The Latest
وحدت نیوز (گلگت) مجلس وحدت مسلمین پاکستان مرکزی سیکرٹری سیاسیات ناصرعباس شیرازی سات روزہ دورے پر گلگت پہنچ گئے۔ اپنے سات روزہ دورے کے دوران وہ گلگت بلتستان کی سیاسی و مذہبی شخصیات کے ساتھ ملاقاتوں کے علاوہ تنظیمی اجلاسوں سے خطاب بھی کریں گے۔ ناصر عباس شیرازی کا جی بی کا سات روزہ دورہ انتہائی اہمیت کا حامل ہوگا، اس دوران گلگت بلتستان کی اہم شخصیات نے مجلس وحدت مسلمین میں اپنی شمولیت کا اعلان کرنا ہے۔ دیگر مصروفیات کے علاوہ ناصر عباس شیرازی پولیٹیکل کونسل ایم ڈبلیو ایم گلگت بلتستان اور کور کمیٹی کے اجلاس کی صدارت بھی کریں گے، جس میں مجلس وحدت مسلمین کی آنیوالے الیکشن میں بھرپور شرکت اور کامیابی کیلئے جدید خطوط پر مبنی حکمت عملی بھی طے کی جائیگی۔ گلگت میں قیام کے دوران وہ تمام حلقوں کے دوروں کے علاوہ مختلف طبقات کے وفود، عمائدین اور اہم شخصیات سے ملاقاتیں بھی کرینگے۔ ان کا یہ ہنگامی دورہ علاقے کی سیاسی فضا میں ہلچل پیدا کرنے کا باعث بن سکتا ہے۔
وحدت نیوز (مشہد) مجلس وحدت مسلمین پاکستان کے مرکزی ڈپٹی سیکرٹری جنرل اور خارجہ امور کے سیکریٹری علامہ ڈاکٹر سید شفقت حسین شیرازی نے کہا ہے کہ امت اسلامیہ اس وقت جس مصیبت میں مبتلا ہے، اس کی اصل وجہ تکفیریت ہے، اس شجرہ خبیثہ کی وجہ سے عالم اسلام کا چہرہ مسخ ہو رہا ہے اور دنیا میں اسلام دشمن قوتیں اسلام کے خلاف گھناونی سازشوں میں مصروف ہیں۔ ان خیالات کا اظہار انہوں نے مشہد مقدس کے حالیہ دورے کے دوران تسنیم انٹرنیشنل نیوز ایجنسی کو دیئے گئے ایک انٹرویو میں کیا۔ ان کا کہنا تھا کہ امریکہ و اسرائیل کی مدد سے بنائی گئی داعش جیسی تنظیم کو اب شام و عراق میں شکست فاش ہو رہی ہے اور بہت جلد اس کا وجود مٹ جائے گا، اس وقت عالم اسلام کی ذمہ داری بنتی ہے کہ ہم اپنے اندرونی اختلافات کو پس پشت ڈال کر تکفیریت کے اس کینسر سے نجات حاصل کریں۔ پاکستان میں مجلس وحدت مسلمین کی فعالیت اور درپیش چیلینچز پر بات کرتے ہوئے ان کا کہنا تھا کہ پاکستان میں شیعہ سنی مسالک کو یکجا کرنے میں ایم ڈبلیو ایم کا بنیادی کردار ہے۔ اب پاکستان میں کوئی نہیں کہہ سکتا کہ ملک میں مسلکی بنیادوں پر جنگ ہو رہی ہے کیونکہ اصل تکفیری آشکار ہوگئے ہیں، وہ لوگ جو پاکستان کا نئچرل ڈیفنس ہیں، وہ آج ایک دوسرے کے ہاتھوں میں ہاتھ ڈال کر کھڑے ہیں اور تکفیریت کا منہ توڑ جواب دینے کو تیار ہیں۔
وحدت نیوز (کویت) مجلس وحدت مسلمین پاکستان کے سیکریٹری جنرل علامہ ناصر عباس جعفری نے کہا ہے کہ دہشتگرد کسی ایک فرقے کے نہیں امن اور اسلام کے دشمن ہیں، اتحاد و یکجہتی کے بغیر ہم اسلام دشمنوں کے عزائم کو خاک میں نہیں ملا سکتے، پاکستان میں شفاف انتخابات کے بغیر حقیقی جمہوریت اور عوام کی حکمرانی ممکن نہیں ہوسکتی، حکمران قوم کو صرف تسلیاں دے رہے ہیں، مسائل کے حل کیلئے ان کے اقدامات ''زیرو'' ہیں۔ کویت میں مختلف وفود سے گفتگو کرتے ہوئے انہوں نے کہا کہ ہماری جماعت نے ہمیشہ پاکستان میں امن، ترقی و خوشخالی اور عوام کی حکمرانی کی بات کی ہے، اور ہم آج بھی اپنی اصولی اور نظریاتی سیاست پر قائم ہیں، جس کیلئے ہم نے پہلے بھی قربانیاں دی ہیں اور آئندہ بھی ہر قربانی دینے کو تیار ہیں۔ انہوں نے کہا کہ پاکستان کے عوام چاہتے ہیں کہ ملک کو دہشت گردوں اور ان کے حمایتوں سے پاک کیا جائے اور اسی لئے ہم نے بھی ہمیشہ افواج پاکستان کا دہشت گردی کے خاتمے کیلئے بھرپور ساتھ دیا ہے, لیکن آج ضرورت اس بات کی نہ صرف قومی ایکشن پلان پر تمام صوبائی اور وفاقی حکومت مکمل عمل کریں بلکہ قوم کو بھی اتحاد و یکجہتی کا مظاہرہ کر نا ہوگا, تاکہ ملک دشمن دہشت گردوں کے ناپاک عزائم کو ناکام بنایا جاسکے۔ انہوں نے کہا کہ ہم پاکستان میں شفاف انتخابی نظام چاہتے ہیں, کیونکہ اس کے بغیر حقیقی جمہوریت اور عوام کی حکمرانی ممکن نہیں ہوسکتی۔
انہوں نے کہا کہ آج ضرورت اس بات کی ہے کہ وفاقی اور صوبائی حکو متوں کے ساتھ ساتھ سیکورٹی ادار ے بھی دہشت گردوں کو سپورٹ کر نیوالے افراد اور ان کالعدم تنظیموں کے خلاف آپر یشن کر یں تا کہ ملک کو مکمل طور پر انتہاپسندوں اور دہشت گر دوں سے پاک کیا جاسکے ورنہ امن کا قیام ایک خوب ہی رہیگا جسکا حکمرانوں کو جواب دینا ہوگا ۔ انہوں نے کہا کہ (ن) لیگ نے عام انتخابات میں قوم سے جو وعدے کیے ان میں سے کسی ایک پر عمل نہیں کیا جا سکا جو انکی سب سے بڑی ناکامی ہے ۔ انہوں نے کہا کہ اوورسیز پاکستانی پاکستان کی معیشیت کے لئے ریڑھ کی ہڈی کے مانند ہیں، دیگر ممالک کے بجائے پاکستان میں سرمایہ کاری بیرون ملک مقیم پاکستانیوں کی ترجیح ہونا چاہئے،پاکستان کے جفاکش عوام کے لئے شجاع اور ایماندار قیادت اگر میسر ہو تو ملک ایشین ٹائیگر کیا پوری دنیا پاکستان کا محتاج ہو گا ہمارے حکمران ملک اور عوام سے مخلص نہیں تبدیلی نعروں سے نہیں آتی عملی اقدامات کر نا ہوگا،پاکستان کے مستقبل کو محفوظ بنانے کے لئے کرپٹ اور لٹیرے سیاست دانوں سے نجات حاصل کرنا ہوگا بصورت دیگر عوام اسی طرح ان ظالموں کے ہاتھوں یرغمال رہے گی ۔
وحدت نیوز (کمالیہ) مجلس و حدت مسلمین پنجاب کے سیکریٹری جنرل علا مہ عبدالخالق اسدی نے کہا ہے کہ موجود ہ حکومت عوام کے تحفظ کی بجائے عالمی استعماری طاقتوں کا تحفظ کر رہی ہے اس ملک میں شیعہ سنی کوئی فساد نہیں بلکہ انہیں ملک کر ہی پاکستان کو بچانا ہو گا حکومت ہندوستان کے بارے میں زیادہ فکر مند ہے کیونکہ ان کے ہندوستان میں اپنے کاروبار ہیں تاجر کو سیاست میں نہیں آنا چاہیے ہندوستان بلو چستان سمیت پورے ملک میں دہشت گردی کر رہا ہے۔ ان خیالات کااظہارانہوں نے گزشتہ روز ٹوبہ ٹیک سنگھ سے لاہور جاتے ہوئے پر یس کلب کمالیہ میں صحافیوں سے گفتگو کے دوران کیا۔
انہوں نے کہا کہ پوری دنیا میں ہر ملک کے کچھ بنیادی اصول ہوتے ہیں اور انہیں کوئی پامال نہیں کرتا جبکہ پاکستان میں صورتحال اس کے برعکس ہے حکومتیں عوام کے تحفظ کی بجائے غیر ملکی طاقتوں کے تحفظ کے لیے کام کرتی ہیں انہوں نے ایک سوال کے جواب میں کہا کہ پاکستان میں شیعہ سنی کی کوئی لڑائی نہیں بلکہ لوگ شیعہ سنی کے نام پر سیاست کر رہے ہیں انہوں نے بھارت پاکستان سرحدوں کی خلاف ورزی کے سوال پر کہا کہ بھارت بلو چستان سمیت پورے ملک میں دہشت گردی کررہا ہے جبکہ ہمارے حکمران خاموش ہیں۔
انہوں نے حالیہ گرفتاریوں کے حوالہ سے شدید مذمت کی کہ پانچ ہزار اہلسنت علماء کو گرفتار کیاگیا ہے جو کہ بلا جواز ہے اگر حکومت حقیقی معنوں میں دہشت گردی کا خاتمہ چاہتی ہے تو وہ بلاامتیاز ایسے مدارس اور مراکز کے خلاف ایکشن لے جہاں سے دہشت گردوں کو امداد اور تربیت فراہم ہوتی ہے اور پھر ایسے افراد کو عوام کے سامنے بے نقاب کیاجائے انہوں نے جمعیت علماء اسلام کے مرکزی امیر مولانا سمیع الحق سے امن مذاکرات کے حوالہ سے کہا کہ جو طالبان کو اپنے بچے کہتے ہیں ان سے کیا توقع رکھی جاسکتی ہے اس موقعہ پر صوبائی سیکریٹری تحفظ عزاداری کونسل سجاد بیگ ایڈووکیٹ بھی انکے ہمراہ تھے ۔
وحدت نیوز (گلگت) مجلس وحدت مسلمین نے عوامی ایکشن کمیٹی سے باقائدہ علیحدگی کا اعلان کردیا ہے، اس حوالے سے ایم ڈبلیوایم گلگت بلتستان کی صوبائی کابینہ کا ایک اہم اجلاس صوبائی سیکریٹری جنرل علامہ شیخ نیئر عباس مصطفوی کی صدارت میں صوبائی سیکریٹریٹ وحدت ہاؤس میں منعقد ہوا، اجلاس میں کہا گیا کہ عوامی ایکشن کمیٹی کئی ماہ سے اپنے بنیادی مقاصد سے پیچھے ہٹتے ہوئے مخصوص سیاسی سوچ پر پروان چڑھ رہی ہے،جوکہ وطن دشمنی کی عکاسی کرتی ہے، جوکہ مجلس وحدت مسلمین کے بنیادی موقف اور منشور سے متصادم ہے،جبکہ ایم ڈبلیوایم ایک محب وطن جماعت ہے، اجلاس میں کہا گیا کہ گلگت بلتستان کو پاکستان کا پانچواں آئینی صوبہ بنانے کی جدوجہد مجلس وحدت کے بنیادی اہداف میں شامل ہے،عوامی ایکشن کمیٹی کی تاسیس کا ہدف عوامی حقوق کا تحفظ تھا اس بناء پر ایم ڈبلیوایم اس کمیٹی میں شامل تھیں اب جبکہ کمیٹی میں شامل بعض عناصر اس پلیٹ فارم کو اپنے مذموم مقاصد کیلئے استعمال کرتے ہوئے اسے سیاسی جماعت کا رنگ دے کراپنی سیاست چمکانے میں مصروف ہیں تو ایم ڈبلیوایم کے کمیٹی میں رہنے کا جواز ختم ہو چکا ہے، اجلا س میں اس بات کا فیصلہ کیا گیا کہ چونکہ ہمارے آباؤ اجداد نے اس خطے کو پاکستان میں شامل کروانے کیلئے اسے آزاد کروایا تھا لہٰذامجلس وحدت مسلمین اس خواب کو حقیقت بنانے کی جدوجہد جاری رکھے گی،اجلاس میں طویل مشاورت کے بعد فیصلہ کیا گیا کہ آج کے بعد ایم ڈبلیوایم کا عوامی ایکشن کمیٹی کی سرگرمیوں سے کسی قسم کا کوئی تعلق نہیں ہوگا۔
دوسری جانب علامہ شیخ نیئر عباس نے نواز لیگ کی جانب سے غیر آئینی انداز سے نگراں وزیر اعلیٰ ، نگراں کابینہ اور الیکشن کمشنر کی تعیناتی کے بعد غیر آئینی گورنر کی تقرری کو شدید تنقید کا نشانہ بنا یاہے، ان کاکہنا تھا کہ رکن قومی اسمبلی اورموجودہ وفاقی وزیربرجیس طاہر کو گورنر گلگت بلتستان متعین کرکے نواز لیگ نے اپنے مکراہ عزائم ظاہر کردیئے، جس جماعت کے وزراء کے نذدیک گلگت بلتستان پاکستان کا حصہ ہی نہیں انہیں کوئی حق نہیں پہنچتا کہ وہ ایک غیر مقامی شخص جوکہ پہلے ہی ایک منتخب ایوان کا رکن اور وفاقی وزیر کی ذمہ داری پر فائز ہو کو گلگت بلتستان کا گورنر نامزد کرے، انہوں نے کہا کہ مجلس وحدت مسلمین نواز لیگ کی جانب سے پری پول ریگنگ کی تیاریوں پر گھری نگاہ رکھے ہوئے ہے، اگر نواز لیگ اپنے اوچھے ہتھکنڈوں سے باز نہ آئی توگلگت بلتستان کے غیور عوام نواز لیگ پر گلگت بلتستان کے دروازے ہمیشہ کیلئے بند کردیں گے۔
وحدت نیوز (مظفرآباد) مجلس وحدت مسلمین کامیابی سے اپنی منزل کی جانب رواں دواں ہے، ہمارا مقصد ملت مظلومہ و محرومہ کی ترجمانی ، بفضل خدا حق ادا کر رہے ہیں ، مظلوموں کی آواز کا دوسرا نام مجلس وحدت مسلمین ہے، ان خیالات کا اظہار ریاستی سیکرٹری جنرل مجلس وحدت مسلمین پاکستان آزاد جموں و کشمیر کے ریاستی سیکرٹری جنرل علامہ سید تصور حسین نقوی الجوادی نے ریاستی شوریٰ کے اجلاس میں خطاب کرتے ہوئے کیا ، انہوں نے کہا کہ مجلس وحدت مسلمین مظلوموں کی حمایت ، ظالموں کے خلاف میدان عمل میں ہے، چاہے اس عمل کے لیئے جو قربانی بھی دینی پڑے ،دیتے تھے ، دیتے ہیں اور دیتے رہیں گے ، مجلس وحدت مسلمین کی کوششوں سے آج ملت کراچی سے کشمیر تک متحد و منظم ہے ، اتحاد و وحدت کا ایسا سماں باندھا کہ استعمار پریشان و سرگرداں تھا، کہ اس کام کے لیئے اتنی محنت کی اتنی محنت کی کہ کسی طرح شیعہ سنی کو آپس میں لڑا دیں ، جھگڑا کروا دیں، تا کہ یہ آپس میں دست و گریباں ہو کر کھوکھلے ہو جائے، بچا کھچا کام ہم سر انجام دیں گے، لیکن نہیں قائدین و علماء نے ہر سازش کو بھانپتے ہوئے ناکام بنا دیا ،انہوں نے کہا کہ مجلس وحدت ، سسکتے بلکتے محکوموں کو عیاش حاکموں سے نجات دلانے کی امید کا نام ہے، مظلوموں کی آواز بن کر جب ہم نکلے تو کسی بھی دیوار کو راستے میں رکاوٹ نہیں سمجھا، مجلس نے ہمیشہ مثبت کردار ادا کیا ، کوئٹہ کا مسئلہ ہو یا پارا چنار کا، گلگت بلتستان کا مسئلہ ہو یا کشمیر کی مظلوم و محکوم عوام کا، مجلس وحدت مسلمین نے صف اول کا کردار ادا کرتے ہوئے مظلوموں کی حمایت اورحق و سچ کی بات کی ۔نہ رکنے ،نہ جھکنے اور نہ بکنے کی پالیسی لیکر ملک کے کونے کونے میں اپنے فرائض انجام دیئے ، یہ سارے مسائل تو گھر کے مسائل دنیا میں جہاں کہیں بھی ظلم ہو ،مجلس نے اس کے خلاف آواز بلند کرنے کو فرض سمجھا ، علامہ سید تصور حسین نقوی الجوادی نے کہا کہ ہم اسی مشن و مقصد کو لیکر گراس روٹ لیول سے اس مشن کو لیکر آگے بڑھیں گے، ہم مسلمانوں کے اتحاد و اتفاق کے لیئے کام کریں گے، اضلاع فعال کردار ادا کریں ، ہم ہر سطح کے تعاون کے لیئے تیار ہیں ، شیعہ سنی اتحاد ہمارے قائد کا مشن ، ہم سفیر بن کر گھر گھر جائیں گے ،شہید قائد کے اس خواب کو شرمندہ تعبیر کریں گے ، قائد وحدت کی قیادت میں اس مشن کے لیئے متحد و منظم رہیں گے ،کراچی سے کشمیر تک اس کا عملی مظاہرہ کرتے رہے ہیں اور اس کو مزید جاندار بنائیں گے ، علامہ سید تصور حسین نقوی الجوادی نے کہاکہ مجلس وحدت مسلمین ہر مظلوم ،محکوم و محروم کی جماعت ، اپنے حق کے لیئے، مظلوموں کی آواز کے لیئے اور مسائل کے حل کے لیئے اسے مضبوط کریں ، انشاء اللہ وہ دن دور نہیں کہ جب استعمار کو شکست ہو گی اور مظلوم فتح و پیروزی سے ہمکنار ہوں گے۔انہوں نے شوریٰ اجلاس سے خطاب کرتے ہوئے عہدیداران کو ہدایت جاری کیں کہ اخلاقیات ہمارا وطیرہ ہونا چاہیے ،ہر گز اس سے منہ نہ موڑا جائے، پیغمبران ؑ و آئمہ ھدیٰ ؑ کی سیرت و سنت پر عمل،عاجزی و انکساری اور سادگی ہمارے کارکنان کا شعار ہونا چاہیے،عبادت خدا، تؤسل حبیب ؐ کبریا سے ملی بیداری لانے میں کردار ادا کیا جائے، ملنساری ،رواداری،مہر و محبت سے مجلس کے مشن کی تکمیل کارکنان کی منزل ہو گی، اتنے مستعد ہوں کہاجب ضرورت ہو آمادہ و تیار ہوں۔یہی تقاضہ دین و دنیا ہے۔اور اسی میں آخرت کی کامیابی ہے۔
وحدت نیوز (مظفرآباد) مجلس وحدت مسلمین پاکستان آزاد جموں و کشمیر کی ریاستی شوریٰ کا دو روزہ اجلاس ، صدارت ریاستی سیکرٹری جنرل ایم ڈبلیوایم پاکستان آزاد جموں و کشمیر علامہ سید تصور حسین نقوی الجوادی نے کی ،جبکہ مرکزی سیکرٹری تنظیم سازی مجلس وحدت مسلمین پاکستان برادر یعقوب حسینی نے خصوصی شرکت کی۔ اجلاس میں ریاستی کابینہ، اضلاع کے سیکرٹری جنرل صاحبان و ممبران شوریٰ نے شرکت کی ، اجلاس میں مجلس وحدت مسلمین کی گزشتہ سال کی کارکردگی پیش کی گئی جبکہ آمدہ سال کے لیئے ریاستی کابینہ نے ریاستی شوریٰ سے پروگرامات کی منظوری بھی لی ،اجلاس میں شوریٰ نے ریاستی سیکرٹری جنرل علامہ سید تصور حسین نقوی الجوادی کی قیادت کو سراہا،بھرپور اعتماد کا اظہار کیا اور اس امید کا اظہار کیا کہ وہ ملت کے لیئے اپنی کاوشوں یہ عمل جاری و ساری رکھیں گے۔ریاستی سیکرٹری سیاسیات سید تصور عباس موسوی،سیکرٹری تنظیم سازی عابد علی قریشی ،سیکرٹری تعلیم سید عمران حیدر،سیکرٹری نشر و اشاعت سید قلندر حسین نقوی ،سیکرٹری مالیات سید حسین بخاری ،سیکرٹری ویلفیئر سید عنایت حسین بخاری ، سیکرٹری وحدت اسکاؤٹس سید انصر حسین نقوی، سیکرٹری تربیت مولانا افتخار الحسن ،سیکرٹری روابط و اطلاعات سید حمید حسین نقوی و دیگر کابینہ اراکین نے اپنے اپنے شعبوں کی کارکردگی ریاستی شوریٰ کے سامنے پیش کی اور آمدہ سال کے لیئے پروگرامات کی منظوری لی۔جبکہ معاون سیکرٹری نشرو اشاعت سید پیر حسن نقوی نے ریاستی سیکرٹری نشر و اشاعت کی معاونت کی، ضلعی سیکرٹری جنرل صاحبان نے اپنے اپنے ضلع کی کارکردگی پیش کی ۔ریاستی سیکرٹری تربیت مجلس وحدت مسلمین پاکستان آزاد جمو ں و کشمیر نے ہر تین سیشن میں عہدیداران سے تربیتی عنوان پر خطاب کیا ، انہوں نے کہا کہ عہدیداران تلاوت کلام مجید فرمودات رسولؐ و آل ؑ رسول کا مطالعہ کریں ،اوران کے مطابق اپنی زندگی گزاریں ، عبادت خدا سے کبھی غافل نہ ہوں ، اس لیئے کہ کربلا کے راہی کربلا والوں ؑ کے نقش قدم پر چلتے ہیں ، جب سید الشہداء ؑ آخری وقت بھی اپنے خدا کے حضور سجدہ ریز تھے تو دشمن تیر و تلوار لیئے سر پر کھڑا تھا لیکن سیدالشہداء نے معبود کی عبادت کو جان سے افضل گردانتے ہوئے روگردانی نہ کی، اخلاقیات کا دامن ہاتھ سے نہ چھوڑا جائے ،اس لیئے کہ ہمارے سردار نبیؐ اخلاق کے اعلیٰ منصب پر فائز ،تو ان کے ماننے والے،چاہنے والے عشاق کیسے بداخلاق ہوں سکتے ہیں، حقوق اللہ کے ساتھ ساتھ حقوق العباد کا خیال رکھیں، دکھی انسانیت کی خدمت کو اپنا شعار بنائیں۔
وحدت نیوز (مظفرآباد) مجلس وحدت مسلمین پاکستان آزاد جموں و کشمیر جلد عملی میدان میں قدم رکھے گی،اور ریاست آزاد جموں و کشمیر کے اندر سیاسات میں جاندار کردار ادا کرے گی ، ان خیالات کا اظہار مجلس وحدت مسلمین پاکستان آزاد جموں و کشمیر کے ریاستی سیکرٹری سیاسیات سید تصور عباس موسوی نے ریاستی شوریٰ کے اجلاس آئندہ سال کے لیئے شعبہ سیاسیات کے پروگرام کی منظور ی کے موقع پر کیا، ریاستی شوریٰ نے پروگرام کی منظوری دیتے ہوئے شعبہ سیاسیات کو ریاست و تمام اضلاع پر مشتمل پولیٹیکل سیل بنانے کی ہدایات جاری کر دیں ، ، انہوں نے کہا کہ شعبہ سیاسیات جلد پولیٹیکل سیل تشکیل دیکر عملی میدان میں قدم رکھے گا،مجلس وحدت مسلمین پاکستان آزاد جموں و کشمیر ریاست آزاد جموں و کشمیر کے اندر اسی پولیٹیکل سیل کے ذریعے جاندار کردار ادا کرے گی، مجلس وحدت مسلمین عوامی سیاست پر یقین رکھتی ہے، عوام کے مسائل بنیادی ترجیح ہوگی، اپنی اتحادی جماعتوں کے ساتھ ملکر اسے یقینی بنائیں گے،قائد وحدت ودیگر قائدین کی وحدت پالیسی کو لیکر کشمیر کے کونے کونے جائیں گے ، سیاست کو تابع مذہب بنانے کا سلیقہ سکھائیں گے نہ کہ مذہب کو تابع سیاسیات، دینی و ملی جذبے سے عوام کے پاس جائیں گے ، میرپور سے نیلم تک مجلس کا تعارف ہمارا مشن و مقصد تھا، عوام جان چکے کہ مجلس کیا چاہتی ہے، مجلس اتحاد بین المسلمین چاہتی ہے، مجلس خدمت عوام چاہتی ہے ، مجلس عوامی مسائل کا حل، روایتی نعروں پر نہیں بلکہ میدان عمل میں رہنے کی ترجیح چاہتی ہے، انشاء اللہ عز و جل مجلس میدان عمل میں آ کر کھوکھلے نعروں ، روایتی سیاست و جعلی نمائندوں سے عوام کو نجات دلائے گی، خدمت عوام کرے گی ،خدمت انسان کرے گی ، برس ہا برس حکران رہنے والوں نے ملت و قوم کو کیا دیا ، بخوبی اندازہ سب کو ہے، شہریوں کو بنیادی حقوق کی فراہمی ابھی تک ممکن نہیں ہو پائی ، ضرورت اس امر کی ہے کہ سسٹم کو بہتر کرتے ہوئے نیک و صالح لوگ عوام کی نمائندگی کریں ، سیاست عبادت سمجھ کر کی جاتی تو یہ ملک مسائل کے گرداب میں نہ پھنسا ہوتا ، کمزور ،مستضعف طبقے اپنے حقوق حاصل کر چکے ہوتے ، مجلس وحدت مسلمین کمزور و مستضعف طبقے کی جماعت ، عملی جدوجہد کرے گی۔کرپشن و ناامنی جیسے ایشوز جن کے لیئے کوئی سنجیدہ آواز نہیں دکھائی دیتی ، ان ایشوز کو نان ایشوز سمجھنے والوں کو بتا دیا جائے گا کہ عوام اب نقطہءِ آخر پر آ گئی ، مکمل نجات چاہتی ہے ، اتحاد و وحدت کی طاقت سے مجلس اِن مسائل کے خلاف مضبوط آواز بن کر سامنے آئے گی ۔انہوں نے کہا بس اب ضرورت اس بات کی ہے کہ ہم ایسی جماعت کہ جو مستضعف، محروم ، محکوم ،مجبور و غریب عوام کی آواز بن کر آئے اسے مضبوط کیا جائے ، اس کے دست و بازو بنا جائے تا کہ کشتی بھنور سے نکلتے ہوئے حقیقی منزل کو پہنچ جائے۔
وحدت نیوز(کمالیہ) سیکرٹری جنرل مجلس وحدت مسلمین پنجاب علا مہ عبدالخالق اسدی تحصیل جنرل سیکرٹری ایم ڈبلیو ایم سید محسن رضا نقوی کی نظر بندی پر ان کے گھر گئے اور ان کے اہل خانہ سے ملاقات کر کے ہر ممکن تعاون کا یقین دلایا ،انہوں نے کہا کہ سید محسن رضا نقوی کی نظر بندی بلا جواز ہے ،ہم پر امن شہری ہیں اور ہماری جماعت نے ہمیشہ ملک میں رواداری کو فروغ دیا ہے ،حکومت دہشت گردوں کی گرفتاری کی بجائے ہمارے بے گنا ہ لوگوں کو نظر بند کر رہی ہے جوکہ ہمارے کارکنوں کے ساتھ سراسر زیادتی ہے اور ہم اس کی پر زور مذمت کرتے ہیں،اس موقع پر سابق ناظم ممتاز حسین گوندل اوردیگر مقامی رہنما بھی موجود تھے ،اس سے قبل جنرل سیکریٹری مجلس وحدت مسلمین پنجاب علا مہ عبدالخالق اسدی ڈسٹرکٹ ٹوبہ ٹیک سنگھ کے ضلعی جنرل سیکریٹری رضوان حید ر چوہدری اور رانا نعیم عباس کے گھر گئے ۔اور ان کی نظر بندی کے بعد عدالتی احکامات پر رہائی پر ان کو مبارک باد دی کہ عدالت نے ہمارے موقف کو مانتے ہوئے ان کی رہائی کا حکم جاری فرمایا ہے ۔
وحدت نیوز (مظفرآباد) خراج تحسین پیش کرتا ہوں کہ مجلس وحدت مسلمین آزاد جموں و کشمیر نے مشکلات کے باوجود بہترین کام کیا ، شعبہ تنظیم سازی آپ کے ان تمام کاموں کو سراہتا ہے ، ان خیالات کا اظہار مرکزی سیکرٹری تنظیم سازی مجلس وحدت مسلمین پاکستان برادر یعقوب حسینی نے مجلس وحدت مسلمین پاکستان آزاد جموں و کشمیر کے ریاستی شوریٰ کے اجلاس سے خصوصی خطاب کرتے ہوئے کیا ، انہوں نے کہا کہ کشمیر کا سفر دشوار گزار، 100کلو میٹر چار گھنٹوں میں طے ہوتا ہے ، جبکہ دوسری طرف مجلس وحدت کے اتحاد بین المسلمین و دیگر امور کے لیئے کئے گئے کام قابل ستائش ہیں ،کراچی تا کشمیر بکھرے معاشرے کے انمول افرادکو وحدت کی لڑی میں پرونا حدف اولین ہے، ہم ایک دوسرے کی مشاورت سے مزید نکھار لائیں گے، آپس میں مل جل کر ملت کی خاطر کام کو اپنا شیوہ قرار دیں گے ، ہر اس جگہ جائیں گے جہاں ہمارا ایک سفیر بھی موجود ہے ، ہم امن کے داعی و امن کے محب ، اسی مشن و مقصد کو لیکر آگے بڑھیں گے، اضلاع و یونٹ سطح تک جا کر گھر گھر یہ پیغام پہنچائیں گے ، مجلس وحدت مسلمین پاکستان کا شعبہ تنظیم سازی ریڑھ کی ہڈی کی حیثیت رکھتا ہے ، یہ کام کرے گا تو افراد میسر ہوں گے ، افراد کو ایک لڑی میں پرو کر منظم کرنا شعبہ تنظیم سازی کا کام ہے ، جب یہ ایک لڑی بن جائیں گے تو ملت کے لیے کسی بھی مشکل کا آنا ہی مشکل ہو جائے گا۔انہوں نے کہا کہ میں امید کرتا ہوں کہ ریاستی سیکرٹری جنرل کی قیادت میں جس طرح مجلس کشمیر میں اپنا سفر جاری رکھے ہوئے ہے ،اس کو نہ صرف جاری رکھے گی بلکہ بہتر سے بہتر تر بنائے گی۔
