وحدت نیوز (اسلام آباد) مرکزی سیکرٹری جنرل مجلس وحدت مسلمین پاکستان علامہ راجہ ناصرعباس جعفری کی کال پر سانحہ کوئٹہ، ہزار گنجی کے خلاف پورے ملک میں نماز جمعہ کے بعد احتجاجی مظاہرہ کیا گیا ، اسلام آباد میں مرکزی احتجاجی ریلی مرکزی جامع مسجد سیکٹر جی سکس ٹو سے نکالی گئی جو کہ نیشنل پریس کلب پر پہنچ کر اختتام پذیر ہوئی، جس سے علامہ علی شیر انصاری رہنما ایم ڈبلیو ایم، علامہ اختر عباس، علامہ محمد حسین مبغلی، ظہیر عباس نقوی سیکرٹری جنرل ایم ڈبلیو ایم اسلام آباد نے خطاب کیا۔ مقررین کا کہنا تھا کہ پاکستان میں ایک خاص مکتب فکر کے لوگوں کو ایک دہشت ٹولہ مسلسل نشانہ بنا رہا ہے اور یہ بات عیاں ہو چکی ہے کہ موجودہ حکومت کی سرپرستی میں یہ تمام کارروائیاں انجام دی جارہی ہیں۔ چونکہ تمام تر صورتحال کے باوجود حکومت خاموش تماشی بنی ہوئی ہے۔ ہم پورے پاکستان میں فی الفور فوجی آپریشن کا مطالبہ کرتے ہیں۔

وحدت نیوز(کراچی) مجلس وحدت مسلمین کراچی ڈویژن ضلع جنوبی کی جانب سے شہر کراچی میں جاری شیعہ عمائدین کی ٹارگٹ کلنگ اور اسلام آباد میں نواز حکومت کی جانب سے کارکنان کی گرفتاری کے خلاف خراسان سے نمائش چورنگی تک احتجاجی ریلی نکالی گئی جس میں خواتین بچے بزرگ اور نوجوانوں نے شرکت کی احتجا جی ریلی سے خطاب کرتے ہوئے مجلس وحدت مسلمین پاکستان کراچی ڈویژن کے سیکرٹری جنرل حسن ہاشمی، علامہ مبشر حسن ،مولانا علی انور ،علی حسین نقوی نے کہا ہے کہ حکومت سندھ ملت جعفریہ کو تحفظ فراہم کرنے میں ناکام ہوچکی ہے لہذاٰ پاکستان کی معاشی شہ رگ کراچی میں امن و امان کے قیام اور شہریوں کے جان و مال کے تحفظ کے لئے کراچی میں فی الفور فوجی آپریشن کیا جائے اور ہر قسم کی دہشتگردی کا خاتمہ کیا جائے ، مجلس وحدت مسلمین کے رہنماؤں نے مطالبہ کیا کہ اسلام آباد کی طرح کراچی می بھی آئین کے آرٹیکل 245کا نفاذ عمل میں لایا جائے اور کراچی میں موجود مدارس اور ایسے تمام مقامات جہاں دہشت گردوں کی پناہ گاہیں ہیں اور دہشت گردی کے مراکز قائم ہیں کے خلاف بے رحمانہ فوجی آپریشن شروع کیا جائے تا کہ شہر کو واقعی امن کا گہوارہ بنایا جا سکے۔

مجلس وحدت مسلمین پاکستان کے رہنماؤں نے کہا کہ کراچی میں دہشت گردوں کا راج ہے اور روزانہ کی بنیادوں پر ملت جعفریہ کے عمائدین ، ڈاکٹرز، انجیئنرز، وکلا، علماء، خطباء اور دیگر شعبہ ہائے زندگی سے تعلق رکھنے والے معصوم شہریوں کو ٹارگٹ کلنگ کا نشانہ بنایا جا رہا ہے ،مائیں اپنے بیٹوں سے محروم و رہی ہیں جبکہ بہنیں اپنے بھائیونں سے اور اسی طرح سیکڑوں سہاگ اجڑ چکے ہیں لیکن حکومت ٹس سے مس نہیں ہو رہی اور شہر میں موجود کالعدم دہشت گرد گروہوں کے خلاف کوئی موثر کاروائی عمل میں نہیں لا جا رہی ۔

مجلس وحدت مسلمین پاکستان کے رہنماؤں نے حکومت او ر اپوزیشن میں موجود سیاسی و مذہبی جماعتوں کو دعوت دیتے ہوئے کہا کہ تمام سیاسی و مذہبی جماعتوں بشمول پاکستان پیپلز پارٹی، متحدہ قومی موومنٹ، جماعت اسلامی، جمعیت علمائے پاکستان اور دیگر کو مشترکہ طور پر دہشت گردی کے خاتمے کے لے میدان میں آنا ہو گا اور دہشت گردی کی کاروائیونں کے خلاف عملی اقدمات اٹھانے ہوں گے تا کہ ملک دشمن اور اسلام دشمن دہشت گردوں کے ناپاک عزائم کو خاک میں ملایا جا سکے ،انہوں نے کہا کہ تمام سیاسی و مذہبی جماعتوں کی جانب سے مشترکہ طور پر جد وجہد وقت کی اہم ترین ضرورت ہے اور شہرقائد میں دہشتگردی کے ختم کرنے کے لیے تمام سیاسی جماعتوں کو مل کر حکمت عملی بنانی ہوگئی ۔

مجلس وحدت مسلمین کے رہنماؤں نے اسلام آباد میں وفاقی حکومت کی جانب سے مجلس وحدت مسلمین کے کارکنوں کیخلاف جاری کریک ڈاؤن کی شدید الفاظ میں مذمت کرتے ہوئے گرفتار کئے گئے کارکنوں کی فی الفور ہائی کا مطالبہ کیا اور کہاکہ شہر کراچی میں ملت جعفریہ کے عمائدین کی ٹارگٹ کلنگ اور وفاقی دارلحکومت میں کارکنوں کی گرفتاریوں کے منصوبے حکومتی سازش کی کڑیوں کا حصہ محسوس ہوتے ہیں، انہوں نے وفاقی حکومت کو متنبہ کیا کہ اگر کارکنوں کی رہائی عمل میں نہ لائی گئی تو ملک گیر احتجاج کا سلسلہ شروع کیا جائے گا اور سنگین حالات کی ذمہ داری وفاقی حکومت پر عائد ہو گی ۔

وحدت نیوز(ملتان) مجلس وحدت مسلمین ملتان کے زیراہتما م ملک کے دیگر شہروں کی طرح ملتان میں بھی جعفریہ الائنس کے سربراہ علامہ عباس کمیلی کے بیٹے علامہ علی اکبر کمیلی کی المناک شہادت کے خلاف سوتری وٹ سے فوارہ چوک تک احتجاجی ریلی نکالی گئی۔ ریلی کی قیادت مجلس وحدت مسلمین ملتان کے سیکرٹری جنرل علامہ سید اقتدارحسین نقوی، علامہ قاضی نادر حسین علوی، علامہ غلام مصطفی انصاری اور ثقلین نقوی نے کی۔ ریلی کے شرکاء نے وفاقی اور سندھ حکومت کے خلاف بھرپورنعرے باز ی کی۔ رہنماؤں نے ریلی کے شرکاء سے خطاب کرتے ہوئے کہا کہ علامہ علی اکبر کمیلی پر حملہ حکومت کی نااہلی اور دہشتگردوں کو فری ہینڈ دینے کا نتیجہ ہے، کراچی جیسے میٹروپولیٹن شہر میں جسکی غیر معمولی معاشی اہمیت ہو وہاں ٹارگٹ کلرز کا دندناتے پھرنا اور دن کے اجالے میں لوگوں کی جانیں لے کر فرار ہو جانا حکومت کی کارکردگی اور سکیورٹی اداروں کی سکیورٹی پر سوالیہ نشان ہے۔ ٹارگٹ کلنگ کا نہ تھمنے والا سلسلہ ملک میں جاری ہے جبکہ حکومت کو کوئی فکر ہے اور نہ ہی کبھی ٹارگٹ کلنگ کو روکنے کا ارادہ معلوم ہوتا ہے۔ رہنماؤں کا کہنا تھا کہ ان واقعات کے پیچھے اپوزیشن لیڈر خورشید شاہ اور وزیراعلی سندھ سید قائم علی شاہ کا ہاتھ ہے یہ دونوں رہنما سندھ میں دہشت گردوں اور تکفیریوں کی پشت پناہی کررہے ہیں۔ پاکستان میں شیعہ سنی فرقہ واریت کو ہوادے کر سعودی اور امریکی ایجنڈے پر عمل کیا جارہاہے۔ انہوں نے علی اکبر کمیلی کے قاتلوں کی گرفتاری کا مطالبہ کرتے ہوئے کہا کہ اگر ٹارگٹ کلرز کو گرفتار کر کے قرار واقعی سزا نہ دی جائے تو کراچی میں بدامنی اور دہشتگردی کے جن کو قابو کرنا محال ہوگا۔ پاکستان کی ریڑھ کی ہڈی کراچی کو پرامن بنانے کے لیے حکومت اور سکیورٹی ادارے ٹھوس بنیادوں پر عملی اقدامات اٹھائیں۔ریلی کے شرکاء نے مجلس وحدت مسلمین کے جھنڈے، پلے کارڈز اور بینرز اُٹھارکھے تھے جن پر حکومت مخالف نعرے درج تھے۔ اس موقع پر رہنماؤں نے گونواز گو کے نعرے لگائے۔

وحدت نیوز(پشاور) تحریک آذادی قدس پشاور کے زیر اہتمام ملک کے دیگر حصوں کی طرح پشاور میں میں بھی بھرپور احتجاجی ریلی نکالی گئی، جس سینکڑوں کی تعداد مختلف جماعتوں کارکناں، قائدیں اور مختلف شعبہ ہائے زندگی سے تعلق رکھنے والے افراد نے شرکت کی۔ احتجاجی ریلی مسجد کوچہ رسالدار سے نماز جمعہ کے بعد برآمد ہوئی، اس موقع پر شرکاء ریلی نے غزہ کے نہتے مسلمانوں پر اسرائیلی مظالم کے خلاف اور فلسطینی عوام سے اظہار یکجہتی و آزادی قدس کے حق میں نعروں پر مبنی بینرز اور پلے کارڈز اُٹھا رکھے تھے۔ ریلی کے شرکاء نعرہ بازی کرتے ہوئے قصہ خوانی بازار پہنچے۔ اس موقع پر سیکورٹی کے سخت انتظامات کئے گئے تھے۔ ریلی میں امامیہ جرگہ، مجلس وحدت مسلمین پشاور، امامیہ اسٹوڈنٹس آرگنائزشن، شیعہ علماء کونسل، تحریک نفاذ فقہ جعفریہ اور امن کمیٹی کے ارکین نے بھرپور شرکت کی۔

ریلی سے علامہ عابد حسین شاکری امام جمعہ جامعہ شہید عارف الحسینی، مولانا محمد شعیب چیرمین عالمی متحدہ علماء مشائخ کونسل، ضیاء الحسن سربراہ حزب اللہ اور مظفر علی اخونزادہ نے خطاب کیا۔ مقررین کا کہنا تھا کہ اسرائیلی افواج کی جانب سے بے گناہ نہتے اور روزہ دار فلسطینی عوام کو گزشتہ 17 روز سے آگ اور باروڈ برسایا جا رہا ہے اور اب تک 750 سے بھی زائد فلسطینی مسلمان شہید ہوچکے ہیں، جن اکثرین معصوم بچوں اور خواتین کی ہے۔ مقررین کا کہنا تھا کہ تمام ظلم اور بربریت کے باوجود اُمت مسلمہ بلخصوص عرب ممالک کے حکمران کے کان پر جوں تک نہیں رینگی۔ اقوام متحدہ جوکہ استعماری قوتوں کا آلہ کار ادارہ بن چکا ہے سمیت او آئی سی اور عرب لیگ ن انسانیت سے مربوط اس نازک مسئلہ پر اجلاس تک طلب نہیں کیا۔ انہوں کا کہنا تھا کہ رہبر کبیر انقلاب اسلامی امام خمینی (رح) نے آج کے دن کو بیت المقدس کی آزادی سے منسوب کرکے اُمت مسلمہ پر ایک احسان عظیم کیا لیکن موجودہ مسلم حکمرانوں کی بے حسی کی وجہ سے آج بھی مسئلہ فلسطین اور قبلہ اول حل نہیں ہو پایا۔ بلکہ اس مسئلے پر استعماری قوتوں نے ابھی تک اپنے مفادات کا تحفظ کیا۔

وحدت نیوز(حیدرآباد) سانحہ ماڈل ٹاون لاہور کے خلاف پاکستان عوامی تحریک کے زیر اہتمام احتجاجی ریلی سے خطاب کرتے ہوئے مجلس وحدت مسلمین ضلع حیدرآباد کے سیکریٹری جنرل مولانا امداد علی نسیمی نے کہا کہ ، پنجاب کے حکمران ہوش کے ناخن لیں اور پر امن لوگوں کو ہراساں کرنے سے گریز کریں۔پنجاب کی حکومت ابنِ زیاد کی روش پر عمل پیرا ہے سانحہ ماڈل ٹاوُن میں پولیس اہلکاروں کے متضاد بیانات نے حکومتی جھوٹ کو بے نقاب کر دیا ہے۔مجلس وحدت مسلمین پاکستان کے نزدیک ظالم کے خلاف قیام اور مظلوم کی حمایت وصیت امیرالمومنین حضرت علی ع ہے اور ہم تحریک منہاج القرآن کے ساتھ اس وصیت کی روشنی میں ہی اظہار ہمدردی کر رہے ہیں ۔شہباز شریف مظلوموں اور نہتے شہریوں پر گولیاں برسہ کر اپنی ریاستی دہشتگردی کا ثبوت دے رہے ہیں اور کالعدم تنظیموں کا گڑہ پنجاب ہے اور ان کی سرپرستی پنجاب حکومت کر کہ تحفظ دے رہی ہے جب مظلوم اور بیگناہ شہریوں پہ ظلم و جبر کر رہی ہے ، یہ کیسا وزیراعلیٰ ہے جو اپنے ہی شہر میں اپنی ہی عوام پر گولیاں اور ڈنڈے برسہ رہا ہے۔مولانا امداد علی نسیمی نے مزید کہا کہ ظالم حکمرانوں کو سانحہ ماڈل ٹاؤن کا حساب دنیا و آخرت میں دینا ہوگا اور  پنجاب حکومت سانحہ ماڈل ٹاوُن کی ذمہ دار ہے، وزیراعلٰی اپنے وزرا سمیت مستعفی ہو کر گرفتاری دیں، شہباز شریف نے نہتے لوگوں اور خواتین کا قتل عام کرکے ظلم و بربریت کی بدترین مثال قائم کی۔مولانا امداد علی نسیمی نے عوامی تحریک کے ذمہ داران کو یقین دلایا کہ ہم آپ پر ہونے والے اس ظلم کی بھرپور مذمت کرتے ہیں اور اس واقعے کیخلاف آپ کی ہر جائز قانونی و آئینی جدوجہد میں آپ کیساتھ ہیں۔

