وحدت نیوز(ملتان) ایم ڈبلیوایم کے حمایت یافتہ ملتان کے حلقہ این اے149سے نومنتخب رُکن قومی اسمبلی ملک محمد عامر ڈوگر نے وحدت ہائوس (جامع مسجد الحسین )ملتان میں مجلس وحدت مسلمین پاکستان کے مرکزی سیکرٹری سیاسیات سید ناصرعباس شیرازی سے ملاقات کی۔ اس موقع پر ایم ڈبلیو ایم ملتان کے سیکرٹری جنرل علامہ سید اقتدارحسین نقوی، ڈپٹی سیکرٹری جنرل سلیم عباس صدیقی، علامہ قاضی نادر حسین علوی، مولانا عمران ظفر، سیکرٹری سیاسیات مہر سخاوت، وسیم زیدی، ملک حسنین عباس انصاری، ذیشان حیدرعابدی، ناصر عباس گردیزی، قمر زیدی، سید طاہرعباس گردیزی، حسن اختر رضوی، شبررضا زیدی اور مجلس وحدت مسلمین جنوبی پنجاب کے میڈیاکوارڈینیٹر ثقلین نقوی موجود تھے۔

 

مجلس وحدت مسلمین کی حمایت سے منتخب ہونے والے ممبر قومی اسمبلی ملک عامر ڈوگر سے ملاقات کے دوران گفتگو کرتے ہوئے مجلس وحدت مسلمین کے مرکزی سیکرٹری سیاسیات سید ناصر عباس شیرازی کا کہنا تھا کہ پاکستان اس وقت کرپشن، بدعنوانی، مہنگائی، بے روزگاری سمیت بہت سے مسائل کا شکا ر ہے لیکن ملک کے نام نہاد اور جعلی حکمران اپنی عیش وعشرت اور اقتدار کو طول دینے کی ہرممکن کوشش کررہے ہیں لیکن ملک میں دھرنوں سے پیداہونے والی صورتحال نے ہرپاکستانی کو ایک نیا حوصلہ دیا ہے کہ ظالم کے سامنے کھڑے ہوکر آوازحق کو بلند کرنا چاہیے۔   ناصر شیرازی کا مزید کہنا تھا کہ شیعہ سنی وحدت سے تکفیریت کا چہرہ واضح ہورہا ہے، آج پاکستان میں ایک طرف کو خوش آمدید کہا جارہا ہے اور دوسری طرف اُس سے انکار کیا جارہا ہے، مجلس وحدت مسلمین پاکستان نے آپ کی حمایت کا فیصلہ کیا اور پھر ہر ممکن کوشش کی۔ یاد رہے کہ ملک عامر ڈوگر کے مدمقابل اُمیدوار کالعدم سپاہ صحابہ کے حمایت یافتہ تھے جس پر مجلس وحدت مسلمین نے ملک عامر ڈوگر کی حمایت کی۔ جس حلقے سے ملک عامر ڈوگر کامیاب ہوئے ہیں یہ شیعہ اکثریتی حلقہ ہے اور یہ حلقہ عزادری کا مرکزہے۔

 

نومنتخب رُکن اسمبلی نے ضمنی الیکشن میں مجلس وحدت مسلمین کی جانب سے حمایت کرنے پر شکریہ ادا کیا اور کہا کہ ملک سے فرقہ واریت کا خاتمہ ہی ترقی کا پیش خیمہ ہے، بعض نام نہاد لیڈر بھی مصلحت کاشکار ہیں اور حق بات کہنے کی بجائے ظالم کے ظلم میں شریک ہورہے ہیں۔

agha raza lahoreوحدت نیوز (لاہور)مجلس وحدت مسلمین پاکستان کے بلوچستان کوئٹہ سے نومنتخب ایم پی اے سید آغا محمد رضانجی دورے پر لاہور پہنچ گئے۔ لاہور ائیر پورٹ پر مجلس وحدت مسلمین پنجاب کے سیکرٹری جنرل علامہ عبدالخالق اسدی اور رکن مرکزی سیاسی کونسل سید اسد عباس نقوی نے استقبال کیا۔ بعد ازاں انہوں نے صوبائی سیکرٹریٹ پنجاب کا دورہ کیا۔ صوبائی سیکرٹریٹ کے کارکنوں نے اُن کا استقبال کیا اور گل پاشی کرکے خوش آمدید کہا۔ کارکنوں سے ملاقات میں گفتگو میں کرتے ہوئے نومنتخب ایم پی اے سید آغا محمد رضا نے کہا کہ کوئٹہ میں ہماری کامیابی آپ جیسے مخلص کارکنوں اور ہماری خواتین کی جدوجہد کا نتیجہ ہے، بدترین دھاندلی کرکے بھی ہمیں ہرایا نہیں جا سکا، کوئٹہ کے عوام کی مجلس وحدت مسلمین سے والہانہ محبت ہے کہ قیام پاکستان کے بعد پہلی دفعہ کسی مذہبی ، سیاسی جماعت نے یہ کامیابی حاصل کی ہے۔

انہوں نے کہا انشاء اللہ ہم اپنی وہ عوام جنہوں نے ہم پر اعتماد کر کے ووٹ دیا ہے اور جنہوں نے ہماری مخالفت کی ہے دونوں کو مایوس نہیں کریں گے۔ انہوں نے کہا کہ ہماری طاقت کا اصل سرچشمہ صرف اور صرف خدا وند متعال کی ذات کے بعد کوئٹہ کے غیور عوام ہیں جس میں ہمارے اہلِ سنت پشتون بلوچ بھائی شامل ہیں جنہوں نے اعتماد کرتے ہوئے ہمارے کندھوں پر یہ بھاری ذمہ داری عائد کردی ہے اور میں اللہ سے دعا گو ہوں کہ خدا ہمیں عوامی خدمت اور اُن کے حقوق کیلئے جدوجہد کرنے کی توفیق دے۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree