The Latest
وحدت نیوز (کراچی) مجلس وحدت مسلمین کے صوبائی سیکرٹری جنرل علامہ مختار امامی نے کراچی کے علاقے اورنگی ٹاون میں انسداد پولیو مہم کی ٹیم کی سیکورٹی پر مامور 7 پولیس اہلکاروں کی شہادت کی شدید مذمت کرتے ہوئے کہا ہے کہ کالعدم تنظیموں کے خلاف آپریشن کیے بغیر کراچی اور ملک میں امن و قیام ممکن نہیں، پولیو مہم معطل نہ کی جائے، ایسا کرنا دہشت گردوں کی بالادستی قبول کرنے کے مترادف ہوگا، ملک کو دہشت گردی سے مکمل نجات دلائی جائے، اورنگی ٹاؤن کراچی کالعدم دہشت گرد مذہبی انتہا پسندوں کا مرکز ہے لیکن ادارے ان کے خلاف آپریشن سے کیوں گریزاں ہیں۔ اپنے بیان میں ان کا مزید کہنا تھا کہ حکمران طبقہ دہشت گردی پر قابو پانے میں سنجیدہ نہیں، کالعدم جماعتیں ہوں یا چھوٹو گینگ یہی عناصر ان کی سرپرستی کرتے ہیں، 7 پولیس اہلکاروں کی شہادت یہ پیغام دے رہی ہے کہ آپریشن ضرب عضب کا دائرہ کار تکفیری مدارس، کالعدم تکفیری جماعتوں کے خلاف ملک کے طول و عرض میں پھیلایا جائے تاکہ وطن عزیز کو ان کی دہشت گردی سے پاک کیا جاسکے۔ انہوں نے مزید کہا کہ سندھ حکومت کو چاہیئے کہ محض بیانات دینے اور کمیشن یا کمیٹی بنانے کے بجائے صوبے بھر میں دہشت گردوں کے مراکز سمیت دہشت گردوں کے ریاستی اور سیاسی سہولت کاروں پر بھی ہاتھ ڈالا جائے تاکہ ان کی ریاستی اداروں میں رسائی کو روکا جاسکے۔ علامہ مختار امامی نے شہید ہونیوالے پولیس اہلکاروں کے اہل خانہ کو تعزیت پیش کی اور کہا کہ دکھ کی اس گھڑی میں خانوادہ شہداء، پولیس اور قانون نافذ کرنے والے اداروں کے ساتھ پوری قوم کھڑی ہے، شہید پولیس کے جوانوں کو سلام پیش کرتے ہیں۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کرپشن کے خاتمے اور احتساب کے عمل کو یقینی بنانے کے بیان پر آرمی چیف جنرل راحیل شریف کے عزم کی تعریف کی ہے۔ انہوں نے کہا کہ پاکستان کے ہر باشعور شہری کی یہ دلی خواہش ہے کہ اس ملک سے کرپشن کا خاتمہ کیا جائے۔ پاکستان کے امن و استحکام کے لئے فوج کی مخلصانہ کاوشیں لائق تحسین ہیں۔ ہر آئینی اقدام میں فوج کو پوری قوم کی تائید حاصل رہے گی۔ جب تک ملک سے بدعنوانی کا خاتمہ نہیں ہوتا، ہمارا عالمی سطح پر وقار بلند نہیں ہوگا۔
انہوں نے کہا پاکستان کے بعد آزادی حاصل کرنے والی ملک چین اس وقت اقتصادی اعتبار سے دنیا کی مضبوط ترین طاقت بن چکا ہے۔ وہاں کے حکمران اپنے ملک و قوم کے ساتھ مخلص ہیں، لیکن ہماری بدقسمتی ہے کہ ہمارے حکمران اپنی قوم کو طفل تسلیوں میں الجھاتے آئے ہیں۔ دونوں ہاتھوں سے لوٹ مار کرنے والے حکمرانوں کا احتساب کرکے ان سے لوٹی ہوئی ساری رقم واپس لائی جانی چاہیے۔ بدعنوانی ثابت ہونے کے بعد ایسے لوگوں کو الیکشن لڑنے کے لئے تاحیات نااہل قرار دیا جانا چاہیے، تاکہ ایوان اقتدار میں صرف صاف ستھرے لوگوں کو داخلے کی اجازت مل سکے۔ انہوں نے کہا کہ بدعنوان عناصر کے خلاف بلاتاخیر آپریشن وقت کی اہم ترین ضرورت ہے۔ اگر ہم اس میں کامیابی حاصل کر لیتے تو پھر پاکستان کو خطے کی مضبوط ترین طاقت بننے سے کوئی نہیں روک سکتا۔
وحدت نیوز (ہالا) مجلس وحدت مسلمین مٹیاری کے رھنما سید فرمان شاھ اور علامہ اختر حسین سے ملاقات کے بعد پاکستان پیپلز پارٹی تعلقہ ہالا کی ڈپٹی سیکریٹری 1973 سے پاکستان پیپلز پارٹی اور مخدوم خاندان کی ساتھی ۔ امام بارگاہ دربار حضرت عباس علمدار علیہ السلام۔ درگاہ حضرت فیض محمد شاہ بخاری ہالا پرانا۔کی متولی زوار امام بخش حیدری نے مجلس وحدت مسلمین مین شمولیت کا اعلان کردیاہے، انہوں نے کہا کہ گذشتہ ضمنی الیکشن میں عوام کی بڑی تعداد کا ایم ڈبلیوایم پر اعتماد اس کی عوامی جدوجہد کا آئینہ دار ہے، میں پیپلز پارٹی کی پالیسیوں سے اختلاف اورایم ڈبلیوایم کی بلاتفریق سیاسی جدوجہد سے متاثر ہو کر ایم ڈبلیوایم میں شامل ہو رہا ہوں جو کراچی سے گلگت بلتستان تک محروموں کے حقوق کی جدوجہد میں کوشاں ہے۔
وحدت نیوز (کوئٹہ) مجلس وحدت مسلمین کوئٹہ دویژن کے میڈیا سیل سے جاری شدہ بیان میں ایم ڈبلیو ایم کوئٹہ کے رہنمااور کونسلر کربلائی عباس علی نے کوئٹہ میٹرو پولیٹن کارپوریشن کی جانب سے جاری صفائی مہم کو تنقید کا نشانہ بناتے ہوئے کہا کہ حکومت نے صفائی مہم کیلئے میٹروپولیٹن کارپوریشن کیلئے فنڈ کا اعلان کیا، جسکا مقصد شہر کی خوبصورتی نکھارنا ہے، میٹروپولیٹن کو یہ ہدایت کی گئی تھی کہ ان پیسوں سے کونسلرز کے ذریعے ان کے علاقوں میں کام کروائے مگر اس حکومتی ہدایت پر عمل نہیں کیا جا رہا ہے۔
انہوں نے کہا کہ کوئٹہ میٹروپولیٹن کی جانب سے یہ کہا جا رہا ہے کہ شہر کے تمام علاقوں میں صفائی کا کام جاری ہے مگر علمدار روڈ میں کسی بھی قسم کا کام ابھی تک شروع نہیں کیا گیا ہے۔ صفائی مہم سے ہمارے علاقوں کو محروم رکھا جا رہا ہے اور بعض کونسلرز کو مکمل طور پر نظر انداز کیا جا رہا ہے۔میٹرو پولیٹن کے تمام علاقوں میں کام کے دعوے صرف کاغذی کاروائیوں تک محدود ہیں، عملی اقدامات کا کوئی نام و نشان نظر نہیں آرہا۔ اگر شہر میں کام کروایا جا رہا ہے توذمہ داران تمام کونسلرز کو یک نگاہ سے دیکھے اور انصاف کا دامن تھامتے ہوئے تمام اراکین کے علاقوں میں کام کا آغاز کروائے۔
انہوں نے مزید کہا کہ کوئٹہ میٹروپولیٹن کو دیا جانے والا پیسہ عوام کے ٹیکسوں سے جمع کیا گیا ہے اور ان پر عوام کا حق ہے۔ ان کا استعمال عوام کیلئے کرنا ہوگا، ہمارے علاقوں کی صفائی مہم سے محرومی ناقابل برداشت ہے۔ ہم سب عوامی نمائندے ہیں ہمیں عوام نے منتخب کیا ہے اور وہ ہم سے کام اور بہترین نتائج کے توقعات رکھتے ہیں۔ میٹروپولیٹن سے تمام اراکین وابسطہ ہیں تو حق بھی سب کو ملنا چاہئے اور کام تمام علاقوں میں یکساں طور پر شروع ہونا چاہئے۔ یکطرفہ فیصلہ اور کام ہماری نظر میں قابل قبول نہیں۔ بعض کونسلرز کے ساتھ ناجائز رویہ اختیار کیا جا رہا ہے اور ان کے علاقوں میں کام نہ کروا کر، انہیں انکے حق سے محروم رکھا جا رہا ہے۔ بیان کے آخر میں انہوں نے کہا کہ اگر میٹرو پولیٹن کے ذمہ داران کے رویے میں تبدیلی نظر نہیں آئی تو مجبوراً ہمیں اپنے حق کیلئے مزید جدوجہد کا آغاز کرنا ہوگا اور مجلس وحدت مسلمین کے کونسلرز کو اپنا فیصلہ کرنا ہوگا۔
ایم ڈبلیوایم غریبوں، محروموں اور مظلوموں کے حقوق کی خاطر میدان میں آئی ، سید محسن رضا جعفری ایڈووکیٹ
وحدت نیوز(چکوٹھی) غریبوں، محروموں اور مظلوموں کی خاطر میدان میں آئے، اقتدار مقصد ہوتا تو کہیں اور ہوتے ، مجلس وحدت مسلمین کا مشن و مقصد حقوق انسانی کے لیے جدوجہد ہے، ان خیالات کا اظہار ریاستی سیکرٹری سیاسیات سید محسن رضا جعفری ایڈووکیٹ نے حلقہ پانچ کے دورے کے دوران چکوٹھی میں کارکنان سے خطاب کرتے ہوئے کیا ، اس دوران ان کے ساتھ ڈپٹی سیکرٹری جنرل خالد محمود عباسی ، سیکرٹری تعلیم سید ممتاز نقوی ، سیکرٹری جنرل ہٹیاں سید محب ہمدانی ،سید مشتاق شاہ کاظمی و دیگر بھی موجود تھے ، سید محسن رضا جعفری ایڈووکیٹ نے کہا کہ مجلس وحدت مسلمین حلقہ پانچ کے لوگوں کے حقوق کی بازیابی چاہتی ہے، ان کی مضبوطی ،استحکام و دوام چاہتی ہے، اس مقصد کے لیے اس حلقے کے لوگوں کے ساتھ کھڑے ہیں ، ہمیں عوام نے بہت پذیرائی دی، عوامی خواہش کے تحت مجلس میدان عمل میں اتری ہے ، مجلس وحدت مسلمین کے ذمہ داران کو اقتدار کا لالچ نہیں ، ہم اس اقتدار کو جوتی کی نوک پر رکھتے ہیں جو ذاتی مفاد کے لیے ہو، جس میں غریبوں ، محروموں و مظلوموں کی بات نہ ہو، وہاں کسی کو کیا حق حکمرانی پہنچتا ہے کہ جہاں اس کی ریاست میں رہنے والے لوگ خط غربت سے بھی نیچے کی زندگی بسر کر رہے ہوں ، لوگوں کو پینے کا پانی، رہنے کو گھر ، امور کے لیے روزگار میسر نہ ہو، ایسے حکمران اب نہیں چاہییں جن کے پاس اپنے پیسے بنانے کی تو پلاننگ موجود ہو مگر عوام کی ترقی و خوشحالی کے لیے کوئی پروگرام نہ ہو، سید محسن رضا نے کہا کہ پانامہ لیکس کے شکار لوگوں کو عوام پہچان چکے ہیں ، اب اپنی امانت ان کے سپرد نہیں کریں گے، عجب کہانی ہے کہ جو کاروبار ،اولاد، کوٹھیاں اور علاج لندن میں کرواتے ہیں مگر حکومت پاکستان میں کرتے ہیں ، عوام کا پیسہ چوری کرنے والوں کے خلاف عوام اٹھ کھڑے ہوں، مجلس وحدت مسلمین پاکستان میں اتحادی جماعتوں کے ساتھ ملکر منظم حکمت بنا رہی ہے اور حکمرانوں سے ایک ہی مطالبہ رکھتی ہے کہ اس ملک کی جان چھوڑتے ہوئے خود کو احتساب کے لیے پیش کرو اور عوام کا پیسہ عوام کے حوالے کرو۔ سید محسن رضا نے مزید کہا کہ مجلس وحدت مسلمین ہر ظالم کے خلاف ہے چاہے وہ معاشی ظالم ہو، سیاسی ظالم ہو ، جو بھی اس ملک کی عوام پر کسی بھی طرح سے ظلم کرے گا ہم اس کے خلاف ہیں ، اسی لیے عوام کے درمیان ہیں ، انشاء اللہ عوام میں رہ کر عوام کی خدمت کریں گے۔
وحدت نیوز (کوئٹہ) مجلس وحدت مسلمین پاکستان کے مرکزی شوریٰ اعلی کے رکن اور امام جمعہ کوئٹہ جناب سید ہاشم موسوی نے پانامہ لیکس کے بارے میں خطاب کرتے ہوئے کہا کہ وزیر اعظم اور انکے بیٹوں پر کرپشن کے الزامات لگ رہے ہیں اور انکی جانب سے اس بات پر کسی رد عمل کا اظہار نہیں کیا جارہا،انہوں نے یہ باتیں نماز جمعہ کے خطبے میں عوام سے خطاب کے دوران کہی اور پانامہ لیکس کے بارے میں عوام کو مزید معلومات فراہم کرتے ہوئے کہا کہ پانامہ لیکس جنوبی افریقہ کا ایک ادارہ ہے، اس ادارے نے دنیا بھر کے اقتصادی معاملات پر نظر رکھا اور مختلف ممالک کے اقتصادی مسائل کا مشاہدہ کیا اسکے بعد اپنے تمام نتائج جمع کرکے ایک اعلانیہ جاری کیا، جس میں دنیا بھر کے ان معتبرین کا نام شامل تھا جو کرپشن میں ملوث ہیں اور اس جاری کردہ لسٹ میں ہمارے ملک کے موجودہ وزیر اعظم کا نام بھی شامل ہے ۔ ماضی میں پانامہ لیکس کے تمام تر رپورٹس درست ثابت ہوئے ہیں اور بڑے افسوس کے ساتھ کہنا پڑ رہا ہے کہ مملک خداداد پاکستان، جسکا قیام ہی لا الہ الاللہ کے بنیاد پر ہوا تھا، اس کے وزیر اعظم کا نام کرپشن میں ملوث افراد کی لسٹ میں آیا ہے۔ انہوں نے کہا کہ اگرچہ پانامہ لیکس کے ماضی کی باتیں درست ثابت ہوئے ہیں، میں یہ نہیں کہتا کہ پانامہ لیکس کے تمام باتیں درست ہیں مگر ہمارے وزیر اعظم کا نام لیا گیا ہے اور اب یہ ملک کے عزت کا سوال ہے، اسلام کے نام پر حاصل کردہ ملک کا وزیر اعظم کوئی کرپٹ شخص نہیں ہو سکتا۔ اگر کوئی کرپٹ شخص وزیر اعظم کے کرسی پر بیٹھے تو دنیا کے سامنے ہمارے ملک اور اسلام کی ایک غلط شبیہ پیش ہوگی۔ پانامہ لیکس کا معاملہ صرف نواز شریف یا انکے بیٹوں کا معاملہ نہیں ہے بلکہ یہ پورے ملک کا معاملہ ہے۔ پانامہ لیکس نے وزیر اعظم نواز شریف کے کرپٹ ہونے کا دعویٰ کیا ہے اب یہ وزیر اعظم کی ذمہ داری ہے کہ اس ادارے کی جانب سے لگائے گئے الزامات پر کسی ردعمل کا اظہار کرے اور انہیں غلط ثابت کرے۔ انہوں نے اس بات کا مطالبہ کیا کہ جنوبی افریقہ کے ادارے کی جانب سے کئے گئے دعوے کی تحقیقات کی جائے۔ اس تحقیقات کیلئے ایک ایسی کمیٹی تشکیل دی جائے جو عادلانہ فیصلہ کرے کہ ہمارے وزیر اعظم پر لگے یہ الزامات درست ہیں یا غلط، اگر الزامات درست ثابت ہوئے تو وزیر اعظم کو چاہئے کہ اس کے بعد وہ اپنی جرأت کا مظاہرہ کرتے ہوئے اپنا استفیٰ قوم کے سامنے پیش کردے۔ پانامہ لیکس کے لسٹ میں بعض دیگر ممالک کے وزرائے اعظم کا نام بھی آیا تو انہوں نے فوراً اس پر ردعمل کا اظہار کیا اور استفیٰ دے دیا، مگر ہمارے وزیر اعظم کسی ردعمل کا اظہار ہی نہیں کررہے بلکہ تحقیقات سے فرار کرنے کی کوششوں میں مصروف ہیں۔ خطاب کے آخر میں انہوں نے کہا کہ پانامہ لیکس کے دعوے کی تحقیقات کیلئے وزیراعظم کی آپ بنائی کمیشن پر اعتماد نہیں کیا جاسکتا کیونکہ اس کمیشن کے اراکین انکے مرضی کے افراد ہونگے اور اس بات کاخطرہ ہے کہ وہ اراکین عادلانہ فیصلے کے بجائے اپنے مرضی کے فیصلے پیش کرے۔ بہتر یہ ہوگا کہ قومی پارلیمنٹ یا سینٹ کے زیر نظر کمیٹی تشکیل دی جائے ، جو تحقیقات کے بعد پانامہ لیکس کے دعوے کے درست یا غلط ہونے کا فیصلہ کرے اور اگر ہمارے وزیر اعظم اس کمیٹی کے نظر میں مجرم قرار پائے تو پھر استفے کے علاوہ انکے پاس اور کوئی راستہ نہیں رہے گا۔
وحدت نیوز (مظفرآباد) مقبوضہ کشمیر میں بھارتی جارحیت عالمی برادری نوٹس لے، انڈیا بے گناہ کشمیریوں پر ظلم و ستم کے پہاڑ توڑ رہا ہے، ان خیالات کا اظہار ریاستی سیکرٹری اطلاعات مولاناحمید نقوی نے وحدت سیکرٹریٹ میں ایک وفد سے گفتگو کرتے ہوئے کیا ، انہوں نے کہا کہ مقبوضہ کشمیر میں بھارتی جارحیت ، عالمی برادری نوٹس لے، انسانی حقوق کی تنظیمیں کن اصولوں پر کام کر رہی ہیں ، بتایا جائے، قضیہءِ کشمیر کا پائیدار حل مذاکراتی عمل میں آر پار کی کشمیری قیادت کو شامل کرنے میں ہے، کشمیر کا مسئلہ حل کیے بغیر خطے میں امن کا قیام ممکن نہیں ہے، کشمیری طلباء پر علم کے دروازے بند کیے جارہے ہیں ، مستقبل کے معماروں کا مستقبل تاریک کیا جارہا ہے، جو کسی صورت قابل قبول نہیں ، طاقت کے زور پر کشمیریوں کی آواز کو دبایا نہیں جا سکتا ۔ او آئی سی کے کشمیر کے حوالے سے بیان خوش آئیند ہے اس عملی جامہ پہنانے کی ضرورت ہے ۔ علامہ تصور جوادی نے مزید کہا کہ اگر کہیں کوئی جانور بھی مر جائے انسانی حقوق کی عالمی تنظیمات آسمان سر پر اٹھا لیتے ہیں ، سوال ہے کیا مقبوضہ کشمیر میں بسنے والے انسان نہیں ، کیوں عالمی برادری آنکھیں بند کیے ہوئے ہے ، ہم بھرپور آواز احتجاج بلند کرتے ہوئے مقبوضہ کشمیر کی مظلوم و محکوم عوام کے ساتھ مکمل اظہار یکجہتی کرتے ہیں ۔
وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے کہا ہے کہ آئس لینڈ، پولینڈ اور اسپین کے وزار سمیت دیگر مقتدر شخصیات کا مستعفی ہونا پانامہ لیکس کے درست ہونے کا واضح ثبوت ہے۔ پوری قوم وزیراعظم نواز شریف کے فوری استعفی کا مطالبہ کر رہی ہے۔ صوبائی حکومت راجن پور میں وہی عمل دہرا رہی ہے جو اس نے ماڈل ٹائون میں کیا تھا، پنجاب انتظامیہ نے جان بوجھ کر پولیس اہلکاروں کو چھوٹو گینگ کے حوالے کیا ہے۔ صوبہ پنجاب اور بالخصوص جنوبی پنجاب میں کراچی طرز کا ملٹری آپریشن ہمارا دیرینہ مطالبہ رہا ہے۔ لیکن حکومت انہیں فوج کے ہاتھوں گرفتار کروانے کی بجائے پولیس کی مدد سے ختم کرنا چاہتی تھی تاکہ جنوبی پنجاب میں دہشت گردوں کے سہولت کاروں کے ثبوت کو مٹایا جا سکے۔
انہوں نے مذید کہا کہ پنجاب حکومت میں وزرا، ایم پی ایز اور اعلی حکومتی عہدیداران چھوٹو گینگ کے سہولت کار ہیں۔ راجن پور میں بھرپور فوجی آپریشن نے وزیر اعلی پنجاب شہباز شریف اور وزیر قانون رانا ثنااللہ کے اس دعوے کی قلعی کھول دی ہے کہ پنجاب میں کوئی نوگو ایریا موجود نہیں۔ ہمارا مطالبہ ہے کہ رینجرز کو پنجاب میں سندھ اور کراچی طرز کے اختیارات دیے جائیں۔ جن شخصیات کے کالعدم جماعتوں سے رابطے ہیں ان کے خلاف بھی بھرپور فوجی آپریشن کیا جانا چاہیے۔
وحدت نیوز (سکردو) مجلس وحدت مسلمین پاکستان بلتستان سیکرٹریٹ سے جاری ایک اعلامیہ کے مطابق ایم ڈبلیوایم بلتستان کے سیکرٹری جنرل و رکن شوریٰ عالی علامہ آغاسید علی رضوی نے پارٹی ڈسپلن کی خلاف ورزی پررکن جی بی اسمبلی کاچو امتیاز حیدر خان کی بنیادی تنظیمی رکنیت معطل کر دی ہے۔ گلگت بلتستان الیکشن 2015 میں کاچو امتیاز نے سکردو حلقہ 2 مجلس وحدت مسلمین کے پلیٹ فارم سے الیکشن لڑا اور کامیاب ہوئے۔گلگت بلتستان کونسل کے حالیہ انتخابات میں ان پر بھاری مالی فائدہ کے عوض سیاسی وفاداری تبدیل کرنے کا الزام ہے۔انہوں نے اپنا ووٹ مجلس وحدت مسلمین کے امیدوار کی بجائے مد مقابل کو دے کر ایم ڈبلیو ایم کو ایک اہم نشست سے محروم کرنے میں بنیادی کردار ادا کیا اور جماعت کی سیاسی ساکھ خراب کرنے کی کوشش کی ہے جس پر ایم ڈبلیو ایم بلتستان کی اعلیٰ صوبائی قیادت نے سخت نوٹس لیتے ہوئے رکن اسمبلی کی پارٹی رکنیت کی فوری معطلی کے احکامات صادر کیے ہیں۔ جماعت کے مرکزی سیکرٹری جنرل علامہ راجہ ناصر عباس جعفری نے تین سینئر عہدیدران پر مشتمل تحقیقاتی کونسل بنانے کے حکم دیتے ہوئے اس واقعہ کی دس روز کے اندر رپورٹ طلب کر لی ہے۔کاچو امتیاز اگر دس یوم کے اندر اندر کوئی اطمینان بخش جواب نہ دے سکے توانہیں اسمبلی کی رکنیت سے خارج کرنے کے لیے بھی قانونی و آئینی کاروائی کی جائے گی۔
وحدت نیوز (اسلام آباد) مجلس وحدت مسلمین کے مرکزی رہنماعلامہ امین شہیدی نے کہاہے کہ گلگت بلتستان کوآئینی حقوق نہ دیئے گئے توعلیحدگی پسندتحریکوں کو تقویت ملے گی،ایک روزنامے کو خصوصی انٹرویو دیتے ہوئے انہوں نے کہا کہ بھارت گلگت بلتستان کے بارے میں غافل نہیں بھارت جتنا گلگت بلتستان کےاشوزکو اٹھا تا ہے،پاکستان نہیں اٹھاتا، انہوں نے کہا کہ گلگت بلتستان کے عوام گذشتہ سڑسٹھ سالوں سے اپنے بنیادی حقوق سے محروم ہیں ،یہ احساس محرومی روز بروز بڑھتا جا رہا ہے،گلگت بلتستان کو متنازعہ حیثیت کی وجہ سے اگر مکمل آئینی صوبہ نہیں بنایا جاسکتا تو پھرحکومت پاکستان گلگت بلتستان کے عوام کووہ حقوق دے جو بھارت نے مقبوضہ کشمیرکے عوام کو دیئے ہیں،مقبوضہ کشمیر کے عوام کو لوک سبھا اور راج سبھا میں نمائندگی دی ہوئی ہے، حالانکہ کے مقبوضہ کشمیربھی اقوام متحدہ کی قراردادوں کے تحت متنازعہ ہے، انہوں نے کہا کہ جب تک اقوام متحدہ اپنا فیصلہ نہیں دیتااس وقت تک گلگت بلتستان کو بھی مقبوضہ کشمیر طرزکے حقوق دیئے جائیں ،سینٹ ،قومی اسمبلی میں نمائندگی دی جائے،آئینی حقوق نہ دینا اور اس معاملے کو طول دینا خود مسلم لیگ نواز اورریاست پاکستان کے لئے بھی نقصان دہ ہے،وزیر اعظم میاں نواز شریف نے الیکشن میں آئینی حقوق کے وعدے کیئے اب ان کا فرض ہے کہ وہ ان پر عمل کریں انہوں نے کہا کہ گلگت بلتستان کے عوام کو پاک چین اقتصادی راہداری منصوبے پر بے وقوف بنایا جا رہا ہے۔
