وحدت نیوز (گلگت) مجلس وحدت مسلمین پاکستان کے سربراہ علامہ ناصر عباس جعفری نے وفاقی بجٹ کو یکسر مسترد کرتے ہوئے کہا ہے کہ نون لیگ کا تیسرا بجٹ بھی لفظوں کے گورکھ دھندے سے بڑھ کر کچھ نہیں، اس بجٹ میں بھی لفظوں کا ہیر پھیر واضح ہے۔ بجٹ میں اشرافیہ کو ایک بار پھر نوازا گیا ہے، جبکہ سارا نزلہ غریب عوام پر ڈھایا گیا ہے، انہوں نے نون لیگ کی حکومت کی جانب سے گلگت بلتستان میں گندم کی سبسڈی ختم کرنے پر ردعمل ظاہر کرتے ہوئے کہا ہے کہ ہم نواز حکومت کے عوام کش فیصلوں کی سخت مذمت کرتے ہیں۔ علامہ ناصر عباس جعفری کا کہنا تھا کہ  اس فیصلے سے نون لیگ کا اصل چہرہ عوام کے سامنے آگیا ہے، اب لوگ جان گئے ہیں کہ الیکشن جیتنے کیلئے کئے جانے والے سب کے سب اعلانات دھوکے اور فریب سے بڑھ کر نہیں۔ آٹھ جون کو گلگت بلتستان کے عوام خیمے پر مہر لگا کر نون  لیگ سمیت چور جماعتوں سے عملی بیزاری کا اظہار کریں گے۔ علامہ ناصر عباس جعفری کا کہنا تھا کہ ہم کسی صورت عوام کے منہ سے نوالہ نہیں چھیننے دیں گے۔ گندم سبسڈی کا خاتمہ نون لیگ کی حکومت کے خاتمہ پر منتہج تو ہوسکتا ہے لیکن اس کی عملی صورت نہیں ہونے دیں گے۔ ایم ڈبلیو ایم کے سربراہ کا کہنا تھا کہ حکومت کو گذشتہ دیئے جانے والے دھرنے یاد رکھنے چاہیئے۔

وحدت نیوز(سکردو) مجلس وحدت مسلمین پاکستان بلتستان ڈویژن حلقہ ایک اور حلقہ دو کے امیدواروں کی کمپین کے سلسلے میں ایک عظیم الشان ریلی بعنوان استحکام پاکستان ریلی نکالی گئی ۔ ریلی میں مجلس وحدت مسلمین کی اعلیٰ قیادتوں کے علاوہ وائس آف شہداء پاکستان کے سربراہ سید فیصل رضا عابدی، سنی اتحاد کونسل کے سربراہ صاحبزادہ حامد رضا ، مجلس وحدت مسلمین سندھ کے سربراہ علامہ مختار امامی ، ایم ڈبلیو ایم ہزارہ کے سربراہ وحید کاظمی بھی شریک تھے۔

ریلی کا آغاز مجلس وحدت مسلمین بلتستان ڈویژن کے سربراہ علامہ آغا علی رضوی کے حکم سے صبح نو بجے ہوا۔ ریلی میں ہزاروں کی تعداد میں گاڑیاں اور موٹر سائیکل سوار شریک تھے۔ شرکاء ریلی نے ہاتھوں میں پاکستان کا پرچم اور مجلس وحدت مسلمین کا پرچم اٹھا رکھے تھے جبکہ پرجوش شرکاء مجلس وحدت مسلمین، راجہ ناصر عباس جعفری ، علامہ آغا علی رضوی کے حق میں نعرے بلند کر رہے تھے۔ شرکائے ریلی کے نعروں سے اسکردو کی فضا گونجتی رہی ۔ ریلی بلتستان کی تاریخ کی سب سے بڑئی ریلی کہا جائے تو بے جا ہو گا۔

