وحدت نیوز(ملتان) مجلس وحدت مسلمین جنوبی پنجاب کے سیکرٹری جنرل علامہ سید اقتدار حسین نقوی نے کہا ہے کہ محرم الحرام کے دوران جنوبی پنجاب میں امن و امان برقرار رکھنے میں انتظامیہ،سیکیورٹی اداروں ، امن کمیٹیوں اور بانیان مجالس اور جلوس کا کردار قابل تحسین ہے۔ ان خیالات کا اظہار اُنہوں نے ملتان میں جنوبی پنجاب کی محرم کمیٹی کے اجلاس سے خطاب کرتے ہوئے کیا۔ اس موقع پر محرم کمیٹی کے کنوینر محمد عباس صدیقی، ثقلین نقوی، عدیل زیدی، فرخ مہدی، محمد اصغرتقی اور دیگر رہنما موجود تھے۔ علامہ اقتدار نقوی کا مزید کہنا تھا کہ جنوبی پنجاب کے تنیوں ڈویژن کے آرپی اوز ، کمشنرز،سی پی اوز،ڈی سی اور ڈی پی اوزنے ایام عزا کے دوران سیکیورٹی کے فول پروف سیکیورٹی کے انتظامات کیے، اُنہوں نے کہا کہ بعض اضلاع میں مسائل بھی درپیش رہے تاہم ہم انتظامیہ سے اُمید کرتے ہیں وہ عزاداروں اور بانیان مجالس کے مسائل پر توجہ دیں اور ماہ صفر المظفر کے انتظامات کے حوالے سے ابھی سے کام شروع کریں تاکہ بروقت کاموں کا انجام دیا جاسکے۔ علامہ اقتدار نقوی نے کہا کہ مجلس وحدت مسلمین کا وفد بہت جلد جنوبی پنجاب کے انتظامی افسران سے ملاقات کرے گا ۔ محر م کمیٹی کے کنوینر محمد عباس صدیقی نے کہا کہ جنوبی پنجاب بھر میں مجلس وحدت مسلمین کے ضلعی سیکرٹری جنرل صاحبان نے مقامی انتظامیہ کے ساتھ بھرپور تعاون کیا جس کے باعث کسی بھی ضلع میں عزاداری کے حوالے سے کوئی خاطر خواہ شکایت نہیں ملی، اور جہاں پر کئی عرصے سے عزاداری اور جلوسوں کے مسائل تھے اُنہیں احسن انداز سے حل کیا گیا، اُنہوں نے کہا کہ آئندہ بھی مجلس وحدت مسلمین جنوبی پنجاب بھر میں انتظامیہ اور سیکیورٹی اداروں کے ساتھ مل کر خطے کے امن اور سلامتی کے لیے اپنا کردار ادا کرتی رہے گی۔
وحدت نیوز (کراچی) کراچی پر حق حکمرانی کی جنگ کے باعث شہر کچرے کے ڈھیر میں تبدیل ہوگیاہے، موسم گرما کی آمد سے قبل ہی بجلی لوڈشیڈنگ کے اوقات میں اضافہ عوام کو ذہنی اذیت میں مبتلا کرنے کی کوشش ہے۔ ان خیالات کا اظہار مجلس وحدت مسلمین کراچی ڈویژن کے ڈپٹی سیکرٹری جنرل علامہ مبشر حسن نے وحدت ہاؤس میں گلستان سوسائٹی کے معززین سے ملاقات کے موقع پر کیا۔ گلستان سوسائٹی کے وفد کی قیادت عرفان حیدرنے کی جبکہ اس موقع پر ایم ڈبلیو ایم کے رہنما عباس اشرف، جعفر زیدی، حیدر عباس عابدی بھی موجود تھے۔ علامہ مبشر حسن نے علاقہ مکینوں کے مسائل کو بغور سنا اور علاقے کے مسائل کے حل کیلئے جدوجہد پر زور دیا۔ ان کا کہنا تھا کہ کراچی پر حق حکمرانی کی جنگ کے باعث شہر کچرے کے ڈھیر میں تبدیل ہوگیاہے، جو کام حکومت کا ہے وہ سیاسی جماعتیں ادا کرررہی ہیں، کراچی کو صاف رکھنا جہاں سندھ حکومت کا کام ہے وہیں شہریوں کی بھی ذمہ داری بنتی ہے کہ کراچی کو ہر قسم کے کچرے سے صاف کرنے میں اپنا کردار ادا کریں۔ علامہ مبشر حسن نے کے الیکٹرک انتظامیہ کو شدید تنقید کا نشانہ بناتے ہوئے کہا کہ شہریوں کو لوڈ شیڈنگ کی اذیت دیکر کے الیکٹرک انتظامیہ جہنم خرید رہی ہے، کے الیکٹرک انتظامیہ شہر کراچی کے باسیوں کو ذہنی مریض بنانے پر تلی ہوئی ہے،مختلف علاقوں میں غیر اعلانیہ،طویل اور بلاجواز بجلی بندش نے شہریوں کا جینا دوبھر کردیا ہے، موسم گرما کی آمد سے قبل ہی بجلی لوڈشیڈنگ کے اوقات میں اضافہ عوام کو ذہنی اذیت میں مبتلا کرنے کی کوشش ہے،قانون نافذ کرنے والے ادارے کے الیکٹرک انتظامیہ کی عوام دشمنی کا نوٹس لیں۔
وحدت نیوز( کراچی ) ۲۷ اکتوبر کو نشتر پارک میں ہو نے والی عظمت ولایت کانفرنس کی اجازت نہ ملنے کے باوجود مرکزی ترجمان مجلس وحدت مسلمین پاکستان علامہ حسن ظفر نقوی کا نشتر پارک پہنچ گئے ہیں اور کانفرنس کے انتطامات کا جائزہ لیتے ہو ئے کارکنان سے گفتگو کر تے ہو ئے انہوں نے کہا کہ ہم نے اخلاقی طور پرمقامی انتظامیہ کے پاس اجازت نامہ بھیجا تھا لیکن انتظامیہ نے اس پر کوئی دھان نہ دیا اور اب تک ہمیں باقائدہ اجازت نامہ موصول نہیں ہوا ہے ، ہم انتظامیہ پر یہ بات واضح کر دینا چاہتے ہیں کہ اس قسم کے اوچھے ہتھکنڈے ہمارے مقصد کی راہ میں رکاوٹ نہیں بن سکتے ، ہم کسی اجازت کے محتاج نہیں ، عظمت ولایت کا نفرنس ہر حال میں نشتر پارک میں ہو گی ، آپ کارکنان بلا خوف وخطر اپنی ذمہ داریاں انجام دیں ، اس موقع پر جعفریہ لیگل ایڈ کمیٹی کے سربراہ تصور حسین رضوی ایڈووکیٹ بھی ان کے ہمراہ موجود تھے ۔
