The Latest

mwm.woman.khr0مجلس وحدت مسلمین شعبہ خواتین کراچی ڈویژن کے سرجانی یونٹ کی جا نب سے(ایک دن شہداء کے نام) کہ عنوان سے پروگرام منعقد کیا گیا :جس میں سرجانی یونٹ کی جا نب سے مجلس وحدت مسلمین شعبہ خواتین کراچی ڈویژن کی کابینہ کو خصوصی دعوت دی گئی تھی۔پروگرام میں خواتین اور بچوں نے بھرپورشرکت کی پروگرام کا مقصدفلسفہ شہادت و مقام شہداء کو سمجھاناتھاتاکہ خواتین میں شہادت اور شہداء کی عظمت کے حوالے سے شعور بیدار ہو۔پروگرام میں شہید فاؤنڈیشن کے تعاون سے مختلف سانحات کی تصویری نما ئش کا بھی اہتمام کیا گیا تھا۔اسکے علاوہ مقام شہداء کوبہتر طریقے سے سمجھانے کے لئے پروجیکٹر پر مقام شہداء پر مبنی ایک فلم دکھائی گئی۔آخرمیں خواہرزہراء نجفی مقام شہداء اور فلسفہ شہادت بیان کیا اور کراچی میں مسلسل ہونے والی ٹارگٹ کلنگ کے حوالے سے حکومتی خاموشی پر گہری تشویش کا اظہار کیا۔اس کہ علاوہ خواہرزہراء نجفی نے دشمنوں اور فتنہ گروں کی سازیشوں کی طرف اشارہ کرتے ہوئے فرمایا کہ دشمن ہمارے اتحاد سے خوف زدہ ہے وہ ہمارے اتحادکو پارہ پارہ کرنے کی سازشیں کررہا ہے لہذا وحدت کی فضا کو قا ئم رکھنے کے لئے اس کی حفاظت کے لئے ہمیں دانشمندی ،ہوشمندی ،شعور و بیداری کی ضرورت ہے۔آخر میں انھوں نے سرجانی یونٹ کی اس کاوش کو سرہاتے ہوئے فرمایا کہ یقیناَشہید کبھی مرتا نہیں اور نہ ہی وہ ملت کبھی مغلوب ہوتی ہےجو اپنے شہداء کو یاد رکھتی ہے

اور یقینانہ ہم کبھی اپنے شہداء کو نہ فراموش کر سکتے ہیں اور نہ کبھی اپنے ملک و دین کے دفاع میں شہادت دینے سے گریز کرئے گے

