وحدت نیوز( اصفہان) حکومت ہوش کے ناخن لے، ہم ملت کے غیور فرزندان، علمائے کرام اور بالخصوص سید ناصر عباس شیرازی ایڈووکیٹ کی جبری گمشدگی کی پرزور مذمت کرتے ہیں، ان خیالات کا اظہار مجلس وحدت مسلمین شعبہ قم المقدس کے رہنما مولانا رضوان جعفری نے المصطفی انٹرنیشنل یونیورسٹی شعبہ اصفہان کے طلاب سے گفتگو کرتے ہوئے کیا، انہوں نے اسیران ملت اور بالخصوص مجلس وحدت مسلمین کے مرکزی ڈپٹی سیکرٹری سید ناصر عباس شیرازی کی جبری گمشدگی کی پرزور مذمت کی، انھوں نے کہا کہ ہم پاکستان کے وفادار شہری ہیں، ہمارے آباؤ اجداد نے اس وطن کو جان کی قربانیاں دے کر حاصل کیا، موجودہ حکومت انتقام کی سیاست کر رہی ہے، ملت تشیع کو مجبور نہ کیا جائے کہ ہم اپنے اسیران بالخصوص سید ناصر عباس شیرازی کی بازیابی کی لیے انتہائی قدم اٹھانے پر مجبور ہو جائیں، اس موقع پہ تمام طلاب کرام نے ہر قسم کی تحریک کی حمایت اور مکمل تعاون کا اعلان کیا، مزید انھوں نے طلاب عظام کو نظام ولایت کے ہاتھوں داعش کی عراق اور شام سے مکمل خاتمے کی مبارک باد پیش کی۔
وحدت نیوز(قم) مجلس وحدت مسلمین شعبہ قم کے دفتر میں قائد شھید علامہ سید عارف حسین الحسینی رہ کی شخصیت کے حوالے سے علمی نشست کا اہتمام کیا گیا، نشست سے دانشکدہ شہید عارف الحسینی کے مدیر حجت الاسلام والمسلمین سید جاوید شیرازی نے امام امت رح کے خط کی محوریت میں قائد شھید علامہ سید عارف حسین الحسینی کی فردی اجتماعی خصوصیات پر روشنی ڈالی، جبکہ نشست کے دوسرے خطیب مجلس وحدت مسلمین کے سیکرٹری امور خارجہ حجت الاسلام والمسلمین ڈاکٹر سید شفقت حسین شیرازی موسس دانشکدہ شھید حسینی رح نے شھید کی زندگی کے مختلف پہلووں پر روشنی ڈالی۔ نشست کا اھتمام دانشکدہ شھید حسینی رح اور بصیرت آرگنایزیشن کے باھمی اشتراک سے کیا گیا تھا۔.
