The Latest
وحدت نیوز (مظفرآباد) سیکرٹری جنرل مجلس وحدت مسلمین پاکستان آزاد کشمیر علامہ سید تصور حسین نقوی الجوادی نے کہا ہے کہ یمن میں لگائی جانے والی فرقہ واریت کی آگ پوری دنیا کو اپنی لپیٹ میں لے لے گی، اور اس کی تمام ترذمہ داری آل سعودپر عائد ہوگی ، اور وہ ممالک جو اس گھناؤنے جرم میں شامل ہوں گے مظلوم و محکوم اپنی عدالت میں انہیں کبھی معاف نہیں کریں گے، یمن پر سعودی عرب کے حملے کی بھرپور مذمت کرتے ہیں ، اقوام متحدہ مداخلت کرتے ہوئے مظلوم و بے گناہ انسانوں کا قتل عام روکنے میں اپنا کردار ادا کرے ۔سعودی عرب سرعام عالمی قوانین اور انسانی حقوق کی پامالی کر رہا ہے ، امریکہ و اسرائیل کی ایما پر سعودیہ ہر قسم کی حد پار کر رہا ہے، امریکہ،اسرائیل و سعودی عرب سمیت دنیا کے کسی بھی ملک کو یہ حق حاصل نہیں کہ وہ کسی ملک کی خود مختاری پر حملہ کرے ، وہاں کے نہتے لوگوں کو قتل کرے ، فرقہ ورانہ بنیادوں پر بے گناہوں کا خون بہائے، پاکستان کے حکمرانوں کو بھی سوچ سمجھ کر قدم اٹھانا ہو گا، حکومت پاکستان اپنے ملکی حالات کو پہلے دیکھے ، امن عامہ کی مخدوش صورتحال کو دیکھے ،پاکستانی فوج کو کن کن محازوں پر مصروف کیا جائے گا، پاکستان کے شجاع ،دلیر اورغیور عوام ہر گز اپنے جوانوں کے ہاتھوں کوکسی بھی صورت بے گناہوں کے خون سے ر نگین نہیں ہونے دیں گے اور کسی بھی ایسے فیصلے کو تسلیم نہیں کریں گے جو کسی بھی ملک کی داخلی خودمختاری کے خلاف ہو، پاکستان اس وقت حالت جنگ میں ہے، انڈیا اپنے تائیں سازشوں میں مصروف ، کشمیر کا مسئلہ جوں کا توں ، امن عامہ کی صورتحال مخدوش ، کشمیری ظلم و تشدد کا شکار، دشمن ہمارے چھوٹے چھوٹے بچوں کو سامنے سامنے گولیاں مار دیتا ہے، ان کے قاتل کو تو کیفر کردار تک پہنچا نہ سکے ، اور اب بیرون ملک حالات سدھارنے چلے ہیں،امن عامہ کی مخدوش صورتحال میں کوئی بھی ایسا فیصلہ دہشتگردوں کے ایجنڈے کی تکمیل ہے۔ان خیالات کا اظہار انہوں نے ریاستی کابینہ کے ہنگامی اجلاس سے خطاب کرتے ہوئے کیا ۔
انہوں نے کہا کہ کل جب غزہ کی مظلوم و محکوم عوام پر حملے کیئے گئے، بچوں اور عورتوں پر ظلم کی داستانیں رقم کیں گئیں ، اس وقت عالمی اسلامی دنیا کا نام نہاد ٹھیکیدار سعودی عرب کیوں خاموش رہا، وہاں کی عوام کے لیئے ایک کاٹن دوائی نہ دینے والے لوگوں کو ان کے جمہوری حقوق کیسے دیں گے ، سعودیہ کی طرف سے پاکستان سے فوج بلانے کی کوشش پاکستان کی قومی سلامتی کے لیئے بڑے خطرے کا پیش خیمہ ہے، عالمی دہشت گرد تنظیم القاعدہ کے خلاف برسرپیکار یمنی عوام کے خلاف اس کی وحشیانہ کاروائی کیوں کی جاری ہے،عالمی دنیا کو سعودیہ کی دورخی کو سمجھتے ہوئے روکنا چاہیے ورنہ اپنی بادشاہت کے چکر میں مشرق وسطیٰ کے حالات کو خراب کر دے گا، ہم بھرپور مطالبہ کرتے ہیں کہ پاک فوج ملک کی مخدوش صورتحال کو سامنے رکھتے ہوئے کسی بھی ایسے فیصلے کو تسلیم نہ کرے جو ملک کے حق میں نہ ہو، افواج پاکستان جس جرأت و بہادری سے ملک دشمن لوگوں کے خلاف برسرپیکار ہے ، ہم اسے سلام پیش کرتے ہیں ،اور اپنے اسی مطالبے کو پھر دھراتے ہیں جو سال ہا سال سے کرتے چلے آرہے ہیں کہ جب تک ایک بھی سفاک درندہ اس ملک کی پاک سرزمین پر موجود ہے اس وقت تک کسی اور طرف توجہ مبذول کرنے کی مذموم کوشش کامیاب نہ ہونے دیا جائے۔
وحدت نیوز (نجف اشرف) مجلس وحدت مسلمین پاکستان شعبہ نجف اشرف کے سیکریٹری جنرل علامہ الشیخ ناصرعباس النجفی نے یمن کے مظلوم مسلمانوں پر آل سعود اور اسرائیل سمیت بننے والے اتحادی ممالک کے حملے کی پر زور الفاظ میں مزمت کی ہے.وحدت ہاوس نجف اشرف سے جاری اپنے بیان میں انہوں نے کہا ہے کہ جزیرہ عرب میں سعودی عرب فرقہ وارانہ جنگ کا آ غا ز کرکے عالم اسلام کو تقسیم کرنے کی کوشش کر رہا ہے.یمن میں شیعہ اور سنی مسلمانوں نے مل کر سعودی عرب کے خلاف جہاد کا اعلان کیا ہے .اور اپنے وطن کی مٹی اور حرمت کی حفاظت کی قسم کھائی ہے.جنونی سعودی عرب یمن کی مظلوم شیعہ سنی عوام کے خلاف جنگ کرکے اپنی نابودی کا سامان خود مہیا کر رہا ہے.اب آل یہود اور سعود کی بربادی کا وقت قریب ہے.اب دنیا کی کوئی طاقت انھیں اس بربادی سے نہیں بچا سکتی.پاکستان اس فرقہ وارانہ جنگ کا حصہ نہ بنے.کیونکہ پاکستان شیعہ اور سنی مسلمانوں کا مشترکہ ملک ہے.فوج کا کام مملکت خدا داد پاکستان کی سرحدوں کی حفاظت کرنا ہے. عالمی میڈیا اور سعودی حکام کے مطابق پاکستان بھی اس جنگ کا حصہ ہے.اس سے عرب دنیا میں پاکستان اور پاکستانیوں کے خلاف بری تیزی سے نفرت پھیل رہی ہے.
وحدت نیوز (کوئٹہ) مجلس وحدت مسلمین کے میڈیا سیل سے جاری کردہ بیان میں ایم ڈبلیوایم کے کونسلرکربلائی عباس علی نے کہا ہے کہ انتہا پسندی سے پاک متحد اور خوشحال پاکستان ہماری منزل ہے سنجیدہ اور اصولی سیاست ہی مہذب قوموں کی پہچان ہے قیام امن کیلئے معاشرے کے ہر فرد کو احتسابی عمل سے گزرنا ہوگا۔ قومی سطح کی پالیسیوں کو نہ صرف معاشرتی ضروریات اور موجودہ صورتحال کا عکاس ہونا چاہئے بلکہ عوام کے حقیقی مسائل و مشکلات کے پائیدا ر حل کا ضامن ہونا چاہئے یہ پالیسیاں محض فائلوں تک محدود نہیں ہونا چاہئے بلکہ ان پر عمل در آمد کر کے ان کے ثمرات عوام تک پہنچا نا ضروری ہے حقیقی جمہوریت کا مطلب عوام کے یکساں حقوق اور ترقی کے مواقع فراہم کرنا ہوتا ہے تاکہ معاشرے میں نا برابری کی صورتحال ہی پیدا نہ ہو ہمارا محور امن پسندی ، بھائی چارگی اور روا داری ہونا چاہئے۔ محاذ آرائی اور مفاد ات کی سیاست نے ہمیں پسماندگی کی دلدل میں دھکیل دیا ہے ہمیں اپنے ماضی سے سبق لیتے ہوئے اپنے مستقبل کا از سر نوتعین کرنا ہوگا مفاہمتی سیاسی عمل کا تسلسل ترقی و خوشحالی کی کنجی ہے ۔ سیاست میں مثبت فیصلے آنے والے وقتوں میں یاد رکھا جائے گا ۔ غربت پسماندگی اور جہالت کی وجہ سے عوام معاشرتی برائیوں کا شکار ہو جاتے ہیں اور فکری بے چینی کے اصل اسباب اور محرکات کو نظر انداز کر کے محض اپنے بیانات اور تقریروں کو رنگین بنانے کیلئے عوام کے مسائل اور ان کے درمیان اتحاد و اتفاق کی باتوں کا سہارا لینے سے عوام متحد نہیں ہونگے تقسیم در تقسیم کے عمل کے اصل اسباب کو بے نقاب کرنا ہوگا۔ استحکام مادر وطن ہو یا بقائے جمہوریت ہو ہمیں ہر کٹھن گھڑی میں اپنا کلیدی کردار با طریق احسن ادا کرنا چاہئے۔
وحدت نیوز(گلگت) ملک عزیز پاکستان اسلامی نظریے کی بنیاد پر معرض وجود میں آیا اور قائد اعظم محمد علی جناح نے مسلم لیگ کے نام سے پہلی مذہبی جماعت بنائی۔ آئین پاکستان کے مطابق کسی بھی شخص کو سیاست سے دور رکھنا بنیادی انسانی حقوق کی خلاف ورزی ہے۔ اطلاع عام کے نام سے مقامی اخبارات میں چلائی جانیوالی تشہری مہم محض ایک سازش ہے ، اگر آئمہ مساجد اور علماء سیاست میں حصہ نہیں لے سکتے تو مساجد بورڈ کے ممبران سیاسی مہم کیسے چلاسکتے ہیں،بد نیتی پر مبنی کسی بھی ضابطے کو ہم تسلیم نہیں کریں گے،ان خیالات کا اظہار مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی نے وحدت ہاؤ س میں ایک اجلاس کے دوران کیا ۔
انہوں نے کہا کہ مسلم لیگ نوازکو اسمبلی الیکشن میں واضح شکست نظر آرہی ہے اور وہ بوکھلاہٹ کا شکار ہوچکی ہے،مسلم لیگ نواز علاقے میں دوسری سیاسی و مذہبی جماعتوں کی بڑھتی ہوئی مقبولیت سے خوفزدہ ہوکر اوچھے ہتھکنڈوں پر اتر گئی ہے۔ علماء کو سیاست سے دور رکھنے کی پالیسی آئین پاکستان اور دو قومی نظریے کی نفی ہے او ر گلگت بلتستان کے عوام ایسی کسی سازش کو پنپنے کا موقع نہیں دینگے ۔انہوں نے کہا کہ حکمران جماعت نے گلگت بلتستان پر غیر مقامی گورنر کو مسلط کردیا ہے اور گورنر ہاؤس مسلم لیگ نواز کا کمپین آفس بن چکا ہے۔ محترمہ ماروی میمن کے ذریعے انکم سپورٹ پروگرام کو سیاسی رشوت کے طور پر استعمال کرکے ووٹ لینے کی کوشش کی جارہی ہے۔ انہوں نے کہا کہ حکمران جماعت خوفزدہ ہوکر علاقے کی سیاسی و مذہبی جماعتوں کا روکنے کی کوشش کررہی ہے جس کا کوئی نتیجہ برآمد نہیں ہوگا۔انہوں نے مزید کہا کہ چند شکست خوردہ عناصر نے ایک خاص ایجنڈے کے تحت غیر قانونی ضابطہ اخلاق مرتب کیا ہے جس کی کوئی قانونی حیثیت نہیں اور مجلس وحدت مسلمین ا س ضابطہ اخلاق کو مسترد کرتی ہے۔انہوں نے کہا کہ پاکستان اسلام کے نام پر معرض وجود میں آیا ہے اور اسلام کے نام لیواؤں پر سیاست کے دروازے بند کرنا سمجھ سے بالاتر ہے۔
