The Latest
وحدت نیوز(سکردو) مجلس وحدت مسلمین پاکستان کے سیکرٹری جنرل علامہ ناصر عباس جعفری اپنے تنظیمی دورہ پر آج اسکردو پہنچ گئے ہیں۔ اسکردو میں مختلف تنظیمی پروگرامات کے بعد گلگت کا بھی دورہ کریں گے۔ تفصیلات کے مطابق ایم ڈبلیو ایم پاکستان کے سربراہ علامہ ناصر عباس جعفری آج اپنے تنظیمی دورہ پر اسکردو پہنچ گئے ہیں، انکے ہمراہ مجلس وحدت مسلمین پاکستان کے سیکرٹری سیاسیات سید ناصر عباس شیرازی بھی موجود ہیں۔ ایم ڈبلیو ایم کے مرکزی رہنما اسکردو میں تنظیمی پروگرامات میں شرکت اور اہم دورہ جات کے بعد گلگت بھی جائیں گے جہاں تنظیمی صورتحال کا جائزہ لیا جائے گا۔ علامہ ناصر عباس جعفری بلتستان میں ڈویژن کابینہ اراکین کے علاوہ اہم شخصیات سے ملاقات بھی کریں گے اور اپنے دورہ کے دوران اہم پریس کانفرنس سے خطاب بھی کریں گے۔
وحدت نیوز(لاہور) قائد وحدت علامہ راجہ ناصرعباس جعفری (حفظ اللہ)کااتحادبین المومنین کی راہ میں ایک عظیم کارنامہ ،امام بارگاہ قصر بتول میں علامہ راجہ ناصرعباس جعفری کی سربراہی میں منعقدہ ملک بھر کے جید ذاکرین عظام کے نمائندہ اجتماع کے اختتام پر آٹھ نکاتی ضابطہ اخلاق عزاداری جاری کردیا گیا،اس اجتماع کے انعقاد میں سید اختر عباس بخاری،مخدوم سید ابوذر بخاری اور سید اسد عباس نقوی نے تعاون فرمایا ، اجلاس میں شریک تمام ذاکرین عظام نے قائد وحدت علامہ راجہ ناصرعباس کی جانب سے تشکیل کردہ ضابطہ اخلاق عزاداری پر دستخط کردیئے ہیں ، سرفہرست ذاکرین عظام میں شوکت رضا شوکت، ریاض حسین شاہ رتوال، سید مشتاق حسین شاہ، کرامت عباس حیدری،سید ذریت عمران شیرازی،وسیم عباس بلوچ،جواد عاشق بی اے،حامد رضا سلطانی ودیگر شامل تھے، یہ ضابطہ اخلاق عزاداری سید الشہداءعلیہ السلام کے انعقادمیں اختلافی اور انتشاری مباحث کے خاتمے، مجتہدین کرام کی احترام واکرام کی برقراری اور شیعہ سنی وحدت سمیت اتحاد بین المومنین کیلئے سنگ میل ثابت ہوگا، انشاءاللہ
اس اجلاس کا مقصد عزاداری کو درپیش مسائل کا جائزہ لینا تھا، جس میں شرکاءنے درجہ ذیل نکات پرمتفقہ طور پر دستخط کیئے
۱: مجلس و عزاداری ایک عظیم عبادت ہے جس کو ریاکاری سے پاک ہونا چاہیے
۲: مکتب تشیع (اثنا عشری) کا مسلمہ عقیدہ (لا الہ الا اللہ محمد الرسول اللہ علی ولی اللہ وصی رسول اللہ و خلیفہ بلافضل) اس سے مراد ہے کہ اللہ کے سوا کوئی معبود نہیں اور محمد (ص) اللہ کے رسول اور آخری بنی ہیں اور علی (ع) اللہ کے ولی ہیں اور نیابت ختمی مرتبت میں اس سلسلے امامت کے پہلے امام ہیںجس کے آخری امام حضرت امام مہدی (ع) ہیں اور یہ کہ بارہ آئمہ کی نسبت سے ہم سب اثناءعشری ہیں۔
اخلاقیات منبر مجلس عزا اس بات کا تقاضہ کرتی ہے کہ تمام دیگر مسالک کا احترام کیا جائے اور منبر سے طعن و تشنیع سے اجتناب برتا جائے نیز خطباء،ذاکرین شیعہ مقدسات یعنی علماءمجتہدین ،سادات عظام اور ذاکرین کا احترام ملحوظ خاطر رکھا جائے
۴:شرکاءاجلاس اس بات پر متفق ہیں کہ جو خطیب اور ذاکر عزاداروں میں گروبندی پیدا کرنے کی کوشیش کرے یا منبر سے کسی کے خلاف بھی نازیباالفاظ استعمال کرے وہ قابل مواخذہ ہے۔
اجلاس کے تمام شرکاءاس بات پر متفق ہیں کہ ہم ہر اس کوشیش اور کاوش کی حوصلہ شکنی کریں گے جو اشارة یا کنایتہ بھی ملکی سالمیت کے خلاف ہو۔
۵:اتحاد بین المومنین اور اتحادی بین المسلمین ہماری میراث جسکی ہر صورت میں حفاظت کی جائے گی۔
۷:ملکی سالمیت اور وطن عزیز پاکستان کے خلاف ہر سازش کا ڈٹ کر مقابلہ کیا جائے گااور مجالس عزا میں ملک عزیز کودرپیش چیلنجز کو مد نظر رکھتے ہوئے پہلے سے بھی زیادہ حب الوطنی کو فروغ دیا جائے گا۔
۸:نمائندہ اجلاس دہشتگردوں کے شکار شہدائے ملت باالخصوص فوج اور پولیس کے جوانوں کو خراج تحسین پیش کرتا ہے اور آپریشن ضرب عضب کی مکمل تائید و حمایت کرتا ہے
۔
وحدت نیوز(اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی نے کہا ہے پاکستان میں فرقہ واریت کے نام پر دہشت گردی کو پروان چڑھانے کی کوشش کرنے والے مذموم عناصر اپنے عزائم میں بُری طرح ناکام ہو چکے ہیں۔دہشت گردی کے خلاف ملک کی سیاسی و عسکری قوتوں کی دانشمندانہ حکمت عملی حوصلہ افزا نتائج کی طرف تیزی سے بڑھ رہی ہے۔ملک دشمن ایجنڈے پر عمل پیرا منفی طاقتوں کے قدم اکھڑ چکے ہیں۔پاکستان کی جرات مند افواج نے ثابت کر دیا ہے کہ وطن عزیز کی سالمیت و بقا ہمیں ہر چیز سے زیادہ عزیز ہے۔انہوں نے کہا ملک میں امن و امان کے حقیقی قیام کے لیے افواج پاک کی کوششوں کے ساتھ ساتھ حکومت اور عوام کو بھی ذمہ دارانہ کردار ادا کرنا ہو گا۔ حکومت نیشنل ایکشن پلان کے تمام نکات پر بلاتاخیر کاروائی کرے لیکن اس قانون کو مخالفین کے خلاف ہتھیار کے طور پر استعمال کرنے سے گریز کیا جائے۔
انہوں نے کہا ہم ملک میں قانون و انصاف کی بالادستی کے خواہاں ہیں اور اس کے لیے ہماری طرف سے ہر طرح کا تعاون جاری رہے گا۔لیکن قانون کی آڑ میں زیادتی ناقابل قبول ہے ۔اختیارات کا غیر منصفانہ استعمال معاشرے اور اداروں کو تصادم کی راہ کی طرف لے جاتا ہے۔ہم اس نازک ترین دور میں کسی تصادم کے متحمل نہیں ہو سکتے۔ حکومت ملک دشمن اور محب وطن قوتوں میں امتیاز کرے۔دہشت گردی کے خلاف جنگ میں جو سیاسی و مذہبی تنظیمیں اس عمل کی حامی ہیں ان کی حب الوطنی ہر طرح کے شکوک و شبہات سے بالاتر ہے۔حکومت دہشت گرد قوتوں کی سرپرستی کرنے والے عناصر کی حمایت حاصل کرنے کے لیے قومی اداروں کو اختیارات سے تجاوز کی اجازت ہر گز نہ دے۔انہوں نے کہا کہ حکومت اور فوج کے طرز عمل میں یکسانیت دہشت گردی کے خلاف جنگ جیتنے کے لیے شرط اول ہے۔ حکومت کو چاہیے کہ وہ ملک دشمن قوتوں کی سرکوبی کے لیے پوری دیانتداری کے ساتھ اپنی کوششیں جاری رکھے۔
وحدت نیوز(اسلام آباد) قبلہ اول مسجد الاقصٰی کئی روز سے اسرائیلی جارحیت کا نشانہ بنی ہوئی ہے، مسجد کا کمپاؤنڈ میدان جنگ کا سماء پیش کررہاہے، جہاں پر اسرائیلی فوجیوں کی طرف سے شیلنگ اور ربڑکی گولیوں کا بے دریغ استعمال کیا جا رہا ہے اور جس سے کئی فلسطینی مسلمان بچے ، بزرگ اور خواتین زخمی ہو چکے ہیں لیکن عالم اسلام اور اسلام کے ٹھیکیداروں کو کوئی خبر نہیں، قبلہ اول کی بے حرمتی پر عالم اسلام کی یہ بے حسی نہایت ہی افسوسناک ہے،ہمیں چاہیے کی ہم شیعہ سنی سے بالا تر ہو کر قبلہ اول کی حفاظت کے لئے متحد ہوں تاکہ صہونیوں کی ناپاک عزائم کو خاک میں ملایا جاسکے، ان خیالات کا اظہار مجلس وحدت مسلمین پاکستان کے مرکزی سیکریٹری تبلیغات علامہ اعجاز بہشتی نے وحدت میڈیا سیل کے نمائندہ سے گفتگو کرتے ہوئے کیا۔
علامہ اعجاز بہشتی کا مزید کہنا تھا کہ مسلمان ممالک اگر متحد ہوجائیں تو نہ صرف غاصب صہونیوں کو فلسطین سے باہر نکالا جاسکتا ہے بلکہ اسرائیل کے ناپاک وجود کا بھی باآسانی خاتمہ ممکن ہے۔ لیکن افسوس کی مسلم ممالک خصوصا عرب ممالک آپس میں دست و گریباں ہیں اور مشرق وسطٰی میں موساد اور سی آئی اے کے ایجنڈوں کے آلہ کار بنے ہوئے ہیں۔
اگر مسلم ممالک عراق اور شام میں داعش جیسے تکفیری دہشت گردوں کے خلاف متحد ہوتے اور ان کو کچل دیتے تو آج مشرق وسطٰی میں مسلمانوں کی حالت بہتر ہوتی اور امریکہ و اسرائیل کے عزائم خاک میں مل جاتے جنہوں نے اپنے سیاسی اور اقتصادی مفادات کی تکمیل کے لئے ان دہشت گردوں کو استعمال کر رہے ہیں۔مسلم ممالک کے اختلافات کی اصل جڑ امریکہ ، اسرائیل اور ان کے حوارین ہے لہذٰ مسلمانوں کو چاہیے کہ وہ اپنے صفوں میں اتحاد اور بھائی چارگی کو قائم رکھیں اور آپس میں اختلافات پھیلانے والوں کے چہرہ کو بے نقاب کریں۔
وحدت نیوز (کراچی ) مجلسِ وحدت مسلمین شعبہ خواتین کراچی ڈویژن کی جانب سےبانئِ پاکستان، قائدِ اعظم محمد علی جناحؒ کی برسی کی مناسبت سےمزارِ قائدؒ پہ ایک وفد کی صورت میں حاضری دی گئی،جسمیں ڈویژنل ممبران، ضلعی انچارج اور یونٹ ممبر خواہران کے ساتھ بچوں نے بھی شرکت کی،بانئ پاکستان قائدِ اعظم محمد علی جناحؒ کو خراجِ تحسین و خراجِ عقیدت پیش کیا گیا اور فاتحہ خوانی کی. جسکے بعد دیگر مزارت، جن میں مادرِ ملت و ہمشیرہِ قائدِ اعظم محترمہ فاطمہ جناحؒ ، شہید ملت لیاقت علی خان و محترمہ رعنا لیاقت علی خان،محترم سردار عبدالرب نشترؒ اورمحترم منورالزماں کے مزار پہ بھی حاضری دی گئی اور تمام شہدائےملت ، بلخصوص بانئِ پاکستان قائدِ اعظم محمد علی جناحؒ کے درجات کی بلندی کے لئے فاتحہ خوانی کی گئی۔
وحدت نیوز (لاس اینجلس) مجلس وحدت مسلمین کے رکن بلوچستان اسمبلی سید محمد رضا جو ان دنوں امریکہ کی مختلف ریاستوں میں مطالعاتی دورے میں مصروف ہیں ،نیویارک، واشنگٹن، لاس اینجلس، نیوجرسی ، سان فرانسسکو،کیلیفونیا،ہوسٹن،میری لینڈ،شکاگوسمیت مختلف ریاستوں کی مساجد امامبارگاہوں ، کمیونٹی سینٹرزمیں پاکستانی کمیونٹی سے ملاقاتیں کررہے ہیں ،جہاں اپنے خطبات میں وہ کوئٹہ کے عوام کیلئے جاری فلاحی وترقیاتی پروجیکٹس سے آگاہ کررہے ہیں دوسری جانب پاکستانی کمیونٹی کو پاکستان بالخصوص کوئٹہ میں عوامی فلاحی منصوبوں میں تعاون اور تاجر برادری کو کوئٹہ میں سرمایہ کاری اور ہزارہ کمیونٹی کی روائتی مصنوعات کی امریکی مارکیٹ تک رسائی کیلئے آمادہ کرنے میں مصروف ہیں ،جبکہ امریکہ میں مقیم پاکستانیوں کی بڑی تعداد نے آغا رضا کی کارکردگی سے متاثرہوکرکوئٹہ میں فلاحی منصوبوں میں تعاون کی یقین دہانی کروائی ہے،آغا رضا نے نے ہوسٹن میں پاکستان چیمبرز آف کامرس کے وائس پریذیڈنٹ جناب زکی مرزا کی جانب سے دئیے گئے ظہرانے میں کوئٹہ کے شیعہ ہزارہ تاجر برادری کے لیے امریکہ میں کاروبار کے مواقع اور امکانات سے متعلق مختلف امور پر تبادلہ خیال کیا. اس موقع پر سابق ایم این اے جناب جے سالک بھی موجود تھے۔
امریکی ریاست نیوجرسی کی مسجد علی علیہ السلام میں آغا رضا نے پاکستانی کمیونٹی سے ملاقات کے بعد خطاب میں کوئٹہ شہر میں ڈسٹرکٹ فوڈ اتھارٹی کا مقامی ہوٹلوں اور ریسٹورنٹس کا اچانک دورے کو خوش آئندقرار دیتے ہوئے کہا کہ یہ اقدام عوام کی مفاد کے لئے ضروری تھا کیونکہ کہیں ایسا نہ ہو کہ صاف اور پاک کھانوں کے نام پر عوام کو سستے دھام میں مضر صحت اور ناپاک چیزیں کھلائی جا رہی ہو۔ انہوں نے مزیدکہاکہ وہ ہوٹل مالکان جو اپنے مفاد کیلئے عوام کو ناقص اور مضر صحت اشیاء فروخت کرتے ہیں انہیں گرفتار کرکے انکے خلاف سخت سے سخت کاروائی ہونی چاہئے انہی کی وجہ سے لاکھوں افراد مختلف امراض میں مبتلا ہو جاتے ہیں اور سینکڑوں افراد اپنی جان تک گنوا بیٹھتے ہیں۔
انہوں نے مذیدکہاکہ حکومت سب سے پہلے سبزیوں اور دیگر کھانے کی اشیاء کی قیمتوں میں کمی کیلئے کوئی اقدام اٹھائے تاکہ انکی قیمتیں عوام کی دسترس میں ہو اور غریب عوام اس سے مستفید ہو سکے. حکومت کے ٹیکسزکی وجہ سے کھانے پینے کے اشیاء کی قیمتیںآسمانوں کو چھوتی نظر آ رہی ہیں. انہوں نےمزیدکہا کہ افسوس کی بات ہے کہ پاکستان خود چاول کی بڑی مقدار پیدا کرتا ہے اور دوسرے ممالک کو بھی برآمد کرتا ہے مگر اسکے باوجود خود پاکستانی عوام کیلئے چاول کی قیمت آسمانوں سے باتیں کرتی ہے،حکومت اگر کھانے پینے کی اشیاء کے قیمتوں میں کمی کیلئے اقدامات اٹھائے تو عوام کے کافی مسائل صرف اسی اقدام سے حل ہو سکتے ہیں. اور یہ اس بات کی بھی وجہ بس سکتی ہے کہ عوام ہوٹلوں میں سستے کھانے کے بجائے اپنے ہی گھر میں کھانے پکائے۔
وحدت نیوز (کراچی) مجلس وحدت مسلمین کراچی ڈویثرن کے سیکر ٹری جنرل حسن ہاشمی نے کہا ہے کہ مجلس وحدت مسلمین کی جانب سے کراچی میں 10اکتوبر کو سالانہ عظیم الشان ’’وارثان ولایت کانفرنس ‘‘ منعقد کی جائے گی۔ان خیالات کا اظہار انہوں نے ضلع ملیر میں منعقدہ ڈویثرنل و ضلعی کابینہ کےمشترکہ اجلاس سے خطاب میں کیا ،اس موقع پر ڈپٹی سیکریٹری جنرل ایم ڈبلیوایم کراچی رضا امام نقوی ،سیکریٹری اطلاعات علی احمر،ایم ڈبلیو ایم ڈسٹرکٹ ملیر کے سیکرٹری جنرل احسن عباس ،ثمر عباس ،عارف زیدی،حسن عباس ،نیاز کاچو،امیر عباس اور نقی زیدی سمیت یونٹ سیکریٹریز کی بڑی تعداد بھی موجود تھی حسن ہاشمی کا کہنا تھا کہ نواز حکومت عالمی سامراجی دہشت گرد قوتوں کی آلہ کار بنی ہوئی ہے نواز حکومت میں کالعدم دہشتگرد جماعتوں کو مکمل تحفظ حاصل ہے، پشاور میں ایم ڈبلیوایم کے رہنماؤں کو دہشتگردی کا نشانہ بنانا اور پنجاب میں بے گناہ کارکنان کی گرفتاری کی مذمت کرتے ہیں۔
ان کا کہنا تھا کہ نواز حکومت عوام سے مخلص نہیں ایک طرف تو ملک بھرمیں دہشتگردوں کے خلاف پاک افواج کا آپریشن ضرب عضب جاری ہے تو دوسری جانب نواز حکومت کی گود میں کالعدم جماعتوں کے سر براہان بیٹھیں ہیں جنہیں حکومت کی جانب سے فل پروف سکیورٹی دی جارہی ہے بڑھتی ہوئی مہنگائی، بے روزگاری، دہشت گردی، ایم ڈبلیو ایم کے رہنماؤں و کارکنان کی بلا جواز گرفتاری ،شیعہ افراد کی مسلسل ٹارگٹ کلنگ، عمائدین کے قاتلوں کی عدم گرفتاری، ملک دشمن و اسلام دشمن دہشت گردوں کے ساتھ حکومتی گھٹ جوڑکے خلاف اور ’’یوم غدیرومباہلہ ‘‘ کو شایان شان سطح پر منانے کے لئے مجلس وحدت مسلمین پاکستان10اکتوبر کوملیر مرکزی امام بارگاہ روڈ جعفر طیار سو سائٹی میں سالانہ ’’وارثان ولایت کانفرنس ‘‘ منعقد کرے گی اس عظیم الشان کانفرنس میں سندھ بھر سے لاکھوں عاشقان ولایت شریک ہوں گے ،تین اکتوبر کو ملیر میں منعقد ہونے والی ’’وارثان ولایت کانفرنس‘‘ کے حوالے سے سندھ بھر میں علماء، ماتمی انجمنوں، ذاکرین ، خطباء، نوحہ خوانوں، منقبت خوانوں سمیت ملت جعفریہ کے تمام اہم اداروں اور عوام کی شرکت کو یقینی بنایا جائے گا ،جبکہ کانفرنس کے انتظامات کو حتمی شکل دینے کے لئے تمام تر ذمہ داری ضلعی اور ڈویثرنل کابینہ کے مختلف افراد کو سونپ دی گئی ہے، اسی عنوان سے مختلف کمیٹیاں تشکیل دی جائیں گی جو جلسہ کے انتظامات میں اپنا کردار ادا کریں گی اور اسی حوالے سے بہت جلد دوسرا اجلاس وحدت ہاؤس کراچی میں منعقد کیا جائے گا۔ رضا نقوی کا کہنا تھا کہ انشا اللہ تین اکتوبر کو ہونے والی ’’وارثان ولایت کانفرنس‘‘ میں لاکھوں فرزندان اسلام کی آمد متوقع ہے جو ملت جعفریہ کی تاریخ کا عظیم الشان اور تاریخی اجتماع ہو گا،ضلعی سیکریٹری جنرل ملیر احسن عباس رضوی نے کہا کہ گذشتہ روایت کو برقرار رکھتے ہوئے روز غدیرکوبھرپوراندازمیں منائیں گےاورموالیان حیدرکرارؑکی میزبانی میں کوئی کسرنہیں اٹھا رکھیں گے۔
وحدت نیوز(سکردو) مجلس وحدت مسلمین پاکستان کے فلاحی شعبے خیر العمل فاؤنڈیشن نے سکردو کی تحصیل شگرخورد میں فراہمی آب کے منصوبے کا افتتاح کردیا ہے، منصوبے کا افتتاح ایم ڈبلیوایم کے ڈویژنل سیکریٹری جنرل علامہ سید علی رضوی اوررکن گلگت بلتستان اسمبلی کاچو امتیاز حیدر خان نے اپنے دست مبارک سے کیا،اس ،موقع پر ایم ڈبلیوایم کے دیگر رہنماؤں سمیت علمائے کرام ، معززین علاقہ اور عوام کی بڑی تعداد موجود تھی، افتتاح کی خوشی میں عوام میں مٹھائی بھی تقسیم کی گئی، اس موقع پر خطاب کرتے ہوئے آغا علی رضوی کاکہنا تھا کہ ایم ڈبلیوایم پاکستان کے ستم رسیدہ اور محروم طبقے کی نمائندہ جماعت ہے، عوام کی خدمت ہمارا فرض اولین ہے، فراہمی آب کا یہ منصوبہ اہلیان شگرخوردکی دیرینہ ضرورت تھی، جسے الحمد اللہ ایم ڈبلیوایم نے پورا کردکھایا، عوامی خدمت کا یہ سفر انشاء اللہ جاری رہے گا، حکومتی رویئے پر گفتگو کرتے ہوئے انہوں نے کہا کہ وزیراعلی گلگت بلتستان نے کشمیر کے متعلق بیان دے کر گلگت بلتستان سے اپنی قلبی وابستگی اور گلگت بلتستان کیساتھ کس حد تک مخلص ہے واضح کر دیا ۔ انہیں گلگت بلتستان سے زیادہ کشمیر کی فکر ہے اور وزیر موصوف یہ بھی معلوم نہیں کہ پاکستان میں کشمیر کا سٹیٹس گلگت بلتستان سے زیادہ بہتر ہے انہیں کشمیر کے حقوق کا ٹھیکیدار بننے کی بجائے گلگت بلتستان کی فکر کرنی چاہیے تھی۔آغا علی رضوی نے کہا کہ موجودہ صوبائی حکومت مجلس وحدت مسلمین سے سیاسی انتقام پر اتر آئی ہوئی ہے اور اس حکومت کی موجودگی میں مجلس وحدت مسلمین اور انکی دیگر مخالف جماعتوں کی قیادتیں غیر محفوظ ہیں اس سلسلے میں سیکیورٹی ادارے آگاہ رہیں ۔ صوبائی حکومت گلگت بلتستان میں کشمیر کے حقوق کی جنگ لڑنے اور قومی ایکشن پلان کی آڑ میں سیاسی مخالفین سے انتقام لینے میں مصروف ہیں۔ انہوں نے کہا کہ گلگت بلتستان میں دہشتگردوں کے خلاف تاحال کسی قسم کی کوئی موثر کاروائی نہیں ہوئی اگر کسی قسم کا ناخوشگوار واقعہ پیش آئے تو ذمہ داری صوبائی حکومت پر عائد ہوگی۔ صوبائی حکومت کے اقدامات دہشتگردوں کی بجائے محب وطن جماعتوں کے خلاف اٹھ رہے ہیں۔ انہوں نے کہا کہ غذر واقعہ ٹیسٹ کیس تھا لیکن صوبائی حکومت اس سلسلے خاموش نظر آتی ہے۔
وحدت نیوز (اسلام آباد) خیرالعمل فائونڈیشن پاکستان (شعبہ ویلفیئر) مجلس وحدت مسلمین پاکستان کے چیئرمین مسرت کاظمی نے کہا کہ خیرالعمل فائونڈیشن گذشتہ پانچ برس سے پاکستان کے ستم رسیدہ اور مفلوق الحال عوام کی بلاتفریق خدمت میں دن رات کوشاں ہے،کراچی تا خیبراور کوئٹہ کا گلگت ادارے کے سینکڑوں انسانی فلاح کے منصوبے مکمل ہو چکے ہیں اور سینکڑوں زیر تکمیل ہیں، عوام قربانی کے جانوروں کی کھالیں خیر العمل فائونڈیشن کو دیکراس کارخیر میں اپنا حصہ ضرور ڈالیں، ہیڈ آفس سے جاری اپنے بیان میں مسرت کاظمی نے کہا کہ عوام سنت ابراہیمی کی ادائیگی کیلئے پورا سال پیسہ جمع کرکے جانور خرید کرلاتی ہے، قرب خدا کے حصول کیلئے اسے کچھ عرصہ پال کر راہ خدا میں قربان کرتی ہے اور اس قربانی کا گوشت مستحقین میں تقسیم کرتی ہے، لیکن اس پورے عمل میں ایک ایسا کام غیر دانستہ طور پر انجام دے جاتی جو قربانی جیسی عظیم عبادت کو مشکوک بنادیتا ہےاور وہ ہے قربانی کے جانور کی کھال کسی غیر اخلاقی، اسلامی اور شرعی ادارے کے سپرد کرنا، لہذٰا قربانی کرنے والے مسلمان بھائی پر فرض ہے کہ وہ چرم قربانی دیتے وقت تسلی کرے کے میری عبادت کہیں ضائع تو نہیں ہو رہی میں جس ادارے کو چرم قربانی سپرد کررہا ہوں وہ اس کا استعمال درست مصرف میں کرکے گا یا نہیں ، انہوں نے کہا کہ خیر العمل فائونڈشن نے گذشتہ پانچ سال میں ملک بھر میں مساجد، مدارس، امام بارگاہ، ہیلتھ سینٹرز،وکیشنل ٹرینگ سینٹرز،واٹرسپلائی پروجیکٹس، فلٹریشن پلانٹس،اسکولز، ہائوسنگ پروجیکٹس کا جال بچھادیا ہے یہ تمام امور آپ مخیر حضرات کے تعاون سے ہی ممکن ہو سکے ہیں ، ان امور کی مذید بہتر انداز میں انجام دہی اور پروجیکٹس کی تکمیل کیلئے ادارہ آپ مخیر حضرات سے چرم قربانی کے حصول کا خواہش مند ہے ۔
وحدت نیوز (سرگودھا) ڈویژنل سیکرٹری جنرل مجلس وحدت مسلمین سرگودھا راجا امجدحسین کی رھائی کے موقع پرجو کہ سیکرٹری جنرل اور ضلعی کابینہ کی کوششوں سے ہوئی،بھلوال مسجد وامام بارگاہ دارلحسین پہنچنے جہاں پر راجا امجد کامومینن کی ایک بڑی تعداد نے رہائی پر استقبال کیا۔راجا امجد جونہی مسجد میں پنچے لبیک کی صدائیں بلند ہو گئیں۔استقبال کے بعد راجا امجد اورعلامہ عبدالخالق اسدی نے مومینن سے خطاب کیااورمومینن و ضلعی کابینہ کا شکریہ ادا کیا، واضح رہے کہ راجہ امجد حسین ن لیگ کی جانب سے نیشنل ایکشن پلان کی آڑمیں بلاجواز گرفتار کیئے گئے تھے، جنہیں گذشتہ روز رہا کردیا گیا۔