ریلی جہاں جہاں سے گزرتی بچے، بوڑھے اور خواتین استقبال کرتے رہے اور مختلف مقامات پر ریلی میں موجود مہمانوں اور قیادتوں کو پھولوں کے ہار بھی پہنچائے۔ ریلی صبح نو بجے کچورا سے شروع ہوگئی اور ریلی امامیہ چوک اسکردو، علی چوک، پریشان چوک، الڈینگ، نیابازار، اور یادگار شہدا اسکردو پر پہنچ گئی تو وائس آف شہدا ئے پاکستان کے سربراہ سید فیصل رضا عابدی نے شرکاء ریلی سے خطاب کیا انہوں نے اپنے خطاب میں کہا کہ بلتستان کی عوام نے جتنی انکو محبت دی ہے اس پر احسان مند ہواور امید کرتا ہوں کہ غیرت مند قوم 8جون کو اپنی ٖغیرت و شجاعت کا مظاہر ہ کرتے ہوئے دہشتگرد جماعتوں کی سیاسی ونگ نواز لیگ کو بدترین شکست دے کے نئی تاریخ ثبت کر ے گی۔انکے خطاب کے بعد ریلی امامیہ چوک اسکردو پہنچ گئی وہاں سے یولتر روڈ سے ہوتی ہوئی عظیم الشان ریلی گمبہ اسکردو پہنچ گئی ۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری فلاح وبہبود اور خیرالعمل فاؤنڈیشن کے چیئرمین نثارعلی فیضی نے کہا کہ 8 جون کو گلگت بلتستان کے عوام اپنی قسمت بدلنے کے لیے خیمے پر مہر لگا ئیں گے وہ ہوشیار اور بیدار ہو چکے ہیں ووٹ کی قدروقیمت کو سمجھتے ہیں اب وہ کسی کے جھانسے میں نہیں آنے والے باریوں کی سیاست کرنے والوں کو مسترد کر دینگے اور ان لوگوں کو اسمبلی میں پہنچائیں گے جو انکی حقیقی معنوں میں خدمت کا جذبہ رکھتے ہیں مجلس وحدت مسلمین پاکستان کے تاریخی جلسے اس بات کا ثبوت ہیں کہ گلگت بلتستان کے عوام نے باریوں کی سیاست کرنے ،کرپٹ اور اپنے حقوق پر ڈاکہ ڈالنے والوں کو مسترد کرکے اپنا فیصلہ ایم ڈبلیو ایم کے حق میں دے دیا ہے گلگت بلتستان میں مجلس وحدت مسلمین کی رفاہی خدمات نے عوام کو یہ احساس دلایا ہے کہ علاقے کی خوشحالی اور ترقی کے لیئے اسی جماعت کو آگے آنا ہو گا ، ان خیالات کا اظہار انہوں نے گلگت بلتستان کے تفصیلی دورہ کے بعد واپسی پر صحافیوں سے گفتگو کرتے ہوئے کیا ۔

چیئر مین خیرالعمل فاؤنڈیشن نثار علی فیضی نے اپنے گلگت بلتستان کے دورہ کے دوران خیرالعمل فاؤنڈیشن کی طرف سے مختلف علاقوں میں جاری منصوبوں کا معائنہ کیا اور تعمیراتی کاموں کا جائزہ لیا اور اطمینان کا اظہار کرتے ہوئے ڈویژنل مسؤلین کو کام کو مزید تیز کرنے کی ہدایات جاری کی نثار علی فیضی نے اپنے دورہ کے دوران طورمک واٹر پروجیکٹ ، ہلدی خپلو میں امام بارگاہ کے پروجیکٹ، شروٹ اور نروٹ گلگت میں مکانات کی تعمیراتی کام کا جائزہ لیا، صادق آباد گمبہ سکردو میں امام بارگاہ کے پروجیکٹ کا معائنہ کیا اور نلتر گلگت میں مسجد کا افتتاح بھی کیا اس موقع پر انہوں نے علاقو ں کے معززین سے ملاقاتیں کیں جنہوں نے خیرالعمل فاؤنڈیشن کے فلاحی کاموں کو سراہتے ہوئے انہیں اپنے اپنے علاقوں کی عوام کے لیے فائدہ مند قرار دیا ، اس موقع پر مجلس وحدت مسلمین کے مرکزی سیکر ٹری فلاح وبہبود نثار علی فیضی نے معززین سے بات کرتے ہوئے کہا کہ گلگت بلتستان کے غیور عوام کے حقوق کی جنگ لڑ رہی ہے اور عوامی خدمت اسکا شعار ہے ہم پچھلے کئی سالوں سے گلگت بلتستان میں عوامی خدمت میں مشغول ہیں جو اس بات کا ثبوت ہے کہ ایم ڈبلیو ایم کی قیادت جی بی کی عوام کو خوشحال اور مضبوط دیکھنا چاہتی ہے ۔

وحدت نیوز(سکردو) وائس آف شہدائے پاکستان کے ترجمان سید فیصل رضا عابدی نے اسکردو میں الیکشن کمپین کے سلسلے میں منعقدہ مجلس وحدت مسلمین کے جلسے سے خطاب کرتے ہوئے کہا ہے کہ گلگت بلتستان کے حقوق کی جنگ ہم پاکستان کی گلی گلی میں لڑیں گے اور حقوق دے کر دم لیں گے۔ انہوں نے کہا کہ مجھے بتاو کہ اگر سپریم کورٹ ہمیں 80 ہزار لاشوں پر بھی انصاف نہ دے سکے تو میں کہاں جاوں، انصاف کے طلب گار کدھر جائیں، سانحہ پشاور کے قاتلوں کو ملٹری کورٹس کے ذریعے سزائیں دینے سے روک کر جمہوریت کی چمپئن نواز شریف نے آئین پاکستان کی تذلیل کی ہے، اگر گلگت بلتستان کے عوام طالبان کے سرپرستوں کو انتخابات میں ووٹ دیں تو کراچی کے عوام کو جا کر کیا بتاوں۔ میں گلگت بلتستان کی عوام کو خوشخبری دینے آیا ہوں کہ یہ الیکشن گلگت بلتستان کا آخری الیکشن ہوگا، آئندہ الیکشن سینٹ کا ہوگا، گلگت بلتستان میں آئندہ الیکشن پارلیمنٹ کا ہوگا، اب کوئی ظالم حکمران اس قوم کو آئینی حق سے محروم نہیں رہ سکے گا، کیونکہ اب گلگت بلتستان والے تنہا نہیں ہیں، ہم آپ کے ساتھ ہیں، آپ کے حقوق کی جنگ میں، صاحبزادہ اور آپکی قیادت مل کر لڑے گی اور یہ جنگ پاکستان کی گلی گلی میں لڑی جائے گی۔ ان خیالات کا اظہار انہوں نے گمبہ اسکردو میں مجلس وحدت مسلمین بلتستان ڈویژن کے زیراہتمام منعقدہ انتخابی جلسے سے خطاب کرتے ہوئے کیا۔

سید فیصل رضا عابدی نے کہا کہ 80 ہزار شہداء کے وارثین نے گلگت بلتستان کے عوام کو پیغام دے بھیجا ہے کہ جب جی بی کے بے گناہوں پر ظلم ڈھائے گئے تو ہم کراچی سے لے کر کوئٹہ تک آپ کے ساتھ کھڑے رہے، ہم نے سڑکوں پر آپ کے لئے دھرنے دیئے۔ ان شہداء کے لواحقین نے گلگت بلتستان کے عوام سے سوال کیا ہے کہ وہ سیاسی قائدین بشمول نواز شریف کے کہاں تھے جب یہاں کے عوام کو شہید کر دیا گیا اور آج اسکردو کی گلی گلی میں گھوم رہے ہیں، یہ وہ لوگ ہیں جنہوں نے کبھی کسی زخمی کے علاج کے لئے مدد نہیں کی، یہ وہ لوگ ہیں جنہوں نے ہمیشہ طالبان جماعتوں کو پروٹول دیئے، یہ وہ لوگ ہیں جو افواج پاکستان کے شہداء کا مذاق اڑاتے ہیں، یہ لوگ ہیں جنہوں نے دہشتگرد جماعتوں کو اپنی حفاظت پر لگا رکھا ہے، تو گلگت بلتستان والو! کیا آپ اپنے 82 ہزار شہیدوں کے قاتلوں کو ووٹ دیں گے، اگر ایسا ہے تو میں کراچی کے عوام کو کیا جواب دوں۔ یہ سیاست نہیں بلکہ پاکستان اور دین بچانے کا وقت ہے۔

سید فیصل رضا عابدی نے کہا کہ اگر کسی نے آپ لوگوں کی خدمت کی ہے تو ان کو ووٹ دو، اگر نواز شریف کسی شہید کے گھر آئے ہیں تو انکو بھی ووٹ دو، اگر نواز شریف نے کسی شہید کے لواحقین کی مدد کی ہے تو انکو ووٹ دو، اگر ایسا نہیں تو یاد رکھنا تاریخ میں غداروں میں تمہارا نام ہوگا۔ یہ جنگ پاکستان کی بقا کی جنگ ہے۔ گلگت بلتستان مضبوط ہوگا تو انڈیا ختم ہوجائے گا، پاک ایران گیس لائن، اقتصادی کوریڈور بن جائے تو انڈیا ختم ہوجائے گا۔ میں نے سینیٹ، پارلیمنٹ اور کرسی کو چھوڑا، تاکہ پاکستان کی حفاظت کی جنگ لڑ سکوں۔ میں نے پاکستان کی بقاء کی خاطر سینیٹ کی کرسی کو جوتے کی نوک پر رکھا ہے اور اب عوام کے ساتھ مل کر ان دہشتگردوں اور قاتلوں کا مقابلہ کیا جائے گا۔

وحدت نیوز (سکردو) مجلس وحدت مسلمین پاکستان بلتستان ڈویژن حلقہ ایک اور حلقہ دو کے امیدواروں کی کمپئین کے سلسلے میں ایک عظیم الشان ریلی بعنوان استحکام پاکستان ریلی نکالی گئی۔ ریلی میں ایم ڈبلیو ایم کی اعلٰی قیادت کے علاوہ وائس آف شہداء پاکستان کے سربراہ سید فیصل رضا عابدی، سنی اتحاد کونسل کے سربراہ صاحبزادہ حامد رضا، مجلس وحدت مسلمین سندھ کے سربراہ علامہ مختار امامی، ایم ڈبلیو ایم ہزارہ کے سربراہ وحید کاظمی بھی شریک تھے۔ ریلی کا آغاز مجلس وحدت مسلمین بلتستان ڈویژن کے سربراہ علامہ آغا علی رضوی کے حکم سے صبح نو بجے ہوا۔ ریلی میں ہزاروں کی تعداد میں گاڑیاں اور موٹر سائیکل سوار شریک تھے۔ شرکاء ریلی نے ہاتھوں میں پاکستان اور مجلس وحدت مسلمین کے پرچم اٹھا رکھے تھے جبکہ پرجوش شرکاء ایم ڈبلیو ایم، راجہ ناصر عباس جعفری، علامہ آغا علی رضوی کے حق میں نعرے بھی لگا کر رہے تھے۔ شرکائے ریلی کے نعروں سے اسکردو کی فضا گونجتی رہی۔ ریلی بلتستان کی تاریخ کی سب سے بڑئی ریلی تھی۔ ریلی جہاں جہاں سے گزرتی بچے، بوڑھے اور خواتین استقبال کرتے رہے اور مختلف مقامات پر ریلی میں موجود مہمانوں اور قیادتوں کو پھولوں کے ہار بھی پہنائے۔

ریلی صبح نو بجے کچورا سے شروع ہوئی، امامیہ چوک اسکردو، علی چوک، پریشان چوک، الڈینگ، نیا بازار سے ہوتی ہوئی جب یادگار شہداء اسکردو پر پہنچی تو وائس آف شہدائے پاکستان کے سربراہ سید فیصل رضا عابدی نے شرکاء ریلی سے خطاب کیا۔ انہوں نے اپنے خطاب میں کہا کہ بلتستان کی عوام نے مجھے جتنی محبت دی ہے اس پر آپ کا احسان مند ہوں اور امید کرتا ہوں کہ غیرت مند قوم 8 جون کو اپنی ٖغیرت و شجاعت کا مظاہرہ کرتے ہوئے دہشتگرد جماعتوں کے سیاسی ونگ نواز لیگ کو بدترین شکست دے کر نئی تاریخ رقم کرے گی۔ انکے خطاب کے بعد ریلی امامیہ چوک اسکردو پہنچی، وہاں سے یولتر روڈ سے ہوتی ہوئی عظیم الشان ریلی گمبہ اسکردو پہنچ گئی۔ گمبہ اسکردو مالک اشتر چوک پر ریلی کے استقبال کے لئے ہزاروں کی تعداد میں مجلس وحدت مسلمین کے سپورٹر ز موجود تھے۔ انہوں نے ریلی کا پرجوش استقبال کیا۔ ایم ڈبلیو ایم کے صرف دو حلقوں کی جانب سے نکالی گئی اس ریلی نے سیاسی مخالفین کی کمر توڑ کر رکھ دی ہے اور وہ شدید دباو کا شکار ہیں۔ ایم ڈبلیو ایم کی اس ریلی کو اسکردو کا ٹھنڈا موسم اور شدید بارش بھی متاثر نہ کرسکی۔ ہزاروں کی تعداد میں موجود شرکائے ریلی نے مجلس وحدت مسلمین کی فتح کو یقینی بنا دیا ہے۔

وحدت نیوز (سکردو) مجلس وحدت مسلمین پاکستان کے ڈپٹی سیکرٹری جنرل علامہ محمد امین شہیدی نے اسکردو میں پریس کانفرنس سے خطاب کرتے ہوئے کہا کہ گلگت بلتستان میں وفاقی حکومت عوامی مینڈیٹ کو چرانا چاہتی ہے۔ جی بی کے انتخابات میں دھاندلی کے تمام تر لوازمات مہیا کر رکھے ہیں۔ گلگت بلتستان میں نگران حکومت کا قیام، الیکشن کمشنر کی تقرری، وزیراعظم کے اعلانات، گورنر گلگت بلتستان کی تعیناتی اور ان دنوں گورنر کے پے در پے بلتستان میں دورہ جات اور اعلانات قبل از انتخابات دھاندلی کا پیش خیمہ ہیں۔ انہوں نے کہا کہ نواز شریف کی حکومت کے پاس اختیار ہے، اگر نواز شریف چاہیں تو گلگت بلتستان کو آئینی حقوق دے سکتے ہیں، پارلیمنٹ کا مشترکہ اجلاس بلا کر جی بی کے مستقبل کا فیصلہ کرسکتے ہیں اور 67 سالہ محرومیوں کا ازالہ ممکن ہے، لیکن نواز حکومت اس حوالے سے بالکل مخلص نہیں۔ نواز حکومت کی گلگت بلتستان کیساتھ ہمدردی کا سلسلہ 8 جون تک محدود ہے، اس کے بعد وہ تمام وفاقی سیاسی جماعتیں جنہوں نے گلگت بلتستان کو آئینی حقوق سے محروم رکھا ہے، موسمی پرندے کی طرح غائب ہو جائیں گے اور مڑ کر نہیں پوچھیں گے، لیکن مجلس وحدت مسلمین واحد جماعت ہے جو ہر حال میں عوام کے درمیان رہنے والی جماعت ہے۔

انہوں نے کہا کہ وہ تمام قوتیں جو اس خطے کو حقوق سے محروم رکھنے کی ذمہ دار ہیں، انکا یہ عمل خیانت ہے اور گلگت بلتستان کو حقوق سے محروم رکھنا پاکستان دشمنی کے سوا کچھ نہیں، کیونکہ جتنا محب وطن گلگت بلتستان کے عوام ہیں، ملک میں کہیں نہیں، اس خطے کے عوام نے پاکستان کو سب کچھ دیا اور پاکستان سے کچھ بھی نہیں لیا۔ انہوں نے کہا کہ ہم گلگت بلتستان میں انتخابات اہلیت اور کارکردگی کی بنیاد پر لڑیں گے، مذہب کے نام پر ووٹ بٹورنا درست نہیں سمجھتے۔ ہم مذہب کو سیاست کے لئے استعمال کرنے کے مخالف ہیں اور اہلیت اور معیارات کی بنیاد پر انتخابات میں حصہ لیں گے۔ مجلس وحدت مسلمین نے گلگت بلتستان انتخابات میں شمولیت کارکردگی کی بنیاد پر اختیار کی ہے اور مجلس وحدت ہی عوامی درد کا مداوا کرسکتی ہے۔ انہوں نے مزید کہا کہ گلگت بلتستان کے انتخابات کے سلسلے جس سطح پر قبل از انتخابات دھاندلی ہوئی ہے اسی طرح دوران انتخابات دھاندلی کی تیاریاں مکمل ہیں۔ علامہ امین شہیدی نے کہا کہ گلگت بلتستان میں انتخابات فوج کی نگرانی میں کرانے کا فیصلہ خوش آئند ہے، ہم اس فیصلے کا خیر مقدم کرتے ہیں اور مطالبہ کرتے ہیں کہ انتخابات مکمل طور پر فوج کی نگرانی میں ہوں، تاکہ وفاقی حکومت کو دھاندلی کرنے کا موقع نہ ملے۔ اگر دھاندلی کے بین شواہد سامنے آگئے تو دھاندلی شدہ انتخابات کے نتائج کو قبول نہیں کیا جائے گا۔ انہوں نے کہا کہ جی بی انتخابات کے نتائج میں اعلان بھی بلاتاخیر ہونا چاہیے، اگر نتائج کے اعلان میں تاخیر کی گئی تو ہم خاموش نہیں رہیں گے۔