وحدت نیوز(اسلام آباد) مجلس وحدت مسلمین پاکستان کے سربراہ علامہ راجہ ناصر عباس جعفری کے اعلان پر ملت تشیع کی طرف سے فیض آباد انٹر چینج پر دھرنا دیا گیا اور ٹریفک کی آمد و رفت کو تمام اطراف سے روک دیا گیا۔ دھرنے کی قیادت مجلس وحدت مسلمین کے مرکزی ڈپٹی سیکرٹری جنرل علامہ حسن ظفر نقوی نے کی۔ ان کے علاوہ علماء و کارکنان کثیر تعداد میں موجود تھے۔ شرکاء سے خطاب کرتے ہوئے علامہ حسن ظفر نقوی نے کہا کہ ملت تشیع نے احتجاج میں بھرپور شرکت کرکے یہ ثابت کیا ہے کہ ہم بیدار قوم ہیں اور حق کی آواز پر لبیک کہنے کے لئے ہر لمحہ تیار ہیں۔ آج کا یہ دھرنا علامتی دھرنا ہے۔ 7 اگست کو ملک کے تمام شہروں سے لوگ اسلام آباد کی طرف رُخ کریں گے اور عوامی طاقت کا بھرپور مظاہرہ کیا جائے گا۔ انہوں نے کہا کہ اہل تشیع پر حکومتی مظالم، ملک میں بڑھتی ہوئی عدم تحفظ کی فضاء اور شیعہ ٹارگٹ کلنگ کے واقعات پر حکومت کی دانستہ غفلت نے آج ہمیں شاہراہوں پر نکلنے کے لئے مجبور کر دیا ہے۔ ہمارے قائد علامہ ناصر عباس جعفری 70 روز سے ایک بھوک ہڑتال کیمپ میں بیٹھ کر پُرامن اور خاموش احتجاج کر رہے ہیں، لیکن حکمران ٹس سے مس ہونے کا نام نہیں لے رہے۔ملک بھر کی شاہراہیں جام کرکے ملت جعفریہ نے علامہ راجہ ناصرعباس  کی جدوجہد سے تجدید عہد وفا کیاہے۔

علامہ حسن ظفرنقوی کا کہنا تھا کہ جمہوریت کی آڑ میں شخصی آمریت کو فروغ دیا جا رہا ہے۔ ہم اپنے ساتھ حکومت کی طرف سے تیسرے درجے کے شہریوں کا سلوک برداشت نہیں کریں گے۔ ہمارے ملک پر قابض حکمرانوں کو عوام کے جان و مال کی کوئی پرواہ نہیں۔ ان کی گردنوں میں اتفاق فاونڈری کا سریا ہے۔ ہم ان ظالموں کا تعاقب جاری رکھیں گے۔ انہوں نے کہا کہ ہمارا ایک بھی مطالبہ ایسا نہیں جو قوم و ملک کے مفادات کے منافی ہو۔ ہم دہشتگردوں اور ان کے پشت پناہوں کے خلاف آپریشن چاہتے ہیں۔ ہم ایسے پاکستان کے متلاشی ہیں، جہاں تمام مذاہب و مسالک کو مذہبی آزادی حاصل ہو۔ ہمارا مطالبہ ہے کہ پارا چنار میں بااختیار ادارے کے اہلکاروں کی طرف سے مظلوم افراد کے سروں میں گولی مارنے کے واقعہ کی تحقیقات کے لئے کمیشن قائم کیا جائے۔ انہوں نے کہا کہ دہشت گردوں نے اس ملک میں لاتعداد سانحات کو جنم دیا ہے۔ جن کے نتیجے میں ہزاروں خاندان بے آسرا ہوچکے ہیں۔

ایم ڈبلیو ایم کے ڈپٹی سیکرٹری جنرل کا کہنا تھا کہ دہشتگردی میں ملوث افراد کے مقدمات کو فوجی عدالتوں کے حوالے کیا جائے۔ حکومت بتائے کہ ہمارا کونسا مطالبہ غیر آئینی ہے۔ علامہ حسن ظفر نقوی نے کہا کہ ہمارا پرامن احتجاج ہمارے ذمہ دار قوم ہونے کی دلیل ہے۔ ہم اس ملک کے محب وطن شہری ہیں اور ہمیشہ حب الوطنی کا حق ادا کیا ہے۔ اس ملک کو قائد و اقبال کے خوابوں کی عملی تعبیر بنا کر دم لیں گے۔ جب تک ملک دشمن طاقتوں اور پاکستان کے خلاف سازشوں کا خاتمہ نہیں ہوتا، تب تک اس ملک کے باوفا بیٹے چین سے نہیں بیٹھے گے۔ فیض آباد انٹر چینج پر ہونے والے احتجاج میں علامہ حسنین گردیزی، علامہ عبدالخالق اسدی، علامہ علی اکبر کاظمی، علامہ ظہیر سبزواری، علامہ مرزا حسین صابری، علامہ نیاز حسین بخاری، علامہ سخاوت علی قمی، علامہ اعوان علی شاہ، علامہ غلام محمد عابدی، ملک اقرار حسین اور نثار فیضی کے علاوہ دیگر مرکزی رہنماوں نے بھی شرکت کی۔

وحدت نیوز(لاہور) مجلس وحدت مسلمین کے زیراہتمام سربراہ ایم ڈبلیو ایم علامہ راجہ ناصر عباس جعفری کی ٹارگٹ کلنگ اور نیشنل پلان کی آڑ میں دہشتگردی کے سب سے زیادہ متاثرہ مکتب فکر ملت جعفریہ کیخلاف حکومتی انتقامی کارروائیوں کیخلاف 13 مئی سے جاری بھوک ہڑتال تحریک پر حکومتی بے حسی کیخلاف ملک بھر کے 70 سے زائد اہم شاہراہوں پر علامتی دھرنے دیئے گئے، جو رات گئے تک جاری رہے، دھرنے میں مرد، خواتین اور بچوں کی بڑی تعداد نے شرکت کی۔ لاہور  میں مال روڈ پر اسمبلی ہال کے سامنے دھرنا دیا گیا۔ لاہور میں ہونیوالے دھرنے کی قیادت مرکزی ڈپٹی سیکرٹری جنرل علامہ احمد اقبال رضوی نے کی۔ دھرنے میں علامہ حسن ہمدانی، علامہ سید حیدر علی الموسوی، علامہ ابوذر مہدوی، علامہ سید بشیر حسین رضوی، علامہ سید مبارک علی الموسوی، علامہ سید وقار الحسنین نقوی بھی شریک ہوئے۔

دھرنے سے خطاب کرتے ہوئے علامہ سید احمد اقبال رضوی مرکزی ڈپٹی سیکرٹری جنرل مجلس وحدت مسلمین پاکستان نے کہا کہ پورے پاکستان میں ایک بار پھر سینکڑوں مقامات پر پُرامن دھرنوں سے حکمرانوں کو یہ بات باور کر لینی چاہیئے کہ ہم پُرامن ہیں، ہم اس ملک کے اصل وارث ہیں، ہم نے ایک پتا بھی نہیں توڑا، ہم اقبال و قائد کے پاکستان کو تلاش کرنے نکلے ہیں، اہل سنت و معتدل قوتیں ہماری اس تحریک میں شامل ہیں اور ساتھ ساتھ ہیں، جن تکفیریوں نے نیشنل ایکشن پلان کو ہائی جیک کر کے پاکستان کو خطرات سے دوچار کر دیا ہے ان سے پاکستان کو واپس لانا ہے، حکمران اور سیکیورٹی ادارے شیعیان حیدر کرار کے قاتلوں کو کیفر کردار تک پہنچائیں ورنہ یہ احتجاجی تحریک اسی جذبے کیساتھ آگے بڑھتی رہیگی۔ انہوں نے کہا کہ ہم پاکستان کو فرقہ وارانہ بنیادوں پر تقسیم نہیں ہونے دینگے اور اپنے اس احتجاجی تحریک کے اگلے مرحلے میں 7 اگست کو اسلام آباد میں قومی اجتماع ہو گا۔

دھرنے کے شرکاء سے خطاب کرتے ہوئے علامہ سید حیدر الموسوی نے کہا پوری پاکستانی قوم کی پکار ہیں کہ ہمیں پرامن اور مستحکم پاکستان چاہیئے، بدقسمتی سے ہمارے نااہل حکمرانوں اور ریاستی اداروں کی مصلحت پسندی نے ہم پر دہشتگردوں کو مسلط کر رکھا ہے، ہمارے دشمن اپنے مشن میں کامیاب ہوتے نظر آ رہے، پاکستان میں مٹھی بھر ایک مخصوص سوچ کا حامل تکفیری گروہ پُرامن اور نہتے عوام پر مسلط ہے، یہ دہشتگرد گروہ استکباری طاقتوں کا ایجنٹ ہے، ہم آج میدان میں اس لئے ہیں کہ آئندہ کسی پاکستانی کی کوئی لاش نہ گرے۔ علامہ حیدر الموسوی نے کہا کہ حکمران سن لیں ہم ہار ماننے والوں میں سے نہیں، نہ ہی تمھارے لولی پاپ پر احتجاج ختم کریں گے، ہم اپنے مطالبات پر عملدرآمد تک سڑکوں پر بیٹھیں گے، چاہے اس میں ہمیں ایک سال ہی کیوں نہ لگے، ہمارے قائدین کے اعلان کے ہم منتظر ہیں، اگر ہمارے خلاف سازشیں جاری رہی تو ہم عاشورا اسلام آباد میں منائیں گے۔

وحدت نیوز(ملتان) مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی نے کہا ہے کہ پاکستان میں شیعہ سنی کا کوئی مسئلہ نہیں ہے، کچھ نادیدہ قوتیں دونوں کے درمیان فاصلے پیدا کررہی ہیں، پاکستان کو شیعہ اور سنی نے مل کربنایا تھا ور انشاء اللہ ملک کر بچائیں گے۔ حکومت جنوبی پنجاب سمیت ملک بھر میں دہشت گردوں کے خلاف کاروائی کرنے سے گریزاں ہے۔ ان خیالات کااظہار انہوں نے ملتان میں صحافیوں کے اعزاز میں دیے گئے عید ملن پارٹی سے خطاب کرتے ہوئے کیا۔ اس موقع پر ڈپتی سیکرٹری جنرل محمد عباس صدیقی، ترجمان ثقلین نقوی، سخاوت علی اور جوادجعفری موجودتھے۔ علامہ اقتدار نقوی کا مزید کہنا تھاکہ آج 22جولائی کو ملک بھر میں مظلوم اور پسے ہوئے طبقات اپنے مطالبات کے حق میں شام 4بجے سے ملک بھر کی اہم شاہراؤں کو بند کردیں گے۔ علامہ اقتدار نقوی نے کہا کہ جنوبی پنجاب کے آٹھ اضلاع میں اہم شاہراؤں کو بند کردیا جائے گا۔ ملتان میں خانیوال روڈ پر سہو چوک کے مقام پر مین ہائی وے بند کردیاجائے گا۔ مظفرگڑھ میں منڈاچوک، رحیم یارخان میں چوک بہادر، بہاولپور میں فرید گیٹ، وہاڑی میں چیچہ وطنی روڈ، علی پور میں کالج روڈ، لیہ میں کاظمی چوک، اور ڈیرہ غازیخان میں کوٹ چھٹہ کے مقام پر دھرنے دیے جائیں گے اور مرکزی شاہرائیں بلاک کردی جائیں گی۔ علامہ اقتدار نقوی کا مزید کہنا تھا کہ ہم ملک میں ہر مظلوم کے حامی ہیں ، پاکستان میں حقیقی اہلسنت کو چن چن کو مارا جارہا ہے، درود سلام پر پابندی عائد کی جارہی ہے، بانیان مجالس کو بے بنیاد مقدمات میں پھنسایاجارہاہے۔ اُنہوں نے کہا کہ جب تک ہمارے مطالبات تسلیم نہیں ہوتے ہمارا احتجاج جاری رکھے گا۔

وحدت نیوز(لاہور) مجلس وحدت مسلمین کے رہنماوں نے لاہور پریس کلب پر جاری احتجاجی کیمپ میں پریس کانفرنس سے خطاب کیا پریس کانفرنس میں علامہ سید حیدر علی الموسوی،علامہ ابوذر مہدوی،علامہ حسن ہمدانی،علامہ محسن حسین آبادی،شیعہ شہریان پاکستان کے رہنما علامہ وقارالحسنین نقوی شریک تھے پریس کانفرنس سے خطاب کر تے ہوئے بزرگ عالم دین اور مجلس وحدت مسلمین کے رہنما علامہ حیدر علی الموسوی نے کہا کہ ہم ملک میں جاری شیعہ نسل کشی اور معصوم پاکستانیوں کے قتل عام کے خلاف گذشتہ دوماہ دس دن سے سڑکوں پر موجود ہیں13 مئی سے اسلام آباد میں پریس کلب کے سامنے سربراہ مجلس وحدت مسلمین پاکستان علامہ راجہ ناصر عباس جعفری بھوک ہڑتال پر ہے، جسے انہوں نے مطالبات کی منظوری اور عمل درآمد تک جاری رکھنے کا اعلان کیا ہوا ہے، آج جب ستر دن ہوئے ہیں لیکن بے حس حکمرانوں کی کان پر جوں تک نہیں رینگی،ہمارے اس پر امن احتجاجی تحریک اور مطالبات کی تمام اہم سیاسی رہنما، دینی قائدین بشمول اپوزیشن لیڈر خورشید شاہ صاحب، کرسچئین کمیونٹی، ہندو اور سکھ برادری، پارلیمنٹیر، تشیع سے تعلق رکھنے والی تمام اہم قیادتیں، ذاکرین، ماتمی انجمنیں، طلبا، الغرض مکمل حمایت کا اعلان کر چکے ہیں ہمارے پیش کردہ دس نکاتی مطالبات کو جائز تسلیم کرتے ہوئے ان پر عملی اقدامات کا مطالبہ بھی کرچکے ہیں۔ اب یہ بات واضح ہوچکی کہ ان مطالبات میں سے کوئی ایک مطالبہ بھی غیر جمہوری، غیر آئینی اور غیر قانونی نہیں، یہ وہی مطالبات ہیں جن کی آڑ میں پارلیمنٹ نے نیشنل ایکشن پلان منظور کیا ہے۔ اس ملک اور یہاں بسنے والے شہریان کا حق ہے، مگر یہ کیا کہ ان جائز مطالبات کو منظور کروانے کیلئے اتنے دن کی بھوک ہڑتال بھی ناکافی ثابت ہو رہی ہے۔

انہوں نے کہا کہ حکمرانوں اور مقتدر حلقوں کی مسلسل بے حسی اور جابندارانہ رویوں کو دیکھتے ہوئے ،ہم اس بات پر مجبور ہوگئے ہیں کہ ہم اپنے اس احتجاجی تحریک میں پرامن طور پر شدت لائیں ،مرحلہ وار ہم اپنی اس آئینی و قانونی جنگ کو جمہوری انداز میں لڑیں گے اور انصاف کے حصول تک ہم چین سے نہیں بیٹھیں گے،پنجاب کے متعصب حکمرانوں نے ہمارے خلاف انتقامی کاروائیوں کو مزید تیز کر دیا ہے،پنجاب حکومت میں شامل اہم وزراء دہشتگردوں کی مکمل سرپرستی میں ملوث ہیں،اور یہی مائنڈ سیٹ ملت تشیع کیخلاف انتقامی کاروائیوں میں مصروف ہیں،جنوبی پنجاب میں کالعدم دہشتگرد تکفیری گروہ کو مکمل آزادی اور حکومتی سرپرستی حاصل ہیں،ہمارے ملک بھر میں اسی دہشتگردوں کا نشانہ بننے والے چوبیس ہزار سے زائد شہداء کے لواحقین انصاف کے منتظر ہیں،آئے روز ملک کے کسی نہ کسی کونے میں ہمارے پروفیشنلز کو موت کے گھاٹ اتر دیا جاتا ہے،لیکن آج تک ہمارے کسی شہداء کے قاتل کو سزا تو درکنار گرفتار نہیں کیا،ہمیں بخوبی اندازہ ہے کہ یہ ایک گریٹ گیم کا حصہ ہے،وطن عزیز کو مسلکی بنیاد پر تقسیم کرنے کی درپردہ سازشیں جاری ہیں،ہم قائد و اقبال کے گم شدہ پاکستان کی تلاش میں ہیں،مٹھی بھر تکفیری گروہ کی سرپرستی کرنے والے حکمرانوں اور ریاستی اداروں نے قائد اور اقبال کے پرامن پاکستان کیساتھ ساتھ غداری کی،آج گلی کوچوں اور چوراہوں پر بے گناہ محب وطن پاکستانیوں کے بہنے والے خون کے ذمہ دارا انہی دہشتگردوں کی سرپرستی کرنے والے حکمران اور ادارے ہیں،جیاد افغانستان کے نام پر پاکستان میں دہشتگردی کو ایمپورٹ کرنے کے ذمہ دار کون ہے؟؟

علامہ حیدر الموسوی نے مزید کہا کہ حکومتی ایوانوں اور ملک کے تمام اداروں سے متعصب اور تکفیری سوچ رکھنے والوں کے خاتمے کے بغیر ملک میں امن کا خواب دیکھنے والے احمقوں کی جنت میں رہتے ہیں،نیشنل ایکشن پلان کے نام پر عوام کو بیووقوف نہ بنایا جائے نیشنل ایکشن پالان وفاق اور پنجاب حکومت سیاسی مخالفین کیخلاف استعمال کر رہی ہے،ہم اسی حکومتی ناانصافیوں اور ظلم بربریت کیخلاف کل بروز جمعہ مل گیر احتجاجی مظاہرے اور ملک بھر کے اہم شاہراہوں پر علامتی دھرنے دینگے،حکمران کل ملک گیر پہیہ جام دھرنوں میں رکاوٹ بنے تویہ ان کے اقتدار کے تابوت میں آخری کیل ثابت ہو گی،پنجاب میں مندرجہ ذیل مقامات پر دھرنے ہونگے ،راولپنڈی فیض باد ،لاہور مال روڈپنجاب اسمبلی،گجرانوالہ جی ٹی روڈ چناب پل ،فیصل آ باد سرگودھا روڈ موٹروے ،سرگودھا سیال موڑ موٹر وے ،قصور ملتان روڈ واں ردا رام پل،سیالکوٹ سبلائم چوک ،جھنگ ایوب چوک،جھنگ قائم بھروانہ ،ملتان خانیوال روڈسہو چوک نزد ویلج ہوٹل،بہاولپورفرید گیٹ،رحیم یارخان چوک بہادر،وہاڑی چیچہ وطنی روڈ،مظفرگڑھ منڈا چوک،علی پور، کالج چوک،لیہ کاظمی چوک،اور یرہ غازیخان۔ کوٹ چھٹہ پر احتجاجی مظاہرے و علامتی دھرنے ہونگے جو رات آٹھ بجے تک جاری رہیں گے۔