The Latest
وحدت نیوز (کراچی) مجلس وحدت مسلمین پاکستان کےفلاحی ادارے خیر العمل فاونڈیشن ضلع ملیر کی جانب سے رمضان المبار ک کی مناسبت سے ۳۰۰ مستحق گھرانوں میں راش تقسیم کیا گیا، تفصیلات کے مطابق گذشتہ روز وحدت ہاوس ملیر میں مستحق اور غریب گھرانوں میں راش تقسیم کرنے کی تقریب منعقد کی گئی جس میں علماٗ کرام اور برادران نے شرکت کی ، تقریب کے آغاز میں ایم ڈبلیو ایم ضلع ملیر کے ڈپٹی سیکریٹری جنرل مولانا غلام محمد فاضلی نے دعا کروائی جبکہ اس موقع پر ایم ڈبلیو ایم کراچی ڈویژن کے ڈپٹی سیکریٹری جنرل مولانا نشان حیدر ساجدی ، مولانا غلامحمد جعفری(مدرس جامعہ امام خمینیؒ) ، مولانا منصور روحانی (خطیب مسجد نادعلی پپری گوٹھ)، شیعہ علما کونسل کے مولانا رحمت علی (خطیب جامع مسجد ماروی گوٹھ) ، آغا محمد حسین مطہری سیکریٹری شعبہ تبلیغات ضلع ملیرسمیت ضلعی سیکریٹری جنرل ثمر عباس اور ضلعی و یونٹ کابینہ کے اراکین موجود تھے، تقریب سے خطاب کرتے ہوئے مولانا غلام محمد فاضلی نے کہا کہ خیر العمل فاونڈیشن کی جانب سے مستحق گھرانوں میں راشن کی تقسیم کا عمل قابل ستائش ہے جو گذشتہ کئی سالوں سے جاری ہے اور اس سفر کو مزید آگےتک لے کرجانا ہے، انہوں نے کہا کہ اللہ کی خوشنودی کے لئے مخیرحضرات کے تعاون سے آج ۳۰۰ گھرانوں کی ادنا سی مدد کررہے ہیں انشاءاللہ آئندہ ہزار لوگوں کو بھی اسطرح مستفید کرتے رہیں گے۔اس موقع پر ایم ڈبلیو ایم ضلع ملیر کے سیکریٹری جنرل ثمر عباس نے بتایا کہ خیر العمل فاونڈیشن کی جانب سےسالہائے گذشتہ کی طرح اس سال بھی تین سو خاندانوں میں رمضان راشن بیگ تقسیم کیئے گئے ہیں جن کا کل تخمینہ تقریباً ساڑھے چار لاکھ روپے ہےجبکہ مزید مستحقین کو بھی دینے کی کوشش کی جارہی ہیں۔
وحدت نیوز (کراچی) مجلس وحدت مسلمین پاکستان صوبہ سندھ کے ڈپٹی سیکرٹری جنرل یعقوب حسینی نے کہا ہے کہ ہم اتحاد و اتفاق پر یقین رکھتے ہیں۔ علامہ راجہ ناصر عباس صاحب پوری ملت کیلئے جدوجہد کر رہے ہیں، قوم ہمارا ساتھ دے۔صوبائی سیکرٹریٹ سولجز بازر میں کارکنان کی تربیتی ورکشاب سے خطاب کرتے ہوئے یعقوب حسینی نے کہا ہے کہ ہم ہمیشہ مظلومین کے ساتھ رہے ہیں، حکومت اپنے فرائض انجام نہیں دے رہی ہے۔ ہماری جماعت اتحاد بین المسلمین پر یقین رکھتی ہے، ہم نے اتحاد و اتفاق اور بلا کسی تفریق رنگ و نسل کے خدمت کی ہے۔ انہوں نے کہا کہ ہماری مرکزی قیادت اتحاد بین المسلمین کیلئے کوشاں ہے اور ہمیشہ امن کی تلقین کی ہے، ملک میں امن کی فضاء برقرار رکھنے کیلئے اتحاد کے ذریعے اپنا کرداد ادا کررہے ہیں۔