The Latest
وحدت نیوز(مظفرگڑھ) مجلس وحدت مسلمین پاکستان، امامیہ سٹوڈنٹس آرگنائزیشن پاکستان اورا سٹیپ فارورڈ ویلفیئرٹرسٹ کے مشترکہ تعاون سے مظفر گڑھ کے متاثرین سیلاب میں امداد کی تقسیم کے لیے پر وقار تقریب کا اہتمام کیا گیا،تقریب کا باقائدہ آغاز تلاوت کلام پاک سے کیا گیا جس کا شرف برادر یاسر نے حاصل کیا۔تلاوت کے بعد مومنین سے گفتگو کرتے ہوئے ایم ڈبلیوایم پنجاب کے صوبائی رہنما علی رضا طوری نے کہا کہ مجلس وحدت کسی تنظیم کا نام نہیں بلکہ ایک قوم کا نام ہے یعنی ایک بیدار ملت، اپنے حقوق کے لئے اٹھنے والی ملت کا نام ہے اور اگر ہم یہ کہ دیں کہ قومی وحدت اور شیعہ سنی اتحاد کا نام مجلس وحدت مسلمین ہے تو بے جا نہ ہوگا۔موجودہ دھرنوں میں قائدوحدت علامہ راجہ ناصر عباس جعفری صاحب کی بے باک قیادت میں ہم نے عملی شرکت کر کے اور اتحادی کی حیثیت سے شامل ہو کر دشمن کی فرقہ واریت کی سازش کو ناکام بنا دیا ہے۔ہر مشکل گھڑی میں قوم کے درمیان رہنا ہم نے علامہ ناصر عباس جعفری سے سیکھا ہے۔
ان کا مذید کہنا تھا کہ ہم اس وقت مختلف محاذوں پر ملت کا دفاع کر رہے ہیں جس میں ٹارگٹ کلنگ، اغوا برائے تاوان، دہشت گردی، بم دھماکے،پولیس گردی وغیرہشامل ہیں۔ ابھی ہم ان مسائل سے نکلے نہیں ہیں کہ نیا امتحان سر پر آجاتا ہے۔یہی صورتحال سیلاب کی صورت میں ہم سب پر ایک امتحان کی صورت میں آیا ہے اب اس امتحان کو ہم نے صبر اور حوصلے کے ساتھ سر خرو کرنا ہے اور ہم بھی آپ سے انشااللہ ہرممکن تعاون اور امداد کریں گے۔ اللہ ہم سب کو حفظ و امان میں رکھے جبکہ اس امتحان سے کامیابی کے ساتھ نکلنے کی توفیق عطا فرمائے۔
مومنین سے امامیہ سٹوڈنٹس آرگنائزیشن پاکستان ملتان ڈویژن کے دوستوں برادر یاسر اور ضیغم نے بھی گفتگو کی جس میں انھوں نے مومنین کو میڈیکل کیمپ کی آفر کی۔ اس کے بعد مومنین میں خشک راشن تقسیم کیا گیا۔ضلعی کابینہ کے دوستوں سید علی شاہ کاظمی، سید عمران کاظمی اور دیگر دوستوں کی محنت کے بدولت یہ پروگرام منعقد ہوا۔
وحدت نیوز ( گلگت) مفتی امان اللہ کے قتل میں علامہ امین شہیدی کے نام ایف آئی آر درج کرنا پنجاب حکومت کی راولپنڈی اسلام آباد میں فرقہ واریت پھیلانے کی سازش ہے۔انقلاب مارچ کی بڑھتی ہوئی کامیابیوں سے حکومت بوکھلا گئی ہے اور نواز حکومت کی بنیادوں میں دراڑیں پڑچکی ہیں جو کسی بھی وقت زمین بوس ہوسکتی ہے۔حکومت وحدت مسلمین کے مرکزی رہنما کے خلاف جھوٹی ایف آئی آر درج کرنا انقلابیوں کے دھرنے کو سبوتاژ کرنے کی ناکام کوشش ہے جس میں انہیں ذلت و خواری کے علاوہ کچھ ہاتھ نہیں لگے گا۔
ان خیالات کا اظہار مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی نے اپنے ایک بیان میں کیاہے۔ انہوں نے کہا کہ مفتی امان اللہ کا قتل پنجاب حکومت کی ایماء پر کیا گیا ہے جس کا مقصد جڑواں شہروں میں فرقہ واریت کی آگ لگاکر دھرنوں سے عوام کی توجہ ہٹانا ہے۔ انہوں نے کہا کہ پنجاب حکومت انتقامی کاروائیوں پر اتر آئی ہے اور کالعدم جماعتوں کی حمایت سے اپنے اقتدار کو بچانا چاہتی ہے جس میں انہیں کامیابی حاصل نہیں ہوگی۔ ملک عزیز میں اسلامی بھائی چارے اور وحدت کو فروغ دینے والے علماء پر اس قسم کے جھوٹے مقدمات کا مقصد ملک میں افرا تفری اور فرقہ واریت کو فروغ دینے کے مترادف ہے۔انہوں نے خبردار کیا کہ ملک دشمن رویے کو ترک کرتے ہوئے جھوٹی ایف آئی آر کو ختم کرے ورنہ پورے ملک میں احتجاج کیا جائیگا۔
وحدت نیوز(کراچی) مجلس وحدت مسلمین کے مرکزی و صوبائی رہنماؤں نے وفاقی حکومت کی جانب سے علامہ ناصرعباس جعفری کی سکیورٹی واپس لینے کی مذمت کرتے ہوئے کہا ہے کہ علامہ ناصرعباس جعفری اور ایم ڈبلیوایم کے کسی رہنماء پر دہشتگردی ہوئی تو اس کی ذمہ داری نواز شریف اور شہباز شریف پر عائد ہوگی ۔وفاقی حکومت نے علامہ ناصرعباس جعفری کی سکیورٹی واپس لیکر دہشتگردوں کو فری ہینڈ دینے کی سازش کی ہے ۔نواز حکومت ماضی میں بھی ایسی طرح وفاقی دارلحکومت اسلام آباد اور پنجاب میں شیعہ رہنماؤں کی سکیورٹی واپس لیکر دہشگردانہ اقدامات کرتی رہی ہے۔ بدھ کو سانحہ راولپنڈی مسجدو امام بارگاہ کو کالعدم دہشتگرد گرہوں کی جانب سے جلانے اور و فاقی حکومت کی جانب سے ایم ڈبلیو ایم کے سر براہ علامہ نا صرعباس جعفری کی سکیورٹی واپس لینے کے خلاف و حدت ہاؤس کراچی سے جاری بیان میں علامہ مختار امامی اور دیگر نے کہا ہے کہ کراچی ،راولپنڈی اسلام آباد ،لاہور سمیت پنجاب کے دیگر شہروں میں شیعہ علاء و اکابرین ،بلخصوص شیعہ ڈاکٹرز کو دہشتگردی کا نشانہ بنایا گیا مگر تاحال وا قعات میں کسی دہشتگرد کو گر فتار نہیں کیا۔
انہوں نے کہا کہ راولپنڈی میں وفاقی حکومت کی سر پرستی کالعدم جماعت کے دہشتگردوں کا مسجد و امام بارگاہ پر حملے کرنا ملک میں امن وامان کی فضا ء خراب کرنے کی کوشش کی جاری ہے ۔ان رہنماؤں نے کہا ہے کہ گزشتہ کئی دھائیوں سے شیعہ افراد کی ٹارگٹ کلنگ جاری ہے۔ شہر قائد ، راولپنڈی واسلام آباد ،لاہور سمیت پورے ملک میں کئی ڈاکٹرز ،وکلاء ،تاجر سمیت اتحاد بین المسلمین کے دائی علماء و اکابرین کو نشانہ بنایا گیا ۔اسلام آباد میں اتحاد بین المسلمین کے دائی مشہور و معروف شیعہ زاکر علامہ ناصر عباس،لاہور میں ڈاکٹر علی حیدر کو ٹارگٹ کلنگ کر کے شہید کیا گیا جو قومی نقصان ہیں۔تخت لاہور میاں صاحب کو عوام نے مسترد کر دیا ہے سیاسی مخالفین کے خلاف بادشاہانہ مظالم کے سلسلے اب نہیں چلیں گے حکومتی مشینری بالخصوص ریاستی اداروں کے زریع معصوم عوام پر تشدد کی پالیسی و فاقی اور پنجاب حکومت کا وتیرہ بنتی جارہی ہے، جس کی ہم پر روز مذمت کرتے ہیں ۔ رہنماؤں نے مطالبہ کیا ہے کہ علامہ ناصر عباس جعفری سمیت شیعہ علماء کرام کو فوری طور پر سیکورٹی فراہم کی جائے اور اگر ایسا نہ کیا گیا اور خدانخواستہ علامہ ناصر عباس جعفری سمیت ایم ڈبلیو ایم کے کسی بھی رہنماء پر دہشتگردی ہوئی تو اس کی براہ راست ذمہ داری شریف برادران پر عائد ہوگی ۔
وحدت نیوز (اسلام آباد) مجلس وحدت مسلمین پاکستان کے مرکزی رہنما علامہ اعجاز حسین بہشتی نے کہا ہے کہ محرم الحرام سے پہلے کچھ شدت پسند گروہ ملک کے حالات خراب کرنے کی کوشش کر رہے ہیں۔ امام بارگاہ کے ساتھ ساتھ ایک معصوم انسان کو زندہ نذر آتش کرنا پاکستان اور اسلام کے خلاف سازش ہے۔ ایم ڈبلیوایم اتحاد امت کی علمبردار، پرامن جمہوری جدوجہد پر یقین رکھنے والی جماعت ہے۔ جھوٹے مقدمات قائم کرکے ہمیں خوفزدہ نہیں کیا جاسکتا۔ ان خیالات کا اظہار انہوں نے اپنے ایک جاری بیان میں کیا ہے۔ ایم ڈبلیوایم کے مرکزی رہنما کا مزید کہنا تھا کہ علامہ امین شہیدی جو اتحاد امت کے علمبردار ہیں، ان کے خلاف مفتی امان اللہ کی قتل کی ایف آئی آر حقیقت میں فرقہ وارانہ منافرت پھیلانے کی سازش ہے، جس کی جتنی بھی مذمت کی جائے کم ہے۔ علماء کرام اور سیاسی و مذہبی رہنماؤں کو چاہیئے کہ وہ اپنے درمیان اتحاد، وحدت اور شعور کے ذریعہ فرقہ وارانہ نفرتوں کی سازش کو ناکام بنا دیں۔
وحدت نیوز(اسلام آباد) مجلس وحدت مسلمین پاکستان کے سربراہ علامہ ناصرعباس جعفری کی اپیل پر راولپنڈی میں تکفیری دہشتگردوں کی جانب سے ٹائراں والی امام بارگاہ اور قرآن مجید کو نذرآتش کرنے، امام بارگاہ کے متولی صادق شاہ کو زندہ جلانے اور ایم ڈبلیو ایم کے مرکزی ڈپٹی سیکریٹری جنرل علامہ محمد امین شہیدی کے خلاف مفتی امان اللہ قتل کیس کی جھوٹی ایف آئی آر درج کرنے کیخلاف بروز جمعہ ملک گیر یوم احتجاج منایا جائے گا۔ اس بات کا اعلان ایم ڈبلیو ایم کے مرکزی سیکرٹری ا طلاعات محمد مہدی عابدی نے وحدت ہاؤس سے میڈیا کیلئے جاری ایک بیان میں کیا۔
محمد مہدی نے کہا کہ راولپنڈی میں امام بارگاہوں کو نذرآتش کرنے اور امام بارگاہ کے متولی صادق شاہ کی شہادت کی ذمہ دار تکفیریوں کی سرپرست پنجاب حکومت ہے، ملک میں کوئی شیعہ سنی فساد نہیں ہے، یہ فقط ایک کالعدم تکفیری ٹولہ ہے کہ جسے امریکہ و سعودیہ کی سرپرستی حاصل ہے۔ انہوں نے کہا کہ ملکی بقاء و سلامتی کیلئے ضروری ہے کہ دہشتگرد تکفیری گروہوں، مدارس، اداروں اور تنظیموں کے خلاف ملک بھر میں آرٹیکل 245 لگا کر بے رحمانہ فوجی آپریشن کیا جائے، تاکہ وطن عزیز کو امریکہ و سعودیہ کے ناپاک عزائم کی بھینٹ چڑھانے والوں سے پاک کیا جاسکے۔ انہوں نے مزید کہا کہ علامہ امین شہیدی کے خلاف درج ہونے والی مفتی امان اللہ قتل کیس کی جھوٹی ایف آئی آر دہشتگرد تکفیری عناصر اور انکی سرپرست پنجاب حکومت پر طاری اسی بوکھلاہٹ کا کھلا ثبوت ہے جو کہ امریکی سعودی نواز لیگی حکومت کیخلاف سنی شیعہ اتحاد کی مشترکہ جدوجہد کے نتیجہ طاری ہو چکی ہے۔
محمد مہدی نے مزید کہا کہ پاکستان کے شیعہ و سنی عوام متحد ہیں اور تکفیریوں کی تمام سازشوں کے خلاف متحد ہوکر میدان میں حاضر ہیں اور اپنیاسی اتحاد سے دہشتگردوں اور انکی سرپرست پنجاب حکومت کی تمام سازشوں کو ناکام بنائیں گے۔ اپنے بیان میں محمد مہدی نے مزید کہا کہ امام بارگاہوں پر حملے اور محبت اہل بیت (ع) کی بنیاد پر ملک بھر میں شیعہ قتل عام اس بات کا ثبوت ہے کہ اس ملک پر یزید صفت لوگ حکمران بنے بیٹھے ہیں، لیکن انشاء اللہ وہ دن دور نہیں کہ جب ہم اپنی حیدری طاقت سے عصر حاضر کی تکفیریت کو پاکستان کی سرزمین پر بھی شکست فاش سے دوچار کرینگے اور لبیک یاحسین (ع) کے نعرے کی عملی تعبیر بن کر وطن عزیز کو تکفیریوں اور انکے سرپرستوں کے منحوس چنگل سے نجات دلائیں گے۔
وحدت نیوز (کوئٹہ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے سعودی عرب کے مفتی اعظم شیخ عبد العزیز آل شیخ کی جانب سے داعش کے خلاف فتویٰ کا خیر مقدم کرتے ہوئے کہا ہے کہ دور حاضر کے خوارج کے ظلم و ستم سے کوئی بھی محفوظ نہیں۔ انبیاء کرام علیہ السلام، اہل بیت اطہار (ع) اور صحابہ کرام (رض) کے مقدس مزارات پر حملے کرکے معصوم انسانوں کا خون ناحق بہانے والے دور حاضر کے خوارج ہیں، جن کے خلاف امت مسلمہ کا اتحاد قابل تحسین ہے۔ انہوں نے کہا کہ ہم ہر قسم کی دہشتگردی، انتہاء پسندی اور تعصبات کے خلاف ہیں۔
انہوں نے کہا کہ ایم ڈبلیو ایم کے مرکزی رہنماء علامہ امین شہیدی کے خلاف راولپنڈی کے مفتی امان اللہ کے قتل کی ایف آئی آر کے اندراج کی مذمت کرتے ہوئے کہا کہ مجلس وحدت مسلمین اتحاد امت کی علمبردار، پرامن جمہوری جدوجہد پر یقین رکھتی ہے۔ جھوٹے مقدمات قائم کرکے خوفزدہ نہیں کیا جا سکتا۔ ریاستی ادارے قتل و غارت گری کرنے والوں کو روکیں۔ انہوں نے راجہ بازار میں امام بارگاہ کو آگ لگانے اور امام بارگاہ کے متولی کے قتل کی بھی شدید الفاظ میں مذمت کی۔ انہوں نے علماء کرام اور سیاسی و مذہبی رہنماؤں اور سول سوسائٹی پر زور دیا کہ وہ اپنے اتحاد، وحدت اور شعور کے ذریعہ فرقہ وارانہ نفرتوں کی سازش کو ناکام بنا دیں۔ کراچی کے بعد راولپنڈی میں فرقہ وارانہ منافرت پھیلانے کی سازش کی گئی۔ شام، عراق سمیت دنیا میں کہیں بھی شیعہ سنی تصادم نہیں بلکہ یہ عالمی سامراجی اور شیطان بزرگ کی لگائی ہوئی آگ ہے۔ اس کے اسباب بھی مذہبی نہیں سیاسی ہیں۔ ہم اتحاد بین المسلمین کے ذریعے دشمن کی تمام سازشوں کو ناکام بنا دیں گے۔ بھائی کو بھائی سے لڑانے والے سامراجی ایجنٹ ہیں۔
وحدت نیوز (کوئٹہ) اہلیان کوچہ خدائیداد ، علمدار روڈ مومن آباد کے مکینوں نے گزشتہ شب منتخب نمائندہ حلقہ پی بی 2 مجلس وحدت مسلمین کے ممبر بلوچستان اسمبلی سید محمد رضا ( آغا رضا ) کو محلہ میں دعوت دی اور اپنے مسائل سے آگاہ کیا انہوں نے کہ ہمارے ساتھ سوتیلا پن سلوک کیا جارہا ہے اور ہماری محلے کے پائپ انتہائی خستہ حالت میں ہے باربار درخواست لکھتے رہے لیکن تاحال اس پر کوئی عمل در آمد نہیں ہوا۔ ہمیں دھوکے میں رکھا جارہا ہے کہ آپ کے لیے 750فٹ واٹر پائپ کی منظوری ہوچکی ہے ۔اور پانی بھی ہمیں کم دیا جارہا ہے۔ سپروائزر کا یہ رویہ ہماری سمجھ سے بالاتر ہے اور وہ ایک مخصوص ایجنڈے پر کام کر رہا ہے ۔ آغا رضا نے یقین دلایا کہ میں کچھ دنوں کے لیے کام کے سلسلے میں اسلام آباد جارہا ہوں واپسی پر ایم ڈی (واسا) سے اس سلسلے میں بات کرونگا۔ اگر آپ اہل محلہ کے لیے نئے پائپ کی منظوری ہوچکی ہے تو پائپ کہاں ہے ؟اور کیوں کام نہیں ہورہا ؟اگر منظوری نہیں ہوچکی ہے یا واسا کے پاس فنڈ نہیں تو میں اپنے ذاتی فنڈ سے آپ اہل محلہ کے لیے پائپ خریدونگا۔ آغا رضا نے مزید کہا کہ یہ میں آپ پر کوئی احسان نہیں کر رہا یہ میری ڈیوٹی ہے کہ آپ لوگوں نے مجھے اپنا نمائندہ چنا، اب میرا فرض ہے کہ اپنے علاقے کے عوام کے مشکلات سے باخبر رہو اور آپ کی امانتیں آپ تک پہنچا سکوں۔اب لوگ میں شعور بیدار ہوچکا ہے لوگ صرف نعروں پر یقین نہیں کرتے بلکہ عملی کام پر یقین رکھتے ہیں اور حقیقی دوست و دشمن میں فرق کر سکتے ہیں۔ انشاء اللہ میں اپنی استطاعت سے زیادہ آپ کی خدمت میں شب و روز خادم بن کر عملی کام کرتا رہونگا۔اور آپ کے ٹیکس سے دیے ہوئے پیسوں کو ضائع نہیں ہونے دونگا۔
وحدت نیوز(پشاور) مجلس وحدت مسلمین خیبر پختونخوا نے مرکزی ڈپٹی سیکرٹری جنرل علامہ امین شہیدی کیخلاف بےبنیاد مقدمہ درج کرنے پر جمعتہ المبارک کو صوبہ بھر میں احتجاج کا اعلان کیا ہے، ایم ڈبلیو ایم کے صوبائی سیکرٹری اطلاعات سید عدیل عباس زیدی نے وحدت ہاوس پشاور سے جاری ایک بیان میں کہا کہ راولپنڈی میں مفتی امان اللہ کو ایک منظم سازش کے تحت قتل کیا گیا، تاکہ اس قتل کو جواز بناکر ملک بھر میں فروغ پانے والی شیعہ، سنی وحدت کو سبوتاژ کیا جائے، اس قتل کی آڑ میں تکفیری گروہ کی جانب سے امام بارگاہوں پر حملے کئے گئے، اور ایک امام بارگاہ کو نذر آتش کرنے کیساتھ متولی کو بھی شہید کردیا گیا، ان کا کہنا تھا کہ یہ سب کچھ حکومت پنجاب کی سرپرستی میں ہو رہا ہے، مسلم لیگ نون کی حکومت ملک میں فرقہ وارانہ ہم آہنگی نہیں چاہتی، کیونکہ حکمرانوں کو معلوم ہے کہ قوم میں ہم آہنگی اور اتحاد کی فضاء قائم ہونا ان کے اقتدار کا خاتمہ ثابت ہوگی۔ انہوں نے مزید کہا کہ تکفیری گروہ کی جانب سے اپنے جرائم کو چھپانے کیلئے علامہ امین شہیدی اور دیگر کیخلاف بےبنیاد مقدمہ درج کرایا گیا، ہم حکومت کو متنبہ کرتے ہیں کہ وہ اس قسم کے اوچھے ہتھکنڈوں سے باز آ جائے، بصورت دیگر رئیسانی کی تاریخ دہرائی جا سکتی ہے، انہوں نے اعلان کیا کہ علامہ امین شہیدی اور دیگر کیخلاف مفتی امان اللہ کے قتل کے مقدمہ کیخلاف ملک بھر کی طرح صوبہ خیبر پختونخوا میں بھی بھرپور احتجاج کیا جائے گا۔
وحدت نیوز(کوئٹہ) مجلس وحدت مسلمین کوئٹہ ڈویژن سیکرٹری جنرل سید عباس آغا سمیت دیگر عہدیدارون نے ایم پی اے آغا رضا کے ترقیاتی کاموں کیلئے کاوشوں اطمینان کا اظہارکرتے ہوئے انہیں خراج تحسین پیش کیا ، انہوں نے کہا کہ عوام کو ترقی کے یکساں مواقع کی فراہمی میں مجلس وحدت مسلمین کی جوذمہ داری بنتی ہے وہ احسن طریقے سے جاری ہے ،ساتھ ہی انہوں نے کہا کہ مجلس وحدت مسلمین تحمل اور برداشت کی حقیقی سیاست پر یقین رکھتے ہیں اور باہمی رواداری کی فضاکوبرقرار رکھتے ہوئے عوامی خدمت کیلئے جدوجہد جاری رکھے ہوئے ہے۔
انہوں نے کہا کہ بعض عناصر کو مجلس وحدت مسلمین کے عوامی خدمات نا گوار گزرتی ہے جو قابل افسوس ہے ، مجلس وحدت مسلمین جس طرح انتخابی مہم میں لوگوں سے وعدے کیے تھے ، بالکل اسی پالیسی کو جاری رکھتے ہوئے منتخب نمائندہ جنا ب آغا رضا لوگوں کے دہلیز پر ان کے مسائل کے حل کیلئے کوشاں ہیں اور ہرمحلہ گلی میں عوامی رابطہ مہم جاری رکھے ہوئے ہیں جو قابل تحسین ہے ،جس کو عوام قدر کی نگاہ سے دیکھتے ہیں ، عوامی حلقے مجلس وحدت مسلمین کے کاوشوں کا معترف ہے ۔ ہزارہ قوم ودیگر علاقہ مکینوں کے تعلیمی مسائل کیلئے بلوچستان یونیورسٹی کے شاخ علمدار کمیپس کی علمدارروڈ میں تعمیر، سیدآباد گرلز سکول کیلئے فنڈ کی منظوری ،طالبعلموں میں وظائف کی تقسیم ،کمیونٹی سنٹر زکی منظوری، ٹیوب ویلزمنظوری اور تعمیر، پانی کو گھروں تک باآسانی پہنچانے کیلئے واٹر ٹینکرزکی تعمیر، پانی گھروں تک پہنچانے انتہائی جدید اور طاقتور بوسٹرکی تنصب، گلی محلوں میں سڑکو ں کی تعمیر،نالوں کی تعمیر ، کھیلوں کی سرپرستی اور ان کی معاونت ، غریب و مستحق مریضو ں کیلئے علاج و معالجے کی سہولیات کی فراہمی ، معاشرے کے غریب افراد کی داد رسی الغرض آغا رضا نے اپنی دن رات محنت اور لگن سے جس طرح ترقیاتی کا موں کاجال بچایا ہے وہ اپنی مثال آپ ہے اور انشاء اللہ آغا رضا اس سلسلے کو جاری و ساری رکھیں گے ۔
انہوں نے کہا کہ مجلس وحدت مسلمین عوام میں شناختی کارڈ اور پاسپورٹ کے حصول کے مشکلات سے پریشان ہے اور اس سلسلے میں اپنی آسانی پیدا کرنے کیلئے بھرپور کوششوں میں لگے ہوئے ہیں۔ ا س موقع پر مجلس وحدت مسلمین کے سنئیر عہدیدار کونسلر حلقہ نمبر ۱۲ کربلائی رجب علی نے واسا علمدارروڈ کے قائمقام سپروائزر کو شدید تنقید کو نشانہ بناتے ہوئے کہا کہ واسا کا قائم مقام سپروائزر علمدارروڈ کے علاقے اپنے مانی مانیاں کررہا ہے جس کی وجہ سے عوام پانی کے حصول کے سلسلے میں شدید مشکلات درپیش ہے ، انہوں نے کہا کہ واسا حکام علاقے کے مکینو ن کے پانی کی مسائل کو فوری طور پر حل کریں ، انہوں نے متعلقہ اداروں کو تنبیہ کی کہ وہ عوامی مسائل کے حل کیلئے کسی بھی کوتاہی کا مرتکب نہ ہو۔ انہوں نے مزید کہاکہ عوامی خدمت کیلئے تمام اپنے جدوجہدکو الہیٰ فریضہ جان کر اپنی کوششوں کو انتہائی نیک نیتی سے جاری رکھیں گے اور اس میں بہتری لانے کیلئے اور زیادہ محنت اور لگن کا مظاہرہ کرینگے۔
وحدت نیوز (گلگت) محکمہ مال کی بد نیتی اور غلط پالیسیاں اہالیان نلتر اور پاک فضائیہ کے مابین غلط فہمی پیدا کرنے کا موجب بن گئی۔ محکمہ مال نے نلتر جیسے پرُ فضا مقام پر سیاسی اثر رسوخ رکھنے والے اور بااثر افراد کو زمینیں الاٹ کی ہیں جس سے پہلے ہی علاقے میں غم و غصہ پایا جاتا تھا۔حکومت کی جانب سے مقامی لوگوں کو اعتماد میں لئے بغیر سینکڑوں کنال اراضی کو بغیر کسی معاوضے اور اگریمنٹ کے پاک فضائیہ کے حوالے کرنا سمجھ سے بالاتر ہے۔وقت کا تقاضا ہے کہ گرفتار افراد کو رہا کرکے مقامی لوگوں کے غم وغصے کو ٹھنڈا کیا جائے اور تنازعے کو افہام و تفہیم سے حل کیا جائے۔
ان خیالات کا اظہار مجلس وحدت مسلمین کے صوبائی ترجمان محمد الیاس صدیقی نے عمائدین نلتر سے ملاقات کے دوران کیا ۔ انہوں نے کہا کہ گلگت بلتستان کے کسی بھی علاقے میں اداروں کو زمین کی الاٹمنٹ مقامی لوگوں کو اعتماد میں لیکر ہی کی گئی ہے جبکہ پاک فضائیہ کو زمین کی الاٹمنٹ سے قبل نلتر کے عوام کو اعتماد میں نہیں لیا گیا۔انہوں نے کہا کہ انتظامیہ کی اس طرح کی حرکتیں عوام کو تشویش میں مبتلا کرنے اور علاقے میں کشیدگی جنم دینے کا باعث بن سکتی ہیں۔ لہٰذا ضرورت اس امر کی ہے کہ سب سے پہلے علاقے کے عوام کو مطمئن کرکے ہی منصوبوں پر کام شروع کیا جائے۔انہوں نے مزید کہا کہ طاقت کے زور پر عوامی آواز کو دبانے کی کوشش کی گئی تو مستقبل میں اچھے نتائج کی توقع رکھنا حماقت ہوگی۔گلگت بلتستان میں کوئی اراضی خالصہ سرکار نہیں ، متعلقہ علاقوں کی اراضی پر وہاں مقیم آبادی تصرف کا حق رکھتی ہے دنیا کی کوئی طاقت مقامی آبادی سے ان کا یہ حق چھیننے کا اختیار نہیں رکھتی۔انہوں نے حکومت کو مشورہ دیا کہ گرفتاریوں اور تشد د کی بجائے عوامی مطالبات تسلیم کیا جائے اور تنازعے کا پر امن حل تلاش کیا جائے۔