The Latest

وحدت نیوز(لاہور) لاہور میں گارڈن ٹاؤن کے علاقے مسلم ٹاؤن انڈر پاس کے قریب موٹر سائیکل سوار دہشتگردوں کی فائرنگ سے تحریک نفاذ فقہ جعفریہ کی سپریم کونسل کے رکن اور ممتاز خطیب اہل بیت علامہ ناصر عباس آف ملتان شہید ہوگئے۔ علامہ ناصر عباس شاہ جمال میں قومی مرکز میں مجلس عزا کے بعد واپس جا رہے تھے۔ جب وہ مسلم ٹاؤن انڈر پاس کے قریب پہنچے تو نامعلوم موٹر سائیکل سوار دہشتگردوں نے ان کی گاڑی پر اندھا دھند فائرنگ کر دی، جس سے وہ خود، ان کا محافظ اور ڈرائیور شدید زخمی ہوگئے۔ ڈرائیور نے انہیں تشویشناک حالت میں شیخ زید ہسپتال پہنچایا، جہاں وہ زخموں کی تاب نہ لا کر خالق حقیقی سے جا ملے۔ پولیس اور سکیورٹی اداروں نے جائے وقوعہ سے شواہد جمع کر لئے ہیں۔تفصیلات کے مطابق علامہ ناصر عباس آف ملتان کو دہشت گردوں نے ۴ گولیاں ماری جس کے سبب وہ جانبر نہ ہو سکے ۔واضح رہے کہ علامہ ناصر عباس ملتان کے رہائشی تھے اور عشرہ مجالس کے سلسلے میں لاہور میں قیام پذیر تحے اور قومی مرکز شاہ جمال روڈ میں مجلس عزاء سے خطاب کے بعد اپنی قیام گاہ جوہر ٹائون واپس اآرہے تھے کہ موٹر سائیکل سوار دہشت گردوں نے انہیں فائرنگ کا نشانہ بنایا۔

 

واقعہ کی اطلاع ملنے کے بعد مجلس وحدت مسلمین، شیعہ علماء کونسل، عزاداری کونسل، ماتمی انجمنوں کے کارکنان اور سینکڑوں کی تعداد میں لوگ ہسپتال کے باہر جمع ہوگئے اور حکومت کے خلاف نعرے بازی شروع کر دی۔ شیخ زید ہسپتال کے باہر اس وقت بھی شہریوں کی کثیر تعداد جمع ہے، جنہوں نے یونیورسٹی روڈ کو بلاک کر دیا ہے اور پنجاب حکومت کے خلاف نعرے بازی کر رہے ہیں۔ دوسری جانب عزاداری کونسل نے 3 روزہ سوگ کا اعلان کر دیا ہے اور کل پورے لاہور میں ہڑتال کی کال بھی دی ہے۔

 

علامہ ناصر عباس کی شہادت پر مذہبی سیاسی حلقوں نے شدید غم و غصے کا اظہار کرتے ہوئے دہشت گردی کی شدید مذمت کی ہے۔مجلس وحدت مسلمین کے سیکرٹری جنرل علامہ راجہ ناصر عباس جعفری، شیعہ علما کونسل کے سربراہ علامہ ساجد علی نقوی، ، تحریک نفاذ فقہ جعفریہ کے سربراہ علامہ حامد علی شاہ موسوی، قائد حزب اختلاف پنجاب میاں محمودالرشید، سنی تحریک کے سربراہ ثروت اعجاز قادری ، سنی اتحاد کونسل کے چیئر مین صاحبزادہ حامد رضا اور دیگر نے دہشت گردی کے واقعہ شدید مذمت کرتے ہوئے مجرموں کی فی الفور گرفتاری کا مطالبہ کیا ہے۔

وحدت نیوز(لاہور) مجلس وحدت مسلمین پنجاب کی صوبائی کابینہ کا اجلاس صوبائی سیکرٹریٹ پنجاب میں منعقد ہوا۔ جس میں صوبہ پنجاب کی کابینہ کے تمام اراکین شریک ہوئے۔ اجلاس کی صدارت علامہ عبدالخالق اسدی سیکرٹری جنرل مجلس وحدت مسلمین پنجاب نے کی۔ اجلاس سے خطاب کرتے ہوئے علامہ عبدالخالق اسدی نے کہا کہ چہلم امام حسین ؑ کے روٹ پر قد غن ناقابلِ برداشت ہوگا۔ ہم مر تو سکتے ہیں لیکن روٹ سے ایک انچ بھی پیچھے نہیں ہٹیں گے۔ حکومت شر پسندوں کولگام دے نہ کہ محب وطن پر امن شہریوں کے حقوق پر ڈاکہ ڈالے ۔مذہبی جلوسوں پر پابندی کی باتیں کرنے والوں کی سازش سے ہم بخوبی آگاہ ہیں انشا ء اللہ اس کوکبھی کامیاب نہیں ہونے دینگے۔


