The Latest
وحدت نیوز (اسکردو) سربراہ مجلس وحدت مسلمین پاکستان علامہ راجہ ناصر عباس جعفری دو روزہ دورے پر روندو پہنچ گئے ،روندو میں شاندار تاریخی استقبال،ہزاروں عوام قائد وحدت کی ایک جھلک دیکھنے کے لئے سڑک پر نکل آئے ،فضا فلک شگاف نعروں سے گونجتی رہی،امیدوار مجلس وحدت مسلمین حلقہ 4روندو راجہ ناصر علی خان اور سیکرٹری جنرل روندو علامہ رضا نے بڑی ریلی کے ہمراہ ژھری سے استقبال قائد وحدت علامہ راجہ ناصر کے قافلے کا استقبال کیا،ریلی میں سینکڑوں گاڑیاں اور موٹر سائیکل کے علاوہ عوام کی کثیر تعداد ہاتھوں میں ایم ڈبلیو ایم کے پرچم تھامے پیدل شریک تھے،استقبالیہ ریلی سے خطاب کرتے ہوئے امیدوار مجلس وحدت مسلمین حلقہ 4 روندو راجہ ناصر علی خان کا کہنا تھا کہ روندو کے عوام نے اپنے محبوب قائد امید مظلومین پاکستان علامہ راجہ ناصر عباس جعفری کا تاریخی استقبال کرکے ثابت کر دیا کہ روندو کے عوام بیدار ہیں،انشااللہ 8 جون کو روند کی بھاری اکثریت سے جیت کر قائد وحدت کو تحفہ کرینگے،روندو کے عوام نے استحصالی حکمرانوں کو مستردکر دیا ہے ،مذہب کے نام پر عوام کو یرغمال بنانے والے ناکام ہونگے،مجلس وحدت مسلمین مظلومین کی زبان اور امید ہے،انشااللہ ہم عوامی خدمت کو ایک دینی و ایمانی فریضہ سمجھ کر کریں گے،علاقے کی پسماندگی کے خاتمے کے لئے دن رات ایک کر کے کام کریں گے،اور عوامی حقوق کے غاصبوں ایک ایک پائی کا حساب لیں گے۔
وحدت نیوز(اسلام آباد)مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا ہے کہ وطن عزیز میں بیرونی مداخلت کا خاتمہ کر دیا جائے تو ملک میں مکمل طور پر امن قائم ہو جائے گا۔ غیر ملکی خفیہ ایجنسیاں دہشت گردی کی کارروائیوں کے ذریعے وطن عزیز کو عدم استحکام کا شکار بنا کرکے پاکستان کو دنیا بھر کے سامنے ایک غیر محفوظ ریاست ثابت کرنا چاہتی ہیں، تاکہ بین الاقوامی سرمایہ کار اس ملک میں سرمایہ کاری سے باز رہیں اور پاکستان کو اقتصادی و معاشی بدحالی کا سامنا رہے۔ وہ ملاقات کے لیے آئے ہوئے سیاسی و مذہبی وفود سے ملاقات کر رہے تھے۔ انہوں نے کہا کہ پڑوسی ملک بھارت اپنی خفیہ ایجنسی را کے ذریعے ملک میں دہشت گردی کی کارروائیوں میں مصروف ہے۔ ان ملک دشمن خفیہ ایجنسیوں کے آلہ کاروں کی نشاندہی کرکے انہیں بےنقاب کرنا ہوگا جو وطن عزیز کے خلاف سرگرمیوں میں مصروف ہیں۔ یہ ملک ہمارا مادر وطن ہے، اس کی عزت و حرمت ہم پر واجب ہے۔ جو شخص ذاتی مفادات کے حصول کے لیے ملکی سلامتی کو نقصان پہنچانا چاہتا ہے وہ غدار وطن ہے اور اس کی سزا تختہ دار ہے۔ پاکستان میں ہونے والے دہشت گردی کے واقعات میں بیرونی عناصر ملوث ہیں، جو اپنے مقاصد حاصل کرنے کے لیے ان تنظیموں کو استعمال کر رہے ہیں، جو مذہب اور قومیت کے نام پر واویلا کر کے دہشت گردی کو پروموٹ کر رہی ہیں۔ ان عناصر کا تعلق نہ مذہب سے ہے اور نہ قوم سے بلکہ انہوں نے ذاتی مفادات کے حصول کے لیے ملکی سلامتی کو داو پر لگا رکھا ہے۔ قومی سلامتی کو یقینی بنانے کے لیے ان عناصر کے خلاف بھرپور کارروائی وقت کی اہم ضرورت ہے۔
