وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے علمائے امامیہ لاہور اور ذاکرین عظام کے اجلاس سے خطاب کرتے ہوئے کہا کہ ملتِ جعفریہ کے مسلمہ عقائد کیخلاف کسی بھی ضابطہ اخلاق کو ہم نہیں مانتے، پہلے سے موجود قوانین پر اگر عمل درآمد ہو تو پاکستان میں فرقہ واریت کا خاتمہ ممکن ہے۔ ملی یکجہتی کونسل کے عقائد کے ضابطہ اخلاق کو ہم مسترد کرتے ہیں، جو لوگ ملی یکجہتی کونسل کے ضابطہ اخلاق کو رائج کرانا چاہتے ہیں وہ پاکستان میں خانہ جنگی کو فروغ دینے کی کوشش کر رہے ہیں۔ اجلاس میں علامہ امتیاز کاظمی، علامہ حسن ہمدانی، سید اختر عباس بخاری، علامہ آصف علوی، علامہ شعیب الحسن، علامہ سید حسن عباس کاظمی اور دیگر شریک تھے۔

رہنماؤں نے حکومت پنجاب کے متعصبانہ رویے کی مذمت کرتے ہوئے کہا کہ راولپنڈی میں چہلم امام حسین (ع) کی سکیورٹی انتظامیہ اور پنجاب حکومت کی ذمہ داری ہے، جلوس کا روٹ ہماری لاشوں سے گزر کر تبدیل ہوسکتا ہے، ہماری زندگی میں نہیں۔ انہوں نے کہا کہ شرپسندوں نے پورے ملک کو یرغمال بنایا ہوا ہے، دہشت گردوں کیخلاف کارروائی کرنے کی بجائے پنجاب حکومت ان کے ترجمانی میں مصروف ہے۔ انہوں نے کہا کہ چہلم کے جلوس میں راولپنڈی میں کوئی واقعہ ہوگیا تو اس کی تمام تر ذمہ داری پنجاب حکومت پر عائد ہوگی اور اس کا مقدمہ رانا ثناءاللہ کے خلاف درج کرایا جائے گا، جو ان کے خفیہ اجلاس میں شریک ہوتے ہیں اور ان کے ناپاک عزائم میں مشورے دیتے ہیں۔

وحدت نیوز(کوئٹہ) کوئٹہ میں شرپسندکالعدم تنظیم کی جانب سے برآمدہونے والے جلوس کے مظاہرین کے ہاتھوں شدیدزخمی ہونے والے سید محمد حسین ہاشمی مارکیٹ کے چوکیدارکی آج صبح شہادت پرانتہائی رنج و غم کااظہارکیاگیا۔اجلاس میں مذکورہ جلوس کو پاکستان بالخصوص کوئٹہ میں بسنے والے پرامن شیعہ سنی مسلمانوں کوآپس میں لڑانے اوراسلام کو دنیامیں بدنام کرنے کی سازش سے تعبیرکرتے ہوئے صوبائی حکومت سے مطالبہ کیاگیاکہ ایسے شرپسنداورشیعہ سنی مسلمانوں کے اتحادکوپارہ پارہ کرنے والی دہشت گردتنظیموں کی سرگرمیوں اورجلسے جلوسوں پرفوری پابندعائد کی جائے۔ان خیالات کا اظہار مجلس وحدت مسلمین کوئٹہ ڈویژن کے سیکریٹری جنرل محمد عباس موسوی نے وحدت ہاؤس کوئٹہ میں منعقدہ ہنگامی اجلاس سے خطاب کر تے ہو ئے کیا۔

شرکائے اجلاس نے ہاشمی مارکیٹ کے چوکیدارسیدمحمدحسین کے قتل کی ذمہ داری 11 دسمبرکے روزبرآمدہونے والے جلوس کے شرکاء اورذمہ داران پرعائدکی اور حکومت سے پرزورمطالبہ کیا کہ ہاشمی مارکیٹ کے چوکیدارکے قاتلوں کوفی الفورگرفتارکرکے قرارواقعی اور عبرتناک سزادی جائے تاکہ آئندہ اس طرح کے واقعات سے عوام دو چا ر نہ ہو ۔

وحدت نیوز (راولپنڈی) مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری نے کہا ہے کہ عزاداری امام حسین  ہماری طاقت اور یزیدیت کے مقابلے میں ہمار ی فرنٹ لائن ہے ہم اپنا اگلا مورچہ کسی بھی صورت میں دشمن کے حوالے نہیں کر سکتے ، اگر راولپنڈی میں جلو س اربعین کو روکنے یا اس کا روٹ تبدیل کرنے کی کوشش کی گئی، راولپنڈی کو سیل کر دیاجائے گا، راولپنڈی کی ہر گلی اور کوچے میں عزاداری ہو گی، کراچی، لاہور ، کوئٹہ ، پشاور اور گلگت  بلتستان سمیت پورے ملک  کے جلو سہائے اربعین سڑکوں پر ہی روک دیئے جائیں گے اور اس وقت تک آگے نہیں بڑھیں گے جب تک راولپنڈی کا جلوس روائتی راستوں سے گزر کر منزل پر نہیں پہنچے گا ۔وہ یوم  عشق ولائے حسین  کی مناسبت سے قدیمی امام با رگاہ راولپنڈی میں منعقدہ اجتماع سے خطاب کر رہے تھے ،انہوں نے کہا کہ عزاداری مظلوم کربلا کی بنیاد شریکة الحسین سیدہ زینب سلام اللہ علیہا نے اپنے بھائی کی لاش پر ماتم کر کے رکھی ، یہ مولا حسین  کے چہلم کا جلوس ہے کسی  جماعت یا فرد کا نہیں اس پر کوئی کمپرومائز نہیں کیا جا سکتا ، ہم یہ جلوس اپنی پوری طاقت کے ساتھ نکالیں گے ، اگر پہلے عزاداری واجب تھی تو اربعین کا جلوس اوجب ہے ۔ہماری مائیں بہنیں اس جلوس میں بچوں کے ہمراہ شریک ہوں گی اور ملت تشیع کا ہر فرد جلوس میں غسل شہادت کر کے آئے گا ، انشاء اللہ علمائے کرام جلوس کے فرنٹ پر ہوں گے اور سب سے پہلے قربانی دیں گے ۔

 انہوں نے امام بارگاہوں کے متولیان اور جلوسوں کے منتظمین کو ہدایت کی وہ  افواہوں پر کان نہ دھریں بلا خوف و خطر عزاداری کے پروگراموں کا مقررہ وقت پر آغاز کریں، اسلام کی چودہ سو سالہ تاریخ گواہ ہے کہ ہم نے اپنا سب کچھ وقربان کیا لیکن دامن اہلبیت  نہیں چھوڑا ، ہم شہیدوں کی میراث اور انبیاء و اولیاء کے وارث ہیں ، اگر ہم نہ ہوتے تو وفا مر چکی ہوتی ، سچائی کا کہیں نام و نشان تک نہ ہوتا م ہم نے فضیلتوں کے چمن کی اپنے خون سے آبیاری کی ہے، ہم خون کے دریا عبور کر کے یہاں تک پہنچے ہیں ، ہم نے مشکل ترین دور دیکھے ، مکار ، دھوکے باز م جلاد اور فرعوں خصلت حکمران دیکھے لیکن آدم  ، موسیٰ، محمد ۖ اور اہلبیت  کا راستہ نہیں چھوڑا ، آج اس مقام پر ہمارا مل بیٹھنا اس بات کی دلیل ہے کہ ہم سب کچھ دے سکتے ہیں لیکن مظلوم کربلا کا ذکر اور عزادری نہیں چھوڑ سکتے ، انہوں نے کہا کہ یزیدیت ایک ایسا سانپ ہے جس کے کئی منہ ہیں، آج بیس کروڑ عوام کے ایٹمی طاقت رکھنے والے اس ملک کی حیثیت دوبئی کے برابر بھی نہیں ، ہمارے ملک کو انہی یزیدیوں نے اور ان کی سرپرستی کرنیوالے جرنیلوں نے کمزورکیا ، شہروں میں مدرسوں کی شکل میں وزیرستان بنا دیئے گئے اور انہیں اسلحہ کے زور پر عوام کو گھروں میں محدود کرنے کا ہدف دیا گیا ، انہوں نے کہا کہ میں پاکستان کے ہر محب وطن شہری کو بتا دینا چاہتا ہوں کہ نواز شریف اور شہباز شریف کی حکومتیں یزیدیت کی سرپرستی کر رہی ہیں ان کا پاکستان اور پاکستانی عوام سے کوئی تعلق نہیں ہے ، دہشت گردوں کے خلاف محض سعودیہ کی ناراضگی کے خوف سے آپریشن نہیں کیا جاتا ، انشاء اللہ ہم حکمرانوں کو اس طرح رسوا کر دیں گے کہ وہ دہشت گردوں کے خلاف آپریشن کرنے پر مجبور ہو جائیں گے ۔