وحدت نیوز(ملتان) مجلس وحدت مسلمین صوبہ جنوبی پنجاب کے سیکریٹری امور سیاسیات انجینئرمہر سخاوت علی نے اپنے ایک بیان میں کہا ہے کہ نااہل اور ظالم وزیراعظم نوازشریف اپنی نااہلی چھپانے کیلئے عوام کو پاکستان کے اعلیٰ اداروں کے خلاف محاز آرائی کیلئے اکسارہے ہیں جو کہ پاکستان میں انتشار کی وجہ بنے گا ۔ ظالم اپنے ظلم چھپانے کیلئے مظلوم کا روپ دھار کر پاکستان کی عوام کو دھوکہ دینا چاہتا ہے ۔ مگر پاکستانی عوام اس مکار کی مکاری اور فنکاری سے خوب آگاہ ہیں اس لیے جی ٹی روڈ پر فلاپ شو کے بعد اس قدر بوکھلاہٹ کا شکار ہے کہ اس کا پروٹوکول معصوم لوگوں کو کچلتا ہوا تیزی سے گزر رہا ہے ۔ لالہ موسیٰ میں ننھے معصوم حامد کو کچلنے کی مزمت کرتے ہیں اور مطالبہ کرتے ہیں کہ اس کی FIR نوازشریف کے خلاف کاٹی جائے۔

وحدت نیوز(ملتان) مجلس وحدت مسلمین جنوبی پنجاب کے پولیٹیکل سیکریٹری انجینئرمہرسخاوت علی نے لاہور میں خود کش حملے اور قیمتی انسانی جانوں کے ضیاع پر دکھ اور افسوس کا اظہار کرتے ہوئے کہا کہ پنجاب اور وفاقی حکومت صرف شریف خاندان کے دفاع میں مصروف عمل ہے اور عام عوام دہشتگردوں کے رحم و کرم پر ہے، حکومت نے شریف فیملی کی حفاظت کے لیے 8 ارب خرچ کردیئے مگر عوام کی جان ومال کے تحفظ کی بجائے میٹرو کو ترجیح دی گئی تاکہ لوہے اور سریا سے پیسہ کمایا جا سکے ،حکومت پنجاب اپنے سیاسی مخالفین کو ہراساں کرنے کی بجائے دہشتگردوں کو روکے اور انکا پولیٹیکل ونگ بننے سے باز آجائے ، ہم سکیورٹی اداروں  سے مطالبہ کرتے ہیں کہ وہ دہشتگردوں کے خلاف بلاتفریق کارروائی شروع کرے تاکہ عام عوام کی جان ومال کا تحفظ کیا جاسکے جو کہ عوام کا بنیادی حق ہے ۔

وحدت نیوز(اسلام آباد) مرکزی سیکرٹری تربیت ایم ڈبلیو ایم  وویمن ونگ محترمہ نرگس سجاد جعفری نے لاہور بم دھماکے کی شدید الفاظ میں مذمت کی اور قیمتی جانوں کے ضیاع پر گہرے دکھ اور افسوس کا اظہار کیا. سماجی رابطے کی ویب سائٹ ٹوئٹر پر جاری اپنے پیغام میں ان کا کہنا تھا کہ حکومت عوام کے تحفظ میں ناکام ہوچکی ہے. انھوں نے کہا کہ دہشتگردی خلاف قوم متحد ہےایسی بزدلانہ کاروائیوں سے  پاکستانیوں کا حوصلہ پست نہیں کیا جاسکتا. دہشتگردی کے خلاف جنگ میں قانون نافذ کرنے والے اداروں کے جوانوں نے بے شمار قربانیاں دی ایم ڈبلیو ایم  ان قربانیوں کو قدر کی نگاہ سے دیکھتی ہے اور خراج تحسین پیش کرتی ہے انھوں نے مطالبہ کیا کہ اس واقع کے ذمہ داروں کو جلد از جلد کیفرکردار تک پہنچایا جائے . انھوں نے شھداء کے بلندی درجات اور زخمیوں کی جلد صحت یابی کےلیے دعا بھی کی۔