The Latest

fida baaltiوحدت نیوز( بلتستان) مجلس وحدت مسلمین پاکستان بلتستان ڈویژن کے ترجمان فدا حسین نے کوئٹہ میں طالبات کی بس پر حملہ کی شدید الفاظ میں مذمت کرتے ہوئے کہا کہ کوئٹہ دھماکہ نے جس میں ایک درجن سے زائد طالبات کی جانیں چلی گئیں زمانہ جہالت کی یاد تازہ کردی ہے۔ انہوں نے کہا کہ خواتین پر حملہ کے بعد بولان میڈیکل ہسپتال میں حملہ صرف غیر اسلامی ہی نہیں بلکہ غیر انسانی فعل ہے۔ یہ فعل عرب زمانہ جہالت کے ابوجہلوں کے وارثوں کی کارستانی ہے کہ ان دنوں عورتوں کو زندہ در گور کرتے تھے اور آج دھماکوں میں ریزہ ریزہ کر رہے ہیں۔ یہ حملہ علم پر حملہ ہے، معرفت پر حملہ ہے، دانش پر حملہ ہے، عقل پر حملہ ہے، خرد پر حملہ ہے اور حکمت پر حملہ ہے۔

فدا حسین نے کہا کہ علم و جہالت کا مقابلہ ہمیشہ سے ہے اور ہمیشہ رہے گا، ظلم و جہالت کے خداوں کی یہ بھول ہے کہ دھماکوں سے چراغ علم کو گل کریں۔ انہوں نے کہا کہ ہم پر زور مطالبہ کرتے ہیں کہ ان علم دشمنوں، جہالت کے خداوں اور زمانے کے ابوجہلوں کو فوری طور پر گرفتار کرکے قرار واقعی سزا دی جائے۔ انہوں نہ یہ بھی کہا کہ اس دھماکے اور زیارت حملہ کے پیچھے ایک ہی ہاتھ نظر آتا ہے اور ہدف وطن عزیز کو کمزور کرنا ہے اور اس معاملے میں بیرونی طاقتوں کو کسی صورت نظر انداز نہیں کیا جاسکتا ہے۔

amir sheraziوحدت نیوز (پشاور)  مجلس وحدت مسلمین خیبر پختونخوا کے ڈپٹی سیکرٹری جنرل اور قائمقام سیکرٹری جنرل علامہ سید عامر حیدر شمسی نے کہا ہے کہ کوئٹہ میں بے گناہ طالبات کا قتل عام اور زیارت میں قائد اعظم محمد علی جناح کی رہائشگاہ کو نذر آتش کرنا ظلم کی انتہاء اور دہشتگردوں کی درندگی کا منہ بولتا ثبوت ہے۔ ان خیالات کا اظہار انہوں نے مجلس وحدت مسلمین ضلع پشاور کے زیراہتمام منعقدہ افکار خمینی (رح) کنونشن سے خطاب کرتے ہوئے کیا۔

ان کا کہنا تھا کہ ظالموں نے جس طرح کوئٹہ میں بے گناہ طالبات کو دھماکہ میں قتل کیا وہ انسانیت کو شرما دینے والا عمل ہے۔ ان بچیوں کے چہرے بھی پہچاننے کے قابل نہیں رہے۔ ان کا کہنا تھا کہ یہ ظلم کی انتہاء ہے۔ آج تمام مسلمانوں کو درندہ صفت دہشتگردوں کیخلاف میدان عمل میں آنا ہوگا۔ دہشتگرد ملک اور اسلام کے بہت بڑے دشمن ہیں۔

 انہوں نے کہا کہ اسی طرح زیارت میں بابائے قوم قائد اعظم محمد علی جناح کی رہائشگاہ کو شرپسندوں نے نذر آتش کرکے ثابت کر دیا کہ وہ جس طرح قائد اعظم کے پاکستان کے دشمن ہیں اسی طرح وہ قائد اعظم کی ذات کے بھی دشمن ہیں۔ بانیان پاکستان کا پاکستان تو جل ہی رہا تھا، اب تو ان کے گھر بھی محفوظ نہیں رہے۔ یہ صورتحال تمام محب وطن قوتوں کیلئے لمحہ فکریہ ہے۔

blitistan aghaaliوحدت نیوز (بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نےزیارت میں بانی پاکستان قائد اعظم محمد علی جناح کی آرام گاہ پر ہونے والے حملے اور وطن عزیز پاکستان کے پرچم کو اتارنے پر شدید غم و غصے کا اظہار کرتے ہوئے کہا کہ یہ عمل خفیہ اداروں کی غفلت کا نتیجہ ہے۔