وحدت نیوز (ملتان) یمن پر سعودی عرب کی سربراہی میں مصر،قطر، کویت،امریکہ ، یواے ای اور دیگر استعماری قوتوں کے حملے کے خلاف مجلس وحدت مسلمین پاکستان کے سربراہ علامہ راجہ ناصرعباس جعفری کی کال پر ملک کے دیگر شہروں کی طرح ملتان میں بھی نماز جمعہ کے بعد جامع مسجد الحسین نیو ملتان کے سامنے احتجاجی مظاہرہ کیا گیا۔ریلی کی قیادت مجلس وحدت مسلمین ملتان کے سیکرٹری جنرل علامہ قاضی نادر حسین علوی نے کی۔ جبکہ ریلی میں صوبائی ڈپٹی سیکرٹری جنرل علامہ اقتدار حسین نقوی نے بھی شرکت کی۔اس موقع پر مظاہرین نے بینرز اور پلے کارڈز اُٹھارکھے تھے جن پر سعودی عرب، امریکہ اور اُس کے اتحادیوں کے خلاف نعرے درج تھے۔ مظاہرین نے اقوام متحدہ اور عالم اسلام سے سعودی جارحیت کے خاتمے کا مطالبہ کیا ۔
ایم ڈبلیو ایم ملتان کے سیکرٹری جنرل علامہ قاضی نادر حسین علوی نے مظاہرین سے خطاب کرتے ہوئے کہا کہ سعودی عرب نے یمن پر حملہ کر کے اپنی بوکھلاہٹ کااعلان کیا ہے۔ سعودی عرب دنیا میں پراکسی وار کھیلنا چاہتا ہے جس کے نتائج بہت جلد منظرعام پر آئیں گے ۔ یہ نام نہاد اسلامی ملک اسلام کے نام پر مسلمانوں کے خون کی بولی لگارہا ہے ۔ اس سے پہلے مصر میں اس نے جو کیا وہ مسلمانوں کے لیے باعث شرم ہے مسلمانوں کے خلاف استعمار کی مددکی گئی اور ہزاروں بے گناہوں مصریوں کا قتل عام کیا گیا۔سعودی عرب امریکہ کے ساتھ مل کر خطے میں اسرائیل کے مفادات کاتحفظ کررہا ہے، سعودی عرب نے مصر میں محمد مرسی کی حکومت کے خاتمے کے لیے امریکہ کاساتھ دیا، سعودی عرب وہ ملک ہے جس نے امریکہ کے ساتھ مل کر شام کو تقسیم کرنے کی ناکام کوشش کی۔ پاکستان کو ہرگز یمن کے داخلی معاملات میں مداخلت نہیں کرنی چاہیے۔ علامہ اقتدار حسین نقوی نے خطاب کرتے ہوئے حکومت پاکستان کو متنبہ کیا کہ سعودیہ اور امریکہ کی جنگ میں کودنے سے باز رہے پہلے پاکستان کے اندرونی مسائل کو حل کریں ۔ سعودیہ عرب کی چاپلوسی بند کریں ورنہ پاکستان کی عوام سڑکوں پر ہوگی۔ اس موقع پر اُنہوں نے پاکستانی سیاسی اور مذہبی جماعتوں اور عوام سے اپیل کی کہ وہ اپنی طاقت کے ذریعے پاکستان حکومت کو باور کرائیں کہ ہماری پاک فوج کرائے کی قاتل نہیں کہ جہاں چاہے استعمال کردیا۔ اُنہوں نے کہا کہ اگر نواز حکومت نے سعودیہ کی چاکری کرتے ہوئے پاکستانی فوج کو یمن میں اُتارا تو پوری قوم سراپا احتجاج ہوگی۔ اس موقع پر اُنہوں نے آرمی چیف جنرل راحیل شریف سے بھی اپیل کی کہ خدارا ان مفاد پرستوں کی خاطر اپنے ہاتھوں کو بے گناہ مسلمانوں کے خون سے رنگین نہ کیا جائے ۔ مظاہرین سے ڈپتی سیکرٹری جنرل محمد عباس صدیقی، غلام حسنین انصاری ودیگر نے خطاب کیا۔
وحدت نیوز (اسلام آباد) یمن کے اندر سعودی عرب کی جارحیت انسانی حقوق ،عالمی قوانین اور پڑوسی ملک کی سرحدوں کی خلاف ورزی ہے،سعودی عرب اسرائیل کے ایماء پر پاکستان کو اس جنگ میں گھسیٹنا چاہتا ہے جو انتہائی خطرناک ہے،پاکستان کے غیرت مند اور شجاع افواج رینٹ اے آرمی نہیں جو کوئی بھی پیسوں کے بل بوتے پر خرید سکے،ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے ایم ڈبلیو ایم کے شعبہ امور خارجہ کے اجلاس سے خطاب کرتے ہوئے کیا،انہوں نے یمن میں نہتے عوام پروحشیانہ حملوں میں قتل عام کی شدید مذمت کرتے ہوئے کہا کہ غزہ میں مسلمانوں کی نسل کشی پر خاموش رہنے والے عرب حکمران آج اسرائیل کے مفادات کے دفاع کے لئے مسلمانوں کا قتل عام کر رہے ہیں،انہوں نے کہا کہ پاکستانی وزیر اعظم کو شہزادہ مکرم کا فون پاکستانی امور میں کھلی مداخلت ہے۔وزیرستان میں دہشت گردی کے مراکز کے بعد عالمی دہشت گردی کے لئے سعودی عرب کا پاکستان سے فوج بلانے کی کوشش پاکستان کی قومی سلامتی کے لئے بڑا خطرہ ہے،سعودی عرب بتائے کہ اس کے اتحادیوں نے داعش کی مکمل حمایت کیوں کی؟اور عالمی دہشت گرد تنظیم القاعدہ سے برسر پیکار یمنی عوام کے خلاف اس کی وحشیانہ کاروائی کا کیا جواز ہے؟پاکستان دہشت گردی کے خلاف جنگ میں مصروف ہے اور اس کی مشرقی سرحد پر انڈیا سے جھڑپیں چل رہی ہیں ملک میں امن عامہ کی صورت حال مخدوش ہیں،ایسے میں ایک بھی فوجی کا ملک سے باہر بھیجنا دہشت گردوں کی حوصلہ افزائی ہے۔
علامہ راجہ ناصر عباس جعفری کا کہنا تھاکہ مجلس وحدت مسلمین تمام سیاسی و مذہبی جماعتوں سے رابطہ کرکے ن لیگ کی ملک دشمن پالیسیوں کے خلاف مشترکہ حکمت عملی بنائے گی افواج پاکستان وطن عزیز کا سرمایہ ہے اسے متنازعہ بنانے کی سازشوں کو کامیاب نہیں ہونے دینگے،ہم مطالبہ کرتے ہیں کہ پاکستانی دفتر خارجہ سعودی میڈیا میں چھپنے والی خبروں کی وضاحت کرے اور فوری طور پر یمنی عوام کی نسل کشی کے لئے سعودی عرب فوج نہ بھیجنے کا اعلان کرے،کل یوم جمعہ مجلس وحدت مسلمین ملک بھر میں ن لیگ کی ملک دشمن پالیسیوں کے خلاف یوم سیاہ کے طور پر منائے گی۔
وحدت نیوز (کوئٹہ) مجلس وحدت مسلمین کے میڈیا سیل سے جاری کردہ بیان میں ایم ڈبلیوایم کے رکن بلوچستان اسمبلی سید محمد رضانے کہا ہے کہ ہمیں ملک کی ترقی اور خوشحالی اور آنے والی نئی نسلوں کے لیے پر امن اور خوشحال پاکستان کے قیام کے لیے ملی یکجہتی کو فروغ دینا ہوگا۔آج ذاتی پسند اور ناپسند سمیت اقربا پروری ، کرپٹ معاشرے کی وجہ سے نئی نسل کے مستقبل کو داو پر لگا دیا گیا۔ جب تک معاشرتی کرپشن ،ذاتی اقربا پروری کا سدباب نہیں کیا جاتا ہم بہتری کی جانب گامزن نہیں ہو سکتے ۔ عوام کی حالت زار بدلنے کے تمام تر دعوے صرف لفاظی ہیں۔ ان دعووں میں اگر ذرا برابر بھی صداقت ہوتی تو اس کے ثمرات منظرعام پر بھی آنا شروع ہوجاتے۔
انہوں نے کہا کہ حقیقت یہ ہے کہ حکومت نے عوام پر عرصہ حیات اس قدر تنگ کر دیا ہے کہ وہ اب معاشی بدحالی کے ہاتھوں چھوٹی چھوٹی خوشیوں سے بھی محروم ہوچکے ہیں۔ حکمرانوں کو اپنا سیاست و طرز عمل بدلنا ہوگا۔ حکمرانوں کو اپنے قبلے کی درستگی کے بعد عوام کے مسائل کے حل کے لیے عملی کاوشیں کرنا ہو گی۔ تا کہ عوام کو ریلف مل سکے اور وہ معاشی آسودگی کے بعد ملک کی ترقی و خوشحالی میں اپنا کلیدی کردار ادا کرتے ہوئے استحکام پاکستان میں اپنا حصہ ڈال سکیں۔ کیونکہ معاشی طور پر خوشحال عوام ہی ریاست کی ضمانت فراہم کر سکتے ہیں۔ ہم سب اس ملک کے مقروض ہیں۔ ہمیں اپنے فرائض ادا کرکے ملک کو ترقی و خوشحالی کی راہ پر گامزن کرنا ہوگا۔ پاکستان کا تقدس بحال کرکے ملی یکجہتی کا فروغ نا گزیر ہے۔
وحدت نیوز(گلگت) گلگت بلتستان اسمبلی کے الیکشن چرانے کیلئے مسلم لیگ نے سیاسی رشوتوں کا بازار گرم کیا ہے، سیاسی پارٹیوں کے مزے لینے والی ماروی میمن کے جھوٹے وعدوں کی کوئی اہمیت نہیں۔گلگت بلتستان کے عوام ضمیر فروش نہیں ، پیسوں کے عوض ان کی وفاداری کو خریدا نہیں جاسکتا۔بینظیر انکم سپورٹ پروگرام کے تحت وظیفوں کو دوگنا کرنے کا محترمہ کا وعدہ پری پول رگنگ کے زمرے میں آتا ہے ۔ان خیالات کا اظہار مجلس وحدت مسلمین گلگت بلتستان کے سیکریٹری سیاسیات غلام عباس نے اپنے ایک بیان میں کیا ہے۔
انہوں نے کہا کہ نواز لیگ کی حکومت کو دو سال کا عرصہ پورا ہونے کو ہے انہیں بینظیر انکم سپورٹ پروگرام کے تحت وظائف کو دوگنا کرنے کا خیال گلگت بلتستان اسمبلی الیکشن کے وقت یاد آگیا جو صرف اور صرف الیکشن کو ہائی جیک کرنے کی سازش ہے۔نواز لیگ کی گلگت بلتستان کے عوام سے بدنیتی کسی سے پوشیدہ نہیں ،جب بھی نواز لیگ برسراقتدار آئی ہے گلگت بلتستان کے عوام کے حقوق غصب کئے گئے ہیں۔ انہیں صرف اپنے اقتدار سے غرض ہے عوام سے کوئی غرض نہیں،برجیس طاہر کی بطور گورنر گلگت بلتستان تعیناتی سے صاف واضح ہوگیا ہے کہ ان کی نظر میں گلگت بلتستان میں کوئی شخص اس عہدے کا اہل نہیں ۔پاکستان کے عوام کو لوڈشیڈنگ سے نجات دلانے کے جھوٹے وعدوں اور نعروں سے برسر اقتدار آنے والی جماعت سے کیا توقع کی جاسکتی ہے کہ وہ گلگت بلتستان کے عوام کے ساتھ کئے گئے وعدوں کو وفا کرسکے۔انہوں نے کہا کہ نواز لیگ گلگت بلتستان کو پاکستان کا حصہ سمجھنے سے انکاری ہے اور علاقے کو متنازعہ بناکر آئینی حقوق سے محروم رکھنے کا جواز تلاش کررہے ہیں ۔
وحدت نیوز (اسلام آباد) یمن پر سعودی و اتحادیوں کی فضائی جارحیت کی مزمت کرتے ہوئےمجلس وحدت مسلمین پاکستان کے مرکزی سیکریٹری امور خارجہ اورڈپٹی سیکریٹری جنرل علامہ ڈاکٹر سید شفقت حسین شیرازی نے کہا کہ سعودی سلفی افواج کا یمن پر حملہ دراصل یمنی عوام کے ارادے اور آزادی پر حملہ ہے ،جب کہ یمنی عوام کو حق حاصل ہے کہ وہ اپنے مستقبل کا فیصلہ خود کریں اور خالصتا عوامی تحریک انصاراللہ اور یمنی افواج کا سعودی و اسرائیلی پٹھو ہادی عبد الرب منصور کے خلاف حریت پسند تحریک چلانا عوامی ارادیت ہے اور اس کو دبانے کے لئے سعودی عرب نے یمنی عوام کو ٹارگٹ کیا ہے اور کل رات یمنی علاقوں میں جو شب خون مارا گیا اس سے سعودی سفاکیت کا واضح چہرہ دیکھا جا سکتا ہے کہ سعودی عرب اپنے اقتدار کو بچانے کے ہمسایہ ممالک میں کس حد عوامی قتل عام کر سکتا ہے، عالمی اداروں کو چاہیے کہ وہ سعودی اور عرب ممالک کی اس بے جا مداخلت اور شب خون مارنے کے خلاف کاروائی کریں کیونکہ یہ یمن کے تشخص پر حملہ ہے، ہم اقوام متحدہ سے مطالبہ کرتے ہیں کہ سعودی عرب کی اس بڑھتی ہوئی جارحیت کو لگام دے اور یمنی عوام کو اپنے مستقبل کا فیصلہ کرنے کا پورا حق دیا جائے تاکہ وہ اپنے مستقبل کا بہتر فیصلہ کر سکیں۔
وحدت نیوز (اسلام آباد) بین المذاہب ہم آہنگی کے بغیرانتہا پسندی کو شکست دینا ممکن نہیں،شیعہ سنی اسلام کے دو بازو ہیں،ان کے درمیان تفریق ڈالنے والے دراصل استعمار کے ایجنٹ ہیں،ہم اپنے اہل سنت بھائیوں کے ساتھ مل کر ملک سے انتہا پسندی اور فرقہ واریت کا خاتمہ کریں گے،دشمن مسلمانوں کے اتحاد سے خوفزدہ ہیں،ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے مرکزی کابینہ کے اراکین سے خطاب میں کیا ،انہوں نے کہا کہ اسلام مخالف طاقتیں مسلمانوں کو آپس میں لڑا کر دنیا میں اسلامی تشخص کو پامال کر رہی ہیں،بعض ناداں مسلم حکمران ان اسلام دشمنوں کے ہاتھوں یرغمال ہیں،پاکستان میں انتہا پسندوں کو پرموٹ کرنے میں انہی طاقتوں نے اہم کردار ادا کیا،جہاد کے نام پر مغربی مفادات کا دفاع کیا گیا،دنیا بھر سے انتہا پسندوں کو پاکستان امپورٹ کرکے ملکی سلامتی کو داوُ پر لگایا گیا،قوم پرستی،لسانیت اور فرقہ واریت کو ہوا دے کر معصوم لو گوں کا قتل عام کیا گیا،مٹھی بھر یہ شرپسند وہ بھیڑیے ہیں جو اس کو پالیں گے کل اسی کو چیر پھاڑ کر رکھ دینگے،علامہ راجہ ناصر کا کہنا تھا کہ پاکستان کے ریاستی اداروں اور عوام کے پاس اب یہ آخری موقع ہے کہ وہ ان شرپسندوں اور ان کے ہمدروں کو معاشرے سے الگ کریں بصورت دیگر اس کا خمیازہ ہماری نسلیں بھگتیں گی۔
