وحدت نیوز(ڈی آئی خان) مجلس وحدت مسلمین ضلع ڈیرہ اسماعیل خان کے سابق سیکریٹری جنرل  مولانا زاہدحسین جعفری طویل علالت کےبعد،بقضائے الہی، اس دار فناء کو وداع کرکے دار بقاء کی جانب، ابدی و دائمی اورنہ ختم ہونے والی زندگی کےسفر پر روانہ ہوگئے،مرحوم کے انتقال پر مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری،علامہ احمد اقبال رضوی، علامہ اقبال بہشتی ، علامہ غضنفر عباس نقوی سمیت دیگررہنماوں نے دلی افسوس اوررنج وغم کا اظہار کیا ہے،انہوں نے کہا کہ مولانا ذاہد حسین جعفری کی دینی وملی میدان میں خدمات قابل تحسین ہیں،مرحوم نےانتہائی شکل وقت اور حالات میں ڈیرہ اسماعیل خان میں دین کی خدمت کا فریضہ انجام دیا، مرحوم اوئل سے ہی مجلس وحدت مسلمین سے وابستہ تھے،رہنماوں نے کہاکہ یہ دنیا فانی ہےاو ر ہم سب نے بھی اسی منزل کیطرف ہی جانا ہے،ہم ڈی آئی خان کےمؤمنین، تنظیمی ساتھیوں، اورخصوصامرحوم کےخانوادہ ورشتہ داروں کواس سانحہ پر تعزیت و تسلیت عرض کرتے ہیں ،اللہ تعالی مرحوم کو اپنی رحمت واسعۃ میں جگہ عنایت فرمائے، ان کے بازماندگان کو صبر جمیل عطافرمائے، ہمیں انکےحق میں دعا، اور اپنے سفر آخرت کی تیاری کی توفیق عطافرمائے۔

وحدت نیوز(گلگت) سید رضی الدین رضوی کی اچانک رحلت سے گلگت بلتستان کی سیاست میں ناقابل تلافی خلا پیدا ہوگیا ہے۔مرحوم نے گلگت بلتستان کے عوامی مسائل اور ان کے حل کیلئے طویل جدوجہد کی ہے۔تحریک جعفریہ کے پلیٹ فارم سے الیکشن جیتنے کے بعد انہوں نے سیاسی میدان میں اپنی صلاحیتوں کا لوہا منوایا۔سیاسی میدان میں ان کی کاوشوں کو برسوں یاد رکھا جائیگا۔

مجلس وحدت مسلمین گلگت بلتستان کے ترجمان محمد الیاس صدیقی نے سید رضی الدین کی اچانک رحلت پر گہرے رنج و دکھ کا اظہار کرتے ہوئے کہا ہے کہ سید رضی الدین نہایت ہی ملنسار شخصیت کے مالک تھے۔وہ ہمیشہ ظلم کے خلاف اور مظلوم کے ہمدرد رہے ہیں،سیاست میں ید طولیٰ رکھتے تھے اور گلگت بلتستان کے سیاسی ماحول میں انہیں ایک منفرد مقام حاصل تھا۔موصوف نے تحریک جعفریہ کے پلیٹ فارم سے گلگت بلتستان کو پانچویں صوبے کی حیثیت دلوانے کیلئے انتھک محنت کی ہے۔مرحوم امامیہ طلباء کے رہنما کے علاوہ سرگرم کارکن بھی تھے اور علاقے میں اتحاد ووحدت کیلئے ان کی کاوشیں ناقابل فراموش ہیں۔خدا انہیں جوار آئمہ میں جگہ عنایت فرمائے اور لواحقین کو اس ناگہانی مصیبت پر صبر جمیل عطا فرمائے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے امام بارگاہ باب العلم اسلام آباد سے نکلنے والے نمازیوں پر دہشت گردوں کی فائرنگ کے واقعہ کی شدید مذمت کرتے ہوئے اسے سیکورٹی اداروں کی نا اہلی قرار دیا ہے۔انہوں نے کہا کہ وفاقی دارالحکومت جیسے حساس شہر میں دہشت گردی کا واقعہ قانون نافذ کرنے والے اداروں کے لیے چیلنج ہے۔انہوں نے بے گناہ قیمتی جانوں کے ضیاع پر افسوس کا اظہار کرتے ہوئے کہا کہ گزشتہ تین دہائیوں سے ملت تشیع کی لاشیں گر رہی ہیں۔ ریاست کے تمام شہریوں کو بلاتخصیص تحفظ فراہم کرنا ریاست کی ذمہ داری ہے۔قومی سلامتی جیسے اہم امور کو نظر انداز کرکے حکومت اپنی ڈوبٹی ہوئی ناؤ بچانے کے لیے ہاتھ پاؤں مارنے میں مصروف ہے۔ نیشنل ایکشن پلان پر عمل درآمد حکومت کی انتقامی کاروائیوں تک محدود ہے۔اسلام آباد جیسے حساس شہر میں دہشت گردوں کا نمازیوں پر کلاشنکوف سے فائرنگ کرنا ریاستی اداروں اور حکومتی رٹ کی ناکامی کا منہ بولتا ثبوت ہے۔

انہوں نے مزید کہاکہ کالعدم مذہبی جماعتیں وفاقی دارالحکومت میں دندناتی پھر رہی ہیں۔ وفاقی دارالحکومت میں دہشت گردوں کے سہولت کاروں کے ٹھکانوں سے حکومت اور ادراے بخوبی آگاہ ہے ۔ملک دشمن عناصر سے مفاہمتی طرز عمل ان کے حوصلوں کی تقویت کا باعث ہے۔ سہولت کاروں کے گرد قانون کا گھیرا تنگ کیے بغیر امن و امان کی خواہش محض خام خیالی ہے۔سیف سٹی منصوبہ کے تحت وفاقی دارالحکومت کی سڑکوں اور رہائشی علاقوں میں دو ہزار سے زائد کیمرے نصب ہیں ۔ان کی مدد سے امام بارگاہ باب العلم پر حملہ کرنے والے افراد کا سراغ لگایا جائے۔ حکومت سیاسی قوتوں سے داؤ پیچ لڑانے کی بجائے دہشت گردی کے خاتمے پر توجہ دے تاکہ پاکستان کو محفوظ بنایا جا سکے۔

وحدت نیوز(اسلام آباد) مجلس وحدت مسلمین کے مرکزی قائدین کی جانب سے ایم ڈبلیوایم ضلع اسلام آباد کے رہنما مسرور نقوی کے والد بزرگوار سید فخر عالم نقوی کے انتقال پرملال پراہل خانہ سے تعزیت اور افسوس کا اظہار، تفصیلات کے مطابق ایم ڈبلیوایم ضلع اسلام آبادکے ڈپٹی سیکریٹری جنرل سید مسرورنقوی کےوالد محترم مختصر علالت کے باعث اسلام آباد کے مقامی اسپتال میں رضائے الہیٰ سے انتقال فرماگئے ، ان کی رحلت پر مجلس وحدت مسلمین کے مرکزی سیکریٹری جنرل علامہ راجہ ناصرعباس جعفری، علامہ احمد اقبال رضوی، علامہ شفقت شیرازی، علامہ مبارک موسوی، علامہ مقصودڈومکی، علامہ آغا علی رضوی، علامہ تصور نقوی، علامہ اقبال بہشتی، علامہ برکت مطہری سمیت ملک بھر سے قائدین اور رہنماوں نے دلی رنج وغم اور افسوس کا اظہار کیا ہے، رہنماوں نے دعاکی کہ خدا وند قدوس مرحوم کو جوار اہل بیت ؑ میں محشور فرمائے اور پسماندگان کو صبر جمیل عنایت فرمائے، مرحوم کی نماز جنازہ آج بعد نماز مغربین مرکزی امام بارگاہ اثناءعشری جی سکس ٹو میں ادا کی جائے گی جبکہ تدفین ایچ الیون قبرستان میں عمل میں لائی جائے گی جس میں ایم ڈبلیوایم کے مرکزی اور ضلعی رہنماوں سمیت عزیز واقارب بڑی تعداد میں شرکت کریں گے، ایم ڈبلیوایم کے مرکزی رہنماعلامہ اصغر عسکری نے تمام مومنین ومومنات سے آج شب مرحوم کے لئے نماز وحشت قبر کی بھی التماس کی ہے۔

وحدت نیوز(اسلام آباد) بلوچستان ایک مرتبہ پھر بے گناہوں کی مقتل گاہ بناہے، کوئٹہ میں ایس پی انویسٹی گیشن محمد الیاس کو ان کی اہلیہ اور معصوم بچوں سمیت قتل اور تربیت میں 15نہتے مزدوروں کا قتل عام بربریت کی بدترین مثال ہے،دشمن ممالک کوبلوچستا ن کا امن کسی صورت نہیں بھاتا، پاک چین اقتصادی راہداری منصوبہ ان کی آنکھ کا کانٹا ہےجو انہیں بہت چبھتاہے، ان خیالات کا اظہارمجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے بلوچستان کے شہر کوئٹہ اور تربت میں ہونے والے دہشت گردی کے دواندھوناک سانحات پر اپنے تعزیتی بیان میں کیا ۔

انہوں نے کہا کہ کوئٹہ میں ایس پی محمد الیاس کو ان کے اہلیہ اور بچوں اور تربیت میں روز گار کی تلاش میں سرگرداں نہتے مزدوروں کو شناخت کرے بس سے اتار کرمارنے کا دکھ، افسوس اور غم ہم بہترمحسوس کرسکتے ہیں ،گذشتہ تین دھائیوں سے پاکستان کی گلی کوچوں، بازاروں اور درباروں میں محب وطن شیعہ سنی عوام کو چن چن کر نشانہ بنایاگیا، اسی بلوچستان میں ہمارے ہزارہ شیعہ بھائی بہنوں کو بسوں سے شناختی کارڈ دیکھ کر اتارا گیا اور گولیوں سے بھونا گیا، ہم نے اس وقت بھی شور مچایا اور قاتلوں کو کیفرکردار تک پہنچانے کا مطالبہ کیا تھا لیکن صاحبان اقتدار اور ریاستی اداروں کے کانوں پر جوں تک نہیں رینگتی تھی،اگر کل ہمارے احتجاج پر کان دھر لیئے جاتے توآج نوبت یہاں تک نا آتی۔

ان کامذید کہناتھاکہ پاک فوج نے کافی حد تک بلوچستان میں امن وامان کے قیام کیلئےکوششیں کیں، آپریشن ضرب عضب اور نیشنل ایکشن پلان کے مطابق کالعدم جماعتوں کے خطرناک دہشت گرد ماضی قریب میں قاصل جہنم ہوئے ، دہشت گردوں کی بعد کمین گاہیں بھی تباہ کی گئیں لیکن  پاک چین اقتصادی راہداری منصوبہ بھارت ، اسرائیل ، امریکہ اور خلیجی ممالک کی آنکھ کا کانٹا ہےجو انہیں  بہت تکلیف دیتا ہے، بلوچستان میں ہونے ماضی میں ہونے والی شیعہ نسل کشی اور اب سکیورٹی افسران اور پنجاب سے تعلق رکھنے والے مزدوروں کا قتل عام ایک ہی سازش کی کڑی ہے، علامہ راجہ ناصرعباس جعفری نے کوئٹہ میں ایس پی محمد الیاس ،ان کے اہل وعیال اور تربیت میں میں شہید ہونے والے15 بے گناہ مزدوروں کے اہل خانہ سے دلی تعزیت کا اظہار کیا ہے ، ان کاکہناتھاکہ مجلس وحدت مسلمین دکھ کی اس گھڑی میں شہداءکے خانوادگان کے غم میں برابر کی شریک ہے ، انہوں نے بارگاہ ایزدی میں دعا کی وہ تمام شہداءکو اپنے جوار میں محشور فرمائے اور تمام پسماندگان کو صبر جمیل عنایت فرمائے۔

وحدت نیوز(لاہور) مجلس وحدت مسلمین سنٹرل پنجاب کے ڈپٹی سیکرٹری جنرل پروفیسر ڈاکٹر افتخار حسین نقوی نے کرم ایجنسی میں ملک دشمن دہشتگردوں کے حملے میں شہید ہونے والے پاک فوج کے نوجوانوں کو خراج عقیدت پیش کرتے ہوئے کہا کہ مادر وطن کی حفاظت کے لئے پاکستانی قوم اپنے بہادر افواج کے شانہ بشانہ کھڑی ہے،افغانستان میں عالمی دہشتگرد امریکہ داعشی کو منظم کر رہا ہے،ہم دشمن کے ناپاک عزائم سے بخوبی واقف ہیں،اور انشااللہ ان کے ناپاک ادروں کو خاک میں ملاکر دم لیں گے،انہوں نے کہا کہ موجودہ ملکی صورت حال میں عوام کو متحد ہو کر ملک دشمنوں کے عزائم کو خاک میں ملانا ہوگا،حکمران ملکی سالمیت سے زیادہ اپنی چوری چھپانے میں سرگرداں ہیں،ن لیگ کے جانب سے ادروں کے کیخلاف ہرزہ سرائی کی شدید مذمت کرتے ہیں،انشااللہ جس طرح ہم نے قیام پاکستان کے لئے جانی مالی قربانیاں دی ہیں پاکستان کی سلامتی و بقا کے لئے بھی کسی بھی قسم کی قربانی سے دریغ نہیں کریں گے۔

Page 1 of 6

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree