وحدت نیوز (جیکب آباد)  مجلس وحدت مسلمین صوبہ سندھ کے سیکریٹری جنرل علامہ مقصودڈومکی نے جیکب آباد پریس کلب میں پریس کانفرنس کرتے ہوئے کہاکہ عالمی دہشت گرد امریکہ کے اسلامی ممالک پر حملوں اور بیت المقدس سفارتخانے کی منتقلی کے خلاف 13 مئی کو ایم ڈبلیو ایم کے زیر اہتمام ملک گیر یوم احتجاج منائے گی، ملک بھر میں ملت جعفریہ کے خلاف جاری دھشت گردی،اور شیعہ مساجد، امام بارگاہوں اور شخصیات سے سیکورٹی کی واپسی آج عالم اسلام اور وطن عزیز پاکستان کو جن مشکلات کا سامنا ہے اس کا ایک اہم سبب عالمی سامراجی قوتوں خصوصا امریکہ کا انسان دشمن کردار ہے، امریکہ اپنے انسان دشمن عزائم اور استکباری منصوبوں کے باعث اقوام عالم میں نفرت کی علامت بن چکا ہے۔ امریکہ کی جانب سے غاصب اسرائیل کی حمایت اور سرزمین انبیاء فلسطین کے خلاف سازشیں اور اسی مہینے امریکی سفارتخانے کی بیت المقدس (یروشلم) منتقلی کے اعلان نے شیطان بزرگ امریکہ کے اسلام دشمن کردار کو بھی بے نقاب کردیا ہے۔

ان کا کہناتھا کہ دنیا بھر میں دھشت گرد تنظیموں کی تشکیل اور بم دھماکے اور خود کش حملوں کے پیچھے امریکہ اسرائیل اور ان کے ایجنٹ ملوث رہے ہیں بدنام زمانہ دھشت گرد تنظیم داعش کی تشکیل امریکہ نے کی اب شام میں شکست کے بعد ان دھشت گردوں کو امریکہ مکمل حفاظت سے افغانستان منتقل کر رہا ہے۔ افغانستان، عراق اور شام سمیت اسلامی ممالک پر حملے اور عوام کا قتل عام امریکہ کے ناقابل معافی جرائم ہیں۔ امریکہ کی جانب سے وطن عزیز پاکستان کو آئے روز دھمکیاں دی جاری رہی ہیں، جو قابل مذمت ہیں۔ اس سلسلے میں مجلس وحدت مسلمین 13 مئی بروز اتوار ملک گیر(یوم امریکہ مردہ باد) منا رہی ہے۔ سندہ کے تمام اضلاع اور چھوٹے بڑے شہروں میں احتجاجی مظاہرے اور ریلیاں منعقد ہوں گی۔ جس میں مختلف مکاتب فکر کی سیاسی مذہبی جماعتوں کو شرکت کی دعوت دی جارہی ہے۔

علامہ مقصودڈومکی نے کہاکہ گذشتہ کئی دھائیوں سے وطن عزیز پاکستان میں انہی سامراج کے پالے ہوئے دھشت گردوں کے ہاتھوں تسلسل کے ساتھ ملت جعفریہ کے علماء ، اکابرین، شخصیات، ڈاکٹرز، انجینئرز اور معزز شہریوں کو تسلسل کے ساتھ دھشت گردی کا نشانہ بنایا گیا، یہ قتل عام اس تسلسل اور شدت کے ساتھ جاری ہے کہ اسے شیعہ نسل کشی ہی کا نام دیا جاسکتا ہے، کیونکہ ہمیں بسوں سے اتار کر شناختی کارڈ چیک کرکے گولیوں کا نشانہ بنایا گیا۔ ملک دشمن اور اسلام دشمن سامراجی قوتوں کے یہ آلہ کار اس ملک و قوم کے دشمن ہیںیہی سبب ہے کہ انہوں نے پاک فوج کو نشانہ بنایا وطن عزیز کی گلیاں پولیس کے جوانوں سے لے کر ہر طبقہ فکر کے معصوم انسانوں کے خون ناحق سے رنگین ہیں، مگر اس صورتحال میں جس مسلک اور مکتب کو سب سے زیادہ ظلم کا نشانہ بنایاگیا وہ شیعان علی ؑ ہی ہیں۔

انہوں نے مذید کہاکہ اس صورتحال کا افسوس ناک پہلویہ ہے کہ دھشت گردی کے مراکز، سہولتکاروں اور کالعدم دھشت گرد تنظیموں کو ملک بھر میں کھلی چھوٹ دی گئی ہے جو نفرت انگیز سرگرمیوں کو جاری رکھے ہوئے ہیں اور آج بھی کافر کافر کے فتنہ انگیز نعرے بلند کرتے ہیں، جب کہ تسلسل کے ساتھ ہونے والے ان سانحات میں ملوث مجرم ہر دفعہ باعزت بری ہوجاتے ہیں۔ بطور مثال 23 اکتوبر 2015 کی شب عاشور جیکب آباد میں قیامت صغریٰ بپا ہوئی ، اٹھائیس معصوم انسان دھشت گردوں کے ہاتھوں مارے گئے فقط دو سال کے اندر تمام دھشت گرد اور ان کے ساتھی باعزت بری ہوگئے۔ آخر میں ان کا کہنا تھاکہ ایک طرف تسلسل کے ساتھ وطن عزیزپاکستان میں شیعت کا قتل عام جاری ہے تو دوسری طرف شیعہ رہنماؤں اور مساجد، امام بارگاہوں و مدارس کی سیکورٹی واپس لی جا رہی ہے، جو انتہائی افسوسناک عمل ہے۔ انتظامیہ نے ملک کے مختلف شہروں میں سپریم کورٹ کے احکامات کا بہانہ بنا کر مساجد، مدارس، امام بارگاہوں اور شخصیات سے سیکورٹی واپس لی ہے، اس میں ایسی شخصیات بھی شامل ہیں جن پر ماضی میں ایک سے زائد مرتبہ دھشت گرد حملہ کر چکے ہیں اوروہ دھشت گردوں کی ہٹ لسٹ پر ہیں، ہم امید کرتے ہیں کہ ان شیعہ شخصیات اور اداروں کی سیکورٹی جلد واپس کی جائے جن کو واقعا خطرات درپیش ہیں۔

آخر میں ہم مطالبہ کرتے ہیں کہ

۱۔ ان تمام رہنماؤں کوفی الفور سیکورٹی فراہم کی جائے جنہیں دھشت گردی کا خطرہ ہے، انہیں اگر کوئی بھی نقصان ہوا تو اس کی تمام تر ذمہ داری متعلقہ اداروں پر عائد ہوگی۔
۲۔ جیکب آباد سانحہ میں ملوث مجرموں کو عبرتناک سزا دی جائے اور وارثان شہداء کے ساتھ حکومتی معاہدے پر مکمل عمل در آمد کیا جائے، خصوصا یادگار شہداء ٹاور کو جلد تعمیر کیا جائے۔
۳۔ جو دہشت گرد باعزت بری کئے گئے ہیں ان کا مقدمہ ری اوپن کیا جائے اور سہولتکار کا کردار ادا کرنے والے جیکب آباد پولیس کے اہلکاروں کے خلاف بھرپور کاروائی کی جائے۔
آخر میں سندہ دھرتی کے بہادر عوام سے اپیل کروں گا کہ وہ 13 مئی ملک گیر یوم احتجاج کے موقع پر بھرپور شرکت کرکے بڑے شیطان امریکہ اور ان کے حواریوں سے بیزاری کا اظہار کریں۔

وحدت نیوز (لاہور)  مجلس وحدت مسلمین پاکستان کے زیر اہتمام صوبائی سیکرٹیریٹ پنجاب میں پریس کانفرنس کا اہتمام کیا گیا۔ پریس کانفرنس سے خطاب کرتے ہوئے مجلس وحدت مسلمین کے مرکزی سیکرٹری جنرل علامہ راجہ ناصر عباس جعفری کا کہنا تھا کہ اس وقت پوری دنیا میں مسلمانوں کے خون کے ساتھ ہولی کھیلی جارہی ہے۔ دنیا میں بڑھتی اس تمام تر دہشتگردی کے پیچھے امریکہ اور اسرائیل ہے۔ کشمیر میں انڈیا امریکہ کی شہ پر مسلمانوں پر مظالم ڈھا رہا ہے جس کی ہم پر زور مذمت کرتے ہیں ۔

 ان کا کہنا تھا کہ ہم کشمیر، یمن ، افریقہ ، لیبیا ، بحرین اور بالخصوص فلسطین کے مظلوم مسلمانوں سے اظہار یکجہتی کے لیے 13 مئی کو پورے پاکستان میں یوم مردہ باد امریکہ منائیں گے ۔ اس حوالے سے گلگت بلتستان سے کراچی تک تمام پاکستان کے چھوٹے بڑے شہروں میں مظاہرے کیے جائیں گے اور ریلیاں نکالی جائیں گی جس کا مقصد مظلوم مسلمانوں سے اظہار یکجہتی ہے۔ پاکستان کے سیاسی منظر نامے پر روشنی ڈالتے ہوئے علامہ راجہ ناصر عباس جعفری کا کہنا تھا کہ اگر کسی ملک کے ادارے تباہ کیے جائیں تو وہ ملک کبھی ترقی نہیں کر سکتا، اس ملک کے سیاستدانوں نے پارلیمنٹ کو خود کمزور کیا۔ اس ملک کا وزیر اعظم کئی کئی ماہ تک پارلیمانی اجلاسوں میں شرکت نہیں کرتا تھا۔ انہوں نے اداروں کو گھر کی لونڈی بنا رکھا ہے۔ پاکستان اور بالخصوص پنجاب میں گڈ گورننس کا نہ ہونا ان نا اہلوں کی قابلیت پر سوالیہ نشان ہے۔

انہوں نے کہا کہ صرف میٹرو بنا کر ترقی کا ڈھول پیٹنے والے یہ بھی دیکھیں کہ کیا انہوں نے عوام کو پینے کا صاف پانی مہیا کیا ، کیا ایجوکیشن میں بہتری کی گئی یاعوام کو صحت کی سہولیات فراہم کی گئیں ؟ پنجاب میں جان بوجھ کر زراعت کو تباہ کیا جا رہا ۔ کسان پریشان ہیں ان کا معاشی استحصال کیا جا رہا ہے۔ علامہ راجہ ناصر عباس جعفری کا مزید کہنا تھا کہ ہمیں ماڈل ٹاؤن کے شہدا کا ساتھ دینے پر پولیٹکل وکٹمائزیشن کا نشانہ بنایا جا رہا ہے۔ ہمارے الیکٹ ایبل رہمناؤں پر جھوٹی ایف آئی آرز کاٹ کر انہیں شیڈیول فور میں ڈالا جا رہا ہے جس کی ہم پر زور مذمت کرتے ہیں ۔ شہباز شریف حکومت نے پنجاب میں لاقانونیت کی حد پار کر رکھی ہے۔ ان کا کہنا تھا کہ ووٹ کو عزت دو کی بات کرنے والوں نے کبھی ووٹر کو عزت نہیں دی ۔ نواز شریف تو خود کو بادشاہ تصور کرتے تھے اور اپنے منتخب نمائندوں سے بھی ملنا پسند نہیں کرتے تھے۔ اب جب ان پر اللہ کی پکڑ آئی ہے تو یہ ووٹ کو عزت دو کی بات کرتے ہیں انہیں اس پر شرم آنی چاہیے۔

مسنگ پرسنز کے حوالے سے بات چیت کرتے ہوئے علامہ راجہ ناصر عباس جعفری کا کہنا تھا کہ پاکستان میں قانون اور آئین کی عملداری کرتے ہوئے مسنگ پرسنز کو رہا کریں یا ان کو کورٹ میں پیش کریں ۔ یہ کیسا ملک ہے جہاں کلبھوشن یادیو کو ان کی ماں سے ملایا جاتا ہے لیکن محب وطن پاکستانی ماؤں کو ان کے بیٹوں سے جدا کر رکھا ہے۔ الیکشن 2018 سے  متعلق ان کا کہنا تھا کہ پاکستان میں فری اینڈ فئیر الیکشنز ہونے چاہیں ورنہ یہ ملک آگے نہیں بڑھ سکے گا۔

وحدت نیوز (کراچی)  مجلس وحدت مسلمین سندھ کے سیکرٹری جنرل علامہ مقصود علی ڈومکی نے جماعت اسلامی سندھ کے صوبائی دفتر مسجد قبا کراچی میں ملی یکجہتی کونسل سندھ کے صدر و جماعت اسلامی پاکستان کے مرکزی نائب امیر مولانا اسد اللہ بھٹو سے ملاقات کرتے ہوئے انہیں 13 مئی یوم مردہ باد امریکہ کے حوالے سے دعوت دی ہے، اس موقع پر ایم ڈبلیو ایم کراچی کے سیکرٹری سیاسیات میر تقی ظفر بھی انکے ہمراہ موجود تھے۔ اس موقع پر علامہ مقصود ڈومکی نے کہا کہ غاصب اسرائیل کی حمایت، مسلم ممالک میں مداخلت اور خونریزی امریکہ کے ناقابل معافی جرائم ہیں، وطن عزیز پاکستان اور امت مسلمہ کے خلاف امریکی عزائم پر ہمیں تشویش ہے، پاکستان کی غیور عوام 13 مئی کو متحد ہو کر امریکہ کے انسان دشمن عزائم کے خلاف بھرپور احتجاج کریں گے۔ اس موقع پر مولانا اسد اللہ بھٹو نے کہا کہ ہم یوم مردہ باد امریکہ کی حمایت کرتے ہیں، ہم ہر سطح پر امریکہ مخالف مظاہروں میں شرکت کریں گے۔ انہوں نے کہا کہ غاصب اسرائیل کی حمایت اور بیت المقدس میں امریکی سفارت خانے کی منتقلی امریکہ کے اسلام دشمن عزائم کی عکاسی کرتا ہے۔

وحدت نیوز(کراچی)  مجلس وحدت مسلمین کراچی ڈویژن کی شوریٰ کا اجلاس ڈویژنل سیکریٹریٹ انچولی سوسائٹی میں ڈویژنل سیکریٹری جنرل علامہ محمد صادق جعفری کی زیر صدارت منعقد ہوا، جس میں مرکزی ڈپٹی سیکریٹری جنرل علامہ سید احمد اقبال رضوی ،مرکزی سیکریٹری امور تنظیم سازی سید مہدی عابدی، صوبائی سیکریٹری جنرل علامہ مقصودڈومکی نے خصوصی شرکت کی ، جبکہ ڈویژنل کابینہ کے اراکین سمیت تمام اضلاع کے سیکریٹری جنرل صاحبان بھی اجلاس میں شریک تھے۔

اجلاس میں فیصلہ کیا گیاکہ مرکزی سیکریٹری جنرل مجلس وحدت مسلمین پاکستان علامہ راجہ ناصرعباس جعفری کی ہدایت پر 13 مئی کو ملک گیر یوم مردہ باد امریکاکے موقع پر کراچی میں مرکزی احتجاجی ریلی نمائش چورنگی سے نکالی جائے گی جس میں علامہ راجہ ناصرعباس جعفری خصوصی شرکت اور خطاب کریں گے، مرکزی اور صوبائی رہنمائوں نے شرکاء اجلاس کو ہدایت جاری کی کہ وہ اس ریلی کے کامیاب انعقاد کیلئے بھرپور عوامی رابطہ مہم کا آغازکریں، مختلف سیاسی وسماجی تنظیموں، ملی انجمنوں اور شخصیات کو شرکت کی دعوت دیں، آئمہ جمعہ سے خصوصی ملاقاتیں کی جائیں اور انہیں یوم مردہ باد امریکا کے حوالے خصوصی طور پر آگاہ کریں تاکہ وہ خطبات میں عوام کو اس ریلی میں شرکت کیلئے آمادہ کرسکیں۔

ایم ڈبلیوایم کراچی ڈویژن ک سیکریٹری امور سیاسیات میر تقی ظفرنے اجلاس کے شرکاءسے گفتگو کرتے ہوئے کہاکہ ایم ڈبلیوایم کراچی کے منتخب حلقوں سے بھر پور انداز سے انتخابات میں حصہ لے گی،انہوں نے کہاکہ ووٹرز کے اندراج ، اخراج اور درستگی کے لئے دی گئی ڈیڈ لائن میں اضافے کیلئے الیکشن کمیشن کے حکام سے رابطہ کیا ہے انشاء اللہ جلد اس حوالے سے باقائدہ درخواست اعلیٰ حکام کو ارسال کردی جائے گی۔

وحدت نیوز(آرٹیکل)  سورج افق میں چھپ چکا تھا رات کی تاریکی چھا رھی تھی طلاب مدرسے کی عمارت کو دلھن کی طرح سجھا رھے تھے سبھی کے چھرے خوشی و سرور سے تلملا رہے تھے کچھ ہی دیرمیں سارےمدرسے پے قمقموں کی روشنی چمکنے لگی جشن کا آغاز ہوا ہی چاہتا تھا کہ ایک ایسی خبر آئی جسے سنتے ہی سب چہرے اتر گئے خوشی غم و غصہ میں تبدیل ہوگئی جشن کی تقاریر کے موضوعات بدل گئے ایسا لگ رہا تھا جیسے قمقموں کی روشنی ماند پڑ گئی ھو جی ھاں یہ پچهلے سال تین شعبان کی بات ہے جب ہم محسن انسانیت،علمبردار حریت،غیور و آزاد صفت انسانوں کے قافلہ سالار امام حسین ؑابن علیؑ کی ولادت کا جشن منانے میں مصروف تھے اسی دوران خبر ملی کہ پاراچنار کے محب وطن اور غیرتمند عوام پر کہ جنھوں نے ہمیشہ وطن کے دفاع کے لیے کسی قربانی سے دریغ نہیں کیا آج ایک اور ظلم ڈھایا گیا ہے جی ہاں پتہ چلا کے عوام کی جان و مال کے رکھوالوں نے مومنین پے صرف اس لیے فائر کھول دیے کہ وه نواسہ رسول کی آمد کی خوشی منارہے تھے ہاں وه محب وطن قوم جس نے پاکستان کے لیے سب سے زیاده قربانیاں دیں اور دہشتگردی نے جس کی ماؤں سے جوان بیٹے بھنوں کا سہارا بھائی بچوں سے والدین اور جوان سال بیٹیوں سے انکے سہاگ چھینے آج وه ریاستی دہشتگردی کے نشانے پر تھی سمجھ نھیں آرہا تھا کہ آخر کون آواز اٹھائے گا کون اس مظلومیت کو پاراچنار کے پهاڑوں سے نکال کر ریاستی اداروں کی دہلیز تک پهنچائے گا جمعہ 13 مئی 2016 کو مختلف تنظیموں نے احتجاج کی کال دی مختلف جگہوں پے احتجاج کیا گیا اسلام آباد کے مرکزی احتجاج کے اختتام پر ناصر ملت علامہ راجہ ناصر عباس جعفرى نے مظلوموں کے مطالبات کی منظوری تک بھوک ھڑتال کرنے کا اعلان کردیا سب حیران تھے کہ ناصر ملت نے یہ کیسا سخت اعلان کردیا جبکہ آغا کے بقول وه کسی بڑی احتجاجی تحریک کے ذریعے ملت کو مشکل میں ڈالنے کی بجائے خود کو مشکل میں ڈالنا زیاده بھتر سمجھ رہے تھے ۔

13 مئی وه تاریخی دن تھا جب ملت مظلوم پاکستان کے ایک مخلص رہنما نے وطن عزیز کو دہشتگردی کی عفریت سے چھٹکارا دلانے کے لیے بھوک ہڑتال کا آغاز کیا میں اپنے کچھ دوستوں کے ساتھ راجہ صاحب کے پاس موجود تھا دن ڈھلا تاریکی چھائی اور یہ عالم بزرگوار بھوک برداشت کرتے ہوئے اسلام آباد پریس کلب کے سامنے زمین پے اگی گھاس پے اپنی عبا سر کے نیچے رکھے سو گیا جن احباب کو وه مقام دیکھنے کا موقع ملا وه جانتے ہیں کہ وه جگہ سیکیوریٹی اعتبار سے انتہائی غیر محفوظ تھی لیکن شہادت کے تمنائی کے لیے خطرات کوئی ارزش نہیں رکھتے راجہ صاحب اور آغا احمد اقبال زمین پے سو گئے جبکہ آغا اعجاز بھشتی اور چند جوان جن کی تعداد تقریبا 12 یا 14 سے زیاده نہیں تھی آغا کی حفاظت کے لیے جاگ رہے تھے اتنے میں آسمان نے کھا آج اس مرد مقاوم کی مقاومت کا امتحان لیا جائے تیز ہوا چلی اور طوفان کی شکل اختیار کرگئی جوان راجہ صاحب کے ٹینٹ کے ستون پکڑ کے کھڑے ہوئے تو ہوا نے سارا ٹینٹ پارا پارا کردیا راجہ صاحب بھی نیند سے بیدار ہوگئے ادھر سے ٹینٹ ناکاره ہوکے گرا اور ادھر سے بارش نے برسنا شروع کردیا آغا صاحب سے گزارش کی گئی کہ آپ گاڑی میں چلے جائیں لیکن شاید شھداء کی مظلومیت کا درد ناصر ملت کو وھاں سے اٹھنے نہیں دے رہا تھا ہم نے ایک بینر کے ساتھ آغا صاحب پے سایہ کیا کافی دیر بارش کے بعد ناصر ملت سمیت سب جوان بھیگ چکے تھے فجر کی نماز بھی بارش میں ھوئی اور دعائے عہد کے بعد ناصر ملت نے بارش میں بیٹھے ہوئے صبر کے موضوع پے درس دیا اور خانواده عصمت و طہارت کے مصائب پڑہے ناصر ملت بھوک برداشت کرتے رہے اور ظلم پے خاموش حکمرانوں کے ضمیر جھنجوڑتے رہے ۔

آغا کا بلڈ پریشر کم اور شوگر مسلسل بڑھتا رہا دھیرے دھیرے کھڑے ہوکے نماز پڑھنا دشوار ہونے لگا کئی بار آندھی طوفان اور بارش نے امتحان لیا لیکن یہ مرد مجاہد کھلے مقام پر دہشتگردوں سے بے خوف اور کیمپ میں آنے والوں کی تعداد سے لاپرواه اپنے فریضے کی انجام دهی میں مصروف رھا کبھی فون پے بات کرتے ھوئے زمین پے گرا اور کبھی طبیعت زیاده ناساز ھونے پر ھسپتال منتقل ہوا لیکن اپنے وعده سے پیچھے نہ ہٹا مظلومیت کی آواز ہر باضمیر کے کانوں تک پهنچی اور شیعہ ، سنی، دیوبندی، عیسائی، ھندو،سکھ،وکلاء،میڈیا،خواتین،بچے، جوان،بزرگ اور تقریبا تمام مذہبی و سیاسی جماعتوں کے نمائندے حمایت کے لیے بھوک ھڑتالی کیمپ تشریف لائے پاراچنار ڈی آئی خان گلگت اور پنجاب میں مظلوموں کے مطالبات پر کافی حد تک پیشرفت ہوئی جسکی تفصیلات ایک مکمل کتابچے میں چھپ چکی ہیں، شوریٰ عالی  کے اصرار اور مراجع و فقہاء کے خطوط کے بعد ناصر ملت نے شھید قائد کی برسی پے اپنی جدوجھد کے اس مرحلے کو تمام کیا اور اپنے خلوص اور سچائی کا ثبوت دیتے ہوئے ہمیں بھی اپنی ذمہ داریوں کی طرف متوجہ کیا البتہ ابھی اس مادر وطن میں امن و ترقی کے حصول کی جنگ جاری ہے اور قائد کے پاکستان کو لوٹانے کے لیے ایک لمبا عرصہ جدوجہد کی ضرورت ہہے ملت مظلوم پاکستان کو ایسے مخلص لیڈرکا ساتھ دینا ہوگا اور اپنی مسلسل استقامت سے دشمنان وطن کو ذلیل و خوار کرنا ہوگا۔

تحریر۔۔۔سید حسن رضا نقوی