وحدت نیوز(ایبٹ آباد) مجلس وحدت مسلمین خیبر پختونخوا شوریٰ عالی کے رہنما علامہ آغا جہانزیب حسین جعفری نے کہا ہے کہ علامہ سید وسیم شیرازی اور ان کے والد کے قاتلوں کو فی الفور بے نقاب کرکے کیفر کردار تک پہنچایا جائے۔ ان خیالات کا اظہار انہوں نے ایبٹ آباد میں مجلس وحدت مسلمین کے زیراہتمام خطیب آل محمد (ص) علامہ سید وسیم شیرازی اور ان کے والد کے بہیمانہ قتل کے خلاف نکالی جانیوالی احتجاجی ریلی سے خطاب کرتے ہوئے کیا۔ علامہ سید وسیم شیرازی اور انکے والد غلام مصطفی شیرازی کو گزشتہ روز روزے کی حالت میں اس وقت تکفیری دہشت گردوں نے ٹارگٹ کلنگ کا نشانہ بنایا، جب وہ نماز جمعہ کے لیے مسجد جارہے تھے۔ احتجاجی ریلی میں ایم ڈبلیو ایم، علما کونسل اور آئی ایس او سمیت دیگر ملی جماعتوں نے بھی شرکت کی۔ احتجاجی ریلی امام بارگاہ تا فوارہ چوک ایبٹ آباد تک نکالی گئی۔ فوارہ چوک پر پہنچ کے ریلی نے جلسے کی صورت اختیار کرلی۔ جلسے کی وجہ سے شاہراہ ریشم تین گھنٹوں کے لیے ہر قسم کی ٹریفک کیلئے بند رہی۔ بعدازاں ڈی پی او ایبٹ آباد محمد علی خان گنڈہ پور نے احتجاجی جلسے میں حاضر ہوکر مظاہرین کو یقین دھانی کرائی کہ بہت جلد دہشت گردوں کو گرفتار کرکے کیفر کردار تک پہنچایا جائے گا۔ علامہ آغا جہانزیب حسین جعفری نے اپنے خطاب میں کہا ہے کہ یہ ایبٹ آبادکی تاریخ کا کوئی پہلا واقعہ نہیں ہے۔ اس سے پہلے بھی ملت تشیع کے چیدہ چیدہ افراد کی ٹارگٹ کلنگ کی گئی ہے، لیکن انتطامیہ نے کوئی تادیبی کاروائی نہیں کی۔ ہم پرامن احتجاج کے ذریعے اپیل کرتے ہیں کہ اس واقعہ کو فراموش نہ کیا جائے اور دہشت گردوں کے خلاف فوری ایکشن لیا جائے۔ اس جلسے میں علماء کونسل کے رہنما اور جامعۃ اہلبیت کے مہتمم اعلٰی علامہ سید حافظ ریاض حسین شاہ نے کہاکہ ملت کی ٹارگٹ کلنگ میں وہی دہشت گرد سرگرم ہیں۔ جنہوں نے پاکستان کو کافرستان اور قائداعظم کو کافر اعظم کہا تھا۔ ان کے بعد ڈاکٹر حسنین رضا ترابی نے ڈی پی اوکی یقین دہانی کے بعدیوم القدس تک اس جلسے کو ختم کرنے کا اعلان کیا اور ان دونوں شہداء کے جنازوں کو جنگی سیداں لے جایا گیا۔ جہاں پر علامہ آغا جہانزیب حسین جعفری نے دونوں شہداء کی نماز جنازہ ادا کی آخر میں دعا مغفرت اور نوحہ خوانی کی گئی۔