وحدت نیوز(مظفرآباد)مجلس وحدت مسلمین آزاد کشمیر کے سیکرٹری جنرل علامہ سید تصور حسین الجوادی نے پولیس اہلکاران, سول ڈیفنس ودیگر ادارے جو اس لاک ڈاؤن میں مختلف مقامات (مُوری گوجرہ،بیلا نورشاہ،بانڈی سماں،چہلہ پل،سی ایم ایچ سٹاپ،نیلم پل،عزیز چوک،آزادی چوک،علمدار چوک اور زیرو پوائنٹ)پر اپنی ذمہ داریاں سر انجام دے رہے ہیں ان میں پانی کی کی بوتلیں تقسیم کیں۔

اس موقع پر علامہ جوادی نے پولیس آفیسران،اہلکاران اور سول ڈیفنس کے عملے سے گفتگو کرتے ہوۓ انہیں شاندار الفاظ میں خراج تحسین پیش کرتے ہوئےکہا کہ آپ موسم کی پروا کیے بغیرجس ہمت اور جوان مردی سے حالت کا ڈٹ کر مقابلہ اور لاک ڈاون کو یقینی بنا رہے ہیں یہ بات ثابت کرتی ہے کہ آپ لوگ ہی قوم کے ہیرہ ہیں پوری قوم خصوصاً مجلس وحدت مسلمین آزادکشمیر،المجلس ڈیزاسٹر مینجمنٹ سیل آزادکشمیر آپ کی انتھک ڈیوٹی کو قدرکی نگاہ سے دیکھتی ہے۔

جس پر اہلکاروںنے ان کی کاوشوں کو سراہتے ہوئے دادتحسین پیش کی اور علامہ جوادی اور ان کی پوری ٹیم کا شکریہ ادا کیا۔اس موقع پر ان کے ہمراہ ڈپٹی سیکرٹری جنرل آغا سید طالب حسین ہمدانی,سیکرٹری تنظیم سازی صوبیدار(ر)سید فدا حسین نقوی,کوارڈینیٹر ایمپلائز ونگ سید ممتاز حسین نقوی کے علاوہ سیکرٹری روابط سید عامر نقوی موجود تھے۔

مظفرآباد (وحدت نیوز) علامہ سید تصور حسین نقوی پر حملہ کو تین سال ہونے پر حکومتی بے حسی اور نا اہلی کے خلاف ملت جعفریہ کی تمام تنظیمات کا مشترکہ اجلاس مجلس وحدت مسلمین آزاد کشمیر کے ریاستی سیکرٹریٹ مظفرآباد میں آغا سید طالب حسین ہمدانی کی زیر صدارت منعقد ہوا. اجلاس کے شرکاء نے علامہ سید تصور حسین نقوی کے کیس کے حوالے سے حکومتی نااہلی اور بے حسی کی شدید الفاظ میں مزمت کرتے ہوئے بھرپور احتجاج کا عندیہ دیا۔

اجلاس میں آزاد کشمیر بھر میں ریاست گیر بھرپور احتجاج کے لئیے تمام تنظیمات کے نمائندہ افراد پر مشتمل کمیٹی تشکیل دی گئی .اجلاس میں علامہ سید تصور حسین نقوی اور ان کی اہلیہ پر حملہ آوروں کی تاحال عدم گرفتاری اور ان کے سہولت کاروں کو بے نقاب نہ کیے جانے پر شدید تشویش اور غم و غصے کا اظہار کیا گیا۔

 نیز وزیراعظم آزاد کشمیر اور انتظامیہ کی طرف سے کیے گئے وعدوں کی عدم پاسداری کی بھی شدید الفاظ میں مزمت کی گئی.اور مطالبہ کیا گیا کہ حکومت اور انتظامیہ بشمول چیف سیکرٹری اور آئی جی پی معاملے کا فلفور نوٹس لیتے ہوئے راست اقدام اٹھائیں اور علامہ تصور حسین نقوی کے حملہ آوروں کو میڈیا کے سامنے پیش کیا جائے. نیز ان کی فیملی اور جماعت سے کئیے گئے وعدے پورے کئے جائیں ۔

جبکہ اس موقع پر تشکیل دی گئی کمیٹی کے چیئرمین علامہ سید فرید عباس نقوی سینئر وائس چیئر مین جعفریہ سپریم کونسل آزاد کشمیر ,جنرل سیکرٹری  شجاعت علی کاظمی,جبکہ ممبران میں آغا سید طالب حسین ہمدانی ڈپٹی سیکرٹری جنرل مجلس وحدت مسلمین آزاد کشمیر,مولانا معصوم علی سبزواری ڈویژنل صدر شیعہ علماء کونسل مظفرآباد,ناظم مغل جنرل سیکرٹری امامیہ آرگنائزیشن آزاد کشمیر ریجن,سید قمر عباس کاظمی ڈویژنل صدر امامیہ آرگنائزیشن آزاد کشمیر,سید فرزند علی نقوی نائب صدر مرکزی انجمن جعفریہ مظفرآباد,سید راشد علی نقوی صدر مرکزی انجمن جعفریہ جہلم ویلی شامل ہیں.اجلاس میں علامہ سید تصور حسین نقوی خصوصی طور پر شریک ہوئے۔

جبکہ اجلاس میں سید زوار حسین نقوی ایڈووکیٹ ریجنل ناظم امامیہ آرگنائزیشن آزاد کشمیر,سید اقتدار حسین نقوی جنرل سیکرٹری مرکزی انجمن جعفریہ مظفرآباد, سید تصور عباس موسوی جنرل سیکرٹری مرکزی انجمن جعفریہ جہلم ویلی,سید فدا حسین نقوی سیکرٹری مالیات مجلس وحدت مسلمین آزاد کشمیر,سید وقار کاظمی سیکرٹری میڈیاسیل،سید اسد علی بخاری سیکرٹری یوتھ،سید وقار علی کاظمی سیکرٹری جنرل ضلع نیلم کی علاوہ سید عامر علی نقوی سیکرٹری مالیات مجلس وحدت مسلمین آزاد کشمیر سید احسان گیلانی سیکرٹری روابط مظفرآباد اور دیگر تنظیموں کے نمائندگان شریک ہوئے.

وحدت نیوز(مظفرآباد) مجلس وحدت مسلمین آزادکشمیر کی کابینہ کے تین نومنتحب عہدیداران نے حلف اٹھا لیا۔حلف برداری کی تقریب وحدت سیکرٹریٹ مظفرآباد میں منعقدہوئی۔نو منتحب عہدیداران میں سیکرٹری تنظیم سازی صوبیدار(ر)سید فدا حسین نقوی،سیکرٹری سیاسیات تنویر احمد مغل،سیکرٹری ویلفیئر خالد محمود عباسی شامل ہیں جن سے ریاستی سیکرٹری جنرل مجلس وحدت مسلمین سیدتصور حسین نقوی جوادی نے حلف لیا۔

جبکہ اس سے قبل کابینہ میں شامل ڈپٹی سیکرٹری جنرل مولانا سیدطالب حسین ہمدانی ،سیکرٹری میڈیا سیل سید وقارت حسین کاظمی،سیکرٹری امور جوانان سید اسد علی بخاری،سیکرٹری تبلیغات مولاناسید زاہد حسین کاظمی،سیکرٹری مالیات و روابط سید عامر علی نقوی،سیکرٹری امور مہاجرین ِکشمیر سید پیر حسن شاہ نقوی اپنے اپنے عہدوں کاحلف اٹھا چکے ہیں۔حلف برداری کی اس تقریب کے موقع پرکابینہ کا اجلاس منعقد ہوا جس کی صدارت ریاستی سیکرٹری جنرل مجلس وحدت مسلمین آزادکشمیر نے کی ۔

اپنے خطاب میں ریاستی سیکرٹری جنرل نے تنظیم کی ضرورت اور مجلس وحدت مسلمین کے قیام کے مقاصد پر روشنی ڈالتے ہوئےکہا کہ مولا علی علیہ السلام سے سوال کیا گیا کہ عدل و سخاوت میں کونسی چیز افضل ہے۔مولا نے فرمایا عدل کیونکہ سخاوت چیزوں کو منتشر کرتی ہے جبکہ عدل چیزوں کو اپنے مقام پر رکھتا ہے لہٰذامجلس کے قیام کا مقصد پاکستان میں عادلانہ نظام کے قیام کی جدو جہد ہے ایسے نظام کا قیام جس کی بنیاد تعلیمات محمد و آل محمد علیھم السلام پر استوار ہو۔مجلس کے مختلف شعبے تسبیح کے دانوں کی مانند ہیں جو ایک دھاگے کے ساتھ باہم مربوط ہیں۔ہمیں چاہیے کے ہم تنظیم کے امور میں ایک دوسرے کے ساتھ تعاون کریں۔شعبہ جاتی امور میں ایک دوسرے سے تعاون کریں۔اجلاس سے نومنتخب عہدیداران کے علاوہ ڈپٹی سیکرٹری جنرل مولانا طالب ہمدانی نے بھی خطاب کیا۔

وحدت نیوز(مظفرآباد) مجلس وحدت مسلمین آزاد جموں و کشمیر کے سیکریٹری جنرل  علامہ سید تصور حسین نقوی  نے وحدت نیوز سے گفتگو میں کہا ہے کہ 7 مارچ کو ہونے والے احتجاجی مظاہرے میں بھرپور شریک ہو کر میری ملت کے غیور لوگوں نے میرے خون پر سیاست کرنے والوں کو مسترد کر دیا ، نہ صرف مسترد بلکہ بھرپور قوت سے ناکام بنایا۔ اور ثابت کر دیا کہ وہ تمام لوگ آج بھی میرے سڑک پر گرے لہو کو ضائع نہیں ہونے دیں۔ مجھ اور میری اہلیہ پر گولیاں  برسانے والوں کو تا دم زیست معاف نہیں کریں گے اور میری مظلومیت کے حامی تھے ہیں اور رہیں گے۔میں احتجاج میں شریک ملت کے ایک ایک فرد سمیت ان تمام احباب کا شکر گزار ہوں کہ جنہوں نے اسے کامیاب بنانے میں کسی بھی طور پر اپنا کردار ادا کیا۔

وحدت نیوز(مظفرآباد) علامہ سید تصور حسین نقوی الجوادی اور ان کی اہلیہ پر قاتلانہ حملہ ہوئے ایک سال گزرنے پر حملہ آوروں کی عدم گرفتاری ، سراغ تک نہ لگانا، عوام کو معلومات سے دور رکھنے اور حکومت وقت کی بے حسی و عدم توجہی کے خلاف مجلس وحدت مسلمین آزاد کشمیر و انسداد دہشت گردی پبلک ایکشن کمیٹی کا سنٹرل پریس کلب مظفرآباد کے باہر بڑا احتجاجی مظاہرہ، مشتعل مظاہرین نے سڑک بلاک کر کے حملہ آوروں کو گرفتار کرو، دہشت گردی ختم کرو، خفیہ ہاتھ سامنے لاؤ، نااہل حکومت نااہل انتظامیہ ہائے ہائے کے نعرے لگائے۔ احتجاجی مظاہرے سے سیکریٹری جنرل مجلس وحدت مسلمین آزاد کشمیر علامہ سید تصور حسین نقوی، کوآرڈینیٹر انسداد دہشت گردی پبلک ایکشن کمیٹی سید شجاعت علی کاظمی ، مولانا طالب ہمدانی، سید تصور عباس موسوی ، سید راشد علی نقوی، مولانا ضیاء الحسن زیدی، سید یاسر علی نقوی ، سید فخر عباس کاظمی ، سید حمید حسین نقوی ، سید ذیشان حیدر، مولانا معصوم سبزواری ، سید عاطف ہمدانی، مشتاق کاظمی، غفران علی کاظمی، ممتاز نقوی ، اسد بخاری ، ماجد اعوان ، علی رضا بخاری ، مبارک علی کوثری و دیگر نے خطاب کیا ۔

 مقررین نے اپنے خطاب میں کہا کہ اب ہمارے صبر کا پیمانہ لبریز ہو چکا۔بہت صبر کیا اب مطالبہ ہے کہ علامہ تصور جوادی پر حملہ کرنے والوں کو جلد از جلد گرفتار کیا جائے ، نہ صرف گرفتار کیا جائے بلکہ قرار واقعی سزا دی جائے ۔ انہیں ، ان کے سہولت کاروں کو سامنے لایا جائے، حکومت و انتظامیہ کے پاس اب بھی وقت ہے کہ ہوش کے ناخن لے۔ اس مسئلے کو سنجیدہ نہیں لیا جا رہا۔ا نہیں اب سنجیدگی دکھانا ہو گی ۔ اس سارے مسئلے میں حکومت نام کی کوئی چیز نظر نہیں آئی ، وقت ہے کہ موجودگی کا احساس دلایا جائے وگرنہ آنے والے شدید ردعمل کو کوئی بھی نہیں روک سکے گا۔ آج کا احتجاج صرف ایک جھلک تھی 20دن کا وقت دیتے ہیں اگر پھر بھی ہمارے مطالبات پر کان نہ دھرے گئے تو پھر دمادم مست قلندر ہو گا۔

وحدت نیوز(مظفرآباد) مرکزی ڈپٹی سیکرٹری جنرل علامہ احمد اقبال رضوی، مرکزی سیکرٹری روابط برادر ملک اقرار حسین، برادر ارشاد حسین ، ڈپٹی سیکرٹری جنرل آزاد کشمیر مولانا طالب ہمدانی ، معروف سیاسی رہنما  تصور عباس موسوی ، سیکرٹری جنرل مظفرآباد سید غفران علی کاظمی ، سید ممتاز نقوی و دیگر کی ڈی آئی جی پولیس آزاد کشمیر سردار گلفراز عباسی سے ملاقات،اس موقع پر ایس ایس پی مظفرآباد راجہ اکمل خان بھی موجود تھے۔

رہنماوں نے ملاقات میں علامہ تصور حسین نقوی اور ان کی اہلیہ پر قاتلانہ حملہ کرنے والوں کی عدم گرفتاری  پر اظہار تشویش  کیا اور  جلد گرفتار کر کے سامنے لانے کا مطالبہ، علامہ تصور جوادی پاکستان و آزاد کشمیر کی ہر دلعزیز  شخصیت ہیں ان کا سڑک پر گرا لہو رائیگاں نہیں جانے دیا جائے گا۔ سات مارچ مظفرآباد میں بھرپور احتجاج کر کے اس ظلم کے خلاف آواز احتجاج بلند کریں گے۔ پولیس افسران کی جانب سے مجرمان کی گرفتاری کے کوششیں تیز کرنے کی یقین دہانی۔