وحدت نیوز(کراچی) مجلس وحدت مسلمین کے زیر اہتمام امریکی انسانیت دشمن صدر ٹرمپ کی جانب سے بیت المقدس قبلہ اول کو غاصب صہیونی اسرائیلی دارالخلافہ قرار دینے کیخلاف کل امریکی قونصلیٹ کراچی کے ہار احتجاجی مطاہرہ کیا جائے گا قبلہ اول مسلمانان عالم کا دل ہے،اس کیخلاف امریکہ اور اسرائیل کی سازش کو ہم کبھی کامیاب ہونے نہیں دینگے، اسرائیل انشااللہ دنیا کے نقشے سے جلد مٹ جائیگا ان خیالات کا اظہار مجلس وحدت مسلمین صوبہ سندھ کے سیکرٹری اطلاعات آصف صفوی نے میڈیا سیل سے جاری اپنے بیان میں کہا کہ کہ اسرائیل کے خاتمے کا کاونٹ ڈاون شروع ہو چکا،عالم اسلام کا بچہ بچہ غاصب انسانیت دشمن صہیونی ریاست کیخلاف لڑنے اور بیت المقدس کی آزادی کے لئے ہمہ وقت تیار ہیں،انہوں نے کہا کہ کہاں ہے آل سعودی کی نام نہاد اسلامی اتحاد؟آج امریکی اعلان کے بعد اس نام نہاد جعلی اتحاد کا بھی اندازہ مسلم امہ کو ہوگیا ہے یہ اتحاد مسلم امہ کے لئے نہیں بلکہ یمن کے مظلوم مسلمانوں کے قاتل آل سعود اور اسرائیل کا سرپرست امریکہ کے مفادات کی تحفظ کے لئے بنایا گیا ہے،انہوں کہا کہ عرب کے عیاش بادشاہ اسرائیل اور امریکہ کے اتحادی ہیں،انشاء اللہ ظالموں جابروں کے خاتمے کا وقت آ پہنچا ہے،وہ وقت دور نہیں جب اسرائیل اور اسکے سرپرست امریکہ کے ناپاک عزائم خاک میں مل جائینگے،مسلمان متحد ہو کر امریکہ اسرائیل اور اسکے اتحادی پٹھوں کیخلاف ہر سطح پر آواز بلند کریں،یہ ہمارے ایمان کا حصہ ہے اسے ہم سرانجام دیتے رہیں گے۔

وحدت نیوز(جیکب آباد) قائد وحدت علامہ راجہ ناصر عباس جعفری کی ہدایت پر ملک گیر یوم احتجاج کے سلسلے میں جیکب آباد میں امریکہ مردہ باد، احتجاجی ریلی نکالی گئی۔ ریلی کی قیادت مجلس وحدت مسلمین سندہ کے سیکریٹری جنرل علامہ مقصودعلی ڈومکی نے کی، اس موقع پر ضلعی سیکریٹری جنرل مولانا سیف علی ڈومکی، حسن رضا غدیری، سید غلام شبیر شاہ، تحصیل کے رہنما نذیر حسین و دیگر ان کے ہمراہ تھے۔

اس موقع ریلی سے خطاب کرتے ہوئے علامہ مقصودعلی ڈومکی نے کہا کہ شیطان بزرگ امریکہ کے نادان صدر ٹرمپ نے بیت المقدس اور فلسطین کے خلاف فیصلہ دے کر دنیائے اسلام کی غیرت ایمانی کو للکارا ہے، پے در پے شکست کے باوجود امریکہ شیطنت سے باز آنے کے لئے تیار نہیں۔ شام کے محاذ پر عبرتناک شکست سے امریکہ کو سبق سیکھنا چاہیئے۔ ڈونلڈ ٹرمپ کے اعلان کے بعد 39 ملکی فوجی اتحاد کی تشکیل سوالیہ نشان بن گئی ہے۔ یمن کے مظلوم مسلمانوں پر بمباری، دھشت گرد گروہوں کی سرپرستی اور بیت المقدس قبلہ اول ، فلسطین سے غداری کا بدنما داغ بھی آل سعود کے سیاہ کارناموں میں شامل ہے۔

اس موقع پر آغا سیف علی ڈومکی، برادر حسن رضا غدیری ، سید احسان شاہ اور آئی ایس او کے صدر برادر اللہ بخش میرالی نے بھی خطاب کرتے ہوئے حکومت پاکستان سے مطالبہ کیا کہ وہ امریکہ اور اسرائیل کے اسلام دشمن منصوبے کے خلاف بھرپور کردار ادا کرے۔ اس موقع پر پریس کلب کے سامنے اسرائیلی پرچم نذر آتش کیا گیا۔ جلوس میں نظم و ضبط کے فرائض المصطفیٰ اسکاؤٹس کے جوانوں نے انجام دیئے۔

وحدت نیوز(نصیرآباد) صوبائی ڈپٹی سیکریٹری جنرل مجلس وحدت مسلمین بلوچستان علامہ سید ظفر عباس شمسی نے  نماز جمعہ کے خطبہ میں احتجاج کرتے ہوئے کہا کہ امریکی صدر ڈونلڈ ٹرمپ نے اعلان کیا ہے کہ اسرائیل کا دارالحکومت یرو شلم میں ہو گا اور امریکہ اپنا سفارت خانہ بھی یروشلم میں بنائے گا ہم اسکی شدید الفاظ میں مذمت کرتے ہیں انھوں نے کہا یہ امریکی اعلان مسلمانوں کے جذبات سے کھیلنے کے مترادف ہے ،اس اعلان سے پوری دنیا کے مسلمانوں کے جذبات مجروح ہوئے ہیں اور اس کے نتائج بہتر نہیں ہوں گے ،مکہ مکرمہ اور مدینہ منورہ کے بعد بیت المقدس ھمارے لیے مقدس ہے ہم ضرور اس کی حفاظت کریں گے۔

علامہ سید ظفر شمسی نے کہا کہ ڈونلڈ ٹرمپ کے اس اعلان سے اگر اسرائیل اپنا دارالحکومت بیت المقدس کو  بنا لیتا ہے تو مقبوضہ فلسطین سے فلسطینیوں کا رہا سہا تعلق بھی ختم ہو جائے گا اور امریکہ و اسرائیل یہی تو چاہتے ہیں ،انھوں نے کہا ڈونلڈ ٹرمپ نے جو اعلان کیا ہے یہ صرف اعلان نہیں بلکہ اسلامی ممالک کے منہ پر طماچہ ہے ،ڈونلڈ ٹرمپ نے اسلامی ممالک کے سربراھوں کے منہ پر طماچہ مار کر کہا تم مسلمانوں میں کوئی ہمت نہیں ہے تم ہمارے رحم و کرم پر ہو  ہم چائیں تو تمہیں زندگی کی خیرات دیں اور اگر ہم چائیں تو تہمیں تہس نہس کردیں۔

وحدت نیوز (اسلام آباد)  علامہ راجہ ناصر عباس جعفری کی اپیل پرمجلس وحدت مسلمین کے زیر اہتمام امریکی انسانیت دشمن صدر ٹرمپ کی جانب سے بیت المقدس قبلہ اول کو غاصب صہیونی اسرائیلی دارالخلافہ قرار دینے کیخلاف ملک بھر کی طرح لاہور میں بھی  یوم مردہ بار امریکہ واسرائیل منایا گیا،لاہور میں اسلام پورہ حیدر روڈ پر نماز جمعہ کے بعد احتجاجی مظاہرہ کیا گیا،مظاہرین سے خطاب کرتے ہوئے مجلس وحدت مسلمین لاہور کے رہنماسید حسن رضا نقوی نے کہا کہ قبلہ اول مسلمانان عالم کا دل ہے،اس کیخلاف امریکہ اور اسرائیل کی سازش کو ہم کبھی کامیاب ہونے نہیں دینگے، اسرائیل انشااللہ دنیا کے نقشے سے جلد مٹ جائیگا،سرائیل کے خاتمے کا کاونٹ ڈاون شروع ہو چکا،عالم اسلام کا بچہ بچہ غاصب انسانیت دشمن صہیونی ریاست کیخلاف لڑنے اور بیت المقدس کی آزادی کے لئے ہمہ وقت تیار ہیں،انہوں نے کہا کہ کہاں ہے آل سعودی کی نام نہاد اسلامی اتحاد؟آج امریکی اعلان کے بعد اس نام نہاد جعلی اتحاد کا بھی اندازہ مسلم امہ کو ہوگیا ہے یہ اتحاد مسلم امہ کے لئے نہیں بلکہ یمن کے مظلوم مسلمانوں کے قاتل آل سعود اور اسرائیل کا سرپرست امریکہ کے مفادات کی تحفظ کے لئے بنایا گیا ہے،انہوں کہا کہ عرب کے عیاش بادشاہ اسرائیل اور امریکہ کے اتحادی ہیں،انشاء اللہ ظالموں جابروں کے خاتمے کا وقت آ پہنچا ہے،وہ وقت دور نہیں جب اسرائیل اور اسکے سرپرست امریکہ کے ناپاک عزائم خاک میں مل جائینگے،مسلمان متحد ہو کر امریکہ اسرائیل اور اسکے اتحادی پٹھوں کیخلاف ہر سطح پر آواز بلند کریں،یہ ہمارے ایمان کا حصہ ہے اسے ہم سرانجام دیتے رہیں گے۔

وحدت نیوز(سجاول) مجلس وحدت مسلمین کیجانب سے امریکی صدر ڈونلڈ ٹرمپ کا بیت المقدس کو اسرائیلی دارالحکومت قرار دینے اور امریکی سفارتخانہ بنانے کیخلاف پرانی نیشنل بینک سجاول مین بازار چوک پر احتجاجی مظاہرہ کیا گیا احتجاجی مظاہرے سے ضلعی سیکریٹری جنرل مظفرعلی لغاری اورڈپٹی سیکریٹری جنرل  فیاض شیخ نے خطاب کرتے ہوئے کہا کہ ہم مسلمانوں کے قبلہ اول بیت المقدس کو شیطان بزرگ امریکہ کی جانب سے اپنی ناجائز اولاد اسرائیل کا دارالحکومت قرار دینے کی بھرپورمذمت کرتے ہیں، امت مسلمہ  قبلہ اول کے خلاف امریکی ناپاک عزائم کو کسی صورت کامیاب نہیں ہونے دے گی،احتجاج کے اختتام پر مظاہرین نے امریکا اور اسرائیل سے نفرت کا اظہار کرتے ہو امریکا و اسرائیل کے جھنڈے نذر آتش کئے گئے۔

وحدت نیوز(قنبر) امریکی صدر  ڈونلڈ ٹرمپ کی جانب سے قبلہ اول بیت المقدس کو غاصب اسرائیل کا دارالحکومت قرار دینے کے خلاف قائد وحدت علامہ راجہ ناصرعباس جعفری کے حکم پر ملک گیر  یوم مردہ باد امریکہ واسرائیل کےحوالے سے مجلس وحدت مسلمین اور اصغریہ اسٹوڈنٹس تحصیل وارہ کی جانب سے جامع شیعہ مسجد نور مصطفیٰ سے مردہ باد امریکا و اسرائیل، بیت المقدس کی حمایت میں احتجاجی ریلی نکالی گئی ، ریلی کی قیادت مجلس وحدت مسلمین ضلع قمبر کے سیکریٹری جنرل زوار حبدار علی لغاری،  ڈپٹی سیکریٹری سید اختر عباس نقوی،  شعبہ یوتھ سیکریٹری زاھد حسین،  برادر نیاز حسین حیدری اور دیگر رہنما کر رہے تھے، احتجاجی  ریلی مختلف چوراہوں  سے ہوتی ہوئی وارہ پریس کلب پہنچی جہاں رہنماؤں نے خطاب کرتے ہوئے کہا کے ہم امریکا و اسرائیل کی سخت لفظوں میں مذمت کرتے ہیں اور جب تک ہماری سانس میں دم ہے بیت المقدس کو اسرائیل کا دارالحکومت نہیں بننے دینگے ، قبلہ اول بیت المقدس ہمارا ایمان ہے،  اس مقدس جگہ میں کبھی بھی نجس امریکا و اسرائیل کو نہیں آنے دینگے،  بیت المقدس کل بھی ہمارا تھا آج بھی ہمارا ہے اور کل بھی ہمارا رہیگا، رہنماؤں نے مزید کہا کہ ہم بیت المقدس کی آزادی تک یہ اپنی جدوجہد جاری رکھیں گے۔