اجلاس میں چہلم امام حسین ؑ کے ساتھ ربیع الاول میں عید میلاد النبی کو بھی شایانِ شان طریقے سے منانے کا اعلان کیا۔ اجلاس میں مطالبہ کیا کہ پنجاب حکومت بانیان مجالس،اور عزاداروں کے خلاف جھوٹے مقدمات اور ایف آئی آر فوری خارج کریں بصورت دیگر پنجاب بھر میں احتجاج پر ہم مجبور ہوں گے۔اجلاس میں ملا عبدالقادر کی بنگلہ دیش میں پھانسی کو بنگلہ دیش کی پاکستان دشمنی کا واقعہ قرار دیتے ہوئے مذمتی قرار داد منظور کی اور ان کی روح کے ایصال ثواب کیلئے فاتحہ خوانی کی۔ اجلاس میں راولپنڈی فرقہ وارانہ سازش کیس پر پنجاب حکومت کے یکطرفہ رویے کی مذمت کی۔

وحدت نیوز(بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے کواردو اسکردو میں مجلس عزاء سے خطاب کرتے ہوئے کہا ہے کہ کربلا کوئی قصہ پارینہ اور کہانی نہیں بلکہ آفتاب ہدایت اور ظلم کے خلاف قیام کا درس ہے۔ کربلا نے اہل ایمان پر اتمام حجت کر دی ہے، اب ضروری ہے کہ ہم وقت کے یزیدوں اور عصر کے فرعونوں کے خلاف تمام تر مصلحتوں اور بہانوں کو بالائے طاق رکھ کر قیام کریں۔ علامہ آغا علی رضوی نے کہا کہ وطن عزیز پاکستان میں چند عاقبت نااندیش، فتنہ پرور اور تکفیری عناصر عزاداری نواسہ رسول (ص) پر پابندی کا خواب دیکھنے میں مصروف ہیں، یہ ان کی بھول ہے۔ عزاداری امام حسین (ع) شیعیان حیدر کرار (ع) کی شہہ رگ حیات ہے، ہماری زندگی ہی امام حسین کی محبت سے قائم ہے۔ پاکستان میں عزاداری ہمارا آئینی، قانونی اور اخلاقی حق ہے۔

وحدت نیوز(کوئٹہ) مجلس وحدت مسلمین بلوچستان کے سیکرٹری جنرل علامہ مقصود علی ڈومکی نے کہا ہے کہ دشمن کی سازشوں کے باوجود چہلم امام حسین علیہ السلام کی مجالس و جلوس ملک بھر میں بھرپور انداز سے منعقد ہوں گے۔ کوئٹہ میں پرہجوم پریس کانفرنس سے خطاب کرتے ہوئے ان کا کہنا تھا کہ سانحہ راولپنڈی کی آڑ میں بیگناہ افراد کی گرفتاریوں کا سلسلہ نہ روکا گیا تو ملک گیر احتجاج کرنے پر مجبور ہونگے، اور یہ احتجاج نواز حکومت کو رئیسانی حکومت کی طرح بہا لے جائے گا۔ علامہ ڈومکی نے کہا کہ چہلم نواسہ رسول ﷺ بھرپور طریقے سے منایا جائیگا اور کسی قدغن کو ہرگز برداشت نہیں کیا جائے گا۔ انہوں نے نے کہا کہ حکومت دہشتگردوں کیخلاف کارروائی کرنے کے بجائے ان سے مذاکرات کر رہی ہے جبکہ معصوم اور بےگناہ شہریوں کو ہراساں کرکے دہشتگرد ثابت کرنے کی کوشش کی جا رہی ہے۔

وحدت نیوز(مظفرآباد ) پنجاب حکومت بلوچستان کے رئیسانی کا کردار ادا نہ کرے، اور بلوچستان کے رئیسانی سے سبق سیکھتے ہوئے دہشت گردوں کی سر پرستی ترک کر دے، راولپنڈی میں نوجوانوں کی بلاجواز گرفتاریاں ختم کرنے کے ساتھ ساتھ بے گناہ جوانوں کو فوری رہا کرے، اور ان پر قائم کیئے گئے جھوٹے مقدمات کو فی الفور ختم کیا جائے ، ان خیالات کا اظہار مجلس وحدت مسلمین آزاد جموں و کشمیر کے سربراہ علامہ سید تصور حسین نقوی الجوادی نے وحدت سیکرٹریٹ مظفرآباد میں عوامی وفود سے گفتگو میں کیا، علامہ سید تصور جوادی نے کہا کہ پنجاب حکومت راولپنڈی سانحہ کی آڑ میں بے گناہ جوانوں کو گرفتار کر رہی ہے، یہ کردار بلوچستان کے رئیسانی سے مختلف نہیں، لیکن حکومت پنجاب کو معلوم ہونا چاہیے کہ اسی کردار کے حامل کو کس طرح ایوان اقتدار سے الگ کیا گیا، حکومت پنجاب کے اس متعصبابہ رویے پر ملک گیر احتجاج کر کے تخت لاہور کی دیواروں کو ہلا دیں گے، انہوں نے کہا کہ بجائے اس کے کہ حکومت یکطرفہ و متعصب انداز سے کاروائی کاروائیاں کرے ، کمیشن اور فیکٹ فائنڈنگ کمیٹی پر اثر انداز ہونے کے لیئے ایک وزیر کو کھلی چھٹی دے دی جائے، بلکہ حکومت کو ملت تشیع کے تحفظات کا ازالہ یقینی بنانا ہوگا، ہمیں بتانا ہو گا کہ مسجد و امام بارگاہوں کو جلانے والے کب گرفتار ہوں گے، کمیشن کو بھی چاہیے کہ اپنی تحقیات کا آغاز مسجد کے خطیب کے خطبہ جمعہ سے کرے ، نہ کہ بلوے سے آغاز لیا جائے، خطیب کو بھی شامل تفتیش کیا جائے ، 2بجے ختم ہو جانے والی نماز جمعہ 3بجے تک کیسے جاری رہی، اور لاؤڈسپیکر کیوں آن رہا؟یہ ایسے سوالات ہیں جن کا جواب کمشن تحقیات کے ذریعے منظر عام پر لائے،ہماری قیادت نے چوہدری نثار صاحب سے ملاقات کرکے اپنے تحفظات سے انہیں آگاہ کیا، لیکن گزشتہ روز کی دوبارہ کاروائی نے ہمیں تحفظات کو مذید تقویت دی، پولیس نے رات گئے چھاپوں کے ذریعے گلگت بلتستان و پاراچنار کے طلاب جو تعلیم حاصل کرنے آئے ہوئے ہیں، ہاسٹلز پر چھاپوں کے ذریعے انہیں گرفتار کر کے ان پر جھوٹے مقدمات قائم کیئے گئے۔



علامہ جوادی نے کہا کہ اس طرح کے اقدامات سے ہمیں ڈرایا یا دھمکایا نہیں جا سکتا ، ہم اپنا درس کربلا سے لیتے ہیں، عزاداری سیدالشہداء کے لیئے کفن باندھ کر نکلتے ہیں ، اس طرح کے اوچھے ہتھکنڈے ہمیں محدود نہیں کر سکتے، ہم جلوس بھی نکالیں گے ، عزاداری بھی کریں گے، میلاد بھی منائیں گے، میلاد کے جلوس بھی نکالیں گے، کوئی طاقت کوئی قوت عشق رسول صلی اللہ علیہ وآلہ وسلم و عقیدت حسنین کریمین ؑ ہمارے دلوں سے نہیں نکال سکتی، علامہ تصور جوادی نے کہا کہ سابق چیف جسٹس افتخار محمد چوہدری اگر دہشت گردوں کو کھلی چھٹی نہ دیتے تو آج ملک دہشتگردی سے پاک ہو چکا ہوتا، جو شخص ریٹائرمنٹ کے دوسرے روز ہی سکیورٹی و بلٹ پروف گاڑی کا مطالبہ کرے تو سمجھ لیا جائے کہ اس نے مملکت خداداد پاکستان کے باشندوں کو کیا انصاف دیا ہو گا، انہوں نے کہا کہ توقع ہے کہ نئے چیف جسٹس سابقہ چیف کی روایت کو توڑتے ہوئے سیاسی و مذہبی وابستگی سے بالا ہو کر انصاف کی فراہمی یقینی بنائیں گے، امید ہے کہ جسٹس جیلانی اچھی روایات کو فروغ دیں گے، ملک میں جج تو آزاد ہیں لیکن عدلیہ آزاد نہیں ، امید ہے کہ جیلانی صاحب عدلیہ کو آزاد بنانے کے لیئے بھی اقدامات اٹھائیں گے۔

وحدت نیوز(پشاور) مجلس وحدت مسلمین خیبر پختونخوا کے آرگنائزرعلامہ سید سبطین حسینی نے بزرگ عالم دین علامہ سید بادشاہ حسین شیرازی کی وفات پر تعزیت کا اظہار کرتے ہوئے کہا ہے کہ مرحوم ملت تشیع بالخصوص کرم ایجنسی کے مومنین کا عظیم سرمایہ تھے، ان کی وفات سے پیدا ہونے والا خلاء عرصہ دراز تک پر نہیں ہوسکے گا۔ ان خیالات کا اظہار انہوں نے ایم ڈبلیوایم خیبر پختونخوا کے آفس پشاو میں منعقدہ تعزیتی اجلاس سے خطاب کرتے ہوئے کیا۔ اس موقع پر مرحوم کی مغفرت کیلئے فاتحہ خوانی بھی کی گئی۔ علامہ سبطین حسینی کا کہنا تھا کہ مرحوم علامہ سید بادشاہ حسین شیرازی نے قائد شہید علامہ سید عارف حسین الحسینی جیسے عظیم المرتبت شاگرد کی تربیت کی۔ آپ کی دین مبین اسلام کیلئے خدمات ہمیشہ یاد رکھی جائیں گی۔ انہوں نے کہا کہ علامہ سید بادشاہ شیرازی کا شمار ملک کے اتہائی جید علمائے کرام میں ہوتا تھا، آپ نے طویل عرصہ تک علمی لحاظ سے ملت کی خدمت کی۔

وحدت نیوز(کوئٹہ) حلقہ 12 سے کامیاب ہونے والے مجلس وحدت مسلمین کے نامزدامیداربرائے بلدیاتی انتخابات دسمبر، 2013 جناب کربلائی رجب علی نے حلقہ کے عوام کا تہہ دل سے شکریہ اداکرتے ہوئے کہاہے کہ اصل میں اُن کی جیت عوام کی جیت ہے۔ یہ جیت حلقہ میں صدیوں سے پیار و محبت کے ساتھ زندگی گزارنے والے امن پسندعوام کی جیت ہے ۔انہوں نے مزیدکہاکہ ہارجیت کسی بھی جمہوری عمل کاحصہ ہوتاہے۔انسان جہاں جیت کرخوشی محسوس کرتاہے وہاں اُس میں ہار کر مزیدمحنت کرنے کاجذبہ پیداہوناچاہیئے۔حلقہ 12 نیچاری کوئٹہ میں پشتون، بلوچ، پٹھان، ہزارہ اور قندھاری اقوام پرمشتمل ایک ایسا گلدستہ ہے جو کبھی نہیں مرجھائے گا۔ہم اس گلدستہ کی آبیاری اپنے خون سے کریں گے اوراسے کبھی بھی مرجھانے نہیں دیں گے۔اللہ کے نزدیک سب سے زیادہ اہمیت ایک انسان کی ہے۔کسی قوم یا مذہب و مسلک سے تعلق سے پہلے ہم ایک انسان ہیں اور ہمیں ہرروز اچھاانسان بننے کی کوشش کرتے رہناچاہیئے ۔کربلائی رجب نے مقامی اخبارات میں ایک لسانی تنظیم کے بیان پراپنے ردعمل کے طورپرکہاکہ حلقہ 12 میں رہنے والے تمام اقوام و برادریوں نے اُنہیں ووٹ دے کرکامیاب کیاہے۔حلقہ 12 کے کسی بھی امیدوارنے الیکشن مہم کے دوران لسانی یا مذہبی تعصب کی کبھی بھی بات کی نہ اس بنیادپرکسی نے عوام سے ووٹ لیا۔ہماراجینامرناایک ساتھ ہے۔ غم خوشی ایک ساتھ ہے۔لہٰذانام نہادلسانی تنظیم کے غیرذمہ دارانہ بیان کی وہ شدیدالفاظ میں مذمت کرتے ہوئے تنظیم کوتنبیہ کرتے ہیں کہ آئندہ ایسے غیرذمہ دارانہ اورانتہاپسندی پرمبنی بیانات دے کرحلقہ 12 کے عوام میں نفرتوں کابیج بونے کی کوشش نہ کرے۔