 ریاستی ادارے وطن عزیز کے مقدسات کی توہین نہ ہونے دیں اور مجرمین کو کیفر کردار تک پہنچائیں۔ انہوں نے کہا کہ قائداعظم کی آرام گاہ پر حملہ پاکستان دشمنوں، اسلام دشمنوں، انسانیت دشمنوں اور زمانے کے ابوجہلوں کی سیاہ کاری ہے۔ اس طرح کی ذہنیت رکھنے والے فتنہ پروروں اور دشمنان پاکستان سے آہنی ہاتھوں نمٹنے کی ضرورت ہے، ان سے ذرہ برابر بھی ہمدردی اور نرم گوشہ رکھنا وطن عزیز سے غداری کے مترادف ہے۔

 انہوں نے کہا کہ جب تک فتنہ پروروں، دہشت گردوں اور پاکستان دشمنوں کے گرد گھیرا تنگ نہیں کیا جاتا اور آہنی ہاتھوں سے نہیں نمٹا جاتا وطن عزیز میں امن قائم ہونا مشکل ہے۔

allama asadiوحدت نیوز (لاہور)  مجلس وحدت مسلمین پنجاب کے سیکرٹری جنرل علامہ عبدالخالق اسدی نے کوئٹہ میں ہونے والی دہشت گردی کے واقعات کی مذمت کرتے ہوئے کہا کہ ایک تھپڑ پر سوموٹو لینے والی عدلیہ اب کہاں ہے؟ ’’اسلام ٹائمز‘‘ سے ٹیلی فون پر خصوصی گفتگو کرتے ہوئے انہوں نے کہا اس دہشت گردی کا بیج آمر ضیاءالحق نے بویا تھا جو آج ایک تناور درخت بن چکی ہے۔ انہوں نے کہا کہ مقام افسوس ہے کہ ہماری برسراقتدار جماعتیں اور سکیورٹی ادارے بھی ملک دشمن عناصر کے ہاتھ ملک کی تباہی و بربادی کے مناظر دلچسپی کیساتھ دیکھ رہے ہیں۔

انہوں نے کہا کہ سرزمین پاکستان پر ہر روز بہنے والا بے گناہ ماؤں، بہنوں، بیٹیوں اور بچوں کا خون ہمارے سول اور ملٹری اداروں کے سربراہوں کے ضمیروں کو جھنجھوڑنے کیلئے کافی ہے۔ انہوں نے کہا کہ ماضی کی حکومت کو جہاں لوڈشیڈنگ کے باعث ووٹ نہیں ملے تو دوسرا بڑا فیکٹر دہشت گردی تھا جس کی وجہ سے عوام نے انہیں مسترد کر دیا، اب موجودہ حکومت نے بھی اگر گذشتہ حکومت کی طرح غفلت کا مظاہرہ کیا تو اپنی مدت پوری نہیں کر پائے گی۔

ایم ڈبلیو ایم پنجاب کے سیکرٹری جنرل کا کہنا تھا کہ عدلیہ کی ذمہ داری بن چکی ہے کہ وہ دہشت گردی کے خلاف کسی بھی موثر اور فوجی کارروائی کے احکامات جاری کرے۔ انہوں نے کہا کہ سانحہ کیرانی روڈ کوئٹہ، سانحہ عباس ٹاؤن کراچی پر بھی لئے گئے سوموٹو ایکشن بھی سرد خانے میں ڈال دیئے گئے۔ انہوں نے کہا کہ استعماری قوتیں نہ فقط سیاسی جماعتوں کے ذریعے بلکہ عدلیہ، حکومت اور قانون نافذ کرنے والے اداروں میں موجود وطن فروشوں کو ڈالروں میں تنخواہیں بانٹ کر وطن عزیز کی جڑیں کھوکھلی کروا رہی ہیں۔ علامہ عبدالخالق اسدی نے کہا کہ کوئٹہ میں قائداعظم محمد علی جناح کی ریذیڈنسی، یونیورسٹی بس اور بولان میڈیکل کالج پر مقامی اور اسرائیلی ایجنٹوں کے راکٹ اور بم حملے نہ صرف قابل مذمت ہیں بلکہ حکومت اور قانون نافذ کرنے والے اداروں کے منہ پر ذلت آمیز طمانچہ ہیں۔ انہوں نے کہا کہ بیگناہ یونیورسٹی طالبات کا خون کس کی گردن پر ہے، یہ بہت جلد واضح ہو جائے گا۔ انہوں نے مزید کہا کہ پاکستان میں حالیہ دہشت گردی میں امریکہ، اسرائیل اور بھارت کا ہاتھ ہے جو ملک میں امن اور چین و ایران کیساتھ پاکستان کی دوستی کو برداشت نہیں کر رہے۔

malir electionوحدت نیوز (کراچی) مجلس وحدت مسلمین کراچی ڈویژن ضلع ملیر کے انٹرا پارٹی الیکشن میں سید سجاد اکبر زیدی کودوبارہ آئندہ تین سال کیلئے نیا ضلعی سیکرٹری جنرل منتخب کرلیا گیا ہے۔ اس سلسلے میں ''افکار امام خمینی (رح)'' کنونشن مرکزی امام بارگاہ جعفر طیار سوسائٹی میں منعقد ہوا۔ جس میں ضلعی کابینہ اور یونٹس کے اراکین نے شرکت کی۔

جبکے تقریب سے خصوصی خطاب سابق ڈویژنل سیکریٹری جنرل علامہ سید صادق رضا تقوی نے کیا اس موقع پر مجلس وحدت مسلمین ضلع ملیر کے بزرگ رہنما ڈاکٹر سید حسن جعفررضوی بھی موجود تھے ۔

مجلس وحدت مسلمین کراچی ڈویژ ن کے ڈپٹی سیکریٹری جنرل سید رضا نقوی ، سیکریٹری امورتنظیم سازی میثم عابدی اور رابطہ سیکریٹری مولانا علی انور نے  نے الیکشن کی نگرانی کی۔پہلے مرحلے کی رائے شماری کے بعد سجاد اکبر زیدی ، احسن عباس رضوی اور ثمر عباس زیدی کے نام سامنے آئے جب کے دوسرے اور حتمی انتخابی مرحلے کے بعدضلعی شوریٰ نے کثرت رائے سے سید سجاد اکبر زیدی کو مجلس وحدت مسلمین ضلع ملیرکا نیا میر کاررواں منتخب کرلیا۔ ڈویژنل رابطہ سیکریٹری علامہ علی انور جعفری نے نومنتخب سیکریٹری جنرل کے نام کا اعلان کیا، جبکےڈویژنل ڈپٹی سیکریٹری جنرل سید رضا نقوی نے نومنتخب ضلعی سیکریٹری جنرل سید سجاد اکبر زیدی سے ان کے عہدے کا حلف لیا۔

آخر میں نو منتخب ضلعی سیکرٹری جنرل سید سجاد اکبر زیدی تمام مہمانوں ،شرکاء کنونشن اور اراکین ضلعی شوریٰ کا شکریہ ادا کیا۔

00 hasan rohaniوحدت نیوز (تہران) ڈاکٹر حسن فریدون روحانی ایران کے صوبے سمنان میں پیدا ہوئے ابتدائی تعلیم وہی سے حاصل کی جبکہ دینی تعلیم میں آپ نے محقق داماد، شیخ مرتضی حائری، محمد رضا گلپائیگانی، محمد فاضل لنکرانی، محمود شاہ آبادی جیسے نامور علمائے کرام و مراجع عظام سے کسب فیض کیا۔ آپ نے تہران یونیورسٹی سے قانون میں ماسٹر کیا آپ نے برطانیہ سے قانون میں ہی ایم فل کیا جبکہ گلاسکو یونیورسٹی سے پی ایچ ڈی کی ڈگری حاصل کی۔ آپ شروع سے ہی امام خمینی کی انقلابی تحریک کے حامی تھے جس کے سبب آپ پر کئی بار تقریر کرنے پر پابندی کے علاوہ شہر بدری جیسے حالات کا سامنا کرنا پڑا، آپ وہ پہلی شخصیت ہیں جنہوں نے امام خمینی کے بیٹے مصطفی خمینی کی شہادت کی مجلس ترحیم سے خطاب کرتے ہوئے امام خمینی کو لفظ امام سے پکارا جس کے بعد ساواک یعنی شاہ کی خفیہ ایجنسی آپ کے پیچھے پڑ گئی جس پر شہید بہشتی اور شہید مطہری کے مشورے پر آپ ملک سے باہر چلے گئے۔

 

ملک سے باہر بھی آپ ایرانی طلاب میں امام خمینی کی تحریک کی ترویج میں مصروف رہے یہاں تک کہ جب امام خمینی کو فرانس جلاوطن کیا گیا تو آپ امام خمینی کے ساتھ فرانس میں ان شخصیات کا حصہ بنے جو امام خمینی کے ہمراہ تھیں ۔ انقلاب اسلامی ایران کی کامیابی کے بعد آپ کی پہلی آفیشل ذمہ داری میں ملک کی افواج کو منظم کرنا اور اس میں بہتری لانے کی کوشش تھی اس کے علاوہ آپ مسلط شدہ جنگ کے دوران دفاعی اعلیٰ کونسل کے ممبر بھی رہے جبکہ جنگ کے دوران آپ نے متعدد دیگر خدمات بھی انجام دیں ،جن میں سپریم لیڈر کے معاون ،خاتم الانبیا نامی آپریشن میں خدمات وغیرہ ہیں۔  آپ مجلس شوری کے ممبر منتخب ہوئے اور قانون سازی کے عمل میں بیس سال تک خدمات انجام دیں ،جبکہ وزرات اطلاعات اور ریڈیو ٹی وی کی کونسل میں بھی آپ نے خدمات انجام دیں آپ کی بہترین خدمات پر رہبر انقلاب کی جانب سے آپ کو تین مختلف میڈل بھی دیئے گئے۔

 

ڈاکٹر روحانی ملکی امن و امان کمیٹی، تشخیص مصلحت نظام کونسل میں بھی خدمات انجام دیتے رہے ہیں، آپ نے اس کمیٹی کی قیادت بھی کی جو پرامن ایٹمی مذاکراتی ٹیم کا کردار ادا کر رہی ہے اور دنیا نے شاید آپ کو اسی مذاکراتی ٹیم میں انجام دیئے جانے والے خدمات سے پہچانا۔ ڈاکٹر حسن روحانی نے صدارتی انتخابات میں ایک مستقل امیدوار کے طور پر شرکت کی جس بعد میں اصلاح طلب یا تبدیلی کے خواہان پارٹیز نے حمایت کی جن میں شہر فہرست سابق صدر ہاشمی رفسنجانی، سید محمد خاتمی،حسن خمینی وغیرہ شامل ہیں، ڈاکٹر روحانی معاشرے میں انصاف و برابری،حکمت و تدبیر جیسے نعروں سے میدان میں اترے ہیں۔ ایران کو اس وقت عالمی سطح پر خارجہ پالیسی (انرجی ایٹمی مسئلہ، مشرق وسطی کے حالات) میں کافی مشکلات کا سامنا ہے جبکہ ملک کے اندر بڑھتی ہوئے مہنگائی کا سامنا ہے اب دیکھنا یہ ہے نومنتخب صدر اس سلسلے میں کتنا مؤثر قدم اٹھاسکتے ہیں۔

00 rohani1وحدت نیوز (تہران) اسلامی جمہوری ایران کے گیارہویں صدارتی انتخابات میں ڈاکٹر حسن روحانی کو ووٹوں کی گنتی ختم ہونے پر کامیاب قرار دے دیا گیا ہے۔ انہوں نے 1،86،13،329 حاصل کئے جو کل ووٹوں کا 50.70 فیصد ہے۔ ان کے مقابلے میں موجود امیدواروں میں تہران کے میئر ڈاکٹر محمد باقر قالیباف دوسرے نمبر پر رہے، جنہوں نے مجموعی طور پر 50،73،652 ووٹ حاصل کئے جو کل ووٹوں کا 15.76 فیصد ہے۔ ان کے بعد  ڈاکٹر محسن رضائی، ڈاکٹر سعید جلیلی، ڈاکٹر علی اکبر ولایتی اور  سید محمد غرضی ہیں جنہوں نے بالاترتیب 35،93،507 (11.16%)، 36،65،234 (11.38%)، 19،69،351 (6.11%)، 3،91،840 (1.21%) ووٹ حاصل کئے۔ ایران کے وزیر داخلہ مصطفیٰ محمد نجار کے مطابق 3 کروڑ 67 لاکھ 13 ہزار 329 افراد نے اپنے ووٹ ڈالنے کے حق کو استعمال کیا یعنی ووٹ ڈالنے کی شرح 72.7فیصد رہی، جو کی کسی بھی جمہوری ملک میں ایک ریکارڈ کی حیثیت رکھتی ہے۔

hyd qta protestوحدت نیوز (حیدرآباد) مجلس وحدت مسلمین ضلع حیدرآباد کے زیر اہتمام سانحہ کوئٹہ اور زیارت کیخلاف احتجاجی مظاہرہ کیا گیا۔ اس موقع پر مظاہرین نے دہشتگردی کیخلاف بھرپور نعرہ بازی کی۔ مجلس وحدت مسلمین کے ضلعی سیکرٹری جنرل مولانا امداد علی نسیمی، مولانا گل حسن مرتضوی، سیکرٹری میڈیا سیل عاصم مرزا، میڈیا سیکرٹری اور آفس سیکرٹری اجمل مہدی نے خطاب کرتے ہوئے کہا کہ پاکستان میں بڑھتی ہوئی دہشتگردی کی وجہ سے ملک اور عوام خون و خاک میں غلطاں ہیں اور تمام سیاسی پارٹیاں اقتدار کی بندر بانٹ میں مصروف ہیں۔ دہشت گرد ملک کی بنیادوں کو کھوکھلا کر رہے ہیں اور پاکستان کے عوام کو مختلف عنوانوں کے تحت موت کے گھاٹ اتارا جار ہا ہے۔ ان کا کہنا تھا کہ آثار قدیمہ اور مقدسات کی توہین کی جا رہی ہے جس کی تازہ مثال کوئٹہ اور زیارت کے حالیہ واقعات ہیں۔ زیارت میں قائد اعظم کی رہائش گاہ کو مسمار کیا گیا۔ جس کی ہم پر زور مذمت کرتے ہیں۔ مقررین کا کہنا تھا کہ کوئٹہ تو کئی سالوں سے دہشتگردی کی لپیٹ میں ہے جس میں شیعہ، سنی محب وطن عوام کے خون سے ہولی کھیلی جا رہی ہے۔ آخر حکمران ان دہشت گردوں کیخلاف کارروائی کیوں نہیں کرتے؟ ان کالعدم تنظیموں پر پابندی لگا کر انہیں عوام کے سامنے واضح کیوں نہیں کرتے؟ ان کے ساتھ مذاکرات کیوں کیے جا رہے ہیں۔

pesharaw electionوحدت نیوز (پشاور) مجلس وحدت مسلمین ضلع پشاور کے انٹرا پارٹی الیکشن میں محمد شکیل کو آئندہ تین سال کیلئے نیا ضلعی سیکرٹری جنرل منتخب کرلیا گیا ہے۔ اس سلسلے میں ''افکار خمینی (رح)'' کنونشن صوبائی آفس پشاور میں منعقد ہوا۔ جس میں ضلعی کابینہ اور یونٹس کے اراکین نے شرکت کی۔ جبکہ مجلس وحدت مسلمین خیبر پختونخوا کے ڈپٹی سیکرٹری جنرل اور قائمقام سیکرٹری جنرل علامہ سید عامر حیدر شمسی، صوبائی سیکرٹری میڈیا سیل ایس اے زیدی اور صوبائی آفس مسئول ارشاد حسین بنگش نے الیکشن کی نگرانی کی۔ ضلعی شوریٰ نے کثرت رائے سے محمد شکیل کو مجلس وحدت مسلمین ضلع پشاور کا نیا میر کاررواں منتخب کرلیا۔ اس موقع پر علامہ سید عامر حید ر شمسی نے محمد شکیل سے ان کے عہدے کا حلف لیا۔ آخر میں نو منتخب ضلعی سیکرٹری جنرل محمد شکیل نے ضلعی شوریٰ کا شکریہ ادا کیا۔

lah semenarوحدت نیوز (لاہور) امام خمینی (رہ) کی برسی کی مناسبت سے سیمینار سے خطاب میں مجلس وحدت کے سیکرٹری جنرل اور دیگر مقررین نے کہا کہ پاکستان کو ہمسایہ ممالک سے اچھے تعلقات بنانا ہوں گے، پاک ایران گیس منصوبہ کسی دباؤ کے بغیر مکمل کیا جائے۔

رہبر انقلاب اسلامی ایران حضرت آیت اللہ روح اللہ امام خمینی (رہ) کی برسی کے مناسبت سے مجلس وحدت مسلمین پاکستان نے لاہور میں ایوان اقبال میں ایک سیمینار کا اہتمام کیا، بلاشبہ مجلس وحدت مسلمین کے زیراہتمام ہونے والی تقاریب میں یہ سیمینار اپنی نوعیت کا اہم اور کامیاب ترین سیمینار تھا جس میں ملک کی تمام اہم سیاسی و مذہبی شخصیات نے شرکت کرکے تقریب کو چار چاند لگا دیئے۔ اس حوالے سے مجلس وحدت کی انتظامیہ اور سمینار کے میزبان لائق تحسین ہیں۔

سیمینار سے خطاب کرتے ہوے علامہ ناصر عباس جعفری مرکزی سربراہ مجلس وحدت مسلمین پاکستان نے کہا امام خمینی (رہ) نے مسلمانوں کو ایک ایسا اتحاد بین المسلمین کا نظام دیا ہے کہ اگر مسلمان متحد ہوکر اس پر عمل کریں تو بعید نہیں کہ مسلمان دنیا کی سپر پاور بن جائیں۔ انہوں نے کہا کہ پاکستان ہمارا وطن ہے اور ہم اس پر آنچ نہیں آنے دیں گے، وطن کا دفاع واجب ہے۔ امام خمینی (رہ) کے فتوے کے مطابق ٹیکس چوری کرنا قانون شکنی حتی کہ ٹریفک سگنل تک کی خلاف ورزی کرنا حرام ہے۔

علامہ ناصر عباس جعفری نے ملک کو مخاطب کرتے ہوئے کہا کہ اے مادرِ وطن گواہ رہنا، تیرے اِن بیٹوں نے کبھی تیری سلامتی کے خلاف اٹھنے والے فتنہ پرور لوگوں سے ناطہ نہیں جوڑا اور ہم تیری سلامتی کیلئے اپنی جان قربان کر دینے کو عین شرعی فریضہ اور واجب عمل سمجھتے ہیں۔ انہوں نے کہا کہ پاکستان کے حکمرانوں کو چائیے کہ وہ امریکن بلاک سے نکلیں کیونکہ یہ بلاک کبھی پاکستان کو مضبوط نہیں دیکھنا چاہتا، طاقتور اور مضبوط پاکستان ان کے مفاد میں نہیں،امریکہ پاکستان کو مضبوط نہیں دیکھنا چاہتا، اسکی آستین میں خنجر ہے،  ہمیں اپنے ہمسایہ ممالک سے تعلقات بہتر بنانا ہوں گے۔ انہوں نے کہا کہ ایران پاکستان گیس پائپ لائن کو بلا تاخیر اور وطن دشمنوں کے دباؤ میں آئے بغیر مکمل کرنا ہوگا۔

اس موقع پر علامہ امین شہیدی ڈپٹی سیکرٹری جنرل مجلس وحدت مسلمین پاکستان نے اپنے خطاب میں کہا کہ آج عظیم ترین انسان کی بارگاہ میں خراجِ تحسین پیش کرنے، ان کے پیغامات پر عمل اور سیرت پر اظہار کیلئے ہم سب یہاں اکٹھے ہوئے ہیں، علامہ اقبال نے جس آزاد، سربلند، اسلامی ریاست کا خواب دیکھا تھا، اُس کی عملی تعبیر حضرت امام خمینی (رہ) نے پیش کی، جس کو دنیا خمینی بت شکن کے نام سے یاد کرتی ہے۔علامہ امین شہیدی نے کہا کہ جس ہستی نے دین کا پیغام بلند کرنے، ظلم کی رات میں نجات کا راستہ دکھایا، جس نے بتایا کہ دین صرف سنی یا شیعہ کا نہیں بلکہ مسجد سے ایوانِ اقتدار، اسلامی معاشرے کو ظلم کی چکی سے نجات دلانے کیلئے آیا۔
 
سینیٹر سید فیصل رضا عابدی نے اپنے خطاب میں کہا کہ ایران کے خلاف امریکہ کی طرف سے لگائی جانے والی پابندیاں بتا رہی ہیں کہ خمینی بت شکن (رہ) آج بھی زندہ ہے، یزید وقت سے بات کرنا ہو تو ایرانی قوم جیسا بننا ہوگا، احمدی نژاد بننے کیلئے ایرانی قوم جیسا اتحاد و اتفاق ہونا چاہیئے اور یہ سب کچھ امام خمینی (رہ) کے انقلاب کی وجہ سے پیدا ہوا۔ انہوں نے مزید کہا کہ اتحاد بین المسلمین کے علمبردار کا نام امام خمینی (رہ) ہے، جبکہ پاکستان میں شہید علامہ عارف حسین الحسینی، شاہ احمد نورانی، مولانا سرفراز نعیمی اور کبھی سفیرِ ناموسِ رسالت صاحبزادہ فضل کریم کی شکل میں نظر آتی ہے، یہی سوچ یہاں بیٹھے ہوئے تمام علماء کے اندر موجود ہے۔اتحاد بین المسلمین کا نعرہ اس صدی میں سب سے پہلے امام خمینی (رہ) نے بلند کیا اور آج ان کے نعرے کو عملی کرنے میں رہبر ، سید حسن نصر اللہ ، احمدی نژاد ، بشار الاسداور پاکستان میں آپ جیسے علماء اپنا کردار ادا کر رہے ہیں ۔ خدا کی لعنت ہو ایسے جہاد پر جس کی فنڈنگ امریکہ اور اسرائیل سے ہو، اسلام کی بڑھتی ہوئی تبلیغ امریکہ اور یورپ کیلئے خطرہ ہے، مزارات پر حملہ دراصل اسلام پر حملہ ہے، آج اُن لوگوں سے مذاکرات کی باتیں ہو رہی ہیں جنہوں نے مزارات، مساجد، امام بارگاہ، یونیورسٹیز پر حملے کرکے لاتعداد معصوم لوگوں کو شہید کیا جن میں کثیر تعداد میں ہماری ملت کی بیٹیاں بھی ہیں۔ انہوں نے کہا کہ ہم نے بے شمار لاشیں اٹھائیں لیکن کبھی بندوق نہیں اٹھائی، کیونکہ ہمیں آئینِ پاکستان پر بھروسہ ہے، انشاءاللہ وہ دن دور نہیں جب پاکستان میں مسلمان قوم متحد ہو کر انقلاب لائے گی۔

اس موقع پر عمار سعید رضوی صدر سنی اتحاد کونسل پنجاب نے سیمینار سے خطاب کرتے ہوئے کہا کہ ایران کی صورتحال کا تذکرہ کریں تو بچے سے لیکر ہر بڑا بھی یہی کہتا ہے کہ امام خمینی(رہ) کا انقلاب صحیح تھا، آج لوگ چاہتے ہیں کہ خمینی انقلاب پاکستان میں نافذ کیا جائے۔ خمینی انقلاب نظامِ مصطفٰی تھا، ہمارے قائد صاحبزادہ فضل کریم ساری زندگی یہی کوشش کرتے رہے کہ نظامِ مصطفٰی لے آئیں، آج انقلاب لا کر ہماری ملت کی تقدیر بھی بدلی جاسکتی ہے۔ انہوں نے کہا کہ جن لوگوں نے ملک پاکستان بنانے میں اپنا سب کچھ قربان کر دیا آج اُن کے امام بارگاہوں میں بم بلاسٹ ہو رہے ہیں، ایوانوں میں وہ لوگ بیٹھے ہیں جو پاکستان کے وجود کے مخالف ہیں، انشاءاللہ کوئی خمینی یہاں سے بھی اٹھے گا جو اِس ملک کی حالت اور تقدیر بدلے گا۔
 
مجلس وحدت مسلمین کے علامہ سید احمد اقبال رضوی نے سیمینار سے خطاب کرتے ہوئے کہا ایم ڈبلیو ایم فرزندانِ امام خمینی (رہ) پر مشتمل جماعت ہے، مجلس اِس بات پر ایمان رکھتی ہے کہ خمینی بت شکن (رہ) کے اقدام نے خالص محمدی (ص) اسلام کو زندہ کیا۔ آج عالمِ اسلام کو جو فکر نجات دے سکتی ہے وہ فکر امام خمینی (رہ) ہے۔ انہوں نے کہا کہ اٹھ کھڑے ہو جاؤ، ستم گروں کے چنگل سے آزاد ہو جاؤ، خوابِ غفلت سے بیدار ہو جاؤ، استعمار سے اسلام کو نجات دلاو۔

ندیم افضل چن سابق چیئرمین پبلک اکاونٹس کمیٹی نے اپنے خطاب میں کہا امام خمینی (رہ) کے انقلاب کی قربانیاں ہر انسان بلکہ جانوروں کیلئے بھی تھیں، بادشاہت، آمریت، استعماریت میں کوئی فرق نہیں۔ انتہا پسندی اور ظلم کے خاتمے کیلئے پاکستان میں بھی امام خمینی (رہ) کے انقلاب کو نافذ کرنا ہوگا، فرقہ واریت سے نکلیں، اپنے بچوں کو اچھا مستقبل اسی وقت دے سکیں گے جب ہم اکٹھے ہوں گے، پاسدارانِ انقلاب کے اتحاد و اتفاق سے اگر ایران میں انقلاب آسکتا ہے تو یہاں خمینی(رہ) کے افکار پر عمل کرتے ہوئے انقلاب کیوں نہیں آسکتا۔

تحریک انصاف کے رہنماء اعجاز چوہدری نے کہا جس قائد نے مسلمان امت کو اُمتِ واحدہ بنایا، رنگ و نسل، زبان کوئی فرق نہیں رکھتی، ایک روح، روحِ محمد (ص) کے پیغام کی روح، خمینی انقلاب جب آیا تو یہاں کے علماء نے کہا تھا کہ یہ انقلاب چند دن چلے گا، میں نے اس انقلاب کا مشاہدہ کیا، امام خمینی (رہ) کی تحریروں کا مطالعہ کیا، یقین سے کہہ سکتا ہوں یہ انقلاب صرف ایران میں نہیں بلکہ پوری دنیا پر محیط ہوگا، امام خمینی نے یہ پیغام دیا کہ ظلم مت سہیں، بلکہ ظلم کے مقابلے میں کھڑے ہو جائیں، علامہ اقبال اور امام خمینی ہمارے رہبر و رہنماء ہوں تو ملک پاکستان میں اپنے بچوں کو روشن مستقبل دے سکتے ہیں۔

سابق گورنر پنجاب سردار لطیف کھوسہ نے سیمینار سے خطاب کرتے ہوئے کہا کہ اللہ کا وعدہ ہے اسلام ساری دنیا پر غلبہ پائے گا اور یہی عالمی استعماری طاقتیں خس و خاشاک کی طرح بہہ جائیں گی، ایک سپر طاقت کے کہنے پر امام خمینی پر ظلم کیا گیا، انہیں وطن بدر کیا گیا، لیکن آج شہنشاہ کا نام لینے والا کوئی نہیں جبکہ لاکھوں، کروڑوں کی تعداد میں دنیا امام خمینی (رہ) کے افکار کا پرچار کر رہی ہے۔ انہوں نے کہا کہ خمینی (رہ) کے افکار پر چل کر امت مسلمہ اکٹھا کرکے دنیا پر چھا جائیں گے، آج امام خمینی (رہ) کی فکر پر عمل کرنے ضرورت ہے، جو لوگ مساجد، امام بارگاہوں اور یونیورسٹیوں پر حملہ کرتے ہیں ان کا اسلام سے کوئی تعلق نہیں بلکہ و ہ تو انسان کہلانے کے بھی قابل نہیں۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree