وحدت نیوز(نجف اشرف) مجلس وحدت مسلمین پاکستان کے ڈپٹی سیکرٹری جنرل و خارجہ اُمور کے سیکریٹری علامہ سید شفقت حسین شیرازی نے ایک وفد کے ہمراہ امام جمعہ والجماعت نجف اشرف ومجلس وعلی عراق کے رُکن علامہ سید صدرالدین قبانچی سے ملاقات کی۔ مجلس وحدت مسلمین کے وفد میں ایم ڈبلیو ایم نجف اشرف کےسیکریٹری جنرل علامہ سید مہدی نجفی، اراکین رابطہ کمیٹی علامہ سید عمران کاظمی اورعلامہ سید حسین نقوی شامل تھے۔ ملاقات کے دوران علامہ شید شفقت شیرازی نے مجلس وحدت مسلمین پاکستان کی فعالیت کو بیان کیا۔ علامہ شفقت شیرازی کا کہناتھا کہ ہم چاہتے ہیں کہ جس طرح پہلے پاکستان اور عراق کی مذہبی سیاسی جماعتوں کے روابط تھے وہ دوبارہ بحال کیے جائیں۔ تاکہ دونوں ممالک کی مذہبی سیاسی جماعتوں کے درمیان ہم آہنگی پیدا ہو۔ اس موقع پر علامہ سید شفقت شیرازی نے علامہ قبانچی کو پاکستان کے دورے کی دعوت دی۔ جس پر علامہ سید صدرالدین قبانچی نے کہا کہ اس طرح کی ملاقاتیں اور دونوں ممالک کی مذہبی جماعتوں کے درمیان تعاون کی فضا کو برقرار رکھنا چاہیے۔ ہم یہ چاہتے ہیں کہ پاکستان کے ساتھ دوبارہ وہی تعلقات بحال ہوں جو پہلے تھے۔ انشاء اللہ جب بھی مجلس وحدت مسلمین ہمیں پاکستان میں کسی پروگرام پر آنے کی دعوت دے گی ہم ضرور حاضر ہوں گے۔

وحدت نیوز(نجف اشرف) مجلس وحدت مسلمین پاکستان کے ڈپٹی سیکرٹری جنرل و خارجہ اُمور کے سیکریٹری  علامہ سید شفقت حسین شیرازی نے ایک وفد کے ہمراہ نجف اشرف میں پاکستانی نژاد مجتہد آیت اللہ حافظ بشیر حسین نجفی کے صاحبزادے علامہ شیخ علی نجفی سے ملاقات کی۔ مجلس وحدت مسلمین کے وفد میں ایم ڈبلیو ایم نجف اشرف کے سیکریٹری جنرل علامہ سید مہدی نجفی، اراکین رابطہ کمیٹی شیخ ناصر نجفی بھی ہمراہ تھے۔ ملاقات کے دوران علامہ سید شفقت شیرازی نے مجلس وحدت مسلمین پاکستان کی کارکردگی کو بیان کیا۔ جس پر شیخ علی نجفی المعروف ابو صادق نے مجلس وحدت مسلمین پاکستان کی کارکردگی کو سراہتے ہوئے کہا کہ عراق کی مرجعیت ایم ڈبلیو ایم کے ساتھ ہے اور اس حوالے سے مکمل تعاون کیا جائے گا۔ شیخ علی نجفی نے کہا کہ اس وقت پاکستان کے شیعوں کو ایک پلیٹ فارم پر اکٹھا کرنے کی ضرورت ہے۔ تاکہ ایک کلمہ پر جمع ہو کر مسائل تشیع کو بہتر طریقے سے حل کرسکیں۔ جس پر علامہ شفقت شیرازی نے کہا کہ پہلے بھی مجلس وحدت مسلمین پاکستان میں وحدت کے لیے کوشاں ہے اور آئندہ بھی یہ کوشش جاری رہے گی۔ اس موقع پر علامہ سید شفقت شیرازی نے شیخ علی نجفی کو پاکستان آنے کی دعوت دی، جس پر اُنہوں نے آمادگی کا اظہار کیا۔

وحدت نیوز (نجف)مجلس وحدت مسلمین (نجف اشرف) کے زیراہتمام شہید مظلوم علامہ سید عارف حسین الحسینی کی پچیسویں برسی اور مدیر مدرسہ معصومین آقائے شیخ علی مدبر کی وفات کے موقع پر فاتحہ خوانی اور مجلس عزاء کا اہتمام کیا گیا۔ برسی کی تقریب میں نجف اشرف میں مقیم پاکستانی طلباء نے شرکت کی۔ تقریب سے خطاب کرتے ہوئے ایم ڈبلیو ایم نجف اشرف کے سیکرٹری جنرل علامہ سید مہدی نجفی نے کہا کہ شہید مظلوم علامہ سید عارف حسین الحسینی کی عظیم شخصیت ملت تشیع کے لیے کسی نعمت سے کم نہیں تھی۔ آج ضرورت اس امر کی ہے کہ قائد شہید کے افکار کو زندہ رکھا جائے۔ شہید علامہ عارف الحسینی ہردلعزیز شخصیت تھے، جنہوں نے بہت کم عرصے ملت مظلوم کو ایک طاقت ور قوم بنا دیا تھا۔ اُنہوں نے مزید کہا کہ آج کے علماء کو علامہ عارف الحسینی کی شخصیت کو اپنے لیے رول ماڈل بنانا ہوگا۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree