورٹی انچارج بلال شیخ کی ڈبل کیبن گاڑی کو نشانہ بنایا گیا۔ ذرائع کا کہنا ہے کہ دھماکے کے نتیجے میں صدر آصف علی زرداری کے قریبی رفیق بلال شیخ سمیت 3 جاں بحق جب کہ 8 افراد زخمی ہوئے، زخمیوں کو طبی امداد کے لیے اسپتال منتقل کر دیا گیا جہاں 3 زخمیوں کی حالت نازک بتائی جاتی ہے۔ دھماکے کی آواز اس قدر شدید تھی کہ اسے کئی کلومیٹر دور تک سنا گیا، دھماکے سے قریبی گاڑیوں اور دکانوں کو بھی شدید نقصان پہنچا۔

 

ایس ایس پی راجہ عمر خطاب نے میڈیا سے بات کرتے ہوئے بتایا کہ ابتدائی تحقیقات میں حملہ خودکش نظر آ رہا ہے کیونکہ بلال شیخ آج اپنا راستہ تبدیل کرکے گھر جا رہے تھے اور یہاں پھل لینے کے لیے رکے تھے۔ بلال شیخ کو جس قدر قریب سے نشانہ بنایا گیا ہے اس سے یہی بات سامنے آتی ہے کہ حملہ خودکش تھا۔ پولیس اور دیگر تحقیقاتی ٹیموں نے بھی جائے وقوعہ پر پہنچنے کے بعد تحقیقات کا آغاز کر دیا ہے۔ صدر آصف زرداری، وزیراعظم نواز شریف، ایم کیو ایم کے قائد الطاف حسین سمیت دیگر سیاسی رہنماؤں نے بلال شیخ پر حملے کی شدید مذمت کرتے ہوئے ہلاکتوں پر گہرے دکھ اور افسوس کا اظہار کیا ہے۔

وحدت نیوز (کوئٹہ) سرپرست فلسطین فاونڈیشن بلوچستان اور مجلس وحدت مسلمین کے صوبائی سیکرٹری جنرل علامہ مقصود علی ڈومکی نے کہا ہے کہ فلسطین فاونڈیشن بلوچستان نے اس سال ماہ مبارک رمضان اور یوم القدس کو "فلسطین اتحاد امت کا مظہر" کے عنوان سے منسوب کیا ہے۔ اسی مناسبت سے تصویری نمائش اور فلسطین سیمینار کا انعقاد کیا جائے گا۔ جس میں سیاسی، مذہبی، قبائلی رہنماء اور شیعہ، سنی علمائے کرام شر کت کریں گے۔ ان خیالات کا اظہار انہوں نے پریس کانفرنس سے خطاب کرتے ہوئے کیا۔ اس موقع پر تحریک انصاف کے صوبائی رہنماء سردار روح اللہ خلجی، رہنماء فلسطین فاونڈیشن بلوچستان مولانا منظور حسین لاشاری، الطاف حسین ہزارہ اور صالح محمد سومرو بھی ان کے ہمراہ تھے۔ علامہ مقصود ڈومکی نے مزید کہا کہ اس وقت عالم اسلام اپنی تاریخ کے مشکل دو رسے گذر رہا ہے۔ جہاں اسلام دشمن سامراجی قوتیں امت مسلمہ کے خلاف نت نئی سازشوں میں مصروف ہیں۔ اسلام جو کہ امن و سلامتی کا دین ہے، کے مقدس نام پر دہشت گردی اور نفرتوں کی تعلیم، سامراجی ایجنڈے کا حصہ ہے۔ ان کا کہنا تھا کہ انبیاء (ع) کی سر زمین فلسطین پورے عالم اسلام کی محبت کا محور ہے۔ جہاں بوڑھے استعمار برطانیہ نے ایک سازش کے تحت اسرائیل کی صیہونی حکومت قائم کی اور اب شیطان بزرگ امریکہ صیہونی ریاست کی سر پرستی کر رہا ہے۔ یہ ریاست نہ فقط فلسطینی عوام پر انسانیت سوز مظالم ڈھا رہی ہے بلکہ عالمی سطح پر جاری دہشت گردی اور قتل غارت گری میں بھی اس ریاست کا عمل دخل سب پر عیاں ہے۔

 

انہوں نے کہا کہ قبلہ اول بیت المقدس اور مسجد اقصیٰ پوری دنیا کے مسلمانوں کیلئے محترم ہے، جس پر غاصب صیہونی ریاست کا قبضہ ناقابل برداشت ہے۔ یہی سبب ہے کہ پوری دنیا کے مسلمان اسرائیل غاصب کے خلاف سراپا احتجاج رہے ہیں۔ حالیہ برسوں میں عرب دنیا جہاں عوامی انقلابات سے گذر رہی ہے۔ عوامی بیداری کی ان تحریکوں میں بھی بیت المقدس و فلسطین کی آزادی کا نعرہ بنیادی حیثیت رکھتا ہے۔ لہذا ہم سمجھتے ہیں کہ "فلسطین، اتحاد امت کا مظہر" ہے۔ انہوں نے کہا کہ دنیا بھر میں مسلمان شیعہ، سنی، دیوبندی، بریلوی، اہل حدیث وغیرہ کی تفریق سے بالا تر ہو کر آزادی فلسطین کی تحریک میں شریک ہیں۔ اسی لئے فلسطین فاونڈیشن بلوچستان نے اس سال ماہ مبارک رمضان اور یوم القدس کو "فلسطین اتحاد امت کا مظہر" کے عنوان سے منسوب کیا ہے۔ اسی مناسبت سے تصویری نمائش اور فلسطین سیمینار کا انعقاد کیا جائے گا۔ جس میں سیاسی، مذہبی، قبائلی رہنماء اور شیعہ، سنی علمائے کرام شر کت کریں گے۔

 

ان کا مزید کہنا تھا کہ بلوچستان کے غیور عوام اور عوام کی نمائندہ سیاسی جماعتوں نے ہمیشہ آزادی فلسطین کی تحریک کی حمایت کی ہے۔ ہم اس موقعہ پر یوم القدس کوئٹہ کے عظیم شہداء کو سلام عقیدت پیش کرتے ہیں جنہوں نے آزادی قدس و فلسطین کی راہ میں اپنے پاکیزہ لہو کا نذرانہ پیش کیا۔ ہم سمجھتے ہیں کہ اقوام عالم میں غاصب اسرائیل کے خلاف بڑھتی ہوئی نفرت، اس غاصب ریاست کے انجام کی نشاندہی کرتی ہے۔ انہوں نے کہا کہ بانی انقلاب اسلامی امام خمینی (رح) نے فرمایا تھا کہ اگر دنیا کے مسلمان متحد ہو کر ایک ایک بالٹی اسرائیل پر بہادیں تو وہ سیلاب میں غرق ہوجائے گا۔ حماس اور حزب اللہ نے غاصب اسرائیل کے خلاف جس جرات و استقامت کا مظاہرہ کیا ہے وہ اس بات کی نوید ہے کہ اب اسرائیل کا زوال اور فلسطین کی آزادی کا وقت قریب آچکا ہے۔ انشاء اللہ جلد ہی مظلوم فلسطین عوام کو آزادی نصیب ہوگی۔ ان کا کہنا تھا کہ میں بلوچستان کے غیور عوام سے اپیل کروں گا کہ وہ بیت المقدس اور فلسطین کی آزادی کی تحریک میں بھر پور شرکت کریں۔

وحدت نیوز (کراچی) مجلس وحدت مسلمین پاکستان صوبہ سندھ کے سیکرٹری جنرل علامہ مختار احمد امامی نے صوبہ سندھ کی دس رکنی کابینہ کے ناموں کا اعلان کر دیا ہے۔ وحدت ہاؤس کراچی سے جاری بیان کے مطابق علامہ صادق رضا تقوی کو ڈپٹی سیکرٹری جنرل، عالم کربلائی کو ڈپٹی سیکرٹری جنرل، یعقوب حسینی کو تنظیم سازی و امور تنظیم، عبداللہ مطہری کو سیکرٹری سیاسیات، علامہ نشان حیدر ساجدی کو سیکرٹری تبلیغات و تربیت، سید امتیاز شاہ کو سیکرٹری فلاح و بہبود، آصف صفوی کو سیکرٹری اطلاعات، ظہیر حیدر زیدی کو سیکرٹری فنانس، شفقت لانگا کو سیکرٹری رابطہ جبکہ ناصر حسینی کو آفس سیکرٹری نامزد کیا گیا ہے۔ درایں اثناء کراچی میں موجود صوبائی دفتر میں ایم ڈبلیو ایم کی نو منتخب کابینہ کے اراکین کا اجلاس منعقد کیا گیا، جس میں علامہ مختار امامی نے نامزد اراکین کابینہ سے ان کی نئی تنظیمی ذمہ داریوں کا حلف لیا۔

 

اجلاس میں علامہ مختار امامی نے آئندہ تین سال کے لئے سندھ کے عوام کی خدمت کے لئے منتخب کئے جانے پر اراکین کابینہ کو مبارک باد پیش کرتے ہوئے کہا کہ ایم ڈبلیو ایم نے جن مقاصد کے تحت اپنی جدوجہد کا آغاز کیا ہے ان میں سرفہرست مظلوم کی حمایت ہے، ہمیں اپنے مولا علی (ع) کے فرمان پر عمل کرتے ہوئے ہر کام میں ظالم سے نفرت اور مظلوم کی حمایت کے نظریئے کو سامنے رکھنا ہے، تاکہ محبان اہل بیت (ع) کی سرزمین کے باسیوں کو تعلیمات اہل بیت (ع) کی روشنی میں میدان عمل میں حاضر رکھ سکیں۔ خدا سے دعا ہے کہ ہمیں اپنے ذمہ داریوں سے عہدہ برآں ہونے کی توفیق عطا فرما۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree