The Latest
وحدت نیوز (کراچی ) مجلس وحدت مسلمین کراچی کے سیکرٹری جنرل علامہ حسن ہاشمی نے یمن پر سعودی و اتحادی شیوخ اور آمر عرب حکمرانوں کے حکم پر کی جانے والی فوجی جارحیت کی مذمت کرتے ہوئے کہا ہے کہ اس یکطرفہ اسلام دشمن اور انسانیت دشمن جنگ کا کوئی کھوکھلا سا جواز یا بہانہ بھی نہیں تھا۔ان خیالات کا اظہار انہوں نے جمعہ کے روز جنگ زدہ یمنی عوام سے اظہار یکجہتی کے لئے منائے جانے والے یوم دفاع امت مسلمہ کے ایک اجتماع سے خطاب میں کیا۔یوم دفاع امت مسلمہ کے حوالے سے کراچی جامع مساجد میں یمن کے مظلوم عوام پر عرب ممالک کے جارحیت کی مذمت کی گئی اور مظلوم یمنی عوام کے حق میں خصوصی دعائیں بھی کی گئی ۔حسن ہاشمی نے مزید کہا کہ عرب لیگ اور او آئی سی کے قیام کا مقصد عربوں کا اور مسلمانوں کا تحفظ تھا اور اس کا بنیادی ترین ہدف مقبوضہ فلسطین کی آزادی اور ایک ایسی فلسطینی ریاست کا قیام تھا جس کا دارالحکومت بیت المقدس ہو۔انہوں نے کہا کہ القدس اور مسجد اقصیٰ مقبوضہ یروشلم یعنی بیت المقدس شہر میں غاصب و ناجائز جعلی ریاست اسرائیل کے قبضے میں ہے اور غزہ کی جنگ میں فلسطینیوں کا قتل عام کرنے والی اسرائیلی افواج تھیں۔لیکن نہ تو عرب لیگ اور خلیج فارس کی عرب تعاون کاؤنسل (جی سی سی) کے ممالک نے اور نہ ہی او آئی سی نے عربوں یا مسلمانوں کی مشترکہ افواج بنائی۔حالانکہ فلسطینی خواتین اور بچوں نے عربوں کی غیرت کو للکارا کہ تم ہماری مدد کو کیوں نہیں آتے لیکن کسی عرب حکمران کے کان پر جوں نہ رینگی۔اب امریکا اور اسرائیل کے دوست عرب حکمرانوں نے مسئلہ فلسطین کے دفن کرکے نئے مسائل ایجاد کرنے کے لئے پورے مشرق وسطیٰ اور نزدیکی عرب ممالک میں امریکا و اسرائیل کی نیابتی جنگیں شروع کردی ہیں۔
انہوں نے کہا کہ مکہ و مدینہ کے تاریخی قبرستانوں میں امہات المومنین (س)، آئمہ اہلبیت (ع) اور صحابہ کرام (رض) کے مزارات کو اسی خائن حرمین شریفین آل سعود کی حکومت نے مسمار کیا تھا اور مقامات مقدسہ کو خطرہ بھی انہی سے تھا نہ کہ یمن یا دنیا کے کسی بھی مسلمان ملک سے۔انکا کہنا تھا کہ اسلام دشمن امریکی پٹھو آل سعود کی بادشاہت کے خاتمہ کے دن آگئے ہیں امت مسلمہ حرمین الشریفین کی جنگ کے نام پر دھوکہ نہیں کھائے گی، حرمین شریفین کا دفاع ہر مسلمان پر واجب ہے پرو پگینڈا کرنے والے آل سعود کی نمک خواری میں اس جنگ کو مسلکی رنگ دے رہے ہیں یمن میں حوثی قبائل کی مزاحمت کو فرقہ وارانہ رنگ دینے کی سازش کو پاکستان کے شیعہ و سنی عوام یکسر مسترد کرچکے ہیں۔ حوثی قبائل کو باغی کہناٹھیک نہیں کیونکہ وہ ریاست یمن کے باغی نہیں ۔ غیر ملکی مداخلت کے باغی ہیں اور یمن کے صدر، وزیر اعظم اور ان کی عبوری حکومت جنوری میں ہی مستعفی ہوچکی تھی۔ اس وقت یمنی فوج ، حوثی اور شافعی سنی مسلمانوں پر سعودی وہابی افواج بمباری کررہی ہے۔بمباری یمن پر ہورہی ہے نہ کہ سعودی اتحادی ممالک پر۔ میڈیا سعودی ریالوں پر زرد صحافت سے گریز کرے۔خود سعودی حمایت یافتہ صدر علی عبداللہ صالح بھی زیدی شیعہ تھا جسے حوثیوں نے اقتدار سے عوامی طاقت کے ذریعے نکال باہر کیا۔ ایم ڈبلیو ایم حکومت سے مطالبہ کرتی ہے کہ وہ یمن میں موجود ہم وطنوں کی وطن واپسی کی یقینی بنائیں اور پرائی جنگ میں نہ کودے ۔
وحدت نیوز (گلگت) مجلس وحدت مسلمین گلگت بلتستان خواتین ونگ کے کوارڈینیٹر عظیمہ نے وحدت ہاؤس گلگت میں خواتین ونگ کے اجلاس سے خطاب کرتے ہوئے کہا کہ ایک صالح معاشرے کے قیام میں خواتین کا کردار انتہائی اہمیت کا حامل ہے، اسلام نے معاشرے میں خواتین کو جو عزت اور مقام عطا کی وہ کسی اور مذہب و مکتب نے عطا نہیں کر سکے۔ آج مغربی خواتین اسلام سے متاثر ہو کر جوق درجوق رجوع کر رہی ہیں جو اس بات کا ثبوت ہے کہ ان کے معاشرے نے خواتین کو وہ عزت و وقار نہیں دیا جو اسلام نے دیا ہے۔ مجلس وحدت مسلمین کے پلیٹ فارم سے گلگت بلتستان میں خواتین کے حقوق کیلئے بھرپور جدوجہد کی جائے گی۔ انہوں نے کہا کہ خواتین ہی ہیں جو ایک فعال اور متحرک معاشرے کیلئے افرادی قوت فراہم کرتی ہیں، خواتین اگر اپنے فرائض منصبی کی انجام دہی میں کوتاہی نہیں کرینگی تو معاشرہ کبھی بیمار نہیں ہوگا۔ انہوں نے کہا کہ گلگت بلتستان کی خواتین کو اپنے حقوق کیلئے آگے آنا ہوگا اور ہم مجلس وحدت مسلمین کے پلیٹ فارم سے عنقریب خواتین کے حقوق کیلئے بھرپور آواز بلند کی جائے گی۔
انہوں نے نام نہاد این جی اوز کی جانب سے حقوق نسواں کے نام پر بدترین استحصال کرنے پر سخت تنقید کرتے ہوئے کہا کہ یہ نام نہاد ادارے علاقے میں مغربی سوچ اور تہذیب کو پروان چڑھانے کی سازشوں میں مصروف عمل ہیں جن کا مقابلہ اسلامی تہذیب و ثقافت کے زیور سے آراستہ خواتین ہی کر سکتی ہیں۔ انہوں نے ماروی میمن کے حالیہ دورے پر سخت تنقید کرتے ہوئے کہا کہ مسلم لیگ نواز کی جانب سے ہمیں کسی بھیک کی ضرورت نہیں اور ماروی میمن الیکشن سے قبل علاقے کی غربت کا فائدہ اٹھا کر جھوٹے وعدوں سے الیکشن چرانے کی ناکام کوشش کر رہی ہے۔
وحدت نیوز (کراچی) مجلسِ وحدت مسلمین شعبہ خواتین کراچی ڈویژن رضویہ یونٹ کی جانب سے ''سعودی بمباری اور مظالم کا شکار '''یمن کی نہتی مظلوم عوام ''' کے حق میں اور دوشمن کے نیست و نابودی کے لیے '' دعائے جوشنِ صغیر'' کا اہتمام ، رضویہ امام بارگاہ '' شاہِ کربلا'' میں، ''جنت البقیع'' کے سامنے، صحنِ امام بارگاہ میں دعا کی قبولیت و باریابی کے لیے کھلے آسمان تلے کیا گیا. جسمیں علاقے کے علاوہ اور دوسرے یونٹز کی خواتین نے بھی بچوں کے ساتھ شرکت کی. دعائیہ پروگرام کا باقائدہ آغاز تلاوت حدیثِ کساء سے '' خواہر زرین'' نے کیا. پھر '' خواہر رجاء'' نے ''بارگاہ امامِ وقت،[ع] '' میں نذرانہ منقبت پیش کیا. جس کے بعد '' محترمہ خواہر سیما'' نے بارگاہِ خداوندی میں باقائدہ طور پہ دعا کا آغاز ''دعائے سلامتئ امام زمانہ[ع]'' سے کیا اور پھر '' دعاے جوشنِ صغیر'' کی تلاوت فرمائی. دورانِ دعا '' مصائبِ محمدﷺ وآلِ محمدﷺ'' بھی جاری رہیے.اور مسلسل ''مظلومینِ یمن'' کے لیے ، '''سعودی بربریت و ظلم و ستم'' سے نجات کے لیے گریہ و ذاری کے ساتھ ''فتح و کامیابی و کامرانی'' کی دعا جاری رکھی گئ.پروگرام کا اختتام ''دعائے تعجیل امامِ زمانہ[ع] اور دعائے فرج'' سے کیا گیا.جسکے بعد شرکاء میں تبرک تقسیم کیا گیا
وحدت نیوز (گلگت) مظلوم کی حمایت اور ظالم سے اظہار بیزاری کرنے پر مجلس وحدت مسلمین کے رہنماؤں پر ایف آئی آر درج کرکے ہراسان کرنا حقوق انسانی اور تعلیمات اسلامی کے منافی اقدام ہے جس کی جتنی بھی مذمت کی جائے کم ہے۔ صوبائی حکومت مسلم لیگ نواز کی ڈکٹیشن پر مجلس وحدت کے خلاف انتقامی کاروائی کا حصہ نہ بنے تو بہتر ہے۔حرمین شریفین کا واویلا کرنے والے بتائیں کہ کیا یمنی عوام نے سعودی عرب پر حملہ کیا ہے یا پھر سعودی عرب نے یمن پر جارحیت کی ہے؟ مظلوم اور ظالم میں فرق نہ کرنے والی حکومتیں بہت جلد اپنے منطقی انجام تک پہنچ جائینگی۔ان خیالات کا اظہار مجلس وحدت مسلمین شعبہ خواتین کی سیکرٹری اطلاعات خواہر ساحرہ نے امپھری گلگت میں خواتین ونگ کے ایک اجتماع سے خطاب کرتے ہوئے کیا۔
انہوں نے کہا کہ سعودی عرب اور اس کے اتحادی یہودی لابی کے ایماء پر یمن پر حملہ آور ہوئے ہیں حالانکہ یمن کی طرف سے کسی کو کوئی خطرہ لاحق تھا اور نہ ہے۔ مشرق وسطیٰ میں اگر کسی ملک سے خطرہ ہے تو وہ یہودی ریاست ہے جو آئے روز مظلوم فلسطینی عوام، بچوں اور خواتین کے خون سے سیراب ہورہے ہیں جن کے خلاف سعودی اتحاد نے آج تک کوئی مذمتی بیان جاری نہیں کیا ہے۔ فلسطین کے مظلوم عوام مدد کیلئے پکار رہے ہیں اور عرب عیاش پرست حکمرانوں کی جانب سے مدد تو درکنار زبان سے حمایت میں کوئی بیان تک جاری نہیں کیا گیا ہے۔ پاکستان میں سعودی ڈالر سے پیٹ بھرنے والے حرمین شریفین کے دفاع کا شور مچاکر رائے عامہ کو بیوقوف بنانے کی ناکام کوشش کررہے ہیں ۔انہوں نے کہا کہ مکہ اور مدینہ ملک حجاز میں واقع ہونے سے سعودی حکمران مقدس نہیں ہونگے ، آل سعود نے مقدس سرزمین کا کتنا احترام کیا سب جانتے ہیں اسی مقدس سرزمین یعنی مکہ مکرمہ میں امریکہ کے اشاروں پر آل سعود نے 400 حجاج کرام کا خون بہادیا ہے۔انہوں نے کہا کہ ہم ہر ظالم کے خلاف اور مظلوم کے حامی ہیں چاہے اس کا تعلق کسی بھی فرقے اور مذہب سے ہو۔انہوں نے مسلم لیگ نواز کی ڈکٹیشن پرچلنی والی کٹھ پتلی نگران حکومت کو خبردار کیا کہ سیاسی انتقام کی بنا ء پر قائم مقدمات کو فوری ختم کیا جائے ۔
وحدت نیوز (بغداد) مجلس وحدت مسلمین پاکستان شعبہ نجف اشرف کے وفد نےحزب الدعوة الاسلامیہ کے موسسئہ البلاغ والارشاد الاسلامی کی دعوت پر الحفلہ للدعم الحشد الشعبی کے عنوان سے بغدادمیں منعقدہ کانفرنس میں شرکت کی، جس میں عراق کے وزیر أعظم ڈاکٹر حیدر العبادی کے علاوہ وزیر داخلہ اور دوسرے وزراء سمیت شیعہ اور سنی علما کی ایک کثیر تعداد نے شرکت کی.اس کانفرنس میں مقام معظم رہبری کے نمائندہ عراق حضرت آیت الله الشیخ محمد مہدی آ صفی نے خصوصی شرکت اور خطاب کیا،اس کے علاوہ حزب الدعوة الاسلامیہ کے سینیر عہدہ دران اور اور دوسرے سیاستدانوں نے بھی شرکت کی،مجلس وحدت مسلمین کے وفد کی سربراہی سیکرٹری جنرل حجتہ الاسلام و المسلمین علامہ الشیخ ناصر عباس النجفی صاحب نے کی،اس وفد میں سیکرٹری جنرل کے علاوہ سابق سیکرٹری جنرل حجتہ الاسلام والمسلمین علامہ السید مھدی رضوی صاحب،ڈپٹی سیکرٹری جنرل حجتہ الاسلام و المسلمین الشیخ ارشد علی خان الجعفری النجفی صاحب اور سیکرٹری نشر واشاعت حجتہ الاسلام و المسلمین علامہ عبد الحفیظ واعظی صاحب شامل تھے، ایم ڈبلیوایم کےوفد نےکانفرنس کے اختتام پر نمائندہ ولی فقہی عراق آ یت الله الشیخ محمد مھدی آ صفی صاحب سے خصوصی ملاقات کی
وحدت نیوز (گلگت) مجلس وحدت مسلمین گلگت ڈویژن کے سیکرٹری جنرل علامہ محمد بلال سمائری نے وحدت ہاؤس گلگت میں کارکنوں کے ایک اجلاس سے خطاب کرتے ہوئے کہا ہے کہ ظالم کے خلاف قیام کرنا اور مظلوم کی مدد کرنا قرآنی تعلیمات کے عین مطابق ہے جو لوگ ظالم کے مقابلے میں خاموشی اختیار کرتے ہیں وہ بھی ظالم ہیں۔ مجلس وحدت مسلمین نے یمن کے مظلوم عوام پر سعودی جارحیت کی مذمت کر کے سنت پیغمبرؐ اور قرآنی تعلیمات کی پیروی کی ہے اور آئندہ بھی ظلم اور ناانصافی کے خلاف علم بغاوت بلند کرتے رہیں گے اور یہ سبق ہمیں سالار حریت نواسہ رسول امام عالی مقام کی درسگاہ سے ملا ہے۔ انہوں نے کہا کہ نواز لیگ الیکشن سے فرار کے راستے ڈھونڈ رہی ہے اور اپنے سیاسی مخالفین کو ہراساں کر کے الیکشن کمپین میں اپنے لئے میدان صاف کرنا چاہتی ہے جس طرح دہشت گردگروہوں سے سہارا لیکر انہوں نے 2013ء کے الیکشن میں دوسری سیاسی جماعتوں کی الیکشن مہم پر پابندیاں لگوا دیں تھیں اور دھاندلی کے ذریعے اقتدار کی کرسی ہتھیالی ہے، لیکن نواز حکومت یہ یاد رکھے کہ یہ گلگت بلتستان ہے یہاں ان کی تکفیری سوچ کسی صورت پروان نہیں چڑھ سکتی۔
انہوں نے کہا کہ چند ڈالروں کے عوض سعودی اتحاد میں شامل ہونا کہاں کی عقلمندی ہے جبکہ یہ بھی معلوم ہے کہ سعودی اتحاد کے پیچھے امریکہ اور یہودی لابی کی سازش کار فرما اور وہ مسلم ممالک میں کشت و خون کے درپے ہیں۔ کون نہیں جانتا کہ یہ وہی سعودی عرب ہے جس نے مصر میں اخوان المسلمین کی حکومت ختم کرنے کیلئے جنرل سیسی کا ساتھ دیا جس نے برسراقتدار آکر ہزاروں اخوان المسلمون کے کارکنوں کو جیلوں میں پابند سلاسل کیا ہے۔ یہ سب کچھ جانتے ہوئے نواز حکومت کا سعودی اتحاد میں شامل ہونے کیلئے بے تاب ہونے کا مطلب یہ ہے کہ انہیں ملک عزیز کی سلامتی سے کوئی غرض نہیں۔ پاکستان کی مسلح افواج آج دہشت گردوں سے برسر پیکار ہے اور سعودی اتحاد جو شام اور عراق میں داعش کی پشت پناہی کر رہا ہے کی مدد کرنا ایک طرح سے دہشت گردوں کی پشت پناہی کے مترادف ہے۔ انہوں نے نگران حکومت کو خبردار کیا کہ ہمارے صبر کا امتحان نہ لیا جائے اور جھوٹی ایف آئی آر کے ذریعے کشیدگی کو ہوا دینے سے پرہیز کیا جائے۔
وحدت نیوز (گلگت) مجلس وحدت مسلمین گلگت بلتستان کے صوبائی سیکریٹری روابط عارف قنبری کو گلگت بلتستان پولیس نے یمنی مظلوم مسلمانوں کی حمایت کے جرم میں گرفتار کرلیا ہے، گذشتہ روزعارف قبنری کو کڑے پہرے میں پولیس نے انسداددہشت گردی عدالت میں پیش کیا، انسداد دہشت گردی کی عدالت میں پیشی کے وقت وکٹری کا نشان بناکر اپنے عزم وحوصلے کی بلندی کا واضح ثبوت دیا، یاد رہے کہ انہیں یمن کے مظلوم عوام کی حمایت میں سعودی جارحیت کی مذمت کرنے پر گلگت بلتستان کی کٹھ پتلی نگران حکومت جو براہ راست یہودی ریاست کے نمک خوار ہیں کی جانب سے انسداد دہشت گردی کا مقدمہ درج کرکے گرفتار کیا ہے۔
وحدت نیوز (اسلام آباد) گلگت بلتستان ٹرانسپورٹرزایسوسی ایشن کے وفد کی مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی،مرکزی سیکرٹری سیاسیات سید ناصر شیرازی سے ملاقات اس موقع پر مجلس وحدت مسلمین کے رہنماوُں علامہ اعجاز بہشتی،سید اخلاق الحسن بخاری،مظاہر شگری،عبداللہ مطہری و دیگر بھی شریک تھے، ٹرانسپورٹرز ایسوسی ایشن کے وفد میں محمد حسن،اختر حسین،سید زوالفقار شاہ،سید محمد قذافی اور محمد تقی شامل تھے،وفد نے کے پی کے گورنمنٹ کی جانب سے ٹرانسپورٹرز ایسوسی ایشن کے رہنماوُں کی بلا جواز گرفتاری اور ٹرانسپورٹ کمپنیوں کو درپیش مسائل سے آگاہ کیا ،وفد سے گفتگو کرتے ہوئے علامہ امین شہیدی کا کہنا تھا کہ عوام کی جان مال کے تحفظ کا ذمہ دار حکومت ہے ،حکمران ٹرانسپورٹرز کو حراساں کرنے کے بجائے اپنی کارکردگی بہتر بنانے پر توجہ دیں گلگت بلتستان کے مسافروں کے مشکلات حل نہ ہوئے تو احتجاج پر مجبور ہونگے،مرکزی سیکرٹری سیاسیات مجلس وحدت مسلمین پاکستان سید ناصر شیرازی نے پاکستان تحریک انصاف کے مرکزی سیکرٹری جنرل جہانگیر ترین کو فون کرکے کے پی کے گورنمنٹ کی جانب سے ٹرانسپورٹرز کو درپیش مشکلات سے آگاہ کیا ،پاکستان تحریک انصاف کے رہنما جہانگیر ترین نے ٹرانسپورٹرز کو درپیش مشکلات کے حل کی یقین دہانی کرواتے ہوئے کہا کہ آج کمشنرہزارہ ڈویژن محمد خان ٹرانسپورٹرز کی وفد سے ملاقات کریں گے اور گرفتار رہنماوُں کی فوری رہائی اور ٹرانسپورٹروں کو درپیش مسائل کے حل کے لئے فوری اقدامات کریں گے ٹرانسپورٹرز ایسوسی ایشن کے وفد نے مجلس وحدت مسلمین کا اس مشکل موقع پر ساتھ دینے کا شکریہ ادا کرتے ہوئے کہا کہ علاقائی مسائل کے حل میں عوام کی نظریں ایم ڈبلیوایم پر ہے اور مجلس وحدت مسلمین نے عوامی جماعت ہونے کا ثبوت دے کر گلگت بلتستان کے عوام کے دل جیت لئے ہیں۔
وحدت نیوز (لاہور) مجلس وحدت مسلمین شعبہ خواتین کی مرکزی کور کمیٹی کا اجلاس لاہور میں شعبہ خواتین کے آفس میں مرکزی سیکرٹری جنرل علامہ راجہ ناصرعباس صاحب کی سربراہی میں منعقد ہوا۔جس میں شعبہ خواتین کی مرکزی کوآرڈینیٹر خانم زہرا نقوی اور ڈپٹی کوآرڈینیٹر محترمہ تحسین شیرازی ،مرکزی سیکرٹری تربیت مولانا سید احمداقبال رضوی اور مرکزی سیکرٹری سیاسیات برادرسید ناصرعباس شیرازی نے شرکت کی،میٹنگ میں گذشتہ دو ماہ کی کارکردگی کا جائزہ لیا گیا اور آئندہ کے اہداف اورلائحہ عمل کا تعین کیا گیااور میٹنگ میں یہ فیصلہ کیا گیا کہ سیاسی لحاظ سےملک کے چار بڑے اور اہم شہروں کراچی،لاہور ، اسلام آباد اور کوئٹہ کے اسٹرکچر کی تمام ترتنظیمی امور کی نگرانی مرکز خود انجام دے گااور مقامی تنظیمی ڈھانچے کو مضبوط اور فعال بنانے میں ان کی معاونت کرے گا۔اس اجلاس میں یہ فیصلہ بھی کیا گیا کہ اپنی مدد آپ کے تحت ملک بھر میں دارالقرآن ،ووکیشنل ٹریننگ انسٹیٹیوٹس ،تعلیمی اکیڈمیز کا قیام اور مستحق طالبات کے لئے اسکالرشپ اور دیگر فلاحی اور سماجی خدمات انجام دی جائیں گی۔
میٹنگ میں اس بات پر زور دیا گیا کہ تمام اضلاع میں ۲۰جمادی الثانی حضرت زہرا سلام اللہ علیھا کی ولادت با سعادت اور یوم خواتین کے دن کو بھرپور انداز میں منائیں اور اس سلسلے میں جشن اور دیگر پروگرام منعقد کروائیں گے۔مرکزی سیکرٹری جنرل علامہ ناصر عباس جعفری صاحب نے تاکید کی کہ شعبہ خواتین کو خواتین کی اسلامی اور انقلابی تربیت کے حوالےسے شعبہ تربیت کے دیے گئے پروگرام پر عمل کرنا چاہیے اور شعبہ تربیت کی ترتیب شدہ کتب، لٹریچراور پروگرام سے بھرپور استفادہ کرنا چاہیے ۔انہوں نے مزید فرمایا کہ " اسلام شناسی " کورس اور بصیرت افزائی کورس تمام خواتین کو کروایا جائے گا۔
علامہ ناصرعباس جعفری نے زور دیا کہ گلگت اور بلتستان میں بھی ہماری بہنیں انتخابی عمل میں بھرپور کردار ادا کریں گی ۔مرکزی کوآرڈینیٹرخانم زہرا نقوی نے تمام صوبائی کوآرڈینیٹرز سے درخواست کی ہے کہ جلد از جلد ضلعی اسٹرکچر مکمل کریں اور اضلاع، یونٹس اور ممبر شپ کی تکمیل کر کے جلد از جلد مرکز کو رپورٹ کریں ۔آخر میں ضرب عضب آپریشن کی حمایت کرتے ہوئے اس بات پر زور دیا گیا کہ ہمیں پرائی جنگ کا حصہ بننے کی بجائے اپنے ملک میں جاری دہشت گردی کے خلاف آپریشن پر توجہ کرنی چاہےاور سعودی عرب کی مہم جوئی کا حصہ نہیں بننا چاہیے۔
وحدت نیوز(لاہور) مجلس وحدت مسلمین پاکستان کے دو روزہ سالانہ مرکزی تنظیمی کنوشن کے اختتام پر منعقدہ سیمینار سے خطاب کرتے ہوئے ڈپٹی سیکرٹری جنرل مجلس وحدت مسلمین پاکستان علامہ محمد امین شہیدی کا کہنا تھا کہ ہمارے معاشرہ کو حکمران شعوری طور پر دلدل میں دھنساتے چلے جارہے ہیں۔ تکفیریت کو خصوصاً مشرق وسطیٰ میں تیزی سے پھیلانے کی کوشش کی گئی۔ اس کی زد میں ہر وہ مسلمان آیا جس نے اس کا انکار کیا۔ اسلام سے خائف عالمی طاقتیں نئی صف بندی کر رہی ہیں۔ توحید کا نام لیکر توحید کی جڑیں کاٹنے والوں کو میدان میں لایا جارہا ہے۔ یورپ اور امریکہ میں آئے روز مساجد کا اضافہ کلیسا کا ختم ہونا اسلام کی قبولیت اور غلبے کو ظاہر کرتا ہے۔ اسی وجہ سے اسلام کا مسخ شدہ چہرہ دنیا کے سامنے پیش کیا جارہا ہے۔ تکفیریت کا بازار گرم کرنے والے لوگوں کو مغرب استعمال کر رہا ہے۔ طالبان، داعش، القاعدہ اور النصرہ فرنٹ کو بنایا گیا، دنیا کو اسلام سے بدظن کیا گیا۔ یہ تمام گروہ اسلام کے خلاف نفرت پیدا کرنے کے لئے بنائے گئے۔ اسرائیل کے مدمقابل بلاک کمزور کیا جارہا ہے۔ مسلمانوں کے گلے کاٹنے والے اسرائیل کی جانب میلی آنکھ سے دیکھنا نہیں چاہتے۔ گلے کاٹ کر اپنے بزرگوں کی سنت پر عمل پیرا ہیں۔ گزشتہ گیارہ دنوں میں یمن کے عام شہریوں کو مارا گیا، ہسپتالوں، فیکٹریوں اور کیمپوں میں مقیم لوگوں پر بھی بمباری کی گئی۔ یمن میں نیا محاذ کھڑا کرکے اسے شیعہ سنی جنگ کا رنگ دیا گیا۔ حالانکہ سنیت کے دعوے دار سعودیوں کا سنیت سے کوئی تعلق نہیں۔ یمن کی جیلوں سے القاعدہ کے افراد کو آزاد کروایا گیا۔ پاک فوج کی پاکستان میں گرفت کمزور کرنے کی سازش کی جارہی ہے تاکہ دہشت گردوں کو فرار کا راستہ دیا جاسکے۔ یمن مین زمینی لڑائی کے لئے بھرتیاں کی جارہی ہیں، ان سعودیوں کو یہ حق حاصل نہیں پہنچتا جنہوں نے اولیا کے مزاروں کو گرایا کہ وہ اسلام کا نام لیں۔
