The Latest

رہبر مسلمین آیت اللہ علی خامنہ ای نے کہا ہے کہ ایران جوہری ہتھیار نہیں بنائے گا لیکن ہم جوہری توانائی کے پرامن استعمال کے حق سے پیچھے نہیں ہٹیں گے۔ غیر وابستہ ممالک کے سربراہ اجلاس سے افتتاحی خطاب میں آیت اللہ خامنہ ای نے کہا کہ کچھ مغربی ملک جوہری توانائی پر اجارہ داری رکھنا چاہتے ہیں ،مشرق وسطیٰ کو ایٹمی ہتھیاروں سے پاک ہونا چاہئے۔ انہوں نے کہا کہ دنیا بھر میں فوری طور پر ایٹمی ہتھیاروں میں کمی ہونی چاہئے اور دنیا کا کنٹرول کسی ڈکٹیٹر کے ہاتھ میں نہیں ہونا چاہئے۔ ایرانی سپریم لیڈر نے کہا کہ تہران کانفرنس غیر وابستہ ممالک میں تعاون بڑھانے میں مدد گار ہوگی،تما م ملکوں کے درمیان تعلقات باہمی احترام پر ہونے چاہئیں۔دو روزہ ’نام‘ سربراہ اجلاس میں صدر پاکستان آصف علی زرداری سمیت 120 ممالک کے سربراہ مملکت اور سینئر حکام شرکت کررہے ہیں۔ ایران کے سپریم لیڈر آیت اللہ علی خامنہ ای کے ساتھ مصری صدر محمد مرسی بھی اجلاس سے خطاب کریں گے جو غیر وابستہ ممالک کی تنظیم ”نام“ کی صدارت ایران کے حوالے کریں گے۔

raja sb 01
 اسلام آباد ( پ ر) مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا ہے کہ سکردو کے حالات جان بوجھ کر مقامی حکومت خاص طور پر پولیس فورسز خراب کر رہی ہیں
انہوں نے اپنے بیان میں کہا کہ صدر مملکت آصف علی زرداری فوری طور پر گلگت بلتستان کے حالات پر توجہ دیں اور ان حالات کو سدھاریں کیونکہ مقامی حکومت حالات کو سدھارنے کے بجائے خراب کررہی ہے ۔
انہوں نے کہا کہ گلگت بلتستان ایک ایسی سازش کا شکار ہورہا ہے جس کا مقابلہ مقامی حکومت کے نہ صرف بس میں نہیں بلکہ وہ خود اس کا حصہ بنتے جارہے ہیں
سیکرٹری جنرل ایم ڈبلیو ایم نے کہا کہ ممتاز عالم دین حجۃ السلام ولمسلمین علامہ سید علی رضوی سمیت سکردو کے تیس افراد کی گرفتاری مظلوموں کی آوازسکردو کے پہاڑوں میں دفن کرنے کے مترادف ہے ، اپنے حقوق کے لیے آواز بلند کرنا ہر شہری کا بنیادی حق ہے ، سکردو کی نتظامیہ ایئر پورٹ پر پرامن احتجاج کرنے کی پاداش میں گرفتار کیے جانے والے تمام افراد کی فوری رہائی یقینی بنائے ، ایم ڈبلیو ایم کے مرکزی سیکرٹریٹ اسلام آباد سے جاری ہونے والے ایک پریس ریلیز میں علامہ ناصر عباس جعفری نے کہا کہ وزیر داخلہ اور چیف سیکرٹری کی جانب سے کرائی جانے والی ٹھوس یقین دہانیوں کے باوجود گلگت بلتستان میں فضائی سروس میں بہتری نہیں کی گئی جس کی وجہ سے یہ علاقہ ملک کے دیگر علاقوں سے کٹا ہوا ہے، سینکڑوں طلبہ سکردو میں پھنسے ہوئے ہیں اور ان کا تعلیمی نقصان ہو رہا ہے ، اس صورتحال میں انہوں نے اپنا آئینی حق استعمال کرتے ہوئے سکردو ایئر پور ٹ پر فضائی سروس کی بہتری کے لئے صدائے احتجا ج بلند کی ، چاہیے تو یہ تھا کہ ان کی داد رسی کی جاتی لیکن گلگت انتظامیہ نے ممتاز علام دین علامہ سید علی رضوی سمیت تیس پر امن مظاہرین کو گرفتار کر کے ان کی آواز کو دبانے کی کوشش کی انہوں نے مطالبہ کیا کہ فوری طور پر گلگت بلتستان میں پھنسے ہوئے طلبہ اور دیگر مسافرین کے لئے سفری سہولیات فراہم کی جائے

