وحدت نیوز(مظفرآباد) پاکستان عوامی تحریک کی خصوصی دعوت پرمجلس وحدت مسلمین آزادکشمیر کے سیکرٹری سیاسیات سید تصور عباس موسوی کی قیادت میں ایک بڑے وفد کی پاکستان عوامی تحریک کے احتجاجی مظاہرے میں شرکت۔وفد کے ہمراہ سیکرٹری سیاسیات کے علاوہ مجلس وحدت مسلمین کی ریاستی و ضلعی کابینہ کے اراکین ، سید محسن رضا سبزوری، مولانا طالب حسین ہمدانی،مولانا حمید نقوی،سید سجاد سبزوری سمیت درجنوں رہنماؤں اور کارکنوں نے احتجاجی مظاہرے میں شرکت کی ۔ پاکستان عوامی تحریک کے زیر اہتمام سانحہ ماڈل ٹاؤن لاہورکے خلاف منعقدہ احتجاجی مظاہرے سے خطاب کرتے ہوئے تصور عباس موسوی نے کہا کہ کفر کی حکومت تو چل سکتی ہے مگر ظلم کی حکومت نہیں چل سکتی ،ماڈل ٹاؤن لاہور میں بہا جانے ولا شہدا کا خون اپنا رنگ ضرور دیکھائے گا اور یہ جابر حکمران بہت جلد اپنے انجام کو پہنچیں گے۔انہوں نے مظاہرین کو مجلس وحدت مسلمین آزادکشمیر کے سیکرٹری جنرل علامہ سید تصور حسین نقوی الجوادی کی جانب سے تعزیت و حمایت و مذمت کا پیغام پہنچایا۔ انہوں نے کہا مجلس وحدت مسلمین اور پاکستان عوامی تحریک ایک سمیت میں پرامن عوامی انقلاب کیلئے کوشاں ہیں ۔ رنج و غم کی اسے گھڑی میں آزاد کشمیر کا ہر شیعہ اور مجلس وحدت مسلمین معتدل اہل سنت بھائیوں اورتحریک منہاج القرآن کے ساتھ برابر کا شریک ہے اور ہم آپکو ظلم کے خلاف جدوجہد میں بھرپور تعاون و حمایت کا یقین دلاتے ہیں۔ انہوں نے پاکستان بالخصوص پنجاب کے حکمرنوں کو آڑھے ہاتھوں لیتے ہوئے کہا کہ نواز حکومت اب مذید نہیں چل سکتی۔ظلم و بربردیت درندگی و سفاکی کی ایسی مثال قائم کی ہے جس سے پوری دنیا میں پاکستان کا چہرہ شرم سے جھک گیا اور ان دہشتگرد حکمرانوں کا اصل چہرہ بے نقاب ہو گیا۔ انہوں نے کہا کہ پاکستان عوام ان 11بے گناہ لوگوں کا خون کس کے ہاتھ پر تلاش کریں؟ پاکستان کے عوام سوال پوچھتے ہیں اور مطالبہ کرتے ہیں کہ پاکستان عوامی تحریک کے اسیر کارکنوں کو فوری طور پر رہا کیا جائے اورچیف جسٹس آف پاکستان جسٹس تصدق حسین جلانی واقع کا از خود نوٹس لیتے ہوئے وزیراعلیٰ اور وزیر داخلہ پنجاب سمیت تمام مجرمان قرار واقعے سزا دیں۔

وحدت نیوز(مظفرآباد)عوام سڑکو ں پر رل رہے ہیں حکمران خواب خرگوش کے مزے لے رہے ہیں مجید خان کے سر میں درد ہو تو الشفاء انٹرنیشنل سے معائنہ ہوجاتا ہے لیکن پیرامیڈ یکل سٹاف کی ہڑتال کی وجہ سے عوام کو جس پریشانی کا سامنا ہے اس کا حکمران جماعت پر کوئی اثر نہیں ہورہا پیرامیڈیکل ملازمین کے مطالبات کی اب تک کوئی شنوائی نہیں ہوسکی آزادکشمیر میں وزیر صحت نام کا کوئی شخص موجود ہی نہیں ہے پیرامیڈیکل سٹاف کے مسائل فوری طور پر حل کر کے ملازمین کو ہسپتالوں میں ڈیوٹیاں پر واپس بھیجا جائے،معلوم نہیں حکومت محکمہ صحت کے ملازمین کو ہیلتھ الاونس دینے سے کیوں قاصر ہے جب تک ملازمین کے مسائل حل نہیں ہوں گے اس وقت تک عوام کو معالجہ کی سہولیات کیونکر میسر آسکتی ہیں ،ستاف کی ہڑتال کی وجہ سے شیخ خلیفہ بن زید ہسپتال اور عباس انسٹیٹوٹ آف میڈیکل سائنسز میں دور دراز سے آئے مریضوں کو شدید مشکلات کا سامنا کرنا پڑ رہا ہے غریب لوگ پرائیویٹ ہسپتالوں سے معالجہ کروانے سے بھی قاصر ہیں ان خیالات کا اظہار ریاستی سیکرٹری جنرل مجلس وحدت مسلمین آزادجموں وکشمیر علامہ سید تصور حسین نقوی الجوادی نے کیا ۔

انہوں نے کہا انتہائی تشویشناک ناک بات ہے کہ سول سوسائٹی دارالحکومت میں دھرنا دئیے بیٹھی ہے ،پیرامیڈیکل سٹاف ہڑتال پر ہے ،دیگر محکموں کے چھوٹے ملازمین بھی ہڑتالیں اور ریلیاں کر رہے ہیں لیکن حکمران بھر بھی اقتدار کے نشہ میں چور نظرآرہے ہیں انہوں نے کہا کہ ان کی جماعت مجلس وحدت مسلمین چھوٹے ملازمین کے مسائل کے حل کا مطالبہ کرتی ہے نیز ان کی جماعت زاہد امین کاشف کی قیادت میں سول سوسائٹی کے دھرنا کی مکمل حمایت کرتی ہے،علامہ تصور جوادی نے کہا کہ جب عوام سڑکوں پر نکل آئیں تو یہ اس بات کا واضح اعلان ہوتا ہے کہ عوام حکمرانوں کی حاکمیت اور حق ھکمرانی کو تسلیم نہیں کرتے ہیں لیکن حکومت کے لئے بھی ضروری ہوتا ہے کہ وہ عوامی مسائل کے فوری حلکے لئے راست اقدام اٹھائے ،مظفرآباد دارالحکومت ہونے کے ناطے سب کا ہے اس سے مخاصمانہ رویہ حکمران جماعت کے لئے انتہائی نقصان دہ ثابت ہوگا علامہ تصور جوادی نے کہا کہ حکومت فوری طور پر مسائل کے حل کے لئے سنجیدہ کوشش کرئے صرف لگژری گاڑیوں اور پروٹوکول کے مزے لینے سے اقتدار کو دوام نصیب نہیں ہوتا بلکہ کامیاب حکمران وہی ہوتے ہیں جن کی حکومت میں عوام اپنے گھروں میں پر سکون زندگی گزار سکیں ۔

وحدت نیوز(مظفرآباد) جیو جنگ گروپ کے بائیکاٹ کا اعلان کرکے آزادکشمیرمیں جنگ گروپ کے تمام چینل بند کروانے پر وزیراعظم آزادکشمیرکے اصولی فیصلے کی مکمل حمایت کا اعلان کرتے ہوئے وزیراعظم آزادکشمیر کا شکریہ ادا کرتے ہیں۔ریاست آزادجموں وکشمیرکے غیور ،عشق محمدﷺ و آلہ محمد علیہم السلام سے سرشار عوام کا درد محسوس کرتے ہوئے وزیراعظم چوہدری عبدالمجیدنے جرئت و بہادری کا مظاہرہ کرتے ہوئے آزادی اظہار رائے کی آڑ میں امام المتقیان علی(ع)ابن ابی طالب اور سیدہ کونین حضرت فاطمہ زہرہ سلام اللہ علیہا کی شان میں گستاخی کرنے والے میڈیاہاؤس کو بند کرکے آزادکشمیر کے لاکھوں عوام کا دل جیت لیا ہے۔ ان خیالات کا اظہار مجلس وحدت مسلمین آزادکشمیرکے سربراہ علامہ سیدتصور حسین نقوی الجوادی نے اپنے ایک بیان میں کہا۔

انہوں نے کہا کہ مجلس وحدت مسلمین کی اپیل پر ریاست گیر احتجاجی مظاہرے کئے گئے۔وزیر اعظم پاکستان میاں نواز شریف اور تمام صوبوں کے وزراء اعلیٰ وزیراعظم آزادکشمیر سے جرئت و بے باقی اور حق سچ پر فیصلہ کرنے کی ہمت سکھیں۔عمران خان جیوکے خلاف ہیں پر خیبر پختوں خواہ میں جنگ جیو بند کروانے کی ہمت نہیں رکھتے ۔وزیراعظم چوہدری عبدالمجید کے اس اقدام نے انہیں پاکستان کے تمام سیاست دانوں میں ممتاز کردیا ہے۔دنیا کے مختلف ممالک میں مقیم محب اہل بیت علیہماسلام نے وزیراعظم چوہدری عبدالمجید کی اس بہادرانہ فیصلہ کو خوب سراہا ہے ۔ اللہ و زیراعظم چوہدری عبدالمجیدکو دارزی عمر ،صحت، کامیابی وکامرانی عطا کرے اور محمدﷺ و آلہ محمد علیہم السلام کے صدقے و زیراعظم چوہدری عبدالمجیدکے خلاف ہونیوالی سازشوں کو ناکام کرے۔ مجلس وحدت مسلمین آزادکشمیرکے سیکریٹری جنرل علامہ سیدتصور حسین نقوی الجوادی نے مذید کہامسلمان امام المتقیان علی(ع)ابن ابی طالب اور سیدہ کونین حضرت فاطمہ زہرہ سلام اللہ علیہا کی توہین کو توہین رسالت ﷺ سمجھتاہے۔حکومت پاکستان فی الفور جنگ اور جیو پر توہین رسالت ،توہین اہل بیت اطہاراور توہین شعائر اسلام کا مقدمہ قائم کرئے.

وحدت نیوز(مظفرآباد) مجلس وحدت مسلمین آزادکشمیر کی ریاستی کابینہ نے بٹلیاں سے مظفرآباد آتے ہوئے ٹویوٹا ہائی ایس نیاز پورہ کے مقام پراور لوڈنگ کی وجہ سے پیش آنے والے ہولناک حادثے میں 2افراد کے جاں بحق اور متعدد کے زخمی ہونے پر گہرے دکھ اور افسوس کااظہار کیا ہے ۔ ایک بیان میں ریاستی کابینہ نے کہا کہ ٹویوٹا ہائی ایس کے ہولناک حادثہ کی تحقیقات کرائی جائے اور کھٹارا گاڑیوں کی تلفی اور اور لوڈنگ جیسے خطرناک ٹریفک قوانین شکنی کے سدباب کیلئے فی الفور مثبت اقدامات بروئے کار لائے جائیں ۔ ستم ضریفی کی انتہا کہ 14سیٹوں والے ہائی ایس میں38افراد سوار تھے واقعے کی ذمہ داری وزیر ٹرنسپورٹ اور ٹریفک پولیس پر عائد ہوتی ہے۔ریاستی کابینہ ایم ڈبلیو ایم نے ٹویوٹا ہائی ایس حادثہ میں جاں بحق ہونے والے افراد کے سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی اور دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگواران کو صبرجمیل عطاکرے ۔ (آمین)۔ مجلس وحدت مسلمین نے حکو مت سے مطالبہ کیا کہ زخمیوں کو بہترین طبعی سہولیات فراہم کی جائیں اور انکے علاج معالج کیلئے کوئی کسر اٹھا نہ رکھی جائے۔ مجلس وحدت مسلمین آزادکشمیر کی ریاستی کابینہ کے اراکین نے وزیراعظم،آئی جی پویس اور چیف سیکرٹری سے فوری ایکشن لینے کا مطالبہ کردیا۔زخمیوں اور جاں بحق افراد کیلئے مالی معاضے کا اعلان کیا جائے۔

وحدت نیوز(مظفرآباد) مجلس وحدت مسلمین آزادکشمیرکی ریاستی کابینہ کے رکن و آزادکشمیرمعروف سماجی رہنماسید ذیشان حیدر کاظمی نے کہاہے کہ محنت کش طبقہ کسی بھی معاشرے کی تکمیل کیلئے ریڑھ کی ہڈی کی مانندہوتاہے جس کی شراکت و شمولیت کے بغیر معاشرے کی تعمیروترقی ناممکن ہے ۔ان خیالات کا اظہار انہوں نے یکم مئی ’’محنت کشوں کے عالمی دن ‘‘کے موقع پر اایک تقریب سے خطاب کرتے ہوئے کیا ۔انہوں نے کہاکہ شکاگو کے محنت کشوں نے اپنے جائز حقو ق کے حصول کیلئے عملی جدوجہد کی اور اپنے مشن ومقصد کی تکمیل کیلئے جانوں کا نذرانہ پیش کیا یہی وجہ ہے کہ آج پوری دنیامیں محنت کش طبقہ کوجو مقام حاصل ہے وہ شکاگو کے محنت کشوں کی عملی جدوجہد اور قربانیوں کاہی ثمرہے۔ انہوں نے کہا کہ بد قسمتی سے پاکستان میں رائج فرسودہ جاگیردارانہ ، وڈیرانہ اور سردارانہ نظام کے باعث محنت کشوں کوان کے جائزحقوق سے محروم رکھاجارہاہے اوراس طبقے کیلئے ایسی پالیسیاں اختیار کی جاتی رہی ہیں جس کے باعث محنت کش طبقہ نہ صرف معاشی بحران بلکہ شدیدبدحالی کا شکار ہیں اور ہرگزرتے دن کے ساتھ ان میں مایوسیاں و محرومیاں بڑھتی جارہی ہیں۔

انہوں نے کہاکہ پاکستان میں محنت کش طبقہ کے مسائل کا واحد حل فرسودہ جاگیردارانہ،وڈیرانہ اورسرمایہ دارانہ نظام کاجڑسے خاتمہ ہے ۔انہوں نے کہاکہ اب ملک کی صورتحال اس نہج پر ہے کہ فرسودہ نظام کے خاتمے اور حقو ق کی جدوجہد کیلئے محنت کش طبقہ کو آگے آنا ہوگاکیونکہ انقلاب امیر نہیں بلکہ غریب اور محنت کش طبقات کے درمیان سے جنم لیتے ہیں۔انہوں نے کہا کہ ضرورت اس امر کی ہے کہ اداروں میں کرپشن کاخاتمہ کرکے کرپٹ عناصر کوباہرنکالاجائے اور مختلف شعبوں میں محنت کشوں کے ساتھ کی جانیوالی زیادتیاں اورناانصافیاں کے خاتمہ کیلئے عملی اقدامات بروئے کار لائے جائیں۔ ذیشان کاظمی نے لیبر یونین وتنظیمات سے وابستہ تمام افراد کو مخاطب کرتے ہوئے کہاکہ وہ مزدور طبقہ کے حقوق کی جدوجہد ایمانداری اور دیانتداری کے ساتھ جاری رکھیں اور یاد رکھیں کہ مخلصانہ عملی جدوجہدکے ذریعے ہی محنت کش طبقہ اپنے جائز حقوق حاصل کرسکتا ہے ۔ انہوں نے کہا کہ گزشتہ 65برسوں سے پاکستان کے اقتدار پر قابض جاگیر داروں ،وڈیروں ، سرمایہ داروں نے ملک کے مزدور طبقے کو اپنا غلام بنا کر رکھا ہوا ہے اور آج تک ا نہیں وہ بنیادی حقوق فراہم نہیں کئے گئے ہیں جودنیا بھر کے تہذیب یافتہ ممالک کے مزدور طبقے کو میسر ہیں یہی وجہ ہے کہ آج پاکستان معاشی لحاظ سے بھی پستی کا شکار ہے ۔انھوں نے کہا کہ کسی بھی ملک کی تعمیر و ترقی میں اس ملک کے مزدوروں کی محنت اور انکا کردار انتہائی اہمیت کا حامل ہوتا ہے اوراگرملک کی ترقی میں محنت اور مزدوروں کی اہمیت کو فراموش کر دیا جائے تو وہ ملک تبدیلی و ترقی سے یکسر محروم ہوجاتا ہے۔

انھوں نے کہا کہ پاکستان میں مزدور طبقے کو بنیادی مراعات ، سہولیات اور وہ آسائش نہیں دی جاتیں جس سے وہ خود اور انکے اہل خانہ مستفید ہو سکیں،بد قسمتی سے پاکستان ابتدا ء ہی سے ایسے دہرے نظام کا شکار رہا ہے جس میں 5فیصد مراعات یافتہ طبقہ ہر دور میں عیش و آرام کی زندگی بسر کر تا ہے جبکہ 95فیصد غریب متوسط طبقے سے تعلق رکھنے والے پاکستانیوں کو صحت ، تعلیم ، خوراک جیسی بنیادی انسانی زندگی کی سہولیات حاصل کرنے کے لیے بھی تگ و دو کر نی پڑتی ہے ۔ذیشان کاظمی نے کہا کہ1886ء میں امریکہ کے شہر شکاگو کے مزدوروں کی اپنے جائز حقوق کیلئے کی جانے والی جدوجہد او ر عظیم قربانیاں ملک بھر کے غریب و مظلوم مزدوروں کے لیے مشعل راہ ہے ،شکاگو کے محنت کشوں نے تما م تر ریاستی جبر و تسلط کے باوجود اپنے جائز حق کے لیے جدوجہد جاری رکھی جس کے نتیجے میں بے شمار محنت کشوں نے جانوں کے نذرانے دئیے ،سیکڑوں محنت کش زخمی ہوئے،مزدور رہنماؤں کوقید و بند کی صعوبتیں برداشت کرنی پڑیں لیکن انھوں نے اپنے حقوق کے حصول کی جدو جہد کو جاری رکھا اور آج ہم انکی اسی جدو جہداورعظیم قربانیوں کو سنہرے الفاظ میں یاد کرکے یوم مئی مناتے ہیں اور شکاگو کے مزدور طبقے کی لازوال قربانیوں کو خراج عقیدت پیش کرتے ہیں ۔

وحدت نیوز(مظفرآباد) شام میں بشارالاسد کی حکومت کے خلاف برسرپیکار القائدہ اور سعودی نواز شدت پسند تنظیم دولت اسلامیہ عراق وشام (داعش )نے شامی شہر الرقہ میں اصحاب رسول (ص)حضرت اویس کرنی (رض)اور حضرت عمار بن یاسر(رض)کے مزار کودھماکے سے اڑا دیا۔مزار مبارک شہیدہوگیا۔ اور ملحقہ مسجد بھی شہید ہوگئی۔آزادکشمیرسمیت دنیا بھر میں شیعہ سنی مسلمانوں کا شدید احتجاج۔ مجلس وحدت مسلمین آزادکشمیرکے سیکرٹری سیاسیات سید تصور عباس موسوی نے شدت کیساتھ اصحاب رسول (ص)حضرت اویس کرنی (رض)اور حضرت عمار بن یاسر(رض)کے مزار ت اور مسجد کو شہید کرنے کی مذمت کی اور کہا کہ اقوام متحدہ اور او آئی سی تکفیریوں کے جرائم کو روکے، تاکہ اس قسم کے اعمال اور تخریب کاری سے مقدسات کی حرمت کو بچایا جاسکے۔ انہوں نے اس واقع کو سنگین جرم قرار دیا اور کہا کہ جو عناصر بھی تکفیری دہشتگردوں کی پشت پناہی کررہے ہیں،وہ سب اسکے ذمہ دار ہیں اور سب کو چاہیے کی اس قسم کے اعمال کو روکنے کیلئے اپنا کردار ادا کریں۔

آزادکشمیر