وحدت نیوز (اسلام آباد) وادی نیلم آزاد جموں وکشمیر میں بھارتی جارح افواج کی جانب سے مسافر بس پر حملے اوراس کے نتیجے میں دس بے گناہ پاکستانی مردوخواتین کی المناک شہادت پر شدید غم وغصے کا اظہار کرتے ہوئے مجلس وحدت مسلمین پاکستان کے سربراہ علامہ راجہ ناصرعباس جعفری نے کہا کہ بھارت لائن آف کنٹرول پرمسلسل عالمی قوانین کی خلاف ورزی کررہا ، آج وادی نیلم سمیت کوٹلی ،پونچھ اوردیگر سیکٹرز میں بھی شہری آبادی کو نشانہ بنایا گیا، اقوام متحدہ اور دیگر عالمی انسانی حقوق کے ادارے بھارت کی جانب سے تسلسل کے ساتھ پاکستانی حدودمیں قیمتی انسانی جانوں کے ضیاع پر تماش بین کا کردارفوری ترک کرے،ایسے وقت میں کے جب پاکستان میں چیف آف آرمی اسٹاف کی تبدیلی قریب ہے اوردفاعی نمائش جاری ہے بھارت کی جانب سےنہتی خواتین اور مسافروں کو نشانہ بنانا اس کی بوکھلاہٹ کوظاہر کرتا ہے،انہوں نے کہا کہ بھارت کسی خام خیالی میں نہ رہے پاکستان کے بیس کروڑ محب وطن عوام سیاسی اختلافات کو بالائے طاق رکھ کر قومی وحدت کا ثبوت دیتے ہوئے اپنی پاک مسلح افواج کے شانہ بشانہ بھارتی ننگی جارحیت کا منہ توڑ جواب دینے کی بھر پور صلاحیت رکھتے ہیں، علامہ راجہ ناصرعباس جعفری نے وادی نیلم کے علاقہ لوات میں بھارتی فوج کی جانب سے ایک مسافر کوچ پر فائرنگ کے نتیجے میں شہید ہونے والے شہریوں کے اہل خانہ سے تعزیت کا اظہار کیا ہے انہوں نے کہا کہ مجلس وحدت مسلمین دکھ کی اس گھڑی میں پسماندگان کے غم میں برابر کی شریک ہے ۔
وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ بھارت دانستہ طور پر خطے کے حالات کو بگاڑنے کی کوشش میں مصروف ہے۔مقبوضہ کشمیر میں مسلمانوں پر ظلم و بربریت کی سیاہ داستانیں رقم کرنے والے بھارت کا واویلا چور مچائے شور کے سوا کچھ بھی نہیں۔عالمی طاقتیں بھارتی مکاری سے بخوبی آگاہ ہیں وہ اقوام عالم کی آنکھوں میں دھول نہیں جھونک سکتا۔ پاکستان ایک ایٹمی طاقت ہے اور افواج پاک کا شمار دنیا کی بہترین سپاہ میں ہوتا ہے ارض پاک کو ترنوالہ سمجھنے والے احمقوں کی جنت میں نکلتے ہیں۔ پاکستان کی طرف پیش قدمی کی کوئی بھی کوشش ہندوستان کی تباہی ثابت ہوگی۔ہماری آرمی اور پاکستان کے بیس کروڑ عوام پاکستان کا مضبوط دفاع ہے اور کسی بھی بیرونی جارحیت کو کچلنے کا بھرپور عزم اور مکمل صلاحیت رکھتے ہیں۔بھارت آگ و خون کے کسی بھی کھیل سے باز رہے۔انہوں نے کہ کہا وزارت عظمیٰ کے منصب نے بھارتی وزیر اعظم نریندر مودی کے سر کو چکرا کر رکھ دیا ہے۔یہی وجہ ہے کہ ان کے بیانات اور اقدامات سیاسی عقل و شعور سے عاری ہوتے ہیں۔بھارت میں ہونے والے دہشت گردی کے واقعات ان شرپسندوں او سازشی عناصر کی کارستانی ہے جو خطے میں امن کا قیام نہیں چاہتے۔ ہندوستان میں کسی بھی شر پسندی کے واقعہ کے فورا بعد بغیر کسی تحقیق کے پاکستان پر فوری الزام لگایا جانا سفارتی اصولوں کے خلاف اور بھارت کے حکمرانوں کی پاکستان دشمن ذہنیت کو آشکار کرتا ہے۔انہوں نے کہا کہ بھارت یہ بات ذہن نشین کر لے کہ امن کے سوا کوئی دوسرا آپشن کسی بھی ملک کے مفاد میں نہیں۔اس لیے دو طرفہ تعلقات کی بہتری پر توجہ دی جانی چاہیے۔
وحدت نیوز(مظفرآباد) مجلس وحدت مسلمین آزاد کشمیر کے سیکرٹری جنرل علامہ سید تصور حسین نقوی الجوادی نے کہا ہے کہ مقبوضہ کشمیر میں سنگین ہوتی صورتحال اور خوارک کی قلت پر عالمی اداروں کو نوٹس لینا چاہیے ، انسانی حقوق کی عالمی تنظیمات کی خاموشی بھارتی جرائم میں شراکت کے مترادف ہے ، کسی طور پر بھی بھارت جدوجہد آزادی کو نہیں دبا سکتا ہے ، مجلس وحدت مسلمین مقبوضہ کشمیر کے غمزدہ بھاائیوں کے ساتھ ہے ، مظلوموں اور محروموں کے لیے آواز اٹھانا ہی مجلس کا مشن و مقصد ہے ، کشمیریوں کی جدوجہد آزادی حقیقی معنوں میں کامیابی سے ہمکنار ہو گی ، مقبوضہ کشمیر کی عوام نے قربانیوں کی بے پناہ داستانیں رقم کیں ہیں ، مگر وہ اپنے مشن و مقصد یعنی حق خودارادیت کے لیے آواز اٹھانے سے پیچھے نہیں ہٹے ، انہوں نے ان خیالات اظہار مقبوضہ کشمیر کی صورتحال پر جاری ایک بیان میں کیا ، علامہ تصور جوادی نے کہا کہ اس وقت مقبوضہ کشمیر میں کرفیو کا سماں ، خوراک کی شدید قلت ، زخمیوں کے علاج معالجے کی سہولت نہ ہونے اور بچوں کا مستقبل داؤ پر ہے، مودی کہتا ہے کہ کشمیری امن قائم کریں ، وہ فوج سے کیوں نہیں کہتا کہ وہ ظلم بند کرے ، مقبوضہ کشمیر کی عوام اپنے حق کے لیے لڑ رہے ہیں جبکہ اس کی فوج یزید کردار بن کر نہتے لوگوں کو اپنے ظلم کا نشانہ بنا رہی ہے ، علامہ تصور جوادی نے کہا کہ ہم مطالبہ کرتے ہیں کہ حکومت پاکستان کشمیر کمیٹی کا چیئرمین کشمیری قیادت میں سے بنائے ، ایسا شخص جو کشمیر کی صورتحال سے واقف ہو ، سفارتی سطح پر اس مسئلے کو بھرپور انداز میں اٹھایا جائے ، اسلامی دنیا کو ایک پیج پر اکٹھا کرنے کی کوششیں کرتے ہوئے مسئلہ کشمیر کی حساسیت کے بارے انہیں آگاہ کیا جائے ، یمنی مسلمانوں کے خلاف تو اتحاد بنا دیا گیا ، اور پاکستان اس میں شامل ہوا ، اسی طرز پر ظالم و جابر بھارت کے خلاف بھی ایک اتحاد بنانے کے لیے سفارتی کوششیں کی جائیں ،بھارت کے چہرے کو پوری دنیا میں بے نقاب کرنے کے لیے ہنگامی بنیادوں پر اقدامات کیے جائیں ، تمام ممالک کو مقبوضہ کشمیر کی صورتحال سے آگاہ کیا ۔
وحدت نیوز (مظفرآباد) سیکرٹری جنرل مجلس وحدت مسلمین پاکستان آزاد جموں و کشمیر علامہ سید تصور حسین نقوی الجوادی نے کہا ہے کہ کہاں ہیں وہ لوگ جو انسانی حقوق کا نام لیکر جن کی زبانیں خشک ہو جاتی ہیں ، انہیں مقبوضہ کشمیر میں مظلوم کشمیری عوام کا بہت لہو نظر کیوں نہیں آتا۔ مسلسل کرفیو ، جلاؤ گھیراؤ، چادر اور چار دیواری کے تقدس کی پائمالی، خون آشام شب و روز مقبوضہ وادی کا معمول بن چکا ہے۔ جہاں زندگی محدود ہو چکی ہے ،شدید غذائی قلت اور میڈیکل ایمرجینسی ہے۔ان خیالات کا اظہاعلامہ تصور جوادی نے ریاستی دفتر میںخصوصی نشست سے گفتگو میں کیا ، انہوں نے کہا کہ آئے روز دسیوں بے گناہ کشمیری جوان بھارتی وحشی فوجیوں کی بے رحم گولیوں کا نشانہ بنتے ہیں ، عالمی اداروں کی خاموشی آخر یہ سلسلہ کب تک جاری رہے گا۔ کشمیری عوام پوری دنیا کے انصاف پسندوں خاص طور پر مسلم اقوام سے سوال کرتے ہیں کہ آخر کشمیریوں کی حمایت میں اسلامی بلاک کیوں تشکیل نہیں دیا جاتا ، کب تک مظلومیت کی زندگی گزارنے پر مجبور رہیں گے ، کیا صرف اس لیے کہ کشمیر میں تیل کے کنویں نہیں ہیں ۔ اس لیے مسلم حکمرانوں کی توجہ کشمیریوں کی مظلومیت پر نہیں آ رہی ۔ مجلس وحدت مسلمین آزاد کشمیری بھائیوں سے اظہار یکجہتی کے لئے تحریک حمایت مظلومین کشمیر اپنے عروج پر ہے ، الحمدلللہ پوری دنیا میں اس کا پیغام پہنچ رہا ہے ۔ بڑی تعداد میں لوگوںنے اس تحریک کو سراہاہتے ہوئے مظلوموں کی آواز قرار دیا ہے ۔ تحریک کا مقصد ہی بھارت کا مکروہ چہرہ اور گھناؤنے اقدامات دنیا کے سامنے لانا مقصود ہے۔
وحدت نیوز(مظفرآباد) کشمیر پر بھارتی مظالم کے خلاف مجلس وحدت مسلمین کی ’’تحریک حمایت مظلومین کشمیر‘‘ کو سوشل میڈیا پر بھرپور پزیرائی، سینکڑوں افراد نے تحریک کے مونوگرام کو پروفائل فوٹو اور ڈی پی لگا لیا، مجلس وحدت مسلمین کے آفیشل پیجز سے پوسٹس شیئر کی گئیں ۔ آج تحریک کا تیسرا دن ہے ۔ ان خیالات کا اظہار مجلس وحدت مسلمین آزاد کشمیر کے زیر اہتمام تحریک حمایت مظلومین کشمیر کے ترجمان سید محسن رضا سبزواری ایڈووکیٹ نے میڈیا سے گفتگو کے دوران کیا ، انہوں نے کہا کہ ہماری تحریک کا مقصد غاصب ،ظالم و جابر بھارت کا مکروہ چہرہ دنیا کے سامنے لانا ہے ۔ جو ایک طرف تو دنیا کی سب سے بڑی جمہوریت کا دعویدار ہے جب کہ کشمیر کے اندر نہتے کشمیریوں پر مظالم کے پہاڑ توڑ رہا ہے ۔ باپ کے سامنے بیٹے اور بہن کے سامنے بھائی کو قتل کردیا جاتا ہے ۔ ممنوعہ ہتھیاروں کے استعمال سے ایک سے ایک پوری نسل کو اپاہج بنایا جا رہا ہے ۔ جبکہ کشمیری عوام اپنے حق خود ارادیت کے لیے پرامن تحریک چلائے ہوئے ہیں ۔
انہوں نے کہا کہ اس تحریک کے ذریعے پہلے مرحلے پر پرنٹ اور سوشل میڈیا کو فوکس کیا گیا ہے ۔ اگلے مرحلے میں بھارت کے خلاف ایک دستخطی مہم کا بھی آغاز کیا جائے گا۔ انہوں نے کہا کہ بھارت اندر سے کھوکھلا ہوتا جا رہا ہے خود اس دیش میں سکھوں کی علیحدگی کی تحریک زور پکڑ رہی ہے لیکن مودی سرکار اندر کا غصہ اور غبار نکالنے کے لیے مظلوم کشمیری عوام پر ظلم کر رہی ہے ۔ ایسے حالات میں اقوام متحدہ کو دنیا بھر میں مسلمانوں بہتا خون نظر کیوں نہیں آتا ۔ اس تحریک کا ایک ہی مطالبہ ہے کہ کشمیریوں کی جدوجہد آزادی کو دبانے کے بجائے اسکارٹ لینڈ یارڈ طرز پر ریفرنڈم کروایا جائے ۔ اس استصواب رائے کو خود اقوام متحدہ کی قراردادوں میں انڈیا تسلیم کر چکا ہے ۔ اقوام متحدہ اپنی قراردادوں پر عمل کروائے اور ظالم بھارت راہ فرار اختیار کرنے کے بجائے راہِ راست پر آئے۔