طلبہ اور آغا علی رضوی کی گرفتاری کے خلاف بلتستان بھر میں مظاہرے ریلیاں جاری ایم ڈبلیو ایم اور آئی ایس او کی قیادت میں یادگار چوک پر دھرنا اور استقبالیہ جلسہ
آغا علی رضوی اور طلبہ رہا کئے گے سکردو کی جانب روانہ
بلتستان کے علاقے خپلو ،کھرمنگ،روندو، کچورہ ، میں بھی احتجاج جاری دسیوں ہزار خواتین کا ایک قافلہ سکردو شہر سے گمبہ سکردو آغا علی کے استقبال کے لئے روانہ

agaamin01
جب عدلیہ کے افسران دہشت گردوں کے نشانے پر ہوں تو عام آدمی کے تحفظ کی توقع ہی نہیں کی جا سکتی

اسلام آباو ( پ ر ) مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی نے کوئٹہ میں سیشن جج ذوالفقار نقوی کی شہادت پر شدید رد عمل کا اظہار کرتے ہوئے کہا ہے کہ جب عدلیہ کے افسران دہشت گردوں کے نشانے پر ہوں تو عام آدمی کے تحفظ کی توقع ہی نہیں کی جا سکتی، یوں محسوس ہوتاہے اور حکومتی ادارے مفلوج اور دہشت گردی و ٹارگٹ کلنگ پر قابو پانے کی صلاحیت سے محروم ہیں ،جو حکومت عدلیہ کے افسران کا تحفظ نہیں کر سکتی اسے اقتدار میں رہنے کا کوئی حق حاصل نہیں۔ایم ڈبلیو ایم کے مرکزی سیکرٹریٹ سے جاری ہونے والے ایک پریس ریلیز میں انہوں نے کہا کہ کوئٹہ میں منیر مینگل روڈ پر دہشت گردوں کی فائرنگ سے سیشن جج ذوالفقار نقوی کی ڈرایئور اورگن مین سمیت شہادت عدل و انصاف گلہ کاٹنے اور پاکستانی عوام کو انصاف سے محروم کرنے کے مترادف ہے ، قتل و غارت اور خونریزی کی اس سنگین واردات کے بعد بلوچستان میں موجود دہشت گردوں کے تربیتی مراکز کے خلاف اپریشن ناگزیر ہو چکا ہے، انہوں نے مطالبہ کیا کہ ذوالفقار نقوی کے قاتلوں کی گرفتاری کے لیے فی الفور قانون کو حرکت میں لایا جائے اور بلوچستان میں موجود دہشت گردی کے اڈوں کا صفایا کیا جائے۔اگر اب بھی حکمرانوں کی بے حسی ختم نہ ہوئی تو ٹارگٹ کلنگ کی یہ آگ ایوان اقتدار تک بھی پہنچ سکتی ہے

رہبر مسلمین آیت اللہ العظمٰی سید علی خامنہ ای نے ایٹمی ہتھیار رکھنے کی وجہ سے صیہونی حکومت کو مشرق وسطی کے لئے سب سے بڑا خطرہ قرار دیا ہے۔ آیت اللہ العظمٰی خامنہ ای نے بدھ کو تہران میں اقوام متحدہ کے سیکرٹری جنرل بان کی مون سے ملاقات میں امریکہ اور بعض دوسری طاقتوں کی جانب سے صیہونی حکومت کو ایٹمی ہتھیاروں سے مسلح کئے جانے کی جانب اشارہ کرتے ہوئے تاکید فرمائی کہ یہ علاقے کے لئے بہت بڑا خطرہ ہے اور اقوام متحدہ سے توقع ہے کہ وہ اس سلسلے میں کوئی اقدام کرے گی۔

رہبر مسلمین نے ایٹمی ترک اسلحہ کے سلسلے میں انسانیت کی مشترکہ تشویش کی جانب اشارہ کرتے ہوئے کہا کہ اسلامی جمہوریہ ایران، ایٹمی ہتھیاروں سے پاک مشرق وسطی کےموقف پر زور دیتا ہے اور اقوام متحدہ کو چاہئے کہ وہ ایٹمی ترک اسلحہ کے سلسلے میں موجود تشویش دور کرنے کے لئے سنجیدہ کوشش کرے۔

آپ نے فرمایا کہ اقوام متحدہ کے ڈھانچے میں نقص ہے اور دنیا کی سب سے زیادہ منہ زور طاقتیں جو ایٹمی ہتھیار کی حامل ہيں اور اسے استعمال بھی کرچکی ہیں، سلامتی کونسل پر مسلط ہوگئی ہیں۔ رہبر مسلمین نے اس بات کی جانب اشارہ کرتے ہوئے کہ ایران اپنی دینی تعلیمات اور عقیدے کی بنیاد پر، شام کا بحران حل کرنے کے لئے ہر طرح کی کوشش کرنے کے لئے تیار ہے، تاکید کی کہ شام کے بحران کے حل کی ایک فطری شرط ہے اور وہ شام کے اندر غیرذمہ دار گروہوں کے لئے ہتھیار بھیجے جانے کا سلسلہ روکنا ہے۔
رہبر مسلمین نے اس بات کی جانب اشارہ کرتے ہوئے کہ امریکی اچھی طرح جانتے ہيں کہ ایران ایٹمی ہتھیار بنانے کی کوشش نہيں کر رہا ہے اور وہ صرف بہانے کی تلاش میں ہيں، کہا کہ ایٹمی انرجی کی عالمی ایجنسی پر اپنے قوانین کے مطابق یہ ذمہ داری عائد ہوتی ہے کہ تکنیکی اور سائنسی لحاظ سے ایران کی مدد کرے، لیکن آئی اے ای اے نے نہ صرف یہ کام نہيں کیا بلکہ مسلسل خلاف ورزی کر رہی ہے۔

رہبر مسلمین حضرت آیت اللہ العظمٰی خامنہ ای نے ایٹمی ہتھیار نہ بنانے اور اسے استعمال نہ کرنے پر مبنی اسلامی جمہوریہ ایران کے موقف پر تاکید کرتے ہوئے کہا کہ یہ موقف امریکہ اور دوسرے ملکوں کی خوشامد کے لئے نہيں بلکہ مذہبی عقیدے کی بنا پر ہے۔

اقوام متحدہ کے سیکریٹری جنرل بان کی مون تہران میں ناوابستہ تحریک کے سربراہی اجلاس میں شرکت کرنے تہران پہنچ گئے ہیں۔ العالم کی رپورٹ کے مطابق بان کی مون کے دورہ تہران کی راہ میں امریکہ اور صیہونی حکومت کی جانب سے رکاوٹیں ڈالے جانے کےباوجود بان کی مون نے تہران کا سفر کیا ہے اور وہ ناوابستہ تحریک کے سربراہی اجلاس میں شرکت کریں گے۔ ادھر شمالی کوریا کی پارلیمنٹ کے سربراہ کیم یونگ نام بھی تہران میں ناوابستہ تہران کے سربراہی اجلاس میں شرکت کرنے پہنچے ہیں۔ اطلاعات ہیں کہ ونزوئيلا کے نائب صدر نیکولاس مادورو بھی تہران پہنچ چکے ہیں۔ قابل ذکرہے تہران میں کل سے تیس اور اکتیس اگست کو ناوابستہ تحریک کا سربراہی اجلاس منعقد ہوگا۔

اقوام متحدہ کے سیکریٹری جنرل بان کی مون نے تہران میں امام خمینی انٹرنیشنل ایر پورٹ پر صحافیوں سے گفتگو میں کہا کہ اسلامی جمہوریہ ایران ایک اہم ملک ہے اور وہ علاقائي اور بین الاقوامی مسائل میں اہم کردار کا حامل ہے۔ بان کی مون نے دورہ تہران پر خوشی کا اظہار کرتےہوئے کہا کہ تہران اجلاس ایک موقع ہے جس سے فائدہ اٹھا کر تہران علاقے اور عالمی سطح پر اپنا کردار ادا کرسکتا ہے۔ قابل ذکر ہے اقوام متحدہ کے سیکریٹری جنرل بان کی مون تہران میں دوروزہ قیام کے دوران رہبرانقلاب اسلامی حضرت آيت اللہ العظمی خامنہ ای اور صدر مملکت ڈاکٹر احمدی نژاد سے ملاقات کریں گے۔ انہوں نے ناوابستہ تحریک کے سولھوین سربراہی اجلاس کے انعقاد پر اسلامی جمہوریہ ایران کو مبارک باد پیش کی

mwmm0

دہشتگردوں کی جانب سے بابوسر ٹاپ اور چلاس میں بسوں سے شیعہ مسافروں کو شناخت کرکے بیہمانہ طریقے سے قتل کرنے اور کوئٹہ سمیت ملک بھر میں جاری شیعہ نسل کشی پر مجلس وحدت مسلمین نے سپریم کورٹ سے رجوع کرنے کا فیصلہ کیا ہے اور اس حوالے سے آئندہ تین روز میں انسانی حقوق کی سابق چیئرپرسن معروف قانون دان عاصمہ جہانگیر کے توسط سے دراخوست دائر کی جائیگی۔ ایم ڈبلیو ایم کی جانب سے ملک بھر میں شیعہ قتل عام پر دائر کی گئی ایف آئی آرز کی نقول اکٹھی کرنے کا سلسلہ جاری ہے، جن کی بنیاد پر سپریم کورٹ میں درخواست دائر کی جائیگی۔ ایم ڈبلیو ایم کے سیکرٹری اطلاعات ناصر عباس شیرازی عاصمہ جہانگیر کیساتھ قانونی امور میں ساتھ دیں گے اور انہیں تمام ضروری معلومات کی فراہمی کو یقینی بنائیں گے۔

واضح رہے کہ یہ فیصلہ ایم ڈبلیو ایم کی مرکزی کابینہ کے اجلاس میں کیا گیا تھا، اس حوالے سے پندرہ ستمبر کو آل شیعہ پارٹیز کانفرنس بلانے کا بھی اعلان کیا گیا ہے اور علامہ حسنین گردیزی کی سربراہی میں پانچ رکنی کمیٹی بنا دی گئی ہے، جو تمام شیعہ تنظیموں سے رابطے کرے گی۔ ابتک کی بنائی گئی لسٹ کے مطابق شیعہ تنظیموں کی تعداد 47 ہے، جنہیں کانفرنس میں شرکت کی دعوت دی جائیگی۔ جبکہ شیعہ ایم این ایز اور دیگر اہم شخصیات اس کے علاوہ ہیں

mwmflag1

کابینہ کی جانب سےایگزکٹیوکمیٹی کے فیصلہ جات پر عمل در آمد کے حوالے سے گذشتہ روز مرکزی آفس اسلام آباد میں ایم ڈبلیوایم روالپنڈی اسلام آباد ،مرکزی آفس اور میڈیاسیل کی ایک اہم میٹنگ ہوئی
اس اہم میٹنگ میں مرکزی سیکرٹری جنرل مجلس وحدت علامہ راجہ ناصر عباس جعفری نے بھی شرکت کی اور شرکاء کو اہم ہدایات دیں آپ نے فرمایا کہ پے درپے دلخراش سانحے قوم کو اپنے اصلی اور اصولی مقاصد سے پیچھے نہیں ہٹاسکتے ہم میدان میں تھے اور رہینگے اگر سامراجی آلہ کار سمجھتے ہیں کہ ہم میدان خالی کرینگے تو یہ ان کی خام خیالی ہے
علامہ راجہ ناصر عباس جعفری نے آل شیعہ پارٹیز کانفرنس اور احتجاجی تشہیراتی کیمپ کے حوالے سے اہم ہدایات بھی دیں
درایں اثناء اس سے قبل مرکزی میڈیا سیکرٹری جناب نثار عابدی نے مرکزی آفس کا دورہ کیا اور میڈیا سے مربوط اہم امور اور ذمہ داریوں کے حوالے سے میڈیا سیل کے کارکنوں سے گفتگو کی انہوں نے اپنی گفتگو میں ان تمام ضروری امور کی جانب متوجہ کیا جو اس وقت ملک و قوم کی بیداری کے حوالے سے ضروری ہیں
انہوں نے میڈیا ٹیم کی کارکردگی کو سراہتے ہوئے کہا جو دوست یہاں کام کر رہے ہیں انہیں اپنے امور میں دیانت ،مہارت ،سچائی اورہشیاری کو مزید بروئے کار لانے کی ضرورت ہے انہوں نے عصر حاضر میں میڈیا کی اہمیت پر بھی گفتگو کی
ادھر آج ہمارے نمائندے نے خبر دی ہے کہ مرکزی سیکرٹری روابط و آفس سیکرٹری جناب اقرار حسین نے احتجاجی و تشہیراتی کیمپ کے حوالے سے ممکنہ لوکیشن کے لئے اسلام آباد کا دورہ کیا اور ضروری اقدامات انجام دیے واضح رہے کہ یہ کیمپ اسی ہفتے میں دارالحکومت میں لگ رہا ہے جس کا مقصد شیعہ نسل کشی کے خلاف احتجاج اور اس مسئلے کو متعلقہ ذمہ داروں کے درمیان مزید اجاگر کرنا ہے یہ احتجاجی کیمپ تا اطلاع ثانی لگا رہے گا جس میں مختلف قسم کی امور انجام دیے جاینگے

jantulbaqih

مجلس وحدت مسلمین پاکستان صوبہ سندھ کراچی ڈویژن کی جانب سے 8 شوال یوم انہدام جنت البقیع کی مناسبت سے بھوجانی ہال روڈ پر مجلس عزا منعقد کی گئی۔ مجلس عزا سے علامہ آغا آفتاب حیدر جعفری نے خطاب کیا۔ اس موقع پر عزاداروں کی کثیر تعداد موجود تھی۔ بعد از مجلس جلوس برآمد ہوا جو خراسان روڈ اور ایم اے جناح روڈ سے ہوتا ہوا امام بارگاہ علی رضا (ع) پر اختتام پذیر ہوا۔ ماتمی جلوس میں دستہ امامیہ کے نوحہ خواں احمد ناصری، وسیم الحسن عابدی، طاہر بلتستانی اور دیگر نے نوحہ خوانی کے فرائض انجام دیئے۔ قبل ازیں مجلس عزا سے خطاب کرتے ہوئے علامہ آغا آفتاب حیدر جعفری نے کہا کہ سعودی عرب کی شاہی خاندان نے کبھی بھی امت مسلمہ کے حق میں آواز بلند نہیں کی ہے۔انہوں نے کہا کہ سعودی شاہی خاندان فلسطین میں اسرائیلی ریاست کی حمایت کرنے والے بحرین میں مسلمانوں پر مظالم ڈھا رہے ہیں۔ انہوں نے مزید کہا کہ جنت البقیع کی تاراجی پر امت مسلمہ سوگوار ہے اور آل سعود کو خبردار کرتی ہے کہ فوراً مزارات مقدسہ کی تعمیر کی جائے کہیں ایسا نہ ہو کہ دنیا بھر کے مسلمان از خود ان مزارات کی تعمیر کے لئے سعودی عرب کی جانب کوچ کریں۔

mwmflag

مجلس وحدت مسلمین لاہور کے سیکرٹری جنرل علامہ محمد اقبال کامرانی نے ضلعی دفتر میں منعقدہ اجلاس سے خطاب کرتے ہوئے علامہ مفتی جعفر حسین مرحوم کی خدمات کو زبردست انداز میں سراہا۔ انہوں نے کہا ملت جعفریہ کے لئے ان کی خدمات ہمیشہ یاد رکھی جائیں گی۔ علامہ محمد اقبال کامرانی نے اپنے خطاب میں کہا کہ علامہ سید محمد دہلوی کے بعد ملت جعفریہ کے معتبر اور عظیم ہستیوں میں مفتی صاحب مرحوم شمار ہوتے تھے، عشر و زکواۃ کے مسائل سے لے کر فقہ جعفریہ کے تمام مذہبی و سیاسی مسائل کے حل میں مفتی صاحب کا کردار قابل ستائش ہے۔

انہوں نے کہا کہ تاریخ میں ان کی ملت کے لئے خدمات ہمیشہ ناقابل فراموش کارناموں میں شمار ہوں گے۔ انہوں نے کہا کہ پاکستان کے آمر حکمران کے سامنے ڈٹ جانے والے عظیم قائد نے قوم کو جواں حوصلہ دیا، انہوں نے ایک آمر کو جھکنے پر مجبور کر دیا تھا اور ضیاء الحق جیسے جابر حکمران کی حکومت خطرے میں پڑ گئی تھی۔ اجلاس میں فیصلہ ہوا کہ کل بروز بدھ شام 4:30 بجے علامہ مفتی جعفر حسین مرحوم کی خدمات کو خراج تحسین پیش کرنے کے لئے ان کے آخری آرام گاہ کربلا گامے شاہ پر تعزیتی اجلاس ہو گا جس میں ضلع لاہور کابینہ کے تمام اراکین حاضری دیں گے اور فاتحہ خوانی کا اہتمام کیا جائے گا۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree