The Latest
وحدت نیوز(گلگت) عوامی ایکشن کمیٹی حقیقی معنوں میں گلگت بلتستان کے عوام کے حقوق کی جنگ لڑ رہی ہے۔ عوامی ایکشن کمیٹی کے 15 اگست کی ہڑتال کی بھرپور حمایت کرتے ہیں اور جب تک گلگت بلتستان کے عوام کے بنیادی مسائل حل نہیں ہوتے یہ جنگ مسلسل لڑتے رہیں گے۔
مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی نے کہا ہے کہ جتنی دیر علاقے کے عوام کو محروم رکھا جائیگا اسی حساب سے عوامی بیداری بڑھتی ہی چلی جائیگی اور وہ دن دور نہیں جب حکمرانوں کو عوامی مطالبات کے آگے سرتسلیم خم کرنا پڑے گا۔گلگت بلتستان کے عوام اپنے حقوق سے آگاہ ہیں اور پرامن طور پر حقوق کی جنگ لڑرہے ہیں اور اس طویل جنگ میں فتح انشاء اللہ عوام کی ہی ہوگی۔انہوں نے کہا کہ عوامی ایکشن کمیٹی کے مطالبات جائز اور قانونی ہیں جن پر فوری طور پر عمل درآمد ہونا چاہئے۔عوامی ایکشن کمیٹی جس میں تمام جماعتوں کی نمائندگی ہے جس نے اپنے قیام سے لیکر اب تک جی بی کے عوام کی ترجمانی کی ہے اور ایک پرامن جدوجہد کی تاریخ رقم کی ہے نیز گلگت بلتستان کے پرامن ماحول میں ایکشن کمیٹی کا کلیدی کردار ہے۔انہوں نے کہا کہ ہم عدم تشددکی سیاست پر یقین رکھتے ہیں لیکن اگر حکومت نے ہمارے پرامن احتجاج کو سبوتاژ کرنے کی کوشش کی تو اس کی تمام تر ذمہ داری حکومت پر عائد ہوگی۔قانون کے دائرے میں رہتے ہوئے اپنے حقوق کیلئے پرامن احتجاج ہر کسی کا بنیادی حق ہے اور گلگت بلتستان کے عوام کو حق حاصل ہے کہ وہ اپنے بنیادی مسائل کے حل کیلئے ہر جائز اور قانونی راستہ اختیار کریں۔انہوں نے عوام سے اس ہڑتال کو کامیاب بنانے کی اپیل کے ساتھ ایم ڈبلیو ایم کے کارکنان اور عہدیداروں کو تاکید کی کہ وہ اس پروگرام کو کامیاب کرنے کیلئے ایکشن کمیٹی سے بھرپور تعاون کریں۔
وحدت نیوز(ملتان) مجلس وحدت مسلمین جنوبی پنجاب کے سیکرٹری جنرل اور معروف عالم دین علامہ سید اقتدار حسین نقوی کے بھائی اور نانی کی رسم سوئم امام بارگاہ لاری اڈہ (شورکوٹ )میں ادا کی گئی، رسم سوئم میں مجلس وحدت مسلمین پاکستان کے مرکزی رہنمائوں سمیت جنوبی پنجاب کے تمام اضلاع کے رہنمائوں نے شرکت کی۔ علاوہ ازیں مقامی سیاسی، سماجی اور مذہبی شخصیات بھی شریک تھیں۔ رسم سوئم سے مجلس وحدت مسلمین کے مرکزی رہنما علامہ سید احمد اقبال رضوی نے خطاب کرتے ہوئے کہا کہ سیرت اہلبیت اور قرآن مجید کے احکامات پر عمل پیرا ہوکر ہی ہم دنیا اور آخرت میں کامیابی حاصل کرسکتے ہیں۔ اُنہوں نے مزید کہا کہ آج مسلمانوں قرآن واہلبیت سے دوری کی وجہ سے زوال اور پستی کا شکار ہیں، دنیا کے جن ممالک میں اہلیبیت کی سیرت اور قرآن مجید کو اپنے آئین حصہ بنایا گیا ہے وہ کامیابی کی جانب گامزن ہیں ، بدقسمتی سے ہمارے حکمران اہلبیت کی سیرت اور قرآن مجید کے احکامات سے نابلد ہیں جن کی وجہ سے ہمیں مشکلات اور پریشانی میں مبتلا ہیں۔ اُنہوں نے کہا کہ اس وقت پاکستان سمیت عالم اسلام کو اتحاد اور یکجہتی کی ضرورت ہے، دشمن اسلام اور پاکستان ایک مخصوص نظریے اور سوچ کے ذریعے ہمیں نشانہ بنارہا ہے۔ پاکستان میں دہشت گردی کے ناسور کو اتحاد اور وحدت کی طاقت سے ختم کیا جاسکتا ہے۔ اس موقع پر مجلس وحدت مسلمین کے مرکزی رہنما سید اسد عباس نقوی، سید عدیل عباس زیدی، مولانا اسد عباس آہیر، علامہ قاضی نادر حسین علوی، سید فرخ مہدی، سید جواد رضا سمیت دیگر رہنمائوں نے شرکت کی۔
وحدت نیوز(فیصل آباد) مجلس وحدت مسلمین فیصل آباد شہدائےکوئٹہ کی یاد میں شمعیں روشن کی گئیں اس موقع پرضلع بھرسے کثیراہم شخصیات نےشرکت کی صوبائی سیکرٹری تعلیم ڈاکٹر افتخار حسین نقوی صاحب علامہ احسان جعفری سیکرٹری جنرل اوربرادر سید حسنین شیرازی نے میڈیا سے گفتگو کرتےہوئے کہا کہ کوئٹہ میں دہشتگردی بم دھماکوں کی شدید مذمت کرتے ہیں اور ریاست میں امن وامان قائم کرنا حکومت کا اولین فرض ہے کوئٹہ میں ٹارگٹ کلنگ دہشتگردی بم دہماکے روز کا معمول بن چکے ہیں جس سے عام آدمی کےلئے معمول کی زندگی گذارنا مشکل ہوچکی ہےلگتا ہے حکومت و سکیورٹی ادارے ناکام ہوچکے ہیں اور ہروز کی دہشتگردی انکی نااہلی کا منہ بولتا ثبوت ہے ۔
انہوں نے مزید کہا کہ ہم شہدائے کوئٹہ کے ورثا ء کے غم میں برابر کے شریک ہیں وحکومت سے مطالبہ کرتے ہیں کہ اس واقعہ میں ملوث افراداورانکےپشت پناہوں کو جلد از جلد گرفتار کرکے کیفر کردار تک پہنچائے اور انکاٹرائل آرمی عدالتوں میں کیا جائے۔اس موقع پر علمائے کرام کثیر تعداد میں موجود تھے۔
وحدت نیوز(کراچی) مجلس وحدت مسلمین پاکستان کے مرکزی ترجمان علامہ مختار امامی نے وحدت ہاوس میں صوبائی اور ڈویژن کابینہ کے اہم اجلاس سے خطاب کرتے ہوئے کہا کہ پاکستان لاکھوں بہادر لوگوں کی جانی و مالی قربانیوں کا حاصل ہے، یہ قربانیاں ایک عظیم مقصد کے لیے دی گئی، وہ عظیم مقصد خطے کے حصول کے لیے تھا، جس پر اسلام کے سنہری اور پاکیزہ حصول کا عملی اجرا کیا جا سکے، بد قسمتی سے پاکستان اور اسلام دشمن عناصر نظریہ پاکستان پر ضرب لگانے لے لیے عالمی طاقتوں کے ایماء پر پاکستان میں، گروہی لسانی، مذہبی گروہ بندیوں میں اس حد تک تقسیم کر رہا ہے کہ نظریہ پاکستان کی روح دھندلا جائے۔ آزادی کے بعد سے اب تک پاکستان نے بہت سی مصیبتں برداشت کیں اور یہ سفر اتنا ہی مشکل اور کٹھن تھا جتنا پاکستان بننے میں تھا، اس سرزمین کے باوفا بیٹے اس پاک سر زمین کے دفاع کے لیے اپنی جانوں کا نذرانہ دیتے آئے ہیں اور دیتے رہیں گئے، مجلس وحدت مسلمین اور ملک بھر میں محبت کرنے والے شیعہ، سنی عوام اس ملک کا حقیقی نظریاتی و جغرافیائی دفاع ہیں۔ یہ وجہ ہے کہ بد ترین دہشت گردی اور ظلم و ستم کے باوجود دشمن کامیاب نہیں ہو سکا، کیونکہ اس پاک وطن کی مٹی میں شہیدوں کا لہو شامل ہے، اگر کوئی اس ملک سے غداری کرنا بھی چائے تو شہدوں کا لہو اسکی حفاطت کرتا ہے۔
علامہ مختار امامی نے کہا ہے کہ 14 اگست کو قائد اعظم نے پاکستان کا تحفہ دیا، یو م آزادی اس تجدید عہد کا دن ہے، وطن عزیز کی حفاظت اور ترقی ہماری ذمہ داری ہے، اس کی ترقی کے لیے تمام مذہبی، سیاسی، ثقافتی ہم آہنگ جماعتیں ملکر قومیت کے بْت توڑ دیں، ہمیں یک جان ہو کر دہشت گردی کے کینسر کے خلاف اعلان جنگ کرنا ہو گا۔ ہمارا عہد ہے کہ خون کے آخری قطرئے تک ہم پاک فوج کے شانہ بشانہ اس وطن کا دفاع کریں گئے۔انہوں نے نئی نسل کو مخاطب کرتے ہوئے کہا کہ نوجوانوں کو چاہیے قائد اعظم محمد علی جناح اور علامہ ڈاکٹر محمد اقبال کو اپنا رول ماڈل بنائیں۔
وحدت نیوز(اسلام آباد) بلتستان کے معروف عالم دین علامہ شیخ حسن جوہری نے کہا ہے کہ وزیراعلٰی گلگت بلتستان حافظ حفیظ الرحمٰن بلتستان کے پرامن اور اتحاد بین المسلمین کے داعی علمائے کرام کی، تذلیل و توہین کرنا بند کریں اور اس بات کی وضاحت کریں کہ لاشوں اور قبروں کی سیاست کرنے والے علماء کون ہیں؟ اگر انہوں نے امن کے داعی علمائے کرام کے خلاف زبان بند نہ کی تو ان کو سخت ردعمل کا سامنا کرنا پڑے گا۔ میڈیا سے گفتگو کرتے ہوئے انہوں نے کہا کہ تاریخ گواہ ہے کہ بلتستان کے علمائے کرام نے لاشیں اٹھانے کے باوجود امن کا دامن ہاتھ سے نہیں چھوڑا اور ہمیشہ لوگوں کو امن کی تلقین کی۔ لیکن وزیراعلٰی حافظ حفیظ الرحمٰن امن کے قیام میں کردار ادا کرنے والے علمائے کرام کی تضحیک کر رہے ہیں، بتایا جائے کہ کس عالم نے لاشوں اور قبروں پر سیاست کی ہے۔ انہوں نے کہا کہ مسلم لیگ نون دھاندلی کے ذریعے اقتدار میں آئی ہے، یہ غنڈہ گردوں اور انتہاء پسندوں کی جماعت ہے۔ ہم یہ بڑے وثوق سے کہتے ہیں کہ حفیظ الرحمٰن بلتستان کے ساتھ ہرگز مخلص نہیں ہیں۔ وہ سابقہ ادوار کے ترقیاتی منصوبوں پر تختیاں لگانے کیلئے اس وقت اسکردو میں موجود ہیں اور دن میں کم سے کم چار یا پانچ ترقیاتی منصوبوں پر تختیاں لگا رہے ہیں اور سابق حکومتوں کے ترقیاتی منصوبوں کا کریڈیٹ خود لینے کی کوشش کر رہے ہیں۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری اطلاعات سید علی احمر زیدی نے انسداد الیکٹرانک جرائم بل (سائبر کرائمز بل)کی پارلیمنٹ سے منظوری پر اپنے ردعمل کا اظہار کرتے ہوئے کہا ہے کہ مذکورہ بل کی متعدد شقیں اظہار رائے کی آزادی سے متصادم ہیں۔حکومت کے نامناسب اقدامات کے خلاف آواز بلند کرنا عوام کا جمہوری حق ہے۔ عوام سے یہ حق نہ چھینا جائے۔انہوں نے کہاکہ عوامی ردعمل حکومت کے درست سمت کے تعین میں رہنما ثابت ہوتا ہے۔اس لیے اس آواز کو دبانا حکومت کے اپنے مفاد میں بھی نہیں۔ جمہوری معاشروں میں اظہار رائے کی آزادی اورجائز تنقید کو جمہوری طرز حکومت کا حُسن سمجھا جاتا ہے۔پاکستان ایک جمہوری ریاست ہے جہاں عوام کو حکومت پر بجا تنقید کا آئینی حق حاصل ہے۔انہوں نے کہا کہ اس بل میں اصلاحات انتہائی ضروری ہیں۔دہشت گردی کے خاتمے کے لیے قوانین مزید سخت کرنا ہوں گے۔سوشل میڈیا پر تکفیریت و انتہاپسندی کے پرچار کو قومی مفاد اور ملکی سالمیت کےخلاف جرم تصور کرتے ہوئے سخت ترین سزا کا تعین ہونا چاہیے۔
وحدت نیوز(جعفرآباد) مجلس وحدت مسلمین بلوچستان کے صوبائی ڈپٹی آرگنائزر سہیل اکبر شیرازی نے کوئٹہ میں دہشتگردی بم دھماکوں کی شدید مذمت کرتے ہوئے کہا کہ ریاست میں امن وامان قائم کرنا حکومت وقت کا اولین فرض ہے کوئٹہ میں ٹارگٹ کلنگ دہشتگردی بم دہماکے روز کا معمول بن چکے ہیں جس سے عام آدمی کی معمول کی زندگی گذارنا مشکل ہوچکی ہےلگتا ہے حکومت و سکیورٹی ادارے ناکام ہوچکے ہیں اور ہروز کی دہشتگردی انکی نااہلی کا منہ بولتا ثبوت ہے ۔
انہوں نے مزید کہا کہ ہم شہدائے کوئٹہ کے ورثا ء کے غم میں برابر کے شریک ہیں وحکومت سے مطالبہ کرتے ہیں کہ اس واقعہ کے گناہگاروں کو جلد از جلد گرفتار کرکے کیفر کردار تک پہنچائے وزخمیوں کا مکمل علاج معالجہ کروائے۔
وحدت نیوز(کراچی) مجلس وحدت مسلمین پاکستان سندھ کے سیکریٹری جنرل علامہ مقصود ڈومکی نے کہا ہے کہ ملک کو قائد و اقبال کا پاکستان بنانے تک ایم ڈبلیو ایم کی احتجاجی تحریک جاری رہے گی، نیشنل ایکشن پلان پر مکمل عملدرآمد کو یقینی بنایا جائے، اب قومی سلامتی کے نام پر اجلاسوں میں محض گفتند، نشستند، برخاستند سے کام نہیں چلے گا، جشن یوم آزادی کے حوالے سے تیرہ اگست کی شب کو کراچی سمیت سندھ بھر میں اہم مقامات پر چراغاں کیا جائے گا، 14 اگست کو مزار قائد پر حاضری اور صوبے بھر میں سیمینارز، ریلیاں، جلسے بھی منعقد کئے جائیں گے۔ وہ صوبائی دفتر وحدت ہاو ¿س کراچی میں صوبائی کابینہ کے اجلاس سے خطاب کر رہے تھے۔اجلاس سے خطاب کرتے ہوئے ایم ڈبلیو ایم سندھ کے سکریٹری جنرل علامہ مقصود ڈومکی نے کہا کہ نیشنل ایکشن پلان پر مکمل عملدرآمد سے گریز اور دہشتگردی کے خاتمے کے حوالے سے حکومت اور ریاستی اداروں کی غفلت ملکی سالمیت و بقاءکیلئے خطرناک اور انتہائی تشوشناک ہے، اس سے قبل کے عوام سڑکوں پر نکل آئے، حکمران اور ریاستی ادارے ہوش کے ناخن لیتے ہوئے نیشنل ایکشن پلان پر اسکی روح کے مطابق مکمل عملدرآمد کو فی الفور یقینی بنایا جائے، کیونکہ اب قومی سلامتی کے نام پر اجلاسوں میں محض گفتند، نشستند، برخاستند سے کام نہیں چلے گا۔
انہوں نے کہا کہ تاثر عام ہے کہ ہر سانحے کے بعد سیاسی اور عسکری قیادتوں کا دہشتگردوں کیساتھ پوری قوت سے نمٹنے کا اعلان اب ایک روایت بن چکا ہے، ملت تشیع سربراہ پاک فوج کے ملک بھر میں دہشتگرد عناصر کیخلاف کومبنگ آپریشن کے اعلان کو خوش آئند سمجھتی ہے، لیکن اسے روایت سے ہٹ کر ایک عملی اقدام میں ڈھالنے کی ضرورت ہے۔ صوبائی سیکریٹری جنرل کا کہنا تھا کہ محب وطن ملت تشیع پاکستان علامہ راجہ ناصر عباس جعفری کے ہمراہ دہشتگردی اور لاقانونیت کے خاتمے کیلئے میدان میں سرگرم عمل ہے، تاکہ وطن عزیزکو قائد کے خوابوں کے مطابق ایک پ ±رامن اور عظیم ریاست بنایا جا سکے، ملک کو قائد و اقبال کا پاکستان بنانے تک ایم ڈبلیو ایم کی احتجاجی تحریک جاری رہے گی۔ صوبائی اجلاس میں فیصلہ کیا گیا کہ 14 اگست یوم آزادی مملکت خداداد پاکستان کے حوالے سے تیرہ اگست کی شب کو کراچی سمیت سندھ بھر میں اہم مقامات پر چراغاں کیا جائے گا، 14 اگست کو ایم ڈبلیو ایم کا وفد علمائے کرام کی قیادت میں مزار قائد پرحاضری دیگا، جبکہ یوم آزادی کی مناسبت سے کراچی سمیت صوبے بھر میں سیمینارز، ریلیاں، جلسے منعقد کئے جائیں گے۔
وحدت نیوز(چمن) ایم ڈبلیوایم کے مرکزی رہنما علامہ ہاشم موسوی کی زیر قیادت شیعہ ہزارہ عمائدین کا ایک وفد جس میں مجلس وحدت مسلمین،ہزارہ قومی جرگہ،شیعہ علماء کونسل اور پیپلز پارٹی(شعبہ علمدارروڈ) کے سربراہان نے چمن شہر میں وفد نے سانحہ کوئٹہ کے شہداء کے لواحقین کے گھروں میں جا کر تعزیت کی۔اے این پی کے صوبائی سربراہ اصغرخان اچکزئی کی رہائشگاہ میں جم غفیر کی موجودگی میں علامہ سید ہاشم موسوی نے اپنے مختصر خطاب میں سانحہ کوئٹہ کے دلخراش واقعہ کی مذمت کرتے ہوئے اتحاد بین المسلمین کی ضرورت پر زور دیا۔