جوان ہاوس اسلام آباد سے جاری ہونے والی ایک پریس ریلیز کے مطابق ایم ڈبلیو ایم قم کے رکن شوری عالی حجۃ السلام علامہ شیخ فخرالدین نے منعقدہ ایک نشست میں جوانوں سے گفتگو کرتے ہوئے کہا کہ ہمارے لیے انتہائی خوشی اور مسرت کا مقام ہے کہ ہم یورپ زدہ اداروں کی بجائے ایک دینی مرکز میں موجود ہیں۔ جوان ہاوس کے اہداف الہی اور ماحول فطری ہے۔
انہوں نے مزید کہا کہ عام لوگوں کی رائے کے مطابق آج مجلس وحدت مسلمین پاکستان اپنی فعالیت اور اخلاص کی وجہ سے ملت کے جوانوں کے دلوں میں اپنی قدر پیدا کرنے میں کامیاب ہے اور ملت تشیع کے ہر فرد کے دل میں ایم ڈبلیو ایم کے لیے خاص جگہ موجود ہے۔
انہوں نے مرکزی سیکرٹری شعبہ جوان شیخ اعجاز بہشتی کے بارےمیں بات کرتے ہوئے کہا کہ مجلس وحدت مسلمین کی قیادت نے شعبہ جوان کی رہنمائی کے لیے ایک ایسے فرد کا انتخاب کیا ہے جس کو دیکھ کر علماء کے حوصلے اور بھی مضبوط ہوتے ہیں۔ خدا کے دین کا یہ نمائندہ سخت ترین حالات کا مقابلہ کرکے سرفرازی و شجاعت کے ساتھ دشمن کو نابود کرنے کی صلاحیت کا مالک ہے۔ہم شیخ اعجاز بہشتی کی پورے پاکستان میں فعالیت کو دیکھ کر رشک کرتے ہیں۔
جوانوں کی اہمیت کے حوالے سے گفتگو کرتے ہوئے ان کا کہنا تھا کہ جوان نہ صرف یہ کہ گھر کا روب ، علاقے کا وقار اور مکتب کی عزت ہیں بلکہ انسانیت کا سرمایا جوان ہی ہیں۔
ان کا کہنا تھا کہ ائمہ اطہارؑ کی روایات میں ہمارے لیے سبق ہے کہ ہم جوانوں کو اپنی توجہ کا مرکز قرار دیں۔رسالت مآب(ص) نے جوانوں کی خدمات کو بیان کرتے ہوئے کہا کہ یہ جوان ہی تھے جنہوں مشکل حالات میں میری حمایت کی ہے۔ خاتم الانبیاءؐ کا اسلامی ریاست کےلیے زمینا سازی کرنے والا ایک جوان ہی تھا۔ مدینہ بھیجا جانے والے پہلا نمائیندہ رسول اللہ ؐ ۲۵ سال کے جوان مصعب ابن عمیرؒ تھے۔
انہوں نے مزید کہا کہ جوان ہی ہیں جو کسی مکتب کو دشمنوں سے محفوظ رکھتے ہیں۔ دین ہو یا ملک جوان ہی حفاظت کرنے کی صلاحیت رکھتے ہیں۔ معاشروں میں اصلاح کی ذمہ داری اٹھانے کی اہلیت سب سے بہتر جوانوں میں ہی ہوا کرتی ہے۔
انہوں نے پاکستانی جوانوں کی صلاحیتوں پر اعتماد کا اظہارکرتے کہا کہ جوان ہی ہم علماء کےلیے باعث مسرت و اطمینان ہیں۔ دشمن کی سازشوں کے مقابلے میں جوانوں کے عزم و حوصلہ کو دیکھ کر ہم طاقت لیتے ہیں۔
شیخ اعجاز کی قیادت میں ایم ڈبلیو ایم جوان کے نورانی قافلہ کی کامیابی کےلیے دعا کے ساتھ انہوں نے اپنی گفتگو کو ختم کیا۔

mwmflag02لیاری شیعہ ٹارگٹ کلنگ کا گڑھ بن گیا ہے،لیاری میں گزشتہ ایک ماہ میں نو شیعہ افراد کو دہشت گردی کا نشانہ بنایا گیا، مشہور و معروف شخصیت قمر اللہ دتہ انجمن سفینہ نجات کے صدر وامام بارگاہ بارہ امام کے ٹرسٹی تھے ان کی ٹارگٹ کلنگ پر پیپلز امن کمیٹی کے سربراہ عذیر جان بلوچ وضاحت پیش کریں۔ ان خیالات کا اظہار مجلس وحدت مسلمین پاکستان کراچی ڈویژن کے میڈیا سیل انچارج آصف صفوی نے مشہور شخصیت قمر اللہ دتہ کی ٹارگٹ کلنگ کے خلاف اپنے مذمتی بیان میں کیا۔ انہوں نے کہا کہ شہر کراچی میں جاری متواتر شیعہ افراد کی ٹارگٹ کلنگ سیاسی و مذہبی جماعتوں سمیت خفیہ اداروں کی ملی بھگت کا نتیجہ ہے۔ قمر اللہ دتہ جو گزشتہ رات سے لاپتہ تھے، بعض ذرائع نے تصدیق کی ہے کہ جونا مارکیٹ میں واقع بارہ امام بارگاہ کے ٹرسٹی ہونے کی حیثیت سے وہ گزشتہ دنوں تین باپ بیٹوں کی ٹارگٹ کلنگ کے موضوع پر عذیر جان بلوچ سے ملاقات کے لئے جارہے تھے، اس کے بعد سے وہ لاپتہ تھے اور ان کی نعش آج صبح ملی ہیں ۔جو کہ قانون نافذ کرنے والے اداروں اور پیپلز امن کمیٹی پر سوالیہ نشان ہے ان کا کہنا تھا کہ شہر کراچی میں ملت جعفریہ سے تعلق رکھنے والے ڈاکٹرز، وکیل، سرمایہ دار، شعراء، علماء ،مسجد وامام بارگاہوں کے ذمہ داران اور بااثر افراد کی ٹارگٹ کلنگ توہین رسالتؐ کے خلاف ہونے والے شیعہ سنی اتحاد کو سبوتاژ کرنے کی امریکی سازش ہے۔ دہشت گرد ملک بھر میں انارکی پھیلا کر ملک کی جڑوں کو کھوکھلا کررہے ہیں۔ انہوں نے صدر مملکت آصف علی زرداری، وزیراعظم پاکستان راجہ پرویز اشرف، چیف جسٹس آف پاکستان افتخار چوہدری، آرمی چیف اشفاق پرویز کیانی اور گورنر و وزیراعلیٰ سندھ سے مطالبہ کیا کہ شہر کراچی میں بڑھتی ہوئی شیعہ افراد کی ٹارگٹ کلنگ کا نوٹس لیا جائے اور ٹارگٹ کلنگ میں ملوث عناصر کو بے نقاب کرکے سرعام پھانسی دی جائے اور ٹارگٹ کلنگ میں شہید ہونے والے افراد کے خانوادے کو معاوضہ ادا کیا جائے۔
دریں ا ثناء قمر اللہ دتہ کی نماز جنازہ امام بارگاہ بارہ امام میں ادا کی گئی نماز جنازہ علامہ عباس کمیلی کی اقتداء میں ادا ء کی گئی اور تدفین وادی حسین قبرستان میں کی گئی ۔جنازہ میں شہر کراچی کی مشہور سیاسی و مذہبی شخصیات سمیت دیگر افراد نے بھرپور شرکت کی

shahid.risalatکراچی میں مجلس وحدت مسلمین، امامیہ اسٹوڈنٹس آرگنائزیشن اور ہیئت آئمہ مساجد و علمائے امامیہ پاکستان کے زیر اہتمام رسول اللہؐ کی شان میں امریکی و صیہونی سرپرستی میں بننے والی توہین آمیز فلم کے خلاف منعقد کی جانے والی لبیک یا رسول اللہؐ ریلی میں امریکی قونصلیٹ سے کی جانے والی فائرنگ سے شہید ہوکر شہید ناموس رسالتؐ کا لقب پانے والے سید علی رضا تقویؒ کے چہلم کے موقع پر مرکزی پروگرام 20 اکتوبر کو منعقد کیا جائے گا۔ مجلس وحدت مسلمین پاکستان کراچی ڈویژن کے تحت منعقدہ اس پروگرام کو لبیک یا رسول اللہؐ کانفرنس کا عنوان دیا گیا ہے۔

ایم ڈبلیو ایم کراچی کے ذمہ داروں کے مطابق لبیک یا رسول اللہ ؐ کانفرنس 20 اکتوبر، بروز ہفتہ، بعد نماز مغربین، امروہہ گراؤنڈ، انچولی سوسائٹی میں ادا کی جائے گی۔ لبیک یا رسول اللہؐ کانفرنس سے مرکزی خطاب مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری اور شہید سید علی رضا تقویؒ کے فرزند کریں گے۔

بلوچستان کے دارالحکومت کوئٹہ میں سامراجی آلہ کاروں کی فائرنگ کے نتیجے میں دوشیعہ ہزارہ سرکاری ملازمین شہید اور ایک زخمی ہو گیا ہے۔
پولیس کے مطابق کوئٹہ سے پچیس کلومیٹر شمال کی جانب علاقے کچھلاک میں نامعلوم افراد نے ایک گاڑی پر فائرنگ کی 
اس فائرنگ کے نتیجے میں محکمہ خزانہ کے دو اہلکار شہید اور ایک زخمی ہو گیا۔
ان تینوں افراد کا تعلق شیعہ ہزارہ برادری سے ہے۔حکام کے مطابق یہ تینوں افراد کوئٹہ سے پشین جا رہے تھے جب ان کو نشانہ بنایا گیا۔
واضح رہے کہ صوبہ بلوچستان میں اہل تشیع ہزارہ کووہ دہشت گرد گروہ قتل کرتے ہیں جنہیں آفشل یا ان آفشلی طور پر ریاستی اداروں کی سرپرستی اور تعاون حاصل ہے گذشتہ دنوں کے دو واقعات میں دہشت گرد لیویز اور پولیس کے ملازم نکلے جن کے بارے میں یہ کہا گیا کہ یہ سابقہ سرکاری ملازم تھے لیکن تجزیہ کار یہ کہتے ہیں کہ بات کھلنے کے بعد ایسا ہی کہا جاتا ہے ۔چند ماہ قبل جب صحافیوں نے وزیر اعلی بلوچستان سے شیعہ نسل کشی کے بارے میں توجہ دلاتے ہوئے کہا کہ آپ کا صوبہ رورہا ہے تو ان کا بے شرمانہ جواب یہ تھا کہ ٹشو پیپر کا ایک ٹرک بھیجتا ہوں آنسو صاف کریں کہا جاتا ہے کہ بہت سے حکومتی وزرا مختلف قسم کے جرائم جیسے اغوا برائے تاوان وغیر میں شامل ہیں یا سرپرستی کرتے ہیں 
انسانی حقوق کے لیے کام کرنے والی بین الاقوامی تنظیم ہیومن رائٹس واچ نے بھی پاکستان میں بڑھتے ہوئے فرقہ وارانہ تشدد پرتشویش کا اظہار کیا ہے اور کہا کہ رواں سال میں شیعہ فرقے سے تعلق رکھنے والے تین سو بیس افراد کو شہید کیا گیا۔
تنظیم کے مطابق صرف بلوچستان میں ہزارہ آبادی کے ایک سو افراد کو قتل کیا گیا۔
بیان کے مطابق گزشتہ سال کے دوران بلوچستان، کراچی، گلگت بلتستان اور ملک کے قبائلی علاقوں میں شیعہ آبادی کو نشانہ بنا کر کئی حملے کیے گئے۔

shahid.nasir safviشہید ناصر صفوی کی والدہ ماجدہ کو آہوں اور سسکیوں میں سپرد خاک کیا گیا آج صبح تقریبا گیارہ بجے نماز جنازہ مرحومہ کے آبائی علاقے بہوانہ میں ادا کی گئی نماز جنازہ ناصرملت علامہ راجہ ناصر عباس جعفری نے ادا کی اس دوران جنازے میں ہزاروں افراد شریک تھے جبکہ علمائے کرام اور معززین کی بھی ایک کثیر تعداد تھی

mwmflag01مرکزی اور صوبائی ذمہ داروں نے خیبر پختونخواہ کے شہر پیشاور میں مجلس وحدت کے آفس کا جائزہ لیا اور آفس انچارچ جناب ارشاد حسین سے باہمی گفت وشنید کی 
مرکزی عہدہ داران علامہ اقبال بہشتی،علامہ اصغر عسکری ،اقرارحسین پر مشتمل وفد کے اس دورے کا مقصد کے پی کے میں مجلس وحدت کی ایکٹیوٹیز کا جائزہ لینا اور پیشاور میں قائم کئے گئے نئے آفس کا جائزہ لینا تھا کے پی کے کے خاص حالات کے پیش نظر مجلس وحدت مسلمین پاکستان انتہائی ذمہ داران کردار ادا کر رہی ہے اگرچہ اس صوبے اور خاص کر پیشاور میں بدامنی کے سبب دیگر جماعتوں کی طرح مجلس وحدت کی ایکٹیوٹیز بھی سخت متاثر ہیں تاہم گذشتہ چند ماہ میں تبدیلی کی گئی حکمت عملی کے بعد امید کی جارہی ہے کہ اس دہشت گردی سے سخت متاثر صوبے میں بہتری پیدا ہوگی ۔
واضح رہے کہ اس سے قبل مجلس وحدت مسلمین پاکستان نے پاراچنار کے لئے تاریخی اقدامات اٹھائے جن میں سے ایک کاروان امن ہے جس میں پانچ سال سے محصور پاراچنار کے لئے امدادی سامان وادویات پہنچائی گئیں اور پاراچنار کے ایشو کو حل کرنے میں کلیدی کرادار ادا کیا

abdul khaliqمجلس وحدت مسلمین پنجاب کے سیکرٹری جنرل علامہ عبدالخالق اسدی نے صوبائی سیکرٹریٹ میں اجلاس سے خطاب کرتے ہوئے کہا کہ 7اکتوبر کا اجتماع "امت مصطفی ؐ کا اجتماع "ہے اور اس اجتماع میں تمام مکاتب فکر جوق در جوق شریک ہو ں گے۔ اور یہ تحریک وطن عزیزمیں امریکہ اور صہونیت کے خلاف نقطہ آغاز ہے ۔ علامہ عبدالخالق اسدی نے کہا مجلس وحدت مسلمین کے کار کنان دن رات ایک کر کے اس پروگرام کو کامیاب بنائیں اور امت میں وحدت کی فضا کو بر قرار رکھنے کے لئے اپنا کردار ادا کریں۔ انہوں نے کہاکہ امت میں بیداری کے یہ ثمرات شہید ناموس رسالت سید علی رضا تقوی کے خون کی تاثیر ہیں۔ جنہوں نے آقائے دو جہاںؐ کے نام پر اپنی جان قربان کر کے بتا دیا کہ اس راہ میں موت کو ہم حیات جاو دانی سمجھتے ہیں۔ علامہ اسدی نے کہا کہ مجلس وحدت مسلمین پاکستان کے ملک بھر میں کامیاب پر امن مظاہروں کی طرح یہ اجتماع بھی مثالی اور عظیم الشان ہو گا۔ مسلمانوں کو چاہیے کہ باہم متحد ہو کر استعماری سازشوں کا مقابلہ کریں اور عالم کفر کو یہ پیغام دیں کہ ہم اپنے مقدسات کے خلاف کوئی بھی بے حرمتی برادشت نہیں کریں گے

maqsood.mwm.domkiمجلس وحدت بلوچستان کے سیکرٹری جنرل علامہ مقصود علی ڈومکی نے ملٹی لینگوئج انٹرنیشنل ویب سائیٹ اسلام ٹائمز سے بات چیت کرتے ہوئے بتایا کہ ایم ڈبلیو ایم کے مرکزی سیکرٹری جنرل علامہ راجہ ناصر عباس جعفری 13 ذوالحج سے بلوچستان کا چار روزہ دورہ کریں گے۔ جہاں وہ بلوچستان میں امن و امان کے قیام کے حوالے سے سیاسی، مذہبی اور سماجی شخصیات سے ملاقاتیں کریں گے۔

انہوں نے کہا کہ مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری سیلاب زدہ علاقوں کا دورہ بھی کریں گے اور وہاں سیلاب کی تباہ کاریوں کا جائزہ لیں گے۔ علامہ مقصود علی ڈومکی نے بتایا کہ بلوچستان کی ابتر صورت حال کے باعث ڈیرہ مراد جمالی میں آل پارٹیز کانفرنس کا انعقاد کیا جائے گا جس میں بلوچستان کی سیاسی و مذہبی پارٹیز کو مدعو کیا جائے گا اور بلوچستان میں امن و امان کے بحالی اور بیروبی مداخلت کے خلاف لائحہ تیار کیا جائے گا۔

علامہ مقصود علی ڈومکی نے مزید کہا کہ ہم مشن انبیاء (ع) کے امین ہیں لہذا اصلاح معاشرہ کا آغاز خود سازی سے کریں گے۔ انہوں نے کہا کہ تعلیم و تربیت اور تزکیہ و تہذیب نفس کے بغیر ہم الہی تحریک کے کارکن نہیں بن سکتے۔ انہوں نے کہا کہ 13، 14 اکتوبر کو ڈیرہ مراد جمالی میں صوبائی تربیتی ورکشاپ منعقد کی جائے گی جس میں موضوعاتی دروس اور دینی تربیتی پروگرام ہوں گے۔

ترکی اور شام کی سرحد کے قریب واقع ترک قصبے میں شامی سرحد سے فائر کئے گئے راکٹ سے پانچ افراد کی ہلاکت کے بعد ترکی نے بھی جوابی کارروائی کے طور پر شامی علاقے میں کچھ اہداف کو نشانہ بنایا ہے۔۔
اطلاعات کے مطابق شامی سرحدسے فائر ہونے والے راکٹ سے ترکی میں پانچ افراد ہلاک ہوئے ابھی یہ بات واضح نہیں کہ یہ گولے شامی افواج کی جانب سے فائر کئے گئے ہیں یا پھر شدت پسندوں کی جانب سے لیکن شام میں عسکری مداخلت کا بہانہ تلاس کرنے والی تمام قوتیں اس وقت اسے بہانہ بنارہی ہیں اور ایک بڑے حملہ کا سوچ رہی ہیں ترکی نیٹو کے معاہدے کے سبب نیٹونے فورا میٹنگ کال کی ہے جبکہ نیٹوکی میٹنگ کی کال کے جواب میں روس نے خبردار کیا ہے کہ بے بنیاد بہانوں سے شام میں مداخلت کا نتیجہ اچھا نہیں ہوگا
واضح رہے کہ شام میں داخل ہونے والے شدت پسندوں میں سے اکثر ترکی کی ٹرینگ کیمپس میں تربیت پاتے ہیں اور پھر ترکی انہیں شام تک پہنچنے کی پوری مدد فراہم کرتا ہے

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree