The Latest
وحدت نیوز (لودھراں) متحدہ انجمن تاجران لودھراں کے زیر اہتمام برما کے مسلمانوں سپر ظلم و بر بر یت کے خلا ف احتجاجی ریلی سے مجلس و حدت مسلمین ضلع لو دھر اں کے جنر ل سیکرٹری منظور خان مگسی نے کہا کہ بر ما میں انسانی حقو ق کی پا مالی پر امتِ مسلمہ کی خامو شی قابل مذمت ہے ۔ بر ما میں مسلما نوں کا قتل عام پر انسانی حقو ق کی عالمی تنظیمو ں کے ٹھیکیدا روں کی جانب سے کو ئی مذمتی ایکشن نہیں لیا گیا ۔امت مسلمہ اپنے اتحا دسے بر ما میں ظالمو ں کے خلا ف کا روائی کریں ۔ان خیا لا ت کا اظہا ر مجلس وحدت مسلمین کے سیکر ٹری میڈیا سیل محمد ضمیر الحسن الحسینی نے کہا کہ بعض ممالک مسلمانوں کے قتل عام پر چپ سادھے ہو ئے ہیں تو دوسری طرف حقوق انسانی کی عالمی تنظیموں نے بھی بر ما میں روہنگیا ئی مسلما نوں پر ظلم کے خلا ف حکومت پر دبا ؤ اور ان فسا دات کو رکو انے کے حوالے سے کوئی کر دار ادا نہیں کر رہی ۔ افسوس یہ ہے کہ امت مسلمہ میں اتحا د وحدت کی کمی کے باعث مصر ، یمن ، بحرین ، فلسطین ، عراق ، شام ، اور کشمیر کے حالا ت اب تک نا ساز ہیں اور مسلمان جو یہو دی فارمو لے کے تحت تقسیم در تقسیم کا شکا رہیں ۔ اس سے قبل مشر قی تیمو ر میں مسلما نوں کو بے دردی سے شہید کیا گیا اور اب بر ما میں مسلما نوں پر ظلم و بر بر یت کی انتہا کی جا رہی ہے ۔ ہز اروں کی تعداد میں بے گھر مسلمان اور سینکڑوں یتیم بچے جو مسلمان بھائیوں کی مد د کے منتظر ہیں ۔ایسے وقت میں مسلم مما لک کی خامو شی کی جتنی مذمت کی جائے کم ہے ۔ہم مجلس وحدت مسلمین لو دھراں کے پلیٹ فارم سے حکومت وقت سے مطالبہ کر تے ہیں کہ وہ اس درندگی کے خلا ف اپنا بھر پو ر کر دار ادا کریں اور اقو ام متحدہ سمیت انسانی حقوق کی عالمی و علا قائی تنظیمیں اس بر بر یت کے خلا ف آواز اٹھا ئیں ۔
وحدت نیوز (جعفرآباد) مجلس وحدت مسلمین پاکستان کے مرکزی معاون سیکریٹری سیاسیات علامہ مقصود علی ڈومکی نے نماز جمعہ کے اجتماع سے خطاب کرتے ہوئے کہا ہے کہ اقوام متحدہ اور حقوق انسانی کے عالمی ٹھیکیدار، اقوام عالم کو امن اور آزادی دینے میں ناکام رہے ہیں۔ جبکہ ان کا کردار عالمی سامراجی قوتوں کی پشت پناہی اور ان کے جرائم کو تحفظ فراہم کرنا ہے۔برما سے لیکر فلسطین تک معصوم انسانوں کا بہتا لہو ، اس بات کی دلیل ہے کہ اقوام متحد ظالموں کے آگے بے بس اور بے حس ہے۔ انہوں نے مطالبہ کیا کہ برما میں معصوم انسانوں کا قتل عام روکا جائے اور اس سنگین جرم میں ملوث مجرموں کو عبرتناک سزا دی جائے۔
انہوں نے کہا کہ بھارتی وزیر اعظم مودی نفرتوں کے علمبردار بن کر کشیدگی کو ہوا دے رہے ہیں۔ پاکستان کے غیور عوام دشمن کے مقابلے میں متحد اور سینہ سپر ہیں۔ ہم پاک وطن کے ،باوفا بیٹے دشمن کے عزائم خاک میں ملا دیں گے۔مجلس وحدت مسلمین کے کارکن اور قیادت ، پاک وطن کی سربلندی اور سرافرازی کے لئے ہمہ وقت آمادہ ہے۔
در ایں اثناء مدرسہ خاتم النبیین ﷺ میں منعقدہ ، قرآن و دینیات سینٹرز کے کوئز مقابلے کی تقریب سے خطاب کرتے ہوئے علامہ مقصود علی ڈومکی نے کہا کہ قرآن کریم کا پڑھنا ثواب ، سمجھنا ہدایت اوراس پر عمل کرنا باعث نجات ہے۔ رمضان المبارک نزول قرآن اور نزول رحمت کا مہینہ ہے۔ ہمیں معاشرے میں قرآنی تعلیمات کو عام کرنا ہوگا۔
وحدت نیوز (اسلام آباد) مجلس وحدت مسلمین پاکستان کے مرکزی سیکریٹری سیاسیات سید ناصر شیرازی اور امامیہ ا سٹوڈنٹس آرگنائزیشن کے مرکزی صدر تہور عباس نے ایم ڈبلیو ایم سینٹرل سیکریٹریٹ میں ایک مشترکہ پریس کانفرنس سے خطاب کرتے ہوئے کہا کہ گلگت بلتستان میں مجلس وحد ت مسلمین اور امامیہ سٹوڈنٹس آرگنائزیشن کے کارکنوں پر قائم مقدمات فی الفور ختم کیے جائیں۔مسلم لیگ نون نے ہماری انتخابی مہم کو سبوتاژ کرنے کے لیے ہمارے سینئر عہدیدران کو گرفتار کر کے ان پر دہشت گردی کے مقدمات قائم کیے ۔یمن کے حوالے سے افواج پاک کے موقف کی تائید اور پاکستان کو ٖغیر جانبدار رکھنے کے لیے نکالی جانے والے ریلی کا ہمیں آئینی و قانونی حق حاصل تھا۔ہمارا یہ موقف جذبہ حب الوطنی کے عین متقاضی ہے کہ افواج پاکستان کو وطن عزیز میں مختلف محاذوں کا سامنا ہے ایسی صورتحال میں ہم کسی پرائی جنگ کا حصہ بننے کے متحمل نہیں ہیں۔دو مسلم ممالک کے درمیان تنازعہ کی صورت میں آئین ہمیں صرف ثالثی کا کردار ادا کرنے کی اجازت دیتا ہے نہ کہ فریق بننے کی۔ ریلی شرکا کے خلاف دہشت گردی کے مقدمات کا اندارج مسلم لیگ کی انتقامی کاروائی اور سیاسی دباوکی کوشش ہے جس کی ہم بھرپور مذمت کرتے ہیں۔
انہوں نے کہا ہم ایک پُرامن قوم ہیں اور اپنے حقوق کے حصول کے لیے جدوجہد اور اظہار رائے کی آزادی ہمارا آئینی حق ہے۔ جس سے روکنابلاجواز اور آئین پاکستان سے انحراف ہے۔گلگت بلتستان کے معروف شخصیت ،مجلس وحدت گلگت بلتستان کابینہ کے رکن اور آئی ایس او کے سابق مرکزی صدر عارف حسین قنبری کو تین ماہ قبل پولیس نے گرفتار کیا اور ابھی تک ان کی ضمانت نہیں ہونے دی جارہی جو سراسر زیادتی اور بدنیتی اور نون لیگ کے سیاسی دباو کا نتیجہ ہے۔ انسداد دہشت گردی کے نام پر سیاسی انتقام کے لیے ریاستی اداروں کو استعمال کیا جا رہا ہے۔ کالعدم گروہوں کی ایما پر ہمارے ساتھ روا رکھے جانے والا یہ غیر جمہوری اور نامناسب طرز عمل مسلم لیگ نون کے مسائل میں اضافے کا سبب بن سکتا ہے۔ایم ڈ بلیو ایم کے قائدین کے خلاف کاٹی گئی دہشت گردی کی جھوٹی ایف آئی آر فورا ختم کی جائے۔ہم حکومت کو چار دن کی مہلت دیتے ہیں کہ وہ ہمارے تمام بے گناہ اسیروں کو فوری طور پر رہا کرے اگر ایسا نہ کیا گیا تو پھر مجلس وحدت مسلمین اور امامیہ ا سٹوڈنٹس آرگنائزیشن کی طرف سے عوامی قوت کے ساتھ حکومت کے خلاف ملک بھر میں احتجاجی تحریک کا اعلان بھی کیا جا سکتا ہے۔
وحدت نیوز (کوئٹہ) قائم مقام اسپیکر بلوچستان اسمبلی میرعبدالقدوس بزنجو کی زیر صدارت قائمہ کمیٹیوں کے چیئرمینز کے انتخاب کے لیے اجلاس منعقد ہوا. اجلاس میں مختلف قائمہ کمیٹیوں کے چیئرمینز کا انتخاب کیا گیا. جن میں مجلس وحدت مسلمین کے رکن بلوچستان اسمبلی سید محمد رضا سرکاری مواعید ( گورنمنٹ انشورنس )،عبدالمجید خان اچکزئی پبلک اکاونٹس کمیٹی , , حاجی محمد اسلام منصوبہ بندی و ترقیات , سید لیاقت علی آغا داخلہ , قبائلی امور , جیل خانہ جات , صوبائی ڈیزاسٹر مینجمنٹ اتھارٹی , محترمہ کشور احمد کھیل و سیاحت , آثار قدیمہ , ڈاکٹر رقیہ ہاشمی صحت و بہبود آبادی , سردار محمد ناصر صنعت و حرفت و معدنی ترقی و افرادی قوت کے قائمہ کمیٹیوں کے چیئرمین منتخب ہوئے،بعد ازاں اسپیکر میر عبدالقدوس بزنجو نے چیئرمین مجالس کو مبارکباد دیتے ہوئے انہیں گاڑیوں کی چابیاں بھی سپرد کیں. اور امید ظاہر کی کہ منتخب چیئرمین اپنے فرائض منصبی احسن طریقے سے سر انجام دیں گے.
وحدت نیوز (اسلام آباد) مجلس وحدت مسلمین کے مرکزی جنرل سیکریٹری علامہ راجہ ناصرعباس جعفری نے ضرب عضب کا ایک سال مکمل ہونے کے موقعہ پر میڈیا سیل سے جاری اپنے بیان میں کہا پوری قوم اس بات پر پُراطمینان ہے کہ وطن عزیز کا دفاع مضبوط ہاتھوں میں ہے۔افواج پاکستان ناقابل تسخیر اور دشمنوں کے ناپاک ارادوں کے سامنے سیسہ پلائی ہوئی دیوار ہے۔ملک سے دہشت گردی کو جڑوں سے اکھاڑ پھینکنے کے عزم پر پاک افوج کی کاوشیں لائق تحسین ہیں۔انہوں نے کہا کہ ہمیں پاک فوج کی جرات و عظمت پر فخر ہے جو ملک میں مختلف داخلی محاذوں پر برسرپیکار ہونے کے ساتھ ساتھ اپنی سرحدوں کے دفاع سے بھی لمحہ بھر غافل نہیں اور ملک دشمن عناصر کو دندان شکن جواب دے کر خاموش کرانا خوب جانتی ہے۔دہشت گردی کے خاتمے کی کوششوں میں افواج پاک کے جن نوجوانوں نے اپنی جانوں کا نذرانہ پیش کیا ہم ان کو سلام پیش کرتے ہیں۔دہشت گرد اس ملک و ملت کے دشمن ہیں ۔پاک فوج کو دہشت گردی کے خاتمے کے لیے پوری قوم کی بھرپور تائید حاصل ہے۔ہمارا شروع سے ہی یہ موقف رہا ہے کہ دہشت گردی کا خاتمہ فوجی آپریشن کے بغیر ممکن نہیں جبکہ حکومت قومی سلامتی کے امور کو سیاسی مصلحت کی بھینٹ چڑھانے پر بضدرہی۔ علامہ ناصرعباس نے کہا کہ کوئٹہ اور کراچی میں ہونے والے دہشت گردی کے واقعات بھی بھرپور فوجی آپریشن کا تقاضہ کر رہے ہیں۔ آپریشن کا آغاز دہشت گردوں کے سہولت کاروں سے کیا جائے اور پھر اس کا دائرہ کار وسیع کرتے ہوئے ان پناہ گاہوں کی طرف بڑھایا جائیں جہاں بیٹھ کر یہ عناصر ملکی امن وسلامتی کے خلاف منصوبہ بندی کرتے ہیں۔ملک میں امن و سلامتی کے حقیقی قیام کا اس کے سوا کوئی دوسرا حل نہیں۔
وحدت نیوز(اسلام آباد) مجلس وحدت مسلمین کے شعبہ سیاسیات نے روہنگیا میں ہونے والی مسلمانوں کی نسل کشی پر عالمی عدالت کو باضابطہ طور پر خط لکھا دیا ہے۔ نیدر لینڈ میں واقع عالمی عدالت انصاف کے رجسٹرار کو لکھے گئے خط میں مجلس وحدت مسلمین کے سیکرٹری سیاسیات ناصر عباس شیرازی نے موقع اختیار کیا ہے کہ روہنگیا میں نام نہاد بدھوں کے مذہبی پیشوا وراتو کے ماننے والے نسل پرست مسلمانوں کا خون پانی کی طرح بہا رہے ہیں، معصوم بچے، عورتیں حتیٰ بوڑھے بھی ان نسل پرستوں کے شر سے محفوظ نہیں۔ میانمر میں ہونے والے مظالم پر عالمی برادری کی خاموشی نے بھی کئی سوالوں کو جنم دیا ہے، ایسے میں جب انسانی خون کو ارزاں سمجھ کر بہایا جارہا ہو اور انسانیت کیخلاف جرام کا ارتکاب کیا جارہا ہو تو ہم عالمی عدالت سے استدعا کرتے ہیں کہ وہ اس قتل عام پر اپنا کردار ادا کرتے ہوئے مقدمہ درج کرے اور بدھو کے پیشوا وراتو کو عالمی عدالت کے کٹہرے میں لاکر سخت سے سخت سزا دی جائے۔ ایم ڈبلیو ایم کی جانب سے لکھ خط میں عالمی عدالت انصاف سے اس خط کو پٹیشن میں تبدیل کرنے کی بھی استدعا کی گئی ہے۔
علامہ راجہ ناصرعباس گلگت کے بعد کوئٹہ پہنچ گئے، رکن صوبائی اسمبلی آغا رضانے ایئرپورٹ پر استقبال کیا
وحدت نیوز (لاہور) مجلس وحدت مسلمین پاکستان کے سربراہ علامہ راجہ ناصرعباس جعفری تنظیمی دورے پر کوئٹہ پہنچ گئے،مجلس وحدت مسلمین میڈیا سیل جاری پریس ریلز کیمطابق علامہ راجہ ناصر عباس جعفری کوئٹہ میں بڑھتے دہشت گردی اور دہشت گردی کا نشانہ بننے والے شہداء کے خاندانوں سے اظہار تعزیت کریں گے روانگی سے قبل ایئرپورٹ پر کارکنان سے گفتگو کرتے ہوئے ان کا کہنا تھا کہ بلوچستان میں ایک منظم سازش کے تحت ملت جعفریہ کی نسل کشی کی جارہی ہے ،بانیان پاکستان کے اولاودں کو چن چن کر ٹارگٹ کیا جا رہا ہے ،بلوچستان حکومت امن و امان کے قیام میں مکمل ناکام ہوچکے ہیں،بلوچستان میں کالعدم جماعت کے دہشت گردوں کو مکمل آزادی حاصل ہے جو ببانگ دھل کہتے ہیں کہ ہم شیعیت کا قتل عام کریں گے،لیکن بلوچستان حکومت ان شرپسندوں کے خلاف کو ئی بھی کاروائی سے گریزاں ہے،انہوں نے کہا کہ دہشت گردی کا تحفہ ہمارے اداروں کی ناقص حکمت عملی کا نتیجہ ہے،افغان وار کے پالے دہشت گرد اب پاکستان کے سلامتی کے درپے ہیں،آپریشن ضرب عضب کا دائرہ ملک بھر میں پھیلائے بغیر پاکستان مین امن ممکن نہیں،علامہ راجہ ناصر عباس جعفری کے کوئٹہ ائرپورٹ پہنچنے پر رکن بلوچستان اسمبلی مجلس وحدت مسلمین آغامحمد رضا و دیگر سینکڑوں کارکنان نے پر تپاک استقبال کیا۔
وحدت نیوز (لاہور) سانحہ ماڈل ٹاوُن کو ایک سال گذر گئے لیکن شہداء کے ورثا آج بھی انصاف کے طلبگار ہیں،ماڈل ٹاوُن کے قاتلوں کو من پسند جے آئی ٹی کے ذریعے کلین چٹ دے کر انصاف کا قتل عام کیا گیا،ہم شہداء کے ورثا کیساتھ ہیں اور اس ظلم و بربریت کیخلاف آواز بلند کرتے رہیں گے،سانحہ ماڈل ٹاوُن کے مرکزی کرداروں کو اہم عہدوں پر فائز کر کے پنجاب حکومت نے انسانیت کے سر شرم سے جھکا دیے،ن لیگ ملک ھر میں غندہ گردی اور دھونس دھاندلی سے اقتدار کو طول دینے کے درپے ہیں،لیکن یہ ان کی بھول ہیں کہ جب خلق خدا انصاف کے لئے گھروں سے نکلیں گے تو یہ ظالم اور جابر گروہ سامنا نہیں کر پائیں گے،ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے ورکرز اجلاس سے خطاب میں کیا۔
انہوں نے کہا کہ پنجاب میں ن لیگ اپنے سیاسی حریفوں کو بدترین انتقام کا نشانہ بنا رہی ہے،جب کہ اس کے برعکس پنجاب میں کالعدم دہشت گرد جماعتوں کو کھلی چھٹی دے رکھی ہے،پنجاب کا ایک وزیر جو سانحہ ماڈل ٹاوُن کا مرکزی کردار ہے ان دہشت گرد ٹولے کی مکمل سرپرستی کر رہا ہے،ہمارے بے گناہ افراد کو بغیر کسی وجوہ کے پابند سلاسل کیا جا رہا ہم حالات کا بخوبی جائزہ لے رہے ہیں،ایک مخصوص سوچ اور فکر کو ملک پر مسلط کرنے کی مکمل منصوبہ بندی جاری ہے،علامہ اسدی کا کہنا تھا کہ ہم سانحہ ماڈل ٹاوُن کے شہدا ء کے لواحقین کو سلام پیش کرتے ہیں کہ وہ استقامت کے ساتھ ان ظالم حکمرانوں کا مقابلہ کر رہے ہیں انشااللہ مظلوموں کی فریاد کو اللہ ضرور سنے گا اور ان یہ ظالم گروہ نشان عبرت بنے گا۔
وحدت نیوز (حیدرآباد) مجلس وحدت مسلمین ضلع حیدرآباد کی جانب سے جمعے کی نماز کے بعد قدم گاہ مولا علی عہ سے ایک احتجاجی ریلی نکالی گئی،جس کی قیادت مولانا امداد علی نسیمی کر رہے تھے،ریلی کے شرکاء سے خطاب کرتے ہوئے مولانا امداد علی نسیمی کا کہنا تھا کہ پوری دنیا میں مسلم امہ کو نشانہ بنایہ جا رہا ہے اور ہمارے حکمران خاموش تماشائے بنے ہوئے ہیں، برما، بحرین، فلسطین، شام، عراق میں مسلمانوں کو کچلا جا رہا ہے،برما انسانی درندگی کی انتہا ہوچکی ہے،عالمی اسٹیبلشمنٹ برما میں مسلم کشی اور نریندرمودی کی پشت پناہی میں ملوث ہے، حکمران ہوش کے ناخن لے،گلگت بلتستان الیکشن میں بدترین دھاندلی کے باوجود ہم نے وہاں سے نشستیں جیتیں، گلگت بلتستان کے عوام کے میڈیٹ کو ان سے چھینا گیا جو کہ ایک تاریخی ذیادتی ہے،مولانا امداد علی نسیمی اور دیگر کا کہنا تھا کہ بھارت آنکھیں کولے ایسا نہ ہو کہ اس کو پھر ماضی پہ افسوس کرنا پڑے، چونکہ ہندستان کئی دہائیوں سے پاک وطن کے شہریوں کو سرحد کے اندر قتل کرتا رہا ہےاور اب اس کو ہوز کے ناخن لے اور مودی اپنی عوام کے مسائل حل کرے ناکہ پڑوسی ممالک کے معاملات میں مداخلت کرے، جو کہ ناقابل برادشت عمل ہے،حکمران جماعت نے پری پول رگنگ کا ہوم ورک کرلیا تھا جس کا خدشہ ہماری قیادت نے پہلی ہی ظاہر کردیا تھا اور ماروی میمن نے پیسوں کی برسات سے عوامی میڈیٹ پر کاری ضرب لگائی گئی ہے، ووٹوں کی گنتی رکاواکر ہمارے امیدواروں کے ووٹوں کو نظر اندا ز کیا جارہا ہے جو کے قابل مذمت فعل ہے،اس موقع پر مجلس وحدت مسلمین ضلع حیدرآباد کی کابینہ کے ممبرز بھی موجود تھے۔
وحدت نیوز(قم) مجلس وحدت مسلمین قم کے سیکرٹری سیاسیات عاشق حسین آئی آر نے ایم ڈبلیوایم قم کی کابینہ کے اجلاس کو گلگت بلتستان کے انتخابات کے حوالے سے بریفنگ دیتے ہوئے بتایا ہے کہ گلگت بلتستان کی دیندار اور باشعور عوام نے انتخابات میں ایم ڈبلیو ایم کو ہی ووٹ دئیے ہیں جس پر ہم ان کا شکریہ ادا کرتے ہیں۔لیکن نون لیگ نے دھونس اور دھاندلی کی بنیاد پر اقتدار پر قبضہ کیا ہے۔انہوں نے کہا کہ نون لیگ یہ معلوم ہونا چاہیے کہ دھاندلی سے حاصل کی گئی فتح در اصل خود بدترین شکست ہے۔انہوں نے کہا کہ نون لیگ کی طرف سے کی جانے والی دھاندلی نے نون لیگ اور اس کے اتحادیوں کو عوام میں مزید متنفر بنادیاہے جبکہ دیانت داری اور اصول پرستی نے عوام کو ایم ڈبلیو ایم کے اور زیادہ قریب کردیاہے۔