انہوں نے مزید کہا کہ مختلف واردات پر حکومت کی طرف سے خاموشی اور اقدامات نہ اٹھا پر، قائد وحدت علامہ راجہ ناصر عباس صاحب موجودہ وفاقی حکومت کے خلاف احتجاج کا مظاہرہ کر رہے ہیں اور پچھلے ایک مہینے سے بھوک ہڑتال پر ہے۔یعقوب حسینی نے کہا کہ علامہ راجہ ناصر صاحب کا مطالبہ واضح ہے، ہمارا قتل عام بند کیا جائے اور تکفیریوں کو انکے اصل انجام تک پہنچایا جائے۔ اس ملک کے قیام میں ہمارے بزرگوں کی جدوجہد شامل ہے اور ہمیں ہی اس ملک سے بے دخل کرنے کی کوشش کی جارہی ہے۔ ہمارے پروفیشنلز اور ہمارے سماجی کارکنوں کو شہید کیا جا رہا ہے، انہوں نے کہا حکومت ان واقعات سے ایسے نظریں چراتی ہے جیسے مرنا اور مارنا روز کا کھیل ہو اور یہ خاموشی دہشتگردوں کی سرپرستی کی علامت ہے۔یعقوب حسینی نے کہا کہ ہم ہمیشہ مظلوموں کے ساتھ رہے ہیں اور انکے حقوق کیلئے جدوجہد کی ہیں۔ عوام کا تحفظ حکومت کی ذمہ داری ہے اور قتل عام پر خاموشی حکومت کی ناقص پالیسی ہے۔ حکومت اپنے فرائض انجام نہیں دے رہی۔
وحدت نیوز (کراچی) مجلس وحدت مسلمین پاکستان صوبہ سندھ کراچی ڈویژن ضلع ملیر کی نو منتخب کابینہ کی تقریب حلف برداری گذشتہ روز وحدت ہاوس ملیر جعفرطیار سوسائٹی میں منعقد ہوئی جس میں برادران اور نو منتخب کابینہ کے افراد موجود تھے، جبکہ تقریب حلف برادری سے ایم ڈبلیو ایم کے مرکزی رہنما علامہ اعجاز حسین بہشتی نے خطاب کیا اور کابینہ سے حلف لیا۔
مجلس وحدت مسلمین، ضلع ملیر کے نو منتخب سیکٹری جنرل سید ثمر عباس زیدی نے پہلے مرحلے میں ضلعی کابینہ کا اعلان کر دیا، تقریب حلف برداری ضلعی سیکرٹریٹ میں منعقد ہوئی جس میں مرکزی رہنماء علامہ شیخ اعجاز حسین بہشتی نے نو منتخب سیکرٹریز سے حلف لیا، ڈپٹی سکریٹری جنرل علامہ غلام محمد فاضلی ، ڈپٹی سیکٹری جنرل سید عارف رضا زید ی ، سیکریٹری مالیات کاچو نیاز علی ، سیکرئٹری سیاسیات سید حسن عباس رضوی سیکرئٹری روابط سید ممتاز مہدی ،سیکرئٹری اطلاعات سید احسن مہد ی ، سیکرئٹری فلاح و بہبود سید اسد علی زیدی سیکرئٹری تعلیم اکبر حسین اور سید رضا علی نے بحثیت آ فس سیکرئٹری حلف اُٹھایا۔
تقریب حلف برداری سے خطاب کرتے ہوئے علامہ اعجاز بہشتی نے نو منتخب کابینہ کو مبارک باد پیش کرتے ہوئے کہا کہ مجلس وحدت مسلمین کے مرکزی رہنما علامہ راجہ ناصر عباس جعفری مظلوموں کی حمایت میں بھوک ہڑتال کیئے بیٹھے ہیں، لہذا امید کرتے ہیں کہ ضلع ملیر کی نو منتخب کابینہ انکے پیغام مظلومیت کو عوام تک پہنچانے میں اہم کردار ادا کرے گی ، انہوں نے کہا کہ مظلوم کی حمایت اور ظالم سے نفرت واجب عمل ہے، جس طر ح نماز ،روزہ واجب ہے اسی طرح مظلوم کی حمایت کرنا بھی واجب ہے، انہوں نے کہاکہ معصوم علیہ سلام فرماتے ہیں کہ مظلوم کی حمایت بڑے بڑے گناہوں کا کفارہ ہیں، آج ہم میدان میں وارد ہوچکے ہیں اور کراچی سے لے کر پارچنار تک کے مظلوم شہداٗ کے حق میں احتجاج کررہےہیں، اور انشاءاللہ عید کے بعد ظالم حکومت کے خلاف بھرپور لانگ مارچ کرکے اپنے حقوق کا دفاع کریں گے۔
وحدت نیوز(جیکب آباد) مجلس وحدت مسلمین ضلع جیکب آباد اور وارثان شہداء کے زیر اہتمام کوئٹہ روڈ جیکب آباد پر احتجاجی دھرنا دیا گیا۔اس موقع پر ٹائر جلا کر مظاہرین نے دہشت گردی کے خلاف نعرے لگائے اور سندہ بلوچستان روڈ کو بلاک کردیا۔ اورسندہ، بلوچستان سمیت ملک بھر میں دہشت گردوں کے خلاف آپریشن کلین آپ کا مطالبہ کیا۔اس موقع پر خطاب کرتے ہوئے مجلس وحدت مسلمین سندہ کے سیکریٹری جنرل علامہ مقصود علی ڈومکی نے کہا کہ آٹھ مہینے گذر گئے مگر سندہ حکومت نے اپنے وعدے پورے نہیں کیے،جبکہ متائثرین آج بھی دہشت گردی کے خلاف سراپا احتجاج ہیں۔گذشتہ پچاس دنوں سے شکارپور کے وارثان شہداء اور زخمی احتجاج پر بیٹھے ہوئے ہیں،جبکہ پاکستان کے کروڑوں عوام کے محبوب لیڈر علامہ راجہ ناصر عباس جعفری ان مظلوموں کی حمایت میں 13مئی سے بھوک ہڑتال پر ہیں۔اگر حکمرانوں نے مطالبات پورے نہ کیے تو 23جولائی کو سندہ بلوچستان شاہراہ اور مین روڈ کو بلاک کیا جائے گا۔
اس موقع پر احتجاجی دھرنے سے خطاب کرتے ہوئے MWMضلع جیکب آباد کے سیکریٹری جنرل مولانا سیف علی ڈومکی نے کہا کہ قائد وحدت کے حکم پر عید الفطر کو سیاہ پٹیاں باندھ کر یوم احتجاج کے طور پر منائیں گے،مظاہرین سے خطاب کرتے ہوئے دو شہیدوں کے والد غلام شبیر چھلگری نے کہا کہ بلوچستان حکومت نے چھلگری کے وارثان شہداء سے انصاف نہیں کیا ۔احتجاجی مظاہرے سے خطاب کرتے ہوئے MWMکے رہنما نثار ابڑو،سید غلام شبیر شاہ اور نظام الدین برڑو نے کہا کہ 23جولائی کو MWMکے کارکن ملک بھر میں احتجاجی دھرنا دیں گے۔
وحدت نیوز (قم) مجلس وحدت مسلمین شعبہ قم کے دفتر میں گذشتہ رو زایک افطار پارٹی دی گئی، جس میں بڑی تعداد میں علماء کرام نے شرکت کی۔ اقامہ نماز مغربین کے بعد روزہ دار نمازیوں کو پاکستان میں جاری احتجاج، لانگ مارچ اور بھوک ہڑتال کی تازہ ترین صورتحال سے آگاہ کرتے ہوئے ایم ڈبلیو ایم شعبہ امور خارجہ کے سیکرٹری ڈاکٹر علامہ شفقت شیرازی نے کہا کہ حکومت کسی غلط فہمی میں نہ رہے، پوری ملت علامہ ناصر عباس جعفری کی پشت پر کھڑی ہے۔ انہوں نے کہا کہ بہت افسوس کی بات ہے کہ نام نہاد جمہوری حکومت ہمارے جمہوری مطالبات کو نظر انداز کر رہی ہے۔ انہوں نے کہا کہ ہم مکتب شہداء اور شہید عارف حسینی کے وارث ہیں۔ ہم وطن عزیز کے دفاع اور ملت پاکستان کی بقا کے لئے قانونی و جمہوری دائرے میں رہتے ہوئے اس ظالم حکومت کو رسوا کریں گے۔دعوت افطارمیں علامہ شمشادحیدرمرتضوی آف امریکہ،علامہ گلزارجعفری سیکریٹری جنرل ایم ڈبلیوایم شعبہ قم، فرزند شہید قائدسید حسین الحسینی سمیت پاکستان سے آئے ہوئےمہمان اہل سنت علماوطلاب نے بھی شرکت کی۔
وحدت نیوز(مظفرآباد) مجلس وحد ت المسلمین آزادکشمیرنے آئندہ عام انتخابات میں پوری قوت کے ساتھ حصہ لینے کا اعلان کیا ہے آزادکشمیر کے تینوں ڈویثرن سے محدود حلقوں سے امیدوار نامزد کئے گئے ہیں مجلس وحدت مسلمین ایک جامع منشور اور سوچ و فکر کے ساتھ انتخابی میدان میں اتری ہے ہمارا مقصد قوم کو شعور اور آگاہی دینا ہے اور انہیں ان کے حق سے آگاہ کرنا ہے موجودہ سیاسی نظام عوام کے اعتماد پر پورا اترنے میں ناکام ہو گیا ہے مروجہ نظام مسائل کے حل کی اہلیت نہیں رکھتا کالعدم تنظیموں کی بڑھتی ہوئی سرگرمیاں پوری قوم کیلئے باعث تشویش اور امن کو خطرے میں ڈالنے کے مترادف ہیں آزادکشمیر انتہائی پر امن علاقہ ہے یہاں کے امن کو ثبوتاژ کرنے کی کسی سازش کو کامیاب نہیں ہونے دینگے آزادکشمیر میں وفاق کی جانب سے تعینات لینٹ بیورو کریسی کا طرز عمل درست نہیں یہ وائسرائے کا کردار ادا کر رہے ہیں اور آزادکشمیر کے عوام کو پاکستان سے متنفر کرنے کا موجب بن رہے ہیں مہاجرین مقیم پاکستان کی 12نشستیں آزادکشمیر کے عوام کے حق حکمرانی پر کھلا ڈاکہ ہیں ڈوگرہ قانون کے مطابق بھی یہ لوگ مہاجر نہیں رہے مسئلہ کشمیر کو سب سے زیادہ نقصان پیپلز پارٹی نے پہنچایا شملہ معاہدہ کشمیریوں کی جدوجہد آزادی کی راہ میں سب سے بڑی رکاوٹ ہے ان خیالات کا اظہار سیکرٹری جنرل مجلس وحدت المسلمین علامہ تصور نقوی الجوادی نے مفتی کفایت حسین نقوی کے ہمراہ مرکزی ایوان صحافت میں پریس کانفرنس سے خطاب کرتے ہوئے کیا اس موقع پر امیدواران اسمبلی محسن رضا جعفری ایڈووکیٹ ، ارسلان آفتاب ، خالد محمود عباسی ، طالب ہمدانی ، مولانا حمید نقوی بھی موجود تھے ۔
ان کا کہنا تھا کہ آزادکشمیر سے 12سو میگا واٹ بجلی پیدا ہو رہی ہے ریاستی عوام کی کل ضرورت تین سو میگا واٹ ہے لیکن آج کشمیری عوام کے مقدر میں اندھیرا ہی اندھیرا ہے نیلم جہلم پراجیکٹ پر کام مکمل ہونیوالا ہے لیکن آج تک آزاد حکومت کے ساتھ اس کا معاہدہ نہیں کیا گیا تعلیم کو صنعت بنا دیا گیا ہے میعاری تعلیم عام آدمی کے بچے کو میسر نہیں صحت کی بنیادی سہولیات کا سرے سے کوئی انتظام ہی نہیں حکمران عیاشیوں میں مصروف ہیں جبکہ عام آدمی دو وقت کی روٹی کو ترس رہا ہے میرٹ بری طرح پامال ہو رہا ہے اور نوجوان مایوس ہیں مجلس وحدت المسلمین نے اس کرپٹ نظام کیخلاف میدان عمل میں اترنے کا فیصلہ کیا ہے نظام میں بہتری کیلئے مجلس اپنے حصے کی ذمہ داریاں پوری کرے گی اور عوام میں شعور بیدا ر کیا جائے گا تاکہ لوگوں کو اپنے ساتھ ہونیوالی نا انصافیوں کا علم ہو سکے آج آزادکشمیر کے عوام جن مصائب اور مشکلات سے دوچارہیں اسکی بنیادی وجہ یہاں کی سیاسی قیادت کی ناکامیاں ہیں یہاں کی قیادت نے عوام کے بجائے ذاتی مفادات کو ترجیح دی اور ذاتی مفادات حاصل کئے آج آزادکشمیر کے پاس چالیس فیصد کوٹہ رہ گیا ہے جبکہ ساٹھ فیصد وسائل پر وہ لوگ قابض ہیں جن کا آزادکشمیر سے کوئی لینا دینا نہیں نہ ان کا ریاستی ترقی میں کوئی کردار ہے
وحدت نیوز(اسلام آباد) مجلس وحدت مسلمین پاکستان بلتستان ڈویژن کے زیراہتمام اپنے مطالبات کے حق میں یادگارشہداء اسکردو پر جاری دھرنے سے شیخ مبارک عارفی اور آغا علی رضوی نے خطاب کیا۔ مقررین نے اپنے خطاب میں کہا کہ رمضان المبارک کے بعد مطالبات کی منظوری کے لیے علامہ راجہ ناصر عباس جعفری کے حکم پر ملک بھر کی طرح بلتستان بھر سے لانگ مارچ کریں گے۔ لانگ مارچ کے سلسلے میں عوام تیار اور آمادہ رہیں۔ آغا علی رضوی نے کہا کہ وفاقی حکومت کی طرح صوبائی حکومت بھی اوچھے ہتھکنڈے پر اتری ہوئی ہے اور مخالف جماعتوں کو دیوار سے لگانے کے لیے ریاست کو استعمال کر رہی ہے۔ گلگت بلتستان میں خالصہ سرکار اور دیگر مظالم کے روک تھام کے لیے عوام آمادہ رہے۔ موجودہ صوبائی حکومت کو بلتستان سے خصوصی طور پر دشمنی ہے اور بلتستان کی ترقی نہیں چاہتی، اگر ایسا نہیں ہے تو شغرتھنگ پاور پروجیکٹ اور بلتستان یونیورسٹی منسوخ نہیں ہوتی۔ انہوں نے کہا کہ ہمارے دھرنے کا مقصد اقبال اور جناح کے پاکستان کا حصول ہے۔
انہوں نے کہا کہ ملک بھر میں دہشتگردوں کی پشت پناہی اور محب وطن پاکستانیوں کو ٹارگٹ بنانا روح پاکستان کے مخالف ہے۔ جس پاکستان کے حصول کے لیے قربانیاں دی ہیں اسے بچانے کے لیے بھی قربانیان دینے کو تیار ہیں۔ انہوں نے کہا کہ ریاستی ادارے اگر خیانت نہیں کرتے تو گلگت بلتستان پاکستان کا آئینی حصہ بن چکا ہوتا۔ ستر سالوں سے ریاستی اداروں میں موجود خیانت کاروں نے بلتستان کی حب الوطنی کو مشکوک بنا کر پیش کرتے رہے ہیں، آج بھی ملک کے حقیقی فرزندوں کو غدار ثابت کرنے کی کوشش ہو رہی ہے۔ گلگت بلتستان پر جاری مظالم پر آرمی چیف نوٹس لے۔ صوبائی اور وفاقی حکومت اس حساس خطے کو مزید مشکلات میں دھکیلنا چاہتی ہے۔ اکنامک کوریڈور میں جی بی کو جس طرح نظر انداز کیا گیا اور خالصہ سرکار کے نام پر زمینوں پر ناجائز قبضے کے خلاف اٹھنے والی ہر آواز کو جبر سے دبا نا چاہتے ہیں۔
وحدت نیوز(سکردو) مجلس وحدت مسلمین بلتستان کے سربراہ آغا علی رضوی نے اسکردو میں جاری احتجاجی کیمپ میں پاری سے تعلق رکھنے والے معروف کاروباری شخصیت حاجی حسن کی المناک وفات پر تعزیت پیش کرتے ہوئے کہا کہ حاجی حسن انتہائی صالح اور نیک انسان تھے، دینی امور میں بڑھ چڑھ کر حصہ لینے والی شخصیت تھی انکی حادثاتی موت پر دلی صدمہ پہنچا ۔ انہوں نے کہا کہ حاجی حسن کی المناک اور حادثاتی موت پر انکے لواحقین کو دل کی گہرائیوں سے تعزیت پیش کرتے ہیں اور دعا کرتے ہیں کہ خدا مرحوم کے لواحقین کو صبر جمیل عطا کریں ۔ آغا علی رضوی نے مرحوم کے لواحقین کوصبر کی تلقین کی اور مرحوم کے درجات کی بلندی کے لیے بھی دعا مانگی۔ واضح رہے کہ پاری سے تعلق رکھنے والے معروف کاروباری شخصیت گزشتہ دنوں تھوگور پڑی میں ایک حادثے کا شکار ہونے کی وجہ سے وہ گاڑی سمیت دریائے سندھ میں جاگری تھی اور تاحال انکا جسد خاکی بازباب نہیں ہوسکا ہے۔
وحدت نیوز (اسلام آباد) مجلس وحدت مسلمین شعبہ مشہد مقدس کے سیکرٹری جنرل حجتہ الاسلام والمسلمین عقیل حسین خان نے وفد کے ہمراہ نیشنل پریس کلب اسلام آباد میں لگائے گئے بھوک ہڑتالی کیمپ میں علامہ راجہ ناصرعباس جعفری سے ملاقات کی۔ اس موقع پر عقیل حسین خان نے ایم ڈبلیو ایم شعبہ مشہد مقدس کی جانب سے پاکستان میں لگائے گئے بھوک ہڑتالی کیمپ کے حوالے سے کیے گئے اقدامات پر مفصل بریفنگ دی۔ حجتہ الاسلام والمسلمین عقیل حسین خان نے کہا کہ مشہد مقدس کے علماء اور طلباء قائد وحدت کے ساتھ مکمل اظہار یکجہتی کرتے ہیں اور تشیع پاکستان کے لیے اُن کے اس اقدام کو قابل قدر نگاہوں سے دیکھتے ہیں۔ اُنہون نے مزید کہا کہ ایم ڈبلیو ایم مشہد مقدس کے زیراہتمام قائد وحدت کی بھوک ہڑتال اور ملک بھر میں جاری احتجاجی مظاہروں کی تشہیر کے لیے پندرہ روز خصوصی نشریہ شائع کیا جاتا ہے۔
وحدت نیوز(وحدت کوئٹہ ) مجلس وحدت مسلمین کوئٹہ ڈویژن کے رہنماء اور صوبائی اسمبلی کے رکن آغا رضا نے شہید میجر جواد چنگیزی کے شہادت کے بارے میں کہا ہے کہ میجر جواد چنگیزی نہ صرف ملک کے ایک بہادر بیٹے تھے جنہوں نے اسکی حفاظت میں جان دے دی بلکہ انکا تعلق شیعہ ہزارہ کمیونٹی سے تھا۔ گزشتہ دنوں پاک افغان سرحد پر وطن کی حفاظت کے دوران زخمی ہونے والے میجرجواد چنگیزی زخموں کا تاب نہ لاتے ہوئے جام شہادت نوش کر گئے، چیف آف آرمی سٹاف جنرل راحیل شریف سمیت ملک کے دیگر بڑی شخصیات نے ان کی شہادت پر تعزیت کا اظہار کیا اور میجر علی جواد کی قربانی کو ملک کا بڑا خسارا قرار دیا ۔ شہید میجر علی جواد کا تعلق ہزارہ قبائل سے تھا،انکے جنازے کو گزشتہ دنوں کوئٹہ کے بہشت زینب سلام اللہ علیہا ہزارہ قبرستان میں لایا گیا اور وہاں ان کی تدفین ہوئی۔ اس موقع پر کور کمانڈر جنرل عامر ریاض، وزیر اعلیٰ بلوچستان نواب ثناء اللہ زہری، وزیر داخلہ سرفراز بگٹی، آئی جی ایف سی اور مجلس وحدت مسلمین کے نمائندوں کے علاوہ علاقے کے دیگر رہنماؤں نے شرکت کی۔ مجلس وحدت مسلمین کوئٹہ کے ڈپٹی سیکریٹری جنرل شیخ ولایت حسین جعفری نے اس موقع پر بات کرتے ہوئے کہا کہ شہید میجر علی جواد اور ان جیسے وہ تمام حضرات جو وطن کی حفاظت کر رہے ہیں، ہمیں ان پر فخر ہیں۔ انہوں نے کہا کہ ہمارا مذہب ہمیں وطن سے وفاداری کا درس دیتا ہے، ہر فرد مختلف شبعات زندگی میں وطن کی خدمت کرے۔ مجلس وحدت مسلمین کوئٹہ ڈویژن کے بیان کے مطابق ایم پی اے آغا رضا صاحب نے میجر علی جواد کی شہادت پر تعزیت کا اظہار کیا اور انہوں نے کہا ہے کہ اس ملک کیلئے ہماری قوم نے بے حد قربانیاں دیئے ہیں۔ ہمارے جوانوں نے نہ صرف فوج میں رہ کر بلکہ ہر میدان میں وطن کی خدمت کی ہے اور سبز حلالی پرچم کو ہمیشہ بلند رکھا ہے۔ انہوں نے مزید کہا کہ تاریخ کا مطالعہ کیا جائے تو ہزارہ قبائل سے تعلق رکھنے والے ان حضرات کا نام ہمیں نظر آئے گا جنہوں نے اپنی جانوں کی پروا کئے بغیر اس وطن کی حفاظت اور اسکی خدمت کی ہے، پاکستان کے دشمنوں نے ہمیں سب سے زیادہ نقصان پہنچانے کی کوشش کی ہے تکفیری سوچ رکھنے والے عناصر پاکستان کے سلامتی کے خلاف ہیں اور ان تکفیری عناصر کی وجہ سے علمدار روڈ میں ہم نے سینکڑوں جنازیں اٹھائے ہیں۔انہوں نے میجر علی جواد کو خراج عقیدت پیش کرتے ہوئے کہا کہ ہماری قوم نے پاکستان کے استحکام اور بقاء کیلئے بے حد قربانیاں دیئے ہیں اور اسی سرزمین میں ہم نے مظالم کا بھی سامنا کیا ہے، ہمارا قبرستان شہیدوں کے قبروں سے بھرا ہے۔آغا رضا نے کہا کہ جو لوگ ہزارہ قوم کے پاکستانی ہونے پر زرا بھی گمان رکھتے ہیں وہ آئے اور اس پاک سرزمین کیلئے ہمارے دیئے ہوئے قربانی کو دیکھے۔ بیان کے آخر میں آغا رضا نے کہا کہ جس طرح ہم نے پاکستان کے پرچم کو ہمیشہ بلند رکھا ہے آئندہ بھی انہی عزائم کو برقرار رکھیں گے۔
