The Latest
وحدت نیوز (دمشق) مجلس وحدت مسلمین کے سیکریٹری امورخارجہ ڈاکٹر علامہ سید شفقت حسین شیرازی کی آیت اللہ العظمی السید محمد سعید الحکیم کے دفتر لبنان و شام کے مسئول علامہ سید علی الحکیم سے ملاقات کی، ملاقات میں شام کی موجودہ صورتحال پر تبادلہ خیال کیا گیا، علاوہ ازیں سیکریٹری امور خارجہ نے پاکستان کی یمن جنگ میں سعودی عرب کے بار بار اصرار کرنے شمولیت اختیار نہ کرنے کو ملت پاکستان کی کامیابی قرار دیا۔ اور کہا کہ پاکستانی عوام اس وقت بیدار ہے اور وہ جانتی ہے کہ ہمارے مفادات کس کے ساتھ وابستہ ہیں اور عوام اب برادر اسلامی ممالک کے ساتھ برابری کے سطح کے تعلقات چاہتی ہے۔ اور اب وہ دور نہیں رہا کہ جب دوسرے ممالک کے کہنے پر ہم اپنی افواج ان کی لڑی جانی والی جنگ میں دھکیل دیتے تھے۔ لہذا اب بیداری و شعور کا زمانہ آگیا ہے اور اقوام عالم بہت تیزی کے ساتھ عالمی حکومت اسلامی کی طرف بڑھ رہے ہیں۔ علاوہ ازیں ڈاکٹر صاحب نے پاکستان میں مجلس وحدت مسلمین کے کردار پر روشنی ڈالی اور بتایا کہ ہم مظلومین کی جنگ لڑ رہے ہیں۔ وہ طبقہ کہ جو تبدیلی کا خواہاں ہے۔ اور انشاء اللہ فتح مظلومین کی ہوگی۔
وحدت نیوز (لاہور) دشمن پاکستان کو مختلف مسائل میں الجھا کر در اصل اپنے مذموم مقاصد کا حصول چاہتا ہے،پاکستان کو پرائی جنگ میں دھکیل کر دہشت گردی کے خلاف جنگ سے توجہ ہٹانے کی کو شش کی جارہی ہے،حجاز مقدس کو کوئی خطرہ نہیں،البتہ بادشاہت کو لاحق خطرات خاندانی ہیں،یمن سے زیادہ خطرہ بادشاہوں کو اپنے عزیزوں سے ہے جو بغاوت کے لئے کمر کس چکے ہیں،ان خیالات کا اظہار مجلس وحدت مسلمین پاکستان کے ڈپٹی سیکرٹری جنرل علامہ امین شہیدی نے لاہور پریس کلب میں مجاہد ملت علامہ عبد الستار خان نیازی مرحوم کی برسی پر منعقدہ سیمینار سے خطاب کرتے ہوئے کیا ۔
انہوں نے کہا کہ پاکستان کے اہلسنت اور اہل تشیع متحد ہیں،وہ کسی بھی سازش کا حصہ بننے کو تیار نہیں،پاکستان اس وقت دہشت گردوں کے خلاف فیصلہ کن جنگ میں مصروف ہے،ایسے میں پاک فوج کو پرائی آگ میں دھکیلنے کی صدائیں دینے والی کالعدم جماعتیں دراصل دہشت گردی کے خلاف جنگ کو متاثر کرنا چاہتی ہیں،افواج پاکستان اس ملک کی بقا کی ضمامن ہے،یمن میں جاری جارحیت سے اتحادی ممالک پیچھے ہٹنا شروع ہو گئے ہیں،یمن حملے کا پلان امریکہ اور اسرائیل کا ہے اور اس جنگ کوامریکیوں اور صیہونیوں کی بھر پور حمایت و تائید حاصل ہے،علامہ شہیدی کا کہنا تھا کہ مسلم امہ دشمن کی چال کو سمجھیں اور اسلام کو درپیش مشکلات کا مل کر مقابلہ کریں۔
وحدت نیوز (کراچی) مجلس وحدت مسلمین ضلع ملیرکے سیکریری جنرل احسن عباس رضوی نے کہا کہ ضلع ملیر کے عوام برسراقتدار اور صاحب اختیار سیاسی جماعتوں کے ذاتی مفادات کی بھینٹ چڑھائے جارہے ہیں ، کڑوڑوں روپے فنڈز حاصل کرنے والے عوامی نمائندے سیوریج کے ناقص نظام کی درستگی میں ناکام ہیں ، جعفرطیارواٹر سپلائی پروجیکٹ کی تکمیل میں تاخیر باعث تشویش ہے،ان خیالات کا اظہارانہوں نے وحدت ہاوس میں ضلعی کابینہ کے اراکین سے اجلاس میں خطاب کرتے ہوئے کیا، انہوں نے کہا کہ شیش محل اسٹاپ پر سیوریج کا پانی نے مکینوں اور مسافروں کی زندگی اجیرن کردی ہے، دو ، دو فٹ کھڑا گندہ پانی ٹرانسپورٹ کی روانی سمیت پیدل مسافروں کو بھی شدید متاثر کررہا ہے، بارہا متعلقہ حکام کی توجہ اس جانب مبذول کروائی گئی لیکن کوئی پرسان حال نہیں ، انہوں نے مزید کہاکہ گذشتہ ماہ جعفرطیارواٹر سپلائی پروجیکٹ پر کام کے آغاز کے بعد علاقہ کے عوام دشمن عناصرحرکت میں آگئے،اور انہوں نے اس انتہائی اہم پروجیکٹ کے راہ میں رکاوٹیں کھڑی کرنا شروع کر دیں ، جس کی ہم شدید الفاظ می مذمت کرتے ہیں ، انہوں نے کہا کہ عوامی مینڈیٹ رکھنے کے دعویدار جماعتیں اس وقت کہا تھیں جب اہلیان جعفرطیارگدھا گاڑی بانوں سے پانی خرید کے استعمال کرتے تھے، انہوں نے ان سازشی عناصرکو متنبہ کیا کہ وہ بعض آجائیں ورنہ انکے مکروہ چہرےعوام کے سامنے آشکار کیلئے جائیں گے۔
وحدت نیوز(کوئٹہ) مجلس وحدت مسلمین کے کونسلرحلقہ ۱۲کوئٹہ کربلائی رجب علی نے اپنے ایم بیان میں کہا ہے کہ سنجیدہ اور اصولی سیاست ہی مہذب قوموں کی پہچان ہے۔ قیام امن کے لیے معاشرے کے ہر فرد کو خود احتسابی کے عمل سے گزرنا ہوگا۔ قومی سطح کی پالیسوں کو نہ صرف معاشرتی ضروریات اور موجودہ صورتحال کا عکاس ہونا چاہیے، بلکہ عوام کے حقیقی مسائل و مشکلات کے پائیدار حل کا ضامن ہونا چاہیے۔ یہ پالیسیاں محض فائلوں تک محدود نہیں ہونی چاہیں بلکہ ان پر عمل درآمد کرکے ان کے ثمرات عوام تک پہنچانا ضروری ہے۔ حقیقی جمہوریت کا مطلب عوام کے یکساں حقوق اور ترقی کے مواقع فراہم کرنا ہوتا ہے، تاکہ معاشرے میں نابرابری کی صورتحال ہی پیدا نہ ہو۔ ہمارا محور امن پسندی، بھائی چارگی اور رواداری ہونا چاہیے۔ محاذ آرائی اور مفادات کی سیاست نے ہمیں پسماندگی میں دھکیل دیا ہے۔ ہمیں اپنے ماضی سے سبق لیتے ہوئے اپنے مستقبل کا ازسر نو تعین کرنا ہوگا۔ مفاہمتی سیاسی عمل کا تسلسل ترقی و خوشحالی کی کنجی ہے۔ سیاست میں مثبت فیصلے آنے والے وقتوں میں یاد رکھے جائیں گے۔ غربت، پسماندگی اور جہالت کی وجہ سے عوام معاشرتی بُرائیوں کا شکار ہوجاتے ہیں۔ فکری بے چینی کے اصل اسباب اور محرکات کو نظر انداز کرکے محض اپنے بیانات اور تقریروں کو رنگین بنانے کے لیے عوام کے مسائل اور ان کے درمیان اتحاد و اتفاق کی باتوں کا سہارا لینے سے عوام متحد نہیں ہونگے۔ تقسیم در تقسیم کے عمل کے اصل اسباب کو بے نقاب کرنا ہوگا۔ استحکام مادر وطن ہو یا بقاء جمہوریت ہو، ہمیں ہر کٹھن گھڑی میں اپنا کلیدی کردار بطریق احسن ادا کرنا چاہیے۔
وحدت نیوز (کراچی) حضرت علی علیہ السلام کے یوم ولادت کی مناسب سے شہر بھر کی امام بارگاہوں اور مساجد میں اجتماعات منعقد ہوئے ۔مجلس وحدت مسلمین کے تحت نمائش چورنگی پر واقع محفل شاہ خراسان میں جشن اور محفل میلاد کا اہتمام کیا گیا جس میں ایم ڈبلیو ایم ،سنی تحریک اور جمعیت علماء پاکستان کے رہنماؤں نے شرکت کی ۔محفل میلاد سے ایم ڈبلیوایم کے مرکزی سیکرٹری اطلاعات مہدی عابدی۔ مولانا محمد حسین کریمی،مولانا آصف،مطلوب اعوان، علامہ حسن ہاشمی ، مولانا احسان دانش ، مولانا صادق جعفری ،مولانا ظل ثقلین ،علامہ مبشر حسن ،علامہ علی انور ،ناصر الحسینی ،حیدر زیدی ،سجاد اکبر و دیگر نے خطاب کرتے ہوئے فضائل امام علی علیہ الاسلام پر روشنی ڈالی جشن مولود کعبہ کے موقع پر بھرپور چراغاں کیا گیا اور کیک بھی کاٹا گیا ۔علماء کرام نے محفل میلاد سے خطاب کرتے ہوئے کہاکہ سیاسی رہنماؤں کو حضرت علی ابن ابی طالب کی طرز خلافت کو اپنا نا چاہیے تاکہ معاشرے میں انصاف کی فراہمی ممکن ہوسکے مقررین نے کہاکہ مسلمان متحد ہوکر اسلام دشمنوں کا مقابلہ کریں ،اس پوری امت مسلمہ مشکلات کا شکار ہے ۔ مقررین کاکہنا تھا کہ معاشرے میں عدم تحفظ ، انتشار اور دہشت گردی کے چھٹکارے کے لیے ہمیں حضرت علی کی تعلیمات پر عمل کرنا ہوگا۔امام علی علیہ السلام کی زات اقدس اور آپ کے بتلائے ہوئے اصولوں پر چل کر ہم فلاح و نجات پا سکتے ہیں آپ علیہ السلام کو جو مرتبہ و فضیلت حاصل ہوئی جوکسی کو حاصل نہیں ہوئی آپ پیکر عمل و شجاعت ہیں آپ کے فضائل بلند ہیں جس کو کسی میزان میں نہیں تو لا جا سکتا ۔ پاکستان حیدری کونسل کے تحت حضرت علی کا یوم ولادت کے حوالے سے جشن مولود کعبہ کا مرکزی جلسہ مولانا خورشید عابد نقوی کی صدرات میں غفور چیمبر صدر میں منعقد ہوا۔جشن مولود کعبہ کے جلسے سے خطاب کرتے ہوئے سینیٹر تاج حیدر ،علامہ اصغر درس ،ایاز امام رضوی،علامہ محمد نقی ،مولانا محمد علی رضوی، اور کونسل کے چیئرمین سید محمود حسین زیدی نے کہا کہ مسلم امہ حضرت علی ؑ کی سیرت اور جرأت کو اپنا لے تو ہم ذلت و رسوائی سے نجات حاصل کرسکتے ہیں ،بعد ازاں مولود کعبہ کی مرکزی ریلی برآمد ہوئی جو اپنے مقررہ راستوں سے ہوتی ہوئی نمائش چورنگی پر اختتام پذیر ہوئی۔اس موقع پر سیکورٹی کے سخت انتظامات کیے گئے تھے ۔
وحدت نیوز (ہنگو) مجلس وحدت مسلمین خیبر پی شعبہ خواتین کے تحت تنظیم سازی کا سلسلہ جاری، ضلع ہنگو میں تنظیمی سیٹ اپ قائم کر دیا گیا۔ تفصیلات کے مطابق کوارڈینیٹر شعبہ خواتین صوبہ خیبر پی کے کی کوارڈینیٹر راضیہ جعفری نے ہنگو کا دورہ کیا۔ اہلیان علاقہ کے متفقہ فیصلہ کے بعد مسز طفیل حسین کو سیکرٹری جنرل ضلع ہنگو جبکہ مسز رسول خان کو ڈپٹی سیکرٹری جنرل نامزد کر لیا گیا۔ دیگر اراکین کابینہ میں مسز عبدالمعروف سیکرٹری مالیات و نشر و اشاعت، مسز غلام حسین سیکرٹری سیاسیات، فلاح و بہبود و میڈیا، مسز انور علی، سیکرٹری تنظیم سازی، مسز اراد علی، سیکرٹری تربیت منتخب کیا گیا۔
وحدت نیوز (کوئٹہ) مجلس وحدت مسلمین کے میڈیا سیل سے جاری شدہ بیان میں ایم ڈبلیوایم کےرکن بلوچستان اسمبلی سید محمدرضا رضوی نے کہا ہے کہ گوادر کا شغر روٹ سے متعلق سیاسی اور سماجی تنظیموں کے موقف کی بھر پور حمایت کرتے ہیں چینی صدر کے دورے پاکستان کے دوران 45 ارب ڈالر کے 51 معاہدوں پر دستخط ہوئے جن میں گوادر پورٹ سے متعلق معاہدہ بھی شامل ہے وفاقی و پنجاب حکومت بد نیتی کی بنیاد پر اس منصوبے کو نئے روٹ کے مطابق بنایا جا رہا ہے جسکی مذمت کرتے ہیں ، چین سے ہونے والے معاہدوں میں صرف پنجاب کے مفادات کا خیال رکھا گیا ہے ان معاہدوں میں چھوٹے صوبوں فاٹا اور گلگت بلتستان کو مکمل طور پر نظر انداز کر دیا گیا ہے مرکز اور پنجاب نے فیصلہ کر لیا ہے کہ گوادر کاشغر روٹ بلوچستان اور خیبر پختون خواں کی بجائے پنجاب سے گزرے گا وفاقی حکومت نے ہمیشہ بلوچستان کے عوام کے ساتھ زیادتیاں کی ہیں اس طرح کے غلط اقدامات سے مسائل پیدا ہونگے معاہدہ کرنے سے پہلے پاکستان کے جغرافیائی مفادات کو مد نظر رکھنا چاہئے چونکہ سرمایہ کاری بلو چستان سے ہو رہی ہے اس لئے کسی بھی منصوبہ بندی میں بلوچستان کے تمام سیاسی جماعتوں اور عوام کو اعتماد میں لیا جائے۔ بلوچستان کے عوام کے نظریں اس طرف مرکوز ہیں کہ چین کی طرف سے پاکستان کے ساتھ معاہدات اور دوسرے تعاون میں بلوچستان کا حصہ کتنا ہوگا یہ بہت بڑا مسئلہ ہے مگر میڈیا خاص طور پر الیکٹرونک میڈیا نے اسے بالکل نظر انداز کر دیا ہے میڈیا اس مسئلے کو اجاگر کرے۔ اس ملک کی چار اکائیاں ہیں چاروں کو ایک جیسی اہمیت دی جائے گوادر بلوچستان کا حصہ ہے اور ترقی کا سب سے زیادہ حق بھی بلوچستان کو ملنا چاہئے اٹھارہویں ترمیم کے بعد بلوچستان کو پورٹ پر اختیار دینے کا پورا حق ہے۔
وحدت نیوز (گلگت) پاکستان پیپلز پارٹی گلگت بلتستان کے بانی وزیر صادق کے فرزند سینئررہنما وزیر سلیم نے ایم ڈبلیوایم میں باقائدہ شمولیت کا اعلان کردیاہے، مجلس وحدت مسلمین کے مرکزی سیکریٹری امورسیاسیات سید ناصرشیرازی نے پھولوں کے ہار پہنا کر انہیں پارٹی میں خوش آمدید کہا، اس موقع پر وزیر سلیم کا کہنا تھا کہ پارٹی کی پانچ سالہ ناقص کارکردگی سےدلبرداشتہ ہوکرایم ڈبلیوایم میں شمولیت کا فیصلہ کیا، ہم پیپلز پارٹی کے لئے بے پناہ قربانیاں دیں لیکن اس کا صلہ ہمیں کرپشن اور لوٹ مار کی صورت میں ملا، آج سے ایم ڈبلیوایم کی مضبوطی کیلئے کام کروں گا۔
وحدت نیوز(لاہور) این اے 125 کے الیکشن ٹریبونل کے فیصلے کے بعد ن لیگ کو حق حکمرانی کھوبیٹھی ہے ،الیکشن دھاندلی کے ثبوت سامنے آگئے ذمہ داروں کو کٹہرے میں لایا جائے ،ن لیگ کی جانب سے گلگت بلتستان میں بھی پری پول ریگنگ جاری ہے، جب تک ملکی سیاست سے ان مافیاز کا صفایا نہیں ہوجاتا حقیقی جمہوریت کا بحال ہونا ممکن نہیں،الیکشن ٹربیونل کا یہ فیصلہ دھاندلی کے خلاف جدو جہد کرنے والی جماعتوں کی بڑی کامیابی ہے،ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے الیکشن ٹریبونل کے فیصلے کو سراہتے ہوئے کیا،انہوں نے کہا کہ عام انتخابات میں منظم انداز میں دھاندلی ہوئی،ہماری آزاد عدلیہ سے مطالبہ ہے کہ عوامی حق رائے دہی پر قدغن لگانے والوں کو قرار واقعی سزا دیں،تاکہ آئندہ کسی کو یہ جرات نہ ہو کہ وہ عوامی حق رائے دہی پر قد غن لگائے،انہوں نے کہا کہ ہم مطالبہ کرتے ہیں کہ گلگت بلتستان کے انتخابات کو افواج پاکستان کی نگرانی میں کرائے جائیں،بصورت دیگر اس خطے میں ن لیگ ایک نہ ختم ہونے والا بحران پیدا کرنے کی مکمل منصوبہ بندیوں میں مصروف ہے۔
وحدت نیوز (اسلام آباد) مجلس وحدت مسلمین نے گلگت بلتستان میں ہونے والے قانون ساز اسمبلی کے الیکشن میں کسی بھی سیاسی جماعت سے اتحاد کا فیصلہ نہیں کیا، تاہم پاکستان تحریک انصاف سمیت تمام دیگر ہم خیال جماعتوں سے رابطے جاری ہیں، ایم ڈبلیو ایم گلگت بلتستان کے حوالے سے کوئی بھی فیصلہ عوامی امنگوں کے خلاف نہیں کریگی، مقامی اخبارات میں چھپنے والی خبریں محض مفروضوں پر مبنی ہیں۔ ان خیالات کا اظہار ایم ڈبلیو ایم پاکستان کے مرکزی سیکرٹری اطلاعات و رکن کور کمیٹی سید مہدی عابدی نے اپنے بیان میں کیا۔ انہوں نے کہا کہ مجلس وحدت مسلمین کا اصل ہدف گلگت بلتستان کے 67 سال سے آئینی حقوق سے محروم محب وطن عوام کو ان کی شناخت اور آئینی حیثیت دلانا ہے، گذشتہ کئی دہائیوں سے اس علاقے پر مسلط سیاست دانوں نے علاقے کی محرومیوں اور عوامی فلاح بہبود کو بالائے طاق رکھ کر اپنے مفادات کے لئے کام کیا ہے، ایم ڈبلیو ایم نے ہمیشہ عوامی حقوق کی جنگ لڑی، جس میں گندم سبسڈی، صحت کی بنیادی سہولیات کی فراہمی، علاقے سے فرقہ واریت اور قوم پرستی کے خاتمے کے لئے جدوجہد، بلاتفریق پسماندہ علاقوں میں فلاحی کاموں کا آغاز سرفہرست ہے، یہی وجہ ہے کہ علاقے میں قلیل مدت میں سب سے زیادہ پذیرائی حاصل کرنے والی جماعت مجلس وحدت مسلمین ہی ہے، سید مہدی عابدی کا مزید کہنا تھا کہ گلگت بلتستان میں (ن) لیگ کی جانب سے نام نہاد غیر مقامی گورنر انتظامیہ میں بڑے پیمانے پر تبادلوں میں مصروف ہے، پنجاب کے ملازمین کو گلگت بلتستان بھیجا جا رہا ہے، عوامی مینڈیٹ پر شب خون مارنے کی صورت میں سنگین نتائج برآمد ہونگے۔