انہوں نے مزید کہا کے اب وقت آگیا ہے کہ شیعہ سنی مسلمان اپنے مشترکہ دشمن یعنی تکفیری سوچ رکھنے والے عناصر کو پہچان لیں۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کوئٹہ میں دہشت گردی کے المناک واقعہ کے دوسرے ہی دن بعد ہونے والے بم دھماکہ پر گہری تشویش کا اظہار کرتے ہوئے کہا ہے کہ انتہا پسند عناصر سیکورٹی اداروں کے لیے چیلنج کی شکل اختیار کر تے جا رہے ہیں۔ریاستی اداروں کی یہ بے بسی پوری قوم کے اضطراب کا باعث ہے۔عوام یہ سوچنے پر مجبور ہے کہ دہشت گردی سے نمٹنے اور نیشنل ایکشن پلان پر عملدرآمدکے لیے سیاسی و عسکری قوتیں اگر ایک پیج پر ہیں تو پھرکالعدم جماعتوں کے خلاف فوری آپریشن میں کونسی رکاوٹ حائل ہے۔حکمران اور فوج دہشت گردوں اور ان کے سہولت کاروں کے خلاف کاروائی کرے پوری قوم ان کا ساتھ دے گی۔دہشت گردی کے عفریت کو جڑ سے اکھاڑ پھینک کر ملک کو ترقی و استحکام کی راہ پر گامزن کرنے کا اب وقت آ گیا ہے۔ تاکہ وطن عزیزکو قائد کے خوابوں کے مطابق ایک پُرامن اور عظیم ریاست بنایا جا سکے۔
انہوں نے کہا کہ بلوچستان سمیت ملک بھر میں دہشت گردوں کے خلاف بھرپور آپریشن سے ہی انتہا پسندی کے خلاف حکومت کی غیر سنجیدگی کے تاثر کو زائل کیا جا سکتا ہے ۔اس وقت وطن عزیز اپنے نازک ترین دور سے گزر رہا ہے۔بیرونی خلفشار،داخلی جارحیت اور عدم تحفظ کے بڑھتے ہوئے احساس نے ملک کی سالمیت واستحکام کو شدید خطرات سے دوچار کر رکھا ہے۔ملک کی تمام سیاسی و مذہبی جماعتوں کو انتہا پسندی کے خلاف ایک موقف اختیار کرتے ہوئے فوری اور فیصلہ کن آپریشن کی راہ ہموار کرنا ہو گی۔کسی بھی کالعدم جماعت اورگروہ جو ملکی مفادات کے منافی سرگرمیوں میں مصروف ہے کو انصاف کے کٹہرے میں لایاجائے۔
انہوں نے کہا کہ حکومت کی جانب سے دہشت گردوں کے خلاف کاروائی کا اظہار جس بھرپور عزم سے کیا گیا ہے اس عزم کے ساتھ اس پر عمل درآمد بھی انتہائی ضروری ہے۔متعدد بارحکومتی سطح پر اس بات کو دھرایا جا چکا ہے کہ بلوچستان میں دہشت گردی کی کارروائیوں میں کالعدم مذہبی جماعتیں ملوث ہیں جنہیں بھارتی خفیہ ایجنسی را اور دیگر ملک دشمن قوتیں وسائل فراہم کر رہی ہیں۔لیکن یہ امرحیران کن ہے کہ اُن غیر ملکی ایجنسیوں اور کالعدم جماعتوں کے خلاف اقدامات کیوں نہیں کیے جاتے۔جن کا اصل ہدف اقتصادی راہدری اور وطن عزیز کی ترقی و خوشحالی کی راہ میں روڑے اٹکانا ہے۔ان ناپاک عزائم کو ناکام بنانے کے لیے انتہاپسندوں کی بیخ کنی حکومت کی اولین ترجیح قرار دی جانی چاہیے۔
