The Latest
وحدت نیوز (گلگت) د ہشت گردی کے خاتمے کے لیے ضرب عضب کا دائرہ کار ملک بھر میں پھیلایا جائے ۔گلگت بلتستا ن میں قیام امن کو یقینی بنانے کے لیے عوام کو از خود بھی متحرک ہوکر اپنے صفوں میں دہشت گردوں کو بے نقاب کرے۔مجلس وحدت مسلمین بلا تفریق مذہب ہر مظلوم کے قوق کے لئے جدوجہد کر رہی ہے۔ان خیالات کا اظہار مجلس وحدت مسلمین کے اقلیتی ونگ کی تشکیل کے موقع پر خطاب کرتے ہوئے علامہ شیخ نئیر عباس مصطفوی نے کیا،انہوں نے کہا کہ مجلس وحدت مسلمین میں تمام مسلمانوں کے علاوہ اقلیتی افراد کے لئے بھی گنجائش موجود ہے۔انھوں نے کہا کہ مجلس وحدت مسلمین نے شروع دن سے ہی دھشت گردی کے خلاف احتجاج کیا ہے۔اور گزشتہ دنوں میں عبادت گاہوں کوپے در پے نشانہ بنایا گیا ہے اور اس کے نتیجے میں سینکڑوں افراد شہید ہوئے ہیں اور بد قسمتی سے اپنے جنازوں پر احتجاج کی بھی اجازت نہیں دی جارہی ہے۔اورمجلس وحدت مسلمین گلگت کے شیخ علی حیدر کے خلاف FIRکی شدید الفاظ میں مذمت کرتے ہوئے کہا کہ اس جھوٹے مقدمے کو فوری ختم کیا جائے ۔انہوں نے رحمان مسیح کو اقلیتی ونگ مجلس وحدت مسلمین گلگت بلتستان کا سکریٹری جنرل منتخب کیا اور مجلس وحدت مسلمین کو یہ اعزاز حاصل ہے کہ یہ گلگت بلتستان میں واحد جماعت ہے جس نے باضابطہ اقلیتی ونگ تشکیل دیا۔
وحدت نیوز (کوئٹہ) مجلس وحدت مسلمین کوئٹہ ڈویژن کے جاری کردہ بیان میں حلقہ 9سے ایم ڈبلیوایم کے کونسلرمحمد مہدی نے کہا ہے کہ امتحانی نظام میں نقل کے رجحان نے ہمارے تعلیمی نظام کو تباہ کرکے رکھ دیا ہے۔حکومت بلوچستان معیاری تعلیم کی فراہمی اور امتحانی نظام کو بہتر بنانے کے لیے اقدامات کرے۔ امتحانات میں غیر قانونی ذرائع استعمال کرکے زیادہ نمبر تو حاصل کر لیے جاتے ہیں۔ لیکن جب معاملہ دیگر صوبوں سے مقابلے کا آتا ہے تو بہت کم تعداد میں امیدوار معیار پر پورا اُترتے ہیں۔ بلوچستان کی پسماندگی ، غربت اور افلاس کی بڑی وجہ غیر معیاری تعلیم ہی ہے۔ کرپشن اور رشوت نے جہان دیگر ملکی اداروں کو کھوکھلا کر دیا ہے اس نے تعلیمی نظام کو بھی بری طرح متاثر کیا ہے۔ اس طرح نقل نے بھی ہمارے نظام تعلیم کو کھوکھلا کرکے رکھ دیا ہے۔ اور معیار تعلیم میں سب سے بڑی رکاوٹ ہے۔ اس ناسور کو جڑ سے ختم کرنے کے لیے عملی اقدامات نا گزیر ہیں۔ معیار تعلیم اور نقل کے سدباب کے لیے معاشرے کے ہر فرد خصوصاً طلباء و طالبات ، اساتذہ اور والدین کو کردار ادا کرنا ہوگا۔ جس کے خاتمے کے بغیر تعلیمی ترقی ناممکن ہے۔ نئی نسل کے روشن مستقبل کو یقینی بنانے کے لیے تعلیم کے شعبے کو اولین ترجیح دینی چاہیے۔ حکومت تعلیم کے شعبے میں مختص فنڈز میں غیر معمولی اضافہ کرنے کے ساتھ تعلیمی اداروں میں نظم و ضبط بہتر بنانے ، تعلیمی ماحول کے ساتھ تدریس کے عمل کو با معنی اور مثبت بنانے کے لیے ٹھوس اقدامات کرے۔ محکمہ تعلیم کو نقل کے تدارک کے خاتمے کے ساتھ ساتھ اسکولوں کی حالت زار کی بہتری اور تعلیمی معیار موثر بنانے کے لیے اقدامات کرنے چاہیے۔
وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں ایم ڈبلیوایم کے ڈویژنل سیکریٹری جنرل سید عباس علی نے کہا ہے کہ عوام کے لیے کمپیوٹرائزڈ شناختی کارڈ اور پاسپورٹ کے حصول کو آسان اور یقینی بنایا جائے۔عوام صبح سے لیکر شام تک نادرا اور پاسپورٹ آفس کا چکر لگاتے ہوئے تھک چکے ہیں۔ لیکن نادرا اور پاسپورٹ آفس کے عملے کو عوام کے تکالیف کا کوئی احساس نہیں ہے۔ بلوچستان کے عوام کے لیے نادرا کے قوانین ملک کے دیگر صوبوں اور شہروں سے الگ ہے۔ عوام کے لیے الگ شرائط رکھی گئی ہے اور اس طرح نادرا کے حکام ہزاروں کی تعداد میں شناختی بلاک کرکے رشوت خوری کے ذریعے عوام کو لوٹ رہے ہیں۔ بھاری رشوت کے عوض نوے فیصد بلاک شناختی کارڈ کو کلیر کیا جاتا ہے۔ نادرا کو ہرگز یہ حق حاصل نہیں ہے کہ وہ ملک میں کمپیوٹرائزڈ شناختی کارڈ کے حصول کے لیے مروجہ قانون کے برخلاف بلوچستان کے عوام کے لیے امتیازی اورخود ساختہ شرائط و قوانین مسلط کرے اور اس کے ذریعے عوام کو شناختی کارڈ اورملک کے بنیادی حق سے محروم کرے۔ بیان میں مزید کہا گیا ہے کہ نادرا اور پاسپورٹ آفس میں عوام کے ساتھ ناروا سلوک بلخصوص ہزارہ قوم کے ساتھ توہین امیز رویے کی شدید مذمت کرتے ہیں۔ صوبائی حکومت اور محکمہ داخلہ بلوچستان وفاقی محکمہ داخلہ سے بات چیت کرکے اس سنگین مسئلے کو حل کریں۔ تاکہ بلوچستان کے عوام سکھ کا سانس لے سکے۔
وحدت نیوز (مظفرآباد) نومنتخب سیکرٹری اطلاعات مجلس وحدت مسلمین آزاد جموں و کشمیر سید حمید حسین نقوی نے اس موقع پر کہا کہ مجلس وحدت مسلمین آزاد جموں و کشمیر آزاد کشمیر کی سطح پر صحافی برادری کے ساتھ برادران تعلقات رکھتی ہے، جبکہ کئی پروگرامات میں ریاست کے بڑے اخباروں نے سپیشل ایڈیشن کا اہتمام کیا ہے، الحمد للہ ریاستی میڈیا نے ہمارے ساتھ بہر صورت تعاون کیا ، ان خیالات کا اظہار انہوں نے مرکزی دوروزہ میڈیا ورکشاپ میں شرکت کے موقع پر کیا ، انہوں نے کہا کہ آزاد کشمیر کیوں کہ دشوار گزار پہاڑی سلسلوں پر مشتمل خطہ ہے ، کئی ساری مشکلات کے باوجود ریاستی صحافی برادری نے اپنے فرائض ہائے منصبی احسن طریقے سے انجام دیئے ہیں ،جبکہ حکومت آزاد کشمیر نے آج تک صحاضی برادری کو ان کے جائز حقوق دینے سے گریز کیا ہے، پرنٹ میڈیا کو مراعات نہ ہونے کی بنا پر الیکٹرانک میڈیا بھی تحریک آزاد ی کشمیر کے بیس کیمپ میں نہ ہونے کے برابر ہے، ہونا تو یہ چاہیے تھا آزاد کشمیر کے دارالحکومت جسے تحریک آزادی کشمیر کا بیس کیمپ بھی کہا جاتا ہے میں میڈیا کو پوری مراعات دیں جاتیں ، میڈیا سے وابستہ افراد کے مسائل حل کیئے جاتے ، تا کہ وہ آزادی کی اس آواز کو دنیا کے گوش و کنار میں پہنچا سکتے ، مگر آزاد کشمیر کے حکمران رائیونڈ و زرداری ہاؤسز کی یاترا پرہوتے ہیں ، وہ عوامی و قومی مسائل کیا حل کریں گے۔ میڈیا ریاست کا اہم ستون ، ملک و قوم کی نمائندہ آواز ہے، جب تک اس آواز و آواز کے ذرائع مضبوط نہیں کیئے جاتے تو یہ آواز یہیں دب کر رہ جائے گی، ریاستی حکومت کو اس جانب فوری توجہ دینے کی ضرورت ہے۔ تفصیلات کے مطابق نومنتخب سیکرٹری اطلاعات مجلس وحدت مسلمین پاکستان آزاد جموں و کشمیر سید حمید حسین نقوی کی دیگر عہدیداران کے ساتھ اسلام آباد میں دو روزہ میڈیا ورکشاپ میں شرکت ، ان کے ہمراہ سیکرٹری جنرل ضلع نیلم برادر سید ظاہر علی نقوی ، سیکرٹری اطلاعات نیلم وجاہت نقوی، نمائندہ MWMضلع مظفرآباد سید مجاہد حسین کاظمی، سیکرٹری اطلاعات میرپور برادر سید قمر عباس و ممبر کابینہ ضلع باغ بھی شریک ہوئے ۔
وحدت نیوز (ڈیرہ اللہ یار) مجلس وحدت مسلمین بلوچستان کے صو بائی سکریٹری جنرل علامہ میر مقصود علی ڈومکی نے کہا ہے کہ پورے ملک سے دہشت گردگروپوں کا خاتمہ کرکے پاکستان کو امن کا گہوا را بنایا جا سکتا ہے، ان خیالات کا اظہار انہوں نے ضلع جعفر آباد بلوچستان کے سیاسی رہنما سابقہ مقامی چیئر مین بشیر احمد ڈومکی اور ڈیرہ اللہ یار کے نمائندے نذیر حسین ڈو مکی سے خصوصی ملاقا ت کے دوران اظہار خیال کر تے ہوئے کیا، مجلس وحدت مسلمین بلوچستان کے ہر ضلع میں فعال ہے ہمارے عہدہ دار اور کار کن مشکل ترین حالات میں بھی امن کا پیغام پھیلا رہے ہیں شکار پور کا سانحہ ایک المناک واقعہ تھا جس کی جتنی بھی مذمت کی جائے وہ کم ہے ضلع شکار پور دہشت گرد گروپوں اور تنظیموں کا گڑ بن گیا ہے ان خلاف فور طور پر کریک ڈاؤن کر کے ان کا خاتمہ کیا جائے اس موقع پر آغا سیف علی ڈومکی،منور علی ساجدی بھی موجود ہے۔
وحدت نیوز (کوئٹہ) مجلس وحدت مسلمین کے میڈیا سیل سے جاری بیان ایم ڈبلیوایم کے رکن بلوچستان اسمبلی سید محمد رضا نے کہا ہے کہ رویوں میں مثبت تبدیلی ،سیاسی و معاشی استحکا م کا با عث بنتے ہیں ۔اسلام امن ،تحمل برداشت اور باہمی تعاون کی تعلیم دیتا ہے یہ نہ صرف مسلمانوں بلکہ رنگ و نسل ، مذہب کی تفریق کے بغیر تمام انسانوں کے بے جا قتل کی سختی سے ممانعت کر تا ہے۔سیاسی جماعتوں میں عدم برداشت اور غیر جمہوری رویے کی وجہ سے پاکستان میں جمہوری ادارے مضبوط نہ ہو سکے ۔عدم برداشت کے بڑھتے ہوئے رحجان سے آج جمہوری ادارے زبوں حالی کا شکار ہیں ۔بلکہ اس منفی طرز عمل کے فروغ نے عوام کو جمہوریت کے ثمرات سے بھی کوسوں دور رکھا ہے۔ وسائل پر عدم اختیار اور دولت کی غیر منصفانہ تقسیم نے نہ ختم ہونے والے مسائل کو جنم دیا۔ملک کی آبادی کا بڑا حصہ آج بھی غربت کی لکیر سے نیچے زندگی گزارنے پر مجبور ہیں ۔رزق کے لیے عرصہ حیات تنگ ہونا معاشرے کے سدھار میں سب سے بڑی رکاوٹ اور قومی المیہ ہے آئین کا مکمل نفاذ ہی ملک میں مختلف اقسام کے مافیاز،سیاسی جماعتوں کے عسکری ونگز اور ناجائز دولت کے نظام حکومت و ریاست پر غلبِے کو کم اور ختم کر سکتا ہے مگر افسوس غلبہ آئین و قانون کی بجائے مسلسل مافیاز اور خاندانی سیاسی جماعتوں کے اجارہ دار قائدین اوران کے پیاروں کا ہی ہوتا رہا ہے۔قائدین کی ان اجارہ داریوں نے ملک میں سیاسی جماعتوں کی نشوونما ہونے ہی نہیں دی ۔بیڈ گورننس،قانوں کی دہری عملداری، خاندانی سیاست ،مافیا ز کا راج،کرپشن کلچرکی وجہ سے سیاسی جماعتیں طاقت پکڑہی نہ سکی اور ملک معاشی طور پر مستحکم نہ ہو سکا۔
وحدت نیوز (اسکردو) مجلس وحدت مسلمین پاکستان بلتستان ڈویژن کے آفس سے جاری ایک بیان میں ایم ڈبلیوایم کے ڈویژنل ترجمان فداحسین نے کہا ہے کہ گلگت بلتستان میں کرپشن کے خلاف کریک ڈاون اور انکوائری محض ڈونگ اور سیاسی حربے کا حصہ ہے مسلم لیگ نواز چاہتی ہے کہ کرپشن کیخلاف انکوائری کا ڈھونگ رچا کے عوامی رائے عامہ کو گمراہ کرے اور عوامی میں نرم گوشہ بنائیں۔ اس سے پہلے بھی گلگت بلتستان میں کرپشن کے خلاف انکوائری کے نام پر لاکھوں روپے کے اڑائے گئے اخبارات میں خبروں کی ریل پیل رہی اور ایک طویل جدوجہد کے بعد کھودا پہاڑ اور نکلا چوہا کے مصداق قومی خزانے کو نقصان پہنچانے کے سوا کچھ نہیں ہوا۔ اس کا مطلب یہ نہیں کہ ہم نہیں چاہتے کہ کرپٹ عناصر اور قومی خزانے کو نقصان پہنچانے والے کا احتساب نہ کیا جائے مجلس وحدت تو پانچ سالوں سے کرپشن کے خلاف اعلان جنگ کر رہی اور ریاستی خرانے کو نقصان پہنچانے والے تمام عوامل اور شخصیات کے خلاف برسر پیکار ہے۔ گورنر گلگت بلتستان اور صوبائی نگران حکومت عوام کو بیوقوف نہ بنائیں حال ہی میں متعدد قومی اداروں میں رشوت اور سیاسی دباو کے ذریعے تقرریوں کا سلسلہ شروع ہو ا ہے۔ مسلم لیگ نواز چور دروازوں سے بھرتیوں اور تبادلوں کے ذریعے انتخابات کو یرغمال بنانے کی کوشش کر رہی ہے اگر ثبوت کی ضرورت ہے تو حال ہی میں نگران حکومت میں محکمہ تعلیم میں ہونے والی غیرقانونی بھرتیاں کافی ہے۔مسلم لیگ نواز ہر سطح پر اور ہر ادارے میں طاقت کا استعمال کر رہی ہے اور الیکشن سے پہلے ہی رعب جما کے من مانی کے نتائج لینا چاہتے ہیں ۔
انہوں نے مزید کہا کہ گلگت بلتستان میں انتخابات سے قبل تمام تبادلوں اور تقرریوں پر پابندی عائد ہونی چاہیے لیکن مسلم لیگ نواز ڈنڈی مارنے کے لیے ایسا نہیں کر سکتی اور نہ ہی نگران حکومت و خارجی گورنر آمادہ ہے۔ حساس ادارے اور سیکیورٹی اداروں کے علم میں یہ بات ہوگی کہ مسلم لیگ نواز کے چند افراد اہم ریاستوں اداروں میں چور دروازوں سے بھرتیوں کے لیے اسلام آباد کا چکر لگا رہے ہیں جبکہ متعلقہ سربراہاں کو بھی ذہنی کوفت اور اذیت میں دھکیلا جا رہا ہے اور ان سے غیر قانونی تقرریوں کا تقاضا کیا جا رہا ہے۔پاکستان کے ریاستی ادارے کسی سیاسی جماعت کی نہیں بلخصوص حساس ریاستی اداروں میں اسلام آباد کے آقاوں کے ذریعے سے دھمکانا قانون کو ہاتھ میں لینے کے مترادف ہے جسے ہرگز معاف نہیں کیا جا سکتا ۔گلگت بلتستان میں انتخابات سے قبل ہی مسلم لیگ نواز نے طاقت اور جبر کے ذریعے حکومت قائم کی ہے اور جن اداوں میں اصول پسند افراد موجود ہوں ان کی تبادلیوں کے لیے کوششیں ہو رہی ہیں۔ بلتستان کے عوام آئندہ انتخابات میں دھاندلی کو روکنے کے آمادہ رہے، الیکشن کمیشن یعنی مسلم لیگ نواز کے عہدیدار ، گورنر گلگت بلتستان اور نگران حکومت کی فوج ظفر موج انتخابات کو یرغمال بنانے کے لیے کوششیں رہی ہیں عوام جمہوریت طاقت سے ان غیرجمہوری اقدامات اور عزائم کو خاک میں ملانے کے لیے آمادہ رہیں۔
وحدت نیوز(قم المقدسہ)مجلس وحدت مسلمین پاکستان کے مرکزی ڈپٹی سیکرٹری جنرل اورمرکزی سیکریٹری خارجہ امور کے ڈاکٹر علامہ سید شفقت حسین شیرازی نے کہا ہے کہ حکمران خطے میں آنے والی تبدیلیوں اور پاکستان کے مفادات کو تعصب کی عینک اتار کر دیکھیں اور دوسروں کے مفادات پر ملکی سالمیت کو قربان نہ کریں۔ ایران (قم المقدسہ) سے جاری اپنے ایک بیان میں ایم ڈبلیو ایم کے مرکزی رہنما نے پاکستان کے اندر جاری شیعہ نسل کشی، حالیہ حکومتی پالیسوں اور تکفیری کالعدم تنظیم کے سربراہ احمد لدھیانوی کے جیو ٹی وی پر ملت تشیع کی تکفیر کرنے اور شیعہ قتل کا کھلم کھلا اعتراف کرنے پر شدید مذمت کی ہے۔ ایم ڈبلیو ایم کے مرکزی رہنما کا کہنا تھا کہ شعیان پاکستان کی مساجد و امام بارگاہوں میں حملے ہو رہے ہیں اور حکومتی نمائندے اپنے اقتدار کو دوام بخشنے کے لئے مختلف ہتھکنڈے اپنا رہے ہیں۔ شیعہ کے کفر کے فتوے دینے والوں کے خلاف کارروائی کی جائے کیونکہ یہی لوگ معصوم اور پرامن شہریوں کے اصل قاتل ہیں۔
ڈاکٹر علامہ شفقت شیرازی کا مزید کہنا تھا کہ تشیع پاکستان بیدار ہیں اور ملک کی سالمیت پر حملہ کرنے والے ان مجرموں کو وطن عزیز کا امن تباہ کرنے کی اجازت نہیں دیں گے، دشمن تکفیریوں کی شکل میں پاکستان کی سرحدوں کے اندر دندناتا پھر رہا ہے اور ملک کے امن و امان کو تباہ کر رہا ہے۔ لہذا حکومت عوام کی امنگوں کی ترجمانی کرتے ہوئے دشمنان وطن کو آہنی ہاتھوں سے لے اور اپنی آئینی و قانونی ذمہ داریوں کو پورا کرے، وگرنہ عوامی ردعمل ان کے اقتدار کو بہا لے جائے گا اور عوامی حمایت و تائید کے بغیر اس فتنہ دہشتگردی کا مقابلہ ناممکن ہے۔ انکا مزید کہنا تھا کہ دراصل تکفیریت ہی وہ کینسر ہے جس کا علاج کئے بغیر ملک مستحکم نہیں ہوسکتا۔ حکومت اپنی پالیسیوں پر نظرثانی کرے اور ایکشن و ری ایکشن میں فرق قائم کرے، بیلنس پالیسی اور سیاسی انتقام کو ترک کرے، خطے میں آنے والے تبدیلیوں اور پاکستان کے مفادات کو تعصب کی عینک اتار کر دیکھے، درست تجزیہ و تحلیل پر مبنی استقلالی پالیسی اختیار کرے اور دوسروں کے مفادات پر ملکی سلامتی کو قربان نہ کرے۔
وحدت نیوز (لاہور) وزیر اعلیٰ پنجاب کی جانب سے شدت پسندی اور تکفیریت کے خلاف بیان خوش آئند ہے،پاکستان میں شدت پسندی اور دہشت گردی کے خاتمے کے لئے حکمران مخلصانہ اقدامات کرئے مجلس وحدت مسلمین ہر اس اقدام کی حمایت کرئے گی ،ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے اجلاس سے خطاب میں کیا انہوں نے کہا کہ پنجاب میں بیلنس پالیسی کی بنیاد پر ہمارے پر امن کارکنان کو گرفتار کیا جارہا ہے،ہم نے اس دہشت گردی کی جنگ میں سب سے بڑی قربانی دی ہے،ہمارا جرم روز اول سے یہ تھا کہ ہم ان سفال قاتلوں اور تکفیری دہشت گردوں کے خلاف تھے،ملت جعفریہ کی تاریخ گواہ ہے کہ اس نے ریاست پاکستان کے لء اپنی جانوں کے نذرانے ضرور دیے ہیں لیکن کسی ریاستی ادارے اور انسانیت کے خلاف کھبی ہاتھ نہیں اُٹھایا،انہوں نے کہا کہ پنجاب حکومت قاتل اور مقتول کو ایک صف میں کھڑا نہ کریں اور حقائق اور انصاف کے بنیادوں پر کاروائی کریں،ہمارا مطالبہ ہے کہ ہمارے بے گناہ گرفتار کارکنوں کو فوری رہا کریں ،
وحدت نیوز(کوئٹہ) بلوچستان اسمبلی میں گذشتہ روز پیش کی جانے والی قرارداد جس میں تمام اراکین کو بیلو پاسپورٹ کے اجراء کے لئے سفارش کی گئی تھی اور اس قراداد پر بحث کرتے ہوئے رکن صوبائی اسمبلی سید محمد رضا نے کہا تھا کہ کم از کم مجھ کو اپنے لئے بیلو پاسپورٹ کے حصول کے لئے دلائل دیتے ہوئے شرم محسوس ہو رہی ہے کیونکہ ہمارے لوگوں پر شناختی کارڈ اور پاسپورٹ کے حصول کو تقریباً ناممکن بنا دیا گیا ہے۔ عجیب بات ہے کہ جن کے ووٹوں سے ہم آج اس ایوان میں موجود ہیں، ان پر تو عام پاسپورٹ کا حصول بھی ناممکن ہے۔ جبکہ ہم اپنے لئے اضافی مراعات کی بات کر رہے ہیں۔ رکن اسمبلی سید محمد رضا کی اس بات کا نوٹس لیتے ہوئے اسپیکر جان محمد جمالی نے کوئٹہ پاسپورٹ آفس سے سعید عباسی کو اپنے چیمبر بلواء کر سید محمد رضا کے اعتراضات پر وضاحت طلب کی۔ اس موقع پر سید محمد رضا نے پاسپورٹ کے حصول کیلئے اپنی قوم کو درپیش مشکلات پر برہمی کا اظہار کیا۔ انہوں نے مستقبل میں پاسپورٹ کے سریع حصول کی راہ میں حائل رکاوٹوں کو دور کرنے اور پاسپورٹ آفس کے عملے کے ناروا سلوک کو بہتر بنانے کا کہا۔