انہوں نے کہا کہ حکومت نیشنل ایکشن پلان کی عمل داری پر تساہل پسندی سے کام لے رہی ہے۔ جس کے باعث دہشت گردی کے واقعات پھر شدت پکڑتے جا رہے ہیں۔ حکومت کو چاہیے کہ وہ نیشنل ایکشن پلان کو اپنے سیاسی حریفوں کے خلاف انتقامی ہتھیار کی بجائے ملک دشمن عناصر کے خلاف استعمال کرے۔ جس تیزی سے اس پلان کی منظوری لی گئی تھی، دہشت گردی کے خاتمے کے لیے اسی سرعت کے ساتھ اس پر عمل درآمد بھی کیا جاتا تو آج نتائج مختلف ہوتے۔ انہوں نے کہا کہ افواج پاک ملک میں امن و امان کے قیام کے لئے پورے جذبے، نیک نیتی اور بھرپور عوامی تائید کے ساتھ مصروف عمل ہے اور ہمیں یقین کامل ہے کہ اس پاک سرزمین پر آخری دہشت گرد کے خاتمے تک یہ غیور فوج ایسے ہی جرات مندانہ انداز میں آگے بڑھتی رہے گی۔
وحدت نیوز (مانٹرنگ ڈیسک ) رہبری ویب سائٹ کے مطابق عید بعثت کی مناسبت سے اسلامی ملکوں کے سفراء سے رہبر انقلاب اسلامی نے خطاب، رہبر انقلاب نے یمن، بحرین اور فلسطین کی اقوام کے حوالے سے کہا کہ ان ممالک کے عوام ہر طرح سے مظلوم ہیں اور اسلامی جمہوریہ ایران مظلوموں کی حمایت کرتا رہے گا -
رہبر انقلاب اسلامی آیۃ اللہ العظمی سید علی خامنہ ای نے ہفتے کی صبح تہران میں بعثت رسول اکرم(ص) کی مناسبت سے اعلی سول حکام اور اسلامی ملکوں کے سفراء سے خطاب کرتے ہوئے فرمایا ہے کہ حرام مہینوں میں مشرکین مکہ بھی جنگ روک دیا کرتے تھے- آپ نے فرمایا آج وہ لوگ، اس وقت کے مشرکین مکہ سے بھی بدتر ہیں، جو حرام مہینے میں بھی بے گناہوں کا قتل عام کرکے یمنی عوام اور گھرانوں کو سوگوار بنا رہے ہیں- رہبر انقلاب اسلامی نے تاکید کے ساتھ فرمایا کہ یمن میں بدامنی و قتل عام کے ذمہ دار، علاقے کے ہی بعض ممالک ہیں مگر انھوں نے دھوکہ کھایا ہے کیونکہ اصل سازش اور نقشہ امریکہ کی جانب سے ترتیب دیا گیا ہے - آیۃ اللہ العظمی سید علی خامنہ ای نے فرمایا کہ آج کی جاہلیت، صدر اسلام کی جاہلیت سے، سینکڑوں گنا زیادہ اور خطرناک ہے- آپ نے مزید فرمایا کہ آج اسلام بھی، طاقتور ہے اور عظیم اسلامی قوتّیں، پوری دنیا میں مختلف قسم کے وسائل کے ساتھ میدان عمل میں موجود ہیں- رہبر انقلاب اسلامی آیۃ اللہ العظمی سید علی خامنہ ای نے فرمایا کہ اسلامی جمہوریہ ایران حتی المقدور مظلوموں کی حمایت کرنے کی کوشش کر رہا ہے- آپ نے اسلامی ملکوں کے حکام و اقوام کو مخاطب کرکے فرمایا کہ آج کے دور کی جاہلیت کے مقابلے میں بھی، استقامت کا مظاہرہ کیا جاسکتا ہے-
رہبر انقلاب نے امریکہ سے کہا کہ تم سب سے بڑے دہشت گرد ہو اور تمہاری حمایت اور پالیسیوں کی وجہ سے داعش بنی ہے اور آج انہیں سیاستوں کی پشت پناہی کی وجہ سے علاقے میں پراکسی وار کا آغاز کیا گیا ہے جسکا اہم مقصد اسلامی بیداری کو ناکام کرانا ہے مگر اسلامی بیداری عارضی طور پر روک سکتی ہے مگر اسے دیر پا مدت تک نہیں دبایا جاسکتا اور اسلامی ممالک کے عوام جاگ چکے ہیں۔
رہبر انقلاب کے خطاب سے پہلے ایرانی صدر حسن روحانی نے بھی خطاب کیا اور کہا کہ اتحاد اور محبت سے کامیابی ممکن ہے اور جو لوگ دین کے نام کے ساتھ تشدد کر رہا ہے وہ اسلام سے لاتعلق اور ناآشنا ہے۔
وحدت نیوز (مانٹرنگ ڈیسک) حزب اللہ لبنان کے سربراہ سید حسن نصر اللہ نے سلفی وہابی تکفیریوں کو اسرائیلی نکبت کے سلسلے کی ایک نئی نکبت قراردیتے ہوئے کہا ہے کہ وہابی دہشت گرد امریکی اور سعودی عرب کے اشاروں پر اسرائیلی مفادات کو تحفظ فراہم کررہے ہیں اور عالم اسلام کے لئے تکفیری ایک نئی نکبت ہیں۔
المنار کےمطابق حزب اللہ لبنان کے سربراہ سید حسن نصر اللہ نے سلفی وہابی تکفیریوں کو اسرائیلی نکبت کے سلسلے کی ایک نئی نکبت قراردیتے ہوئے کہا ہے کہ وہابی دہشت گرد امریکی اور سعودی عرب کے اشاروں پر اسرائیلی مفادات کو تحفظ فراہم کررہے ہیں اور عالم اسلام کے لئے تکفیری ایک نئی نکبت ہیں۔
حزب اللہ لبنان کے سربراہ نے بعض عرب معاند میڈیا کی جانب سے نفسیاتی جنگ کا جواب دیتے ہوئے کہا کہ میں ابھی زندہ ہوں اور موت و حیات اللہ تعالی کے ہاتھ میں ہے اور شہادت بھی اسی کے ہاتھ میں ہے عرب معاند میڈیا کے پروپیگنڈے کے مطابق حزب اللہ کے سربراہ بیمار ہیں لیکن حزب اللہ کے سربراہ نے کہا ہے کہ میں صحیح و سالم ہوں اور بیمار ذہنوں کا جواب دینے کے لئے آیا ہوں موت و حیات کا مالک اللہ ہے ۔ سید حسن نصر اللہ نے سلفی وہابی دہشت گردوں کو اسرائیلی نکبت کے سلسلے کی ایک نئی اور خطرناک نکبت قراردیتے ہوئے کہا کہ سلفی وہابی دہشت گرد آج عالم اسلام کے لئے ایک جدید نکبت ہیں۔ جنھوں نے اسلام کو خطرے میں ڈال دیا ہے اور جو خطے میں امریکی اور اسرائیلی مفادات کو تحفظ فراہم کررہے ہیں۔ انھوں نے کہا کہ سلفی وہابی تکفیریوں نے نئی نکبت کے ذریعہ پرانی نکبت سے ہماری توجہ ہٹا دی ہے اور یہ نئی نکبت اسی پرانی اسرائیلی نکبت کی ایک کڑی ہے۔ سید حسن نصر اللہ نے کہا کہ بعض عرب ممالک کو نئی نکبت کی حمایت کا تاوان ادا کرنا پڑےگا۔ انھوں نے کہا کہ شام و عراق میں جاری دہشت گردی اسرائیلی دہشت گردی کا ایک حصہ ہے جس نے مسلمانوں کی توجہ بیت المقدس اور مسئلہ فلسطین سے ہٹا دی ہے ۔ انھوں نے کہا کہ مسلمانوں کو اس نئی نکبت کا مقابلہ کرنے کے لئے میدان میں اترنا چاہیے۔
وحدت نیوز (لاہور) امامیہ اسٹوڈنٹس آرگنائزیشن پاکستان کے مرکزی صدر تہور حیدری نے لاہور میں یوم مردہ باد امریکہ کے حوالے سے گفتگو کرتے ہوئے کہا کہ ظالم کی مخالفت اور مظلوم کی حمایت درس حسینی و علوی ہے۔ 16 مئی کو اسرائیل کی صورت میں امریکہ نے ناجائز ریاست کو منظور کرکے عالم اسلام کے قلب میں خنجر گھونپ کر دنیا میں بدامنی و دہشت گردی کی بنیاد رکھی، اسرائیل کے قیام سے آج تلک امریکہ و اس کے گماشتوں کے ہاتھ مسلمانوں کے خون سے رنگین ہیں، امریکی مظالم کو دنیا بھر میں امام خمینی نے آشکار کیا اور اسی سلسلہ کو جاری رکھتے ہوئے پاکستان میں شہید علامہ عارف الحسینی نے یوم مردہ باد امریکہ منانے کا اعلان کیا تھا۔ انہوں نے کہا کہ امریکی پالیسیوں سے عالمی امن کو خطرہ ہے۔ اقوام عالم پر مسلط کردہ امریکی جنگوں کی ایک طویل فہرست ہے، جن میں کئے گئے مظالم پر انسانیت آج بھی شرمندہ ہے۔ دوسری جنگ عظیم میں جاپانی شہروں پر امریکی ایٹمی حملے آج بھی انسانیت کے خلاف امریکی عزائم کا منہ بولتا ثبوت ہیں، جبکہ امریکی فضائیہ کی جانب سے ویت نام جنگ کے دوران برسائے جانے والے کیمیائی بموں کے مہلک اثرات آج بھی پائے جاتے ہیں۔ فلسطینی مسلمانوں پر کئے جانے والے اسرائیل مظالم میں بھی امریکہ برابر کا شریک ہے۔
وحدت نیوز(سکردو)ہم اقتدار کی نہیں اقدار کی جنگ لڑ رہے ہیں،گلگت بلتستان کے محب وطن عوام کو نصف صدی گذرنے کے باوجود ان نا اہل حکمران نے کچھ نہیں دیا،لوگ بنیادی انسانی حقوق سے محروم ہیں،ہماری کسی سے دشمنی نہیں،ہم نے حکمران جماعت کو یہ آفر کی ہے کہ وہ گلگت بلتستان کے عوام کو ان کا آئینی حق دیں ہم الیکشن سے دستبردار ہوتے ہیں،ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے سکردو حلقہ نمبر 2 ،رانگاہ،میں جلسہ سے خطاب کرتے ہوئے کیا، انہوں نے کہا کہ سکردو کے باشعور عوام بیدار ہیں وہ اب کسی غاصب اوردھوکہ باز کو ووٹ نہیں دینگے،جس نے گذشتہ دہائیوں سے اس حلقے کے عوام کو بیووقف بناتے رہے،ہم نے عوام سے یہ وعدہ کیا ہے کہ اگر ہمارے نمائندے عوامی خدمت میں کو تاہی کریں گے تو ان کو اسمبلی میں بیٹھنے کا کوئی حق نہ ہوگا،عوامی حقوق اور خدمت پر کوئی سمجھوتا نہیں کرینگے،ہمارا اصل ہدف عوامی فلاح وبہبود،عدل وانصاف،کرپشن کاخاتمہ،اقرباء پروری سے نجات ہے،ان شااللہ سکردو کے عوام بیدار ہیں اور 8 جون کو سیاسی فرعونوں اور مذہبی بلعم بعوروں کی شکست اور عوامی بیداری اور فتح مبین کا دن ثابت ہو گا۔
وحدت نیوز (اسکردو) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نےاسکردومیں کارنر میٹنگ سے خطاب کرتے ہوئے کہا ہے کہ گلگت بلتستان کے انتخابات میں وزیر اعظم نواز شریف نے براہ راست مداخلت کی راہ اختیار کر لی ہے۔وہ انتخابی عمل پر ریاستی ادراوں کے ذریعے اثر انداز ہورہے ہیں جو سراسر دھاندلی اور ہماری انتخابی مہم کو ثبوتاژ کرنے کی ایک مذموم سازش ہے۔ملک میں دھاندلی کے ذریعے برسراقتدار آنے والی حکومت اب گلگت بلتستان کے عوامی مینڈنیٹ پر بھی ڈاکہ ڈالنا چاہتی ہے۔ مسلم لیگ نون ریاستی اداروں کو بطور ہتھیار استعمال کرنا چھوڑ دے ورنہ اس کے نتائج اچھے نہیں ہوں گے۔ہم اصولوں کی سیاست کے قائل ہیں اور اپنے آئینی و قانونی دائرہ کار میں رہتے ہوئے سیاسی جدوجہد میں مگن ہیں جب کہ نواز شریف کی حکومت اپنے روایتی انتقامی ہتھکنڈوں پر اُتر آئی ہے جوقطعی ناقابل برداشت ہے ۔ کوئی بھی اس مغالطے میں نہ رہے کہ وہ مجلس وحدت مسلمین کے اراکین کو عدالتی دباو یا پولیس گردی کے ذریعے خوفزدہ کر لے گا ۔ہماری جماعت گلگت بلتستان کی سب سے بڑی سیاسی و مذہبی جماعت کے طور پر سامنے آئی ہے جسے اکثریتی عوامی طاقت کی بھرپورتائید حاصل ہے۔مسلم لیگ کی حکومت ہماری اس مقبولیت سے خائف ہو کر ایسے بوکھلائے ہوئے اقدام کر رہی ہے۔انہوں نے کہا وزیر اعظم کو چاہیے کہ وہ اپنی تمام تر توجہ قومی سلامتی کے امور پر مرکوکز رکھیں تاکہ سانحہ صفورہ جیسے سانحات پر قابو پایا جا سکے ۔نواز شریف اپنے اقتدار کو وسعت دینے کی بادشاہانہ سوچ کو ترک کر کے ملک میں جاری دہشت گردی کے تدارک کے لیے کام کریں۔ ان کے کریڈٹ پر سوائے دہشت گردی کے ان گنت واقعات کے اور ہے ہی کیا کہ جس کے بدلے وہ گلگت بلتستان کی عوام سے ووٹ حاصل کرنے کے متمنی ہیں۔ انہوں نے کہا کہ عدالتیں اپنے فیصلوں میں بیرونی دباو کو خاطر میں نہ لائیں ۔ہمارے مخالفین ہماری انتخابی مہم کو ناکام بنانے کے لیے عدلیہ کو استعمال کرنا چاہتے ہیں۔چیف جسٹس آف پاکستان کو اس طرح کی سرگرمیوں کا سختی سے نوٹس لینا چاہیے ۔ اگر حکومت عدلیہ کے فیصلوں میں مداخلت کرتی رہی تو عدلیہ پر سے عوام کا اعتماد اٹھ جائے گا۔ انہوں نے مطالبہ کیا کہ ہمارا اراکین پر قائم جھوٹے مقدمات فوری واپس لیے جائیں۔
وحدت نیوز(گلگت)سید ناصر عباس شیرازی کی سینٹرل گلگت جیل میں قیدایم ڈبلیوایم کے رہنماوں سے ملاقات، اس موقع پر اسد نقوی اور ڈاکٹرعلی گوہربھی ہمراہ تھے،ناصرشیرازی نے گرفتار رہنماوں کے عزم وحوصلے کو خراج تحسین پیش کیا، انہوں نے کہا کہ انشاء اللہ جلد آپ تمام برادران قید سےآزاد ہوں گے، آپ برادران نے نہتی یمنی عوام پر آل سعود کے مظالم کے خلاف آوازحق بلند کی جو کہ جرائت مندانہ اقدام تھا،واضح رہے کہ برادر عارف قنبری جو کے آئی ایس او پاکستان کے سابق مرکزی صدر اور ایم ڈبلیوایم گلگت بلتستان کے سیکریٹری روابط ہیں یمن پر سعودی جارحیت کے خلاف احتجاج کرتے ہوئے گرفتار ہوئے تھے، ان پر دہشتگردی کا کیس دائر کیا گیا ہے۔
وحدت نیوز (کراچی) مجلس وحدت مسلمین صوبہ سندھ کے قائم مقام سیکرٹری جنرل عالم کربلائی نے کہا کے سندھ حکومت اور اپوزیشن کی جنگ نے کراچی کو کربلا بنادیا سندھ حکومت کی کارکردگی مایوس کن اور غریب پریشان حال ہیں ،دیہی و شہری علاقوں میں مظلوم عوام فاقہ کشی پر مجبور اور اسپتالوں میں دوائیں نہ ہونے کے باعث موت کا شکار ہورہے ہیں کراچی میں پانی کے بحران کو حل کرنے کے بجائے حکومت اور اپوزیشن سیاست چمکا رہی ہے پانی کی قلت کو ختم کرنے کیلئے توانائی صرف کی جائے تو دنوں میں مسلہ حل ہوجائے ،حکومت سنجیدگی کا مظاہرہ کرتے ہوئے پانی کے مصنوعی بحران کو ختم کرنے کیلئے ہر ممکن اقدام کرئے ،پانی گیس اور بجلی کے ستائے پریشان حال عوام اگر یہ سٹرکوں پر نکل آئے تو ذمہ دار عوام کے غیض و غضب سے نہیں بچ سکیں گئے ،ان خیالات کا اظہارانہوں نے وحدت میڈیا سیل سے جاری اپنے بیان میں کیا ان کا مذیدکہنا تھا کراچی کو کربلا بنا دیا جس شہر میں پانی ہے نہ گیس،نہ بجلی ،کے الیکڑک صارفین سے اضافی چارجز لگا کر بل وصول کررہے ہیں جبکہ کے الیکٹرک صارفین سے بل وصولی کے بدلے لوڈشیڈنگ دے رہی ہے ۔
وحدت نیوز(خیرپور)مجلس وحدت مسلمین پاکستان کے مرکزی معاون سیکریٹری سیاسیات علامہ مقصود علی ڈومکی نے ضلع خیر پور میرس کا دورہ کیا ،اس موقعہ پر انہوں نے کنب سٹی اور پیر وسان میں منعقد ہ مجالس عزا اور عوامی اجتماعات سے خطاب کیا ،انہوں نے پیر وسان پریس کلب میں ضلعی سیکریٹری جنرل منور علی جعفری کے ہمراہ پریس کانفرنس سے خطاب کرتے ہوئے کہا کہ مجلس وحدت مسلمین آئندہ بلدیاتی الیکشن میں بھر پور حصہ لے گی، بلدیاتی الیکشن کے سلسلے میں 30 مئی کو حیدرآباداور31 مئی کو کراچی اور سکھر میں مشاورتی اجلاس منعقد کیے جارہے ہیں جن میں MWMکے تنظیمی ذمہ داران کے علاوہ علماء کرام اور مختلف شخصیات شریک ہونگے ۔
انہوں نے کہا کہ نظام ولایت کے ماننے والے طاغوتی نظاموں کو چھوڑ کر نظام ولایت فقیہ کے محور پر جمع ہوجائیں ۔انہوں نے کہا کہ پاکستان میں بسنے والے پانچ کروڑشیعہ، پاک وطن کی سر بلندی اور سالمیت کے لئے اپنا بھر پور کردار ادا کرینگے ۔ اور پاک وطن کو دھشت گردی اور مسائل سے نکالنے میں اپنا مثبت کردار ادا کریں گے۔
۱۶ مئی یوم مردہ باد امریکہ و اسرائیل کے موقعہ پر انہوں نے کہا کہ اسرائیل کا وجود عالم انسانیت کے لئے خطرہ ہے ،عالمی سامراج امریکہ اور بوڑھے استعمار برطانیہ نے اسرائیلی جرائم کی سر پرستی کرکے سنگین جرم کا ارتکاب کیا ہے ،دنیا بھر کے حریت پسند عوام جلد ہی سر زمین فلسطین اور قبلہ اول بیت المقدس کی ، اسرائیلی غاصبانہ قبضے سے آزادی ، اپنی آنکھوں سے دیکھیں گے۔