وحدت نیوز(اسلام آباد) مجلس وحدت مسلمین کے مرکزی سیکرٹری جنرل علامہ راجہ ناصر عباس جعفری نے بھوک ہڑتالی کیمپ میں پریس کانفرنس سے خطاب کرتے ہوئے کہا ہے کہ انسانی حقوق کی پامالی کے جو واقعات اس وقت رونما ہو رہے ہیں ان کی ماضی میں مثال نہیں ملتی۔عالم اسلام کو ان کے بنیادی حقوق سے محروم کیا جا رہاہے۔ تہذیب یافتہ ہونے کے دعویدار ممالک مسلمانوں کے ساتھ وحشیانہ سلوک کے مرتکب ہو رہے ہیں۔کشمیر،یمن،لبیا اور عراق سمیت دیگر ریاستوں میں مسلمان سنگین تر ین صورتحال سے دوچار ہیں۔مقبوضہ کشمیر میں مظلوم کشمیریوں کے ساتھ بھارتی فوج کا سلوک درندوں سے بھی بدتر ہے۔بھارتی حکومت کا کشمیریوں سے خود ارادیت چھیننا عالمی قوانین سے انحراف ہے۔اسی طرح یمن میں جاری قتل عام پر عالم اسلام کی خاموشی حیران کن اور تشویشناک ہے۔بحرین میں جمہوریت پسند جماعتوں پر غیر منصفانہ پابندیاں عائد کی جا رہی ہیں تاکہ حکمران من پسند طریقے سے حکومت قائم رکھ سکیں۔صدیوں سے مقیم افراد سے ان کی شہریت چھینی جا رہی ہے۔ایک اسلامی ریاست میں نماز جمعہ پر پابندی لگائی جانا عالم اسلام کے نام نہاد ٹھیکیداروں کے منہ پر طمانچہ ہے۔
انہوں نے کہا کہ مذہبی آزادی ہر شخص کا بنیادی حقوق ہے ۔کوئی بھی قانون کسی کو مسجد، چرچ یا مندر جانے سے نہیں روک سکتا۔ریاست کی طرف سے اتنقامی کاروائیوں کا اس سے بڑھ کر ہو کیا ثبوت ہو گا کہ ممتاز مذہیبی رہنما علامہ عیسی قاسم سے ان کی شہریت چھین لی گئی اور خمس و زکوۃ کو منی لانڈرنگ کا نام دے دیا گیا۔یمن سے کشمیر تک ہر جگہ مسلمان مظالم و بربریت کا شکار ہیں لیکن عالمی ضمیر مکمل طور پر بے سدھ پڑا ہے۔اسرائیلی غاصب و ظالم حکومت ہے جس نے ہزاروں بے گناہ فلسطینیوں کو موت کے گھا ٹ اتارا ۔آج آل سعود اپنے اعلی سطح وفد ان کے پاس بھیج رہا ہیں جودنیا بھر کے مسلمانوں کے زخموں پر نمک پاشی ہے۔عرب ممالک میں عرب مسلمانوں کا قتل عام ہو رہا ہے لیکن عرب لیگ بھیگی بلی بن بیٹھی ہے۔اس کی خاموشی عالم اسلام کی آنکھیں کھولنے کے لیے کافی ہے۔ ہم بحرین سمیت دنیا بھر کے ان تمام مسلمانوں کے ساتھ اظہار یکجہتی کرتے ہیں جو حکومتی مظالم اور بربریت کا شکار ہیں۔
بھوک ہڑتالی کیمپ کے حوالے سے ایک سوال کے جواب میں علامہ ناصر عباس نے کہا کہ حکومت کے ساتھ ان کے مذاکرات حوصلہ افزا ہیں۔وفاقی وزیر داخلہ چوہدری نثار علی خان سے سے ہماری بات چیت جاری ہے۔جیسے ہی ہمارے مطالبات پر عمل درآمد ہو گا ہم یہاں سے اٹھ کر چلے جائیں گے۔خیبر پختونخواہ کے حوالے سے انہوں نے بتایا کہ وہاں ہمارے بیشتر مطالبات پر عمل درآمد ہو چکا ہے۔ پارہ چنار، بنوں،ڈیرہ اسماعیل خان،کوہاٹ اور شاہ خیل کے حوالے سے مثبت پیش رفت ہوئی ہے تاہم کے پی کے صوبائی حکومت کی تساہل پسندی ہمارے لیے مشکلات پیدا کر رہی ہے۔ مجرمان کے خلاف مقدمات کی پیروی میں حکومت کی طرف سے عدم دلچسپی انصاف کے حصول کی راہ میں رکاوٹ ہے جسے دور کیا جانا چاہیے۔اس طرح خیبر پختونخواہ میں اپیکس کمیٹی کے اجلاس میں مسلسل پیش وپس ہمارے لیے شکوک و شبہات کا باعث بن رہا ہے۔انہوں نے امیدظاہر کی کہ پنجاب میں بھی ان کے مطالبات پر جلد ہی عمل درآمد شروع ہو جائے گی۔علامہ ناصر عباس نے میڈیا کو بتایا کہ 7 اگست کواسلام آباد میں تحفظ پاکستان کانفرنس کا انعقاد ہو گا جس میں ملک بھر سے ہزاروں کی تعداد میں لوگ شریک ہوں گے۔