وحدت نیوز(اسلام آباد) مجلس وحدت مسلمین کے سربراہ علامہ ناصرعباس جعفری نے کہا ہے کہ سانحہ راجہ بازار پاکستان میں گذشتہ کئی سالوں سے جاری دہشتگردی کے واقعات کا تسلسل ہے، سانحہ راولپنڈی کی آڑ میں بیگناہ افراد کی گرفتاریوں کا سلسلہ نہ روکا گیا تو ملک گیر احتجاج کرنے پر مجبور ہونگے ، جو نواز حکومت کو رئیسانی حکومت کی طرح بہا کر لے جائے گا۔حکومت ہوش کے ناخن لے اور ملک کے امن کو خراب کرنے عناصر کیخلاف کارروائی کرے، ان کا کہنا تھا کہ وزیراعلیٰ شہباز شریف، وزیرقانون رانا ثناء اللہ کے ایماء پر پنجاب پولیس یکطرفہ کارروائی جاری رکھے ہوئے ہے اور ابتک سینکڑوں بے گناہ لوگوں کو گرفتار کیا جاچکا ہے اور یہ سلسلہ تاحال جاری ہے،لگتا ہے کہ پنجاب حکومت دہشتگردوں کے ہاتھوں یرغمال بن گئی ہے یا پھران سے خوف کھاتی ہے۔ان خیالات کا اظہار انہوں نے ایم ڈبلیو ایم کے مرکزی سیکرٹریٹ میں پریس کانفرنس کرتے ہوئے کیا۔ ا ن کے ہمراہ ایم ڈبلیو ایم پنجاب کے سیکرٹری جنرل علامہ عبدالخالق اسدی، علامہ اصغر عسکری اور ایڈووکیٹ اصغرعلی مبارک موجود تھے۔

 

علامہ ناصر عباس جعفری نے کہا کہ راولپنڈی میں چہلم نواسہ رسول ﷺ بھرپور طریقے سے منایا جائیگا اور کسی قدغن کو برداشت نہیں کیا جائے گا، لہٰذا آرپی او راولپنڈی غیرذمہ دارانہ بیانات سے گریز کریں۔ انہوں نے انتظامیہ کومتنبہ کیا کہ جلوس کا روٹ ہماری لاشوں سے گزر کر تو تبدیل ہوسکتا ہے لیکن ہماری زندگیوں میں نہیں۔ علامہ ناصر عباس جعفری نے کہا کہ سانحہ راولپنڈی کے حوالے سے اٹھائے گئے بیگناہ افراد پر بہیمانہ تشدد کیا جارہا ہے جو ناقابل بیان ہے ، تھانوں اور جیلوں کو گونتاناموبے اور ابو غریب جیل بنانے کی کوشش کی جارہی ہے جس کی ہم شدید مذمت کرتے ہیں۔

 

علامہ ناصر عباس جعفری نے کہا کہ حکومت دہشتگردوں کیخلاف کارروائی کرنے کے بجائے ان سے مذاکرات کررہی ہے جبکہ معصوم بے گناہ شہریوں کو ہراساں کرکے دہشتگرد ثابت کرنے کی کوشش کی جارہی ہے۔انہوں نے سوال اٹھایا کہ گذشتہ سال ہونے والے راولپنڈی کے علاقے ڈھوک سیداں واقعہ، پروفسیر شبیر حسین کا قتل، گجرات میں سات افراد کا قتل اور وکلاء کے قاتلوں کے لئے کیوں کمیشن اور تحقیقات کمیٹی نہ بنائی گئی ۔علامہ ناصر عباس جعفری نے اعلان کیا کہ ہم ملی یکجہتی کونسل سمیت ایسے تمام ضابطہ اخلاق کو مسترد کرتے ہیں جو شیعہ سنی مسلمہ عقائد کیخلاف ہوں، لہٰذا اس حوالے سے کسی نئی قانون سازی کی ضرور ت نہیں اور نہ ہی کسی نئی قانون سازی کو قبول نہیں کیا جائے گا۔

وحدت نیوز (اسلام آباد) مجلس وحدت مسلمین پاکستان کے سیکریڑی امورخارجہ علامہ سید شفقت حسین شیرازی نے مرکزی میڈیا سیل  کو جاری ایک بیان میں کہا ہےکہ ڈرون حملے پاکستان کی خودمختاری اور سالمیت کا مسئلہ ہے،حکومت کو چاہیے کہ امریکہ سے بھیک مانگنے کے بجائے ان کے سامنے ڈٹ جائے امداد کی خاطر ملک کی سالمیت کو نہ دائوپر نہ لگایا جائے،آخر کب تک بھیک مانگتے ہوئے گزارا کریں گے ملک سے کرپشن کا خاتمہ کر یں تو ملک کو کسی سے مدد لینے کی ضرورت نہیں پڑے گی۔

 

علامہ شفقت شیرازی کا مزید کہنا تھا کہ اگر ہمارے حکمران اگر وطن سے مخلص ہوں تووہ ملک کو درپیش ہر مسائل کے حل نکال سکتیں ہیں اگر ملک سے کرپشن کی لعنت کو ختم کریں اور اعلٰی عہدوں پر محب وطن پاکستانیوں کو میرٹ پر جگہ دیں تو ریاست کو غلامی سے نجات مل سکتی ہے ۔ان کا کہنا تھا ہمیں افسوس ہوتا ہے کہ ہمارے حکمران ایٹمی ریاست ہونے کے باوجود ملکی سالمیت کی حفاظت کر نے میں ناکام نظر آتے ہے،اور کرپشن ،لوٹ مار، مہنگائی اور مفاد پرستی کی وجہ سے ملک کی داخلی صورت حال روز بہ روز ناگفتہ بہ ہو تی چلی جارہی ہے ،جن حکمرانوں نے کشکول توڑنے کے نعرے لگائے وہ آج خود عالمی طاقتوں کے سامنےڈالروں کے عیوض ملکی غیرت و حمیت کا سودا کر رہے ہیں۔

وحدت نیوز(کراچی) مجلس وحدت مسلمین نے اعلان کیا ہے کہ ملک بھر کی طرح کراچی کے بلدیاتی الیکشن کے لئے بھی یونین کمیٹی کی سطح پرانتخابی ایڈجسٹمنٹ کے لئے تمام ضلعی پولیٹیکل کاؤنسل کو بااختیار کیا گیا ہے اور ان کی جماعت کے امیدوار کراچی بھرمیں بلدیاتی الیکشن میں بھر پور حصہ لیں گے تاکہ عوام کی تمام بنیادی مشکلات کے حل کے لئے اپنا بھر پور سیاسی کردار ادا کریں گے۔ مجلس وحدت مسلمین کراچی ڈویژن کے سیکریٹری سیاسیات سید علی حسین نقوی نے ضلع غربی کے تحت پولیٹیکل کونسل کے اجلاس سے خطاب کر تے ہو ئے کہا کہ کراچی کے تمام اضلاع میں بلدیاتی انتخابی پینل کی تشکیل کا کام جاری ہے ۔ مرکزی پولیٹیکل سیکریٹری ناصر عباس شیرازی ایڈووکیٹ اور صوبائی پولیٹیکل سیکریٹری عبد اللہ مطہری جلد کراچی کا دورہ کریں گے اوراس موقع پرانہیں پینلز کی تشکیل کے بارے میں بریفنگ دی جائے گی۔ ان کا کہنا تھا کہ اضلاع کی سطح پر ہم خیال سیاسی و مذہبی جماعتوں کے ساتھ بات چیت جاری ہے ، تمام اضلاع کی پولیٹیکل کاؤنسل بااختیار ہیں ، ضلعی اور یونین کی صورتحال کو مد نظر رکھ کر بیشتر یونین کمیٹیز میں معتدل سیاسی جماعتوں کے ساتھ مل کر بلدیاتی الیکشن میں حصہ لیں گے ، ان کا کہنا تھا کہ ہماری کوشش ہے کہ ایسی مقامی قیادت کو متعارف کروایا جائے جو منتخب ہو کر حلقہ کے عوام کو بنیادی ضروریات کی فراہمی میں معاون ثابت ہوسکیں اور عوامی خدمت کی اعلیٰ مثال قائم کریں ۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree