وحدت نیوز(کوئٹہ) مجلس وحدت مسلمین کوئٹہ ڈویژن کےسیکریٹری امور سیاسیات کامران حسین ہزارہ نے کہا ہے کہ پی بی 2 میں اس دور حکومت میں پچھلے حکومتوں کی نسبت بہتر کارکردگی نظر آئی ہے۔ علاقے میں جہاں عوامی مسائل حل ہو رہے ہیں وہی ایک فاشسٹ ٹولہ گھبراہٹ کے مارے مسلسل پروپیگنڈوں میں مصروف نظر آرہا ہے اور ہمارے پروجیکٹس اور کارکردگی جو عوامی فلاح و ملکی ترقی کیلئے کئے جارہے ہیں، پر تنقید کر رہا ہے۔ فاشسٹ ٹولہ جھوٹ کا سہارا نہ لے۔

مران حسین ہزارہ نے کہا ہے کہ یہ واقع کسی مذاق سے کم نہیں کہ وہ ٹولہ جسکا چیئر مین زرغون ٹاؤن کا  نائب ناظم ہونے کے باوجود کسی بھی مقام پر ایک اینٹ بھی نہیں رکھ پایا ، آج ہمارے میگا پروجیکٹس کو خالی عمارت کا نام دیتے ہوئے ، غلط افواہیں پھیلا رہا ہے اور مسلسل ان کوششوں میں مصروف ہے کہ کسی طور ہماری جماعت اور ہمارے نمائندوں کو بدنام کرے۔جو ٹولہ ہمارے سیاسی شعور پر تنقید کر رہا تھا آج وہ خود ہی سیاست کے اخلاقیات سے کوسوں دور کھڑا نظر آرہا ہے۔ فاشسٹ ٹولے کو یہ سمجھنے کی ضرورت ہے کہ سیاست جھوٹ سے پاک ہونی چاہئے ، قوم افواہیں نہیں کارکردگی چاہتی ہے اور فاشسٹ ٹولے کے چیئر مین نے زرغون ٹاؤن کے نائب ناظمی کے دور میں اپنے کارکردگی کا مظاہرہ کر دیا ہے اور اپنی ناقص کارکردگی کی وجہ سے عام انتخابات میں بار بار مسترد ہو رہا ہے۔

انہوں نے کہا کہ مختلف ذرائع ابلاغ کے ذریعے ہم پر الزامات لگانے والے آنکھیں کھولیں تو علمدار روڈ سمیت پی بی 2ہر گلی اور ہر کوچے میں ہمارے نمائندے کے پروجیکٹس نظر آئیں گے اور جتنا کام اس دور میں کیا گیا ہے اس سے پہلے کبھی نہیں ہوا تھا۔ سابقہ دور حکومت میں عوامی مسائل پر اتنی توجہ نہیں دی گئی تھی جتنی آج دی جارہی ہے۔ فاشسٹ ٹولہ جتنی چاہے افواہیں پھیلائے، جتنی چاہے جھوٹ بھولے انکا کوئی اثر نہیں ہونے والا، قوم خود ہی ہماری کارکردگی دیکھ رہی ہے اور یہ بات جانتی ہے کہ کس دور میں کتنا کام ہوا، کتنے فنڈز تقسیم ہوئے اور قوم یہ بات بخوبی جانتی ہے کہ فاشسٹ ٹولہ ہماری کارکردگی سے گھبرا کر کیوں افواہیں پھیلا نے میں مصروف ہے۔

وحدت نیوز (کوئٹہ) مجلس وحدت مسلمین کے رہنماور بلوچستان اسمبلی کے رکن آغا رضا نے کہا ہے کہ مجلس وحدت مسلمین انسانیت کی خدمت پر یقین رکھتی ہے، ہم شکریہ کے مستحق نہیں، خدمت ہمارا نصب العین ہے، ہم عوامی نمائندے ہیں اور عوام کی خدمت کر رہے ہیں۔ گزشتہ دنوں مجلس وحدت مسلمین کے ایم پی اے آغا رضا نے مظفر کالونی کا دورہ کیا اور اپنے ترقیاتی کام کا جائزہ لیا، ایم پی اے آغا رضا کی جانب سے مظفر کالونی میں ٹائلز لگوائے جا رہے ہیں اور کام اپنی تکمیل تک بھی پہنچ چکا ہے۔ مجلس وحدت مسلمین کوئٹہ کے کونسلر کربلائی رجب علی،سیکریٹری اسپورٹس ضیا الدین اور دیگر نمائندے بھی آغا رضا صاحب کے ہمراہ تھے۔ آغا رضا کی آمد پر محلہ مکینوں نے بے حد خوشی کا اظہار کیا اور آغا رضا کے ساتھ علاقہ مکینوں نے بھی گلیوں کا دورہ کیا۔ آغا رضا صاحب نے علاقے کے معززین سے بات کرتے ہوئے کہا کہ اس سال کا پہلا کام انہی کے علاقے سے شروع کیا گیا ہے اور اسی طرح یہ کام آگے بڑھے گا اورپورے پی بی 2 کے گلیوں کو ٹائلز لگوائے جائیں گے۔ اس پر علاقہ مکینوں نے اطمنان کا اظہار کیا اور کہا کہ اس سے پہلے گلیوں کی حالت بے حد خستہ حال تھی اور کسی کو یہاں کی کوئی فکر ہی نہیں رہتی تھی، علاقہ مکینوں کو اپنی مدد آپ کے تحت یہاں کا کام کروانا پڑتا تھا اور ایسا لگتا تھا کہ ہمارے علاقے کا کوئی نمائندہ ہے ہی نہیں۔ ہمارے علاقے کو مکمل طور پر نظر انداز کر لیا گیا تھا اور یہ پہلی مرتبہ ہے کہ کسی ایم پی اے نے اس علاقے کا دورہ کیا ہے اور ہمارے مسائل سنے ہیں۔ علاقہ مکینوں نے اپنے مزید مسائل آغا رضا صاحب کے خدمت میں پیش کیا اور ان سے مطالبہ کیا کہ ان مسائل کو بھی حل کرا لیا جائے، آغا رضا نے کہا کہ یہ میرا فرض ہے کہ تمام علاقوں کے عوام کے مسائل حل کرو ، میرا جتنا حق پی بی 2 کے دیگر علاقوں پر ہے اتنا ہی حق یہاں بھی ہے ۔ علاقہ مکینوں نے کہا کہ آغا رضا نے یہاں تشریف لاکر ہمیں احساس محرومی سے نجات دلایا ہے، ہمیں اس بات کی خوشی ہے کہ ہمارے علاقے میں بھی ملک کے دیگر حصوں کی طرح کام ہو رہا ہے اور ہم سب محلے والے بھی آغا صاحب کے پروجیکٹس میں انکے ساتھ بھر پور تعاون کریں گے۔ آغا رضا نے کہا کہ مجلس وحدت مسلمین انسانیت کی خدمت پر یقین رکھتی ہے، ہم نے ہمیشہ بغیر کسی لسانی ، قومی یا مذہبی تفریق کے ، تمام افراد کی خدمت کی ہے اور آئیندہ بھی ہم ایسے ہی خدمت کرتے رہیں گے۔

وحدت نیوز (کوئٹہ) مجلس وحدت مسلمین کوئٹہ ڈویژن کی جانب سے جاری ایک بیان میں کہاگیاہے کہ بلوچستان میں پولیو مہم جاری ہے اور پولیو مہم کے دوران سیکورٹی فورسز کی ایک کثیر تعداد پولیو مہم سے وابستہ اسٹاف کی سیکورٹی کے لیے تعینات کی جاتی ہے  اس وجہ سے زائرین کی موومنٹ میں 3 دن کی تاخیر ہوئی ہے، بلوچستان انتظامیہ نے مجلس وحدت مسلمین کہ رکن بلوچستان آغا رضا کو بتایا کہ سیکورٹی کہ سبب ۳ دن کی تاخیر کی گئی ہے تاکہ زائرین کو کسی بھی ممکنہ دہشت گردی کہ واقعہ سے بچایا جاسکے ، انشاءاللہ اٹھارہ مارچ کو کوئٹہ سے زائرین کے قافلے سکیورٹی حصارمیں کوئٹہ سے تفتان اور تفتان سے کوئٹہ کیلئے روانہ کردیئے جائیں گے۔

 آغا رضا کا کہنا تھا کہ زائرین کا تحفظ اولین ترجیح ہے،اس پر سیاست نہ کی جائے ۔ بلوچستان حکومت ہرماہ دو تاریخوں ( ہر مہینہ کی ۱۵ اور ۳۰ تا ریخ ) کوزائرین کےکانوائےکو تحفظ فراہم کرتی ہے قافلہ سالار بھی انہی تاریخوں کی پابندی کریں  تاکہ زائرین کو تحفظ کہ ساتھ مشکلات سے بچایا جاسکے۔

وحدت نیوز (کوئٹہ) مجلس وحدت مسلمین کوئٹہ کے میڈیا سیل سے جاری شدہ بیان میں ایم پی اے آغا رضا نے طلباء کی حوصلہ افزائی کرتے ہوئے کہا کہ ہمیں آج جن دشواریوں کا سامنا ہے ان کی بنیادی وجہ تعلیمی میدان میں پسماندگی ہے، دور جدید میں ترقی یافتہ اقوام کے صف میں کھڑا ہونے کیلئے علم اور ٹیکنالوجی کا حصول وقت کی اہم ترین ضرورت ہے ان خیالات کا اظہار انہوں نے ایک منعقدہ تعلیمی سیمینار سے خطاب کرتے ہوئے کیا ۔

انہوں نے مزید کہا کہ علم کا حصول معاشرے کے ہر فرد کیلئے ضروری ہے اور طلباء کی تعلیم میں دلچسپی ملک و قوم کی ترقی کا ضامن ہے۔ طلباء کی تعلیم اور اضافی سرگرمیوں میں دلچسپی قابل تحسین ہے ، علم سے محبت ہمیں ترقی کے پٹری پر لا سکتی ہے۔ اس وقت اساتذہ، سماجی کارکنان اور حکومت کی ذمہ داری بنتی ہے کہ وہ طلباء کی حوصلہ افزائی کرے، مختلف تقریری مقابلوں ، کھیلوں اور غیرنصابی سرگرمیوں کا انعقاد کریں۔ جن قوموں کو طالب علم کے قدر کا اندازہ ہے اور جنہیں معلوم ہے کہ انکی بقاء کا واحد ذریعہ تعلیم ہے وہی اقوام کامیاب رہے ہیں۔ آج کے جدید دور میں تمام تر معلومات طلباء کے دسترس میں ہیں، جدید آلات اور مشینوں سے کسی بھی قسم کے معلومات حاصل کئے جا سکتے ہیں، طلباء کو چاہئے کہ ان سہولیات کا مثبت استعمال کر کے ان سے مستفید ہوں۔ انہوں نے کہا کہ ایک طالب علم پر لازم ہے کہ وہ اپنی تعلیمی جدوجہد جاری رکھتے ہوئے ملکی ترقی میں اپنا کردار ادا کرے بیان کے آخر میں پی پی پی پارلیمننٹیرین کے رہنماء مخدوم امین فہیم کے انتقال پر افسوس کا اظہار کرتے ہوئے انکے اہل خانہ سے دلی ہمدردی اور انکی مغفرت کیلئے دعا کی گئی۔

وحدت نیوز (کوئٹہ) مجلس وحدت مسلمین پاکستان کے رکن بلوچستان اسمبلی سید محمد رضا نے کہا ہے کہ کچھ شرپسند عناصر مسلسل شہر میں وارداتوں کے ذریعے فرقہ واریت کی آگ بھڑکانے کی کوشش کر رہے ہیں۔ دن دہاڑے بے گناہ شہریوں کو ٹارگٹ کلنگ کا نشانہ بنایا جا رہا ہے، جو لمحہ فکریہ ہے۔ ہزاروں اہلکاروں کی موجودگی اور حکومت اور اداروں کی امن و امان کی بحالی اور بدامنی کے خاتمے کے بیانات کے باوجود آئے روز شہر میں فائرنگ سے تاجر پیشہ افراد، راہگیر اور عام شہریوں کو دہشتگردانہ کارروائیوں کے ذریعے ہراساں کیا جا رہا ہے۔ محرم الحرام کے شروع ہوتے ہی پورے بلوچستان میں دہشتگردوں نے نئی کاروائیوں کا آغاز کر دیا ہے۔ جس میں آٹھویں محرم کو سانحہ چھلگری، سریاب روڈ دھماکہ، سانحہ جیکب آباد شامل ہیں۔ کوئٹہ میں ایک مرتبہ پھر ٹارگٹ کلنگ کی ایک مسلسل لہر شروع ہو چکی ہے۔ ایک ہفتے سے کوئٹہ میں ارباب کرم خان روڈ، جان محمد روڈ، اسپنی روڈ اور پٹیل باغ پر ٹارگٹ کلنگ جیسے واقعات رونما ہونے کے باوجود حکومت اور سکیورٹی اداروں کی طرف سے کوئی بھی عملی اقدام دیکھنے میں نہیں آرہا۔ جبکہ نیشنل ایکشن پلان کے اندر یہ بات طے ہوچکی تھی کہ دہشتگردوں اور اُن کے سہولت کاروں کے خلاف بھرپور کارروائی عمل میں لائی جائے گی۔ اُن کے تمام نیٹ ورکس کو توڑا جائے گا لیکن چند ایک بدنام زمانہ دہشت گردوں کو کیفر کردار تک پہنچانے کے علاوہ کوئی خاطر خواہ پیشرفت نہیں کی جا سکی اور اُن کے نیٹ ورکس اور دہشتگرد پیدا کرنے کے مراکز ابھی بھی پوری طرح فعال ہیں۔ ان واقعات سے عوام میں دہشتگردی کی عفریت سے آزاد ہونے کی جو اُمید پیدا ہوچکی تھی، وہ آہستہ آہستہ دم توڑ رہی ہے۔ دہشتگردی کے خاتمے کے حکومتی اور اداروں کی سنجیدگی پر شکوک و شبہات پیدا ہورہے ہیں جبکہ مٹھی بھر عناصر آج بھی شہر کے امن و امان کو تہہ و بالا کرنے کی سازشوں میں مصروف ہیں۔ عوام کی اُمیدوں کو بحال کرنے اور اُن کے خدشات کو دور کرنے کیلئے حکومت اور اداروں کو دہشت گردوں اور اُن کے نیٹ ورکس کے خلاف سنجیدہ اور ٹھوس اقدامات کرنے ہونگے۔

سید محمد رضا کا مزید کہنا تھا کہ ہم مذہبی دہشت گردی اور انتہا پسندی کو وطن عزیز اور صوبے کے امن وا مان اور بھائی چارگی کیلئے زہر قاتل سمجھتے ہیں۔ جس کے ہوتے ہوئے پاکستان کبھی ترقی نہیں کر سکتی۔ دہشتگرد صرف ایک مسلک یا قبیلے کا دشمن نہیں، بلکہ پورے ملک، صوبے اور عوام کے دشمن ہیں، جو عالمی سطح پر ملکی ساکھ کو نقصان پہنچا رہے ہیں۔ آج بھی نام بدل کر دہشتگردی کی کارروائیاں کرنے والی جماعت، جس نے کھلم کھلا عالمی دہشتگرد تنظیم داعش کی حمایت کا اعلان کیا تھا، بڑی دیدہ دلیری کے ساتھ اپنی کارروائیوں میں مصروف ہے۔ روزانہ کی بنیاد پر تمام اخبارات میں بیانات جاری کر رہے ہیں جبکہ ہمارے ملک کے سربراہان کے بیانات ریکارڈ پر ہیں کہ ہم داعش کا سایہ بھی ملک پر نہیں پڑنے دینگے۔ مجلس وحدت مسلمین ٹارگٹ کلنگ کے حالیہ واقعات کی بھر پور مذمت کرتے ہوئے قانون نافذ کرنے والے اداروں پر زور دیتی ہیں کہ نیشنل ایکشن پلان کی رفتار تیز کرتے ہوئے اُسکی اصل روح کے مطابق اُس پر عمل درآمد کیا جائے۔ دہشت گردی کو جڑ سے ختم کرکے ملک کو ترقی کی راہ پر گامزن کریں۔ آخر میں شہداء کے لواحقین سے دلی تعزیت کرتے ہوئے زخمی ہونے والے افراد کی جلد صحت یابی کے لئے دُعاگو ہیں۔

وحدت نیوز (کوئٹہ) مجلس وحدت مسلمین کے رکن بلوچستان اسمبلی آغا رضا نے جمعہ کے روز اسمبلی اجلاس سے خطاب کرتے ہوئے کہا کہ محکمہ تعلیم میں این ٹی ایس کے ذریعے بھرتیوں میں بے قاعدگیاں ہوئی ہیں میرٹ پر آنے والوں کو نظر انداز کیا گیا ہے۔ اس کی تحقیقات کے لیے کمیٹی تشکیل دی جائیں۔انہوں نے مزیدکہاکہ دیگردور دراز علاقوں سے پی بی 2 میں تعینات کیاگیا جو کہ سراسر میرٹ کے خلاف ہے۔ این ٹی ایس پر بھرتیوں کے آرڈر خیرات کی طرح تقسیم ہورہے ہیں۔ ڈپٹی کمشنر بارکھان کے درخواست کا حوالہ دیتے ہوئے کہا کہ صرف بارکھان میں انتہائی نالائق اور اشتہاری ملزمان کو بھی حالیہ بھرتیوں کے آرڈرز دیے گئے ہیں۔ جن میں جعلی رزلٹ اور اشتہاری ملزم بھی شامل ہیں۔انشاء اللہ جلد ہی اسٹینڈنگ کمیٹی کو این ٹی ایس کے ذریعے بھرتیوں میں بے قاعدگیوں کے خلاف دستاویزات فراہم کی جائیں گی تاکہ میرٹ لسٹ میں حقدار کو ان کا حق مل جائیں۔

اسمبلی اجلاس میںآغا رضا نے گزشتہ دنوں کوئٹہ میں ایک بار پھر دہشت گردی کے واقعات کا حوالہ دیتے ہوئے کہا کہ ہلاک ہونے والا شخص شیعہ موٹر مکینک تھا اور صبح جان محمد روڑ پر واقع اپنے گیراج کی جانب جا رہا تھا کہ ایک موٹر سائیکل پر سوار دہشت گردوں نے اس پر فائرنگ کر دی۔ جس سے ایک گولی اس کے سر میں لگی اور شدید زخمی ہونے کے باعث وہ موقع پر شہید ہو گیا۔ حملہ آور جائے وقوعہ سے فرار ہونے میں کامیاب ہوگئے۔اسمبلی میں ان کاکہناتھا کہ کوئٹہ میں فائرنگ کے نتیجے میں دو بھائی ایک شہید اور دوسرا زخمی ہوا۔ اطلاعات کے مطابق دونوں بھائی ارباب کرم خان روڈ پر ایک گاڑی میں جا رہے تھے کہ دہشت گرد عناصر موٹر سائیکل سواروں نے ان کی گاڑی پر فائر کھول دیا۔ فائرنگ کے باعث ان میں سے ایک شہید اور ایک شدید زخمی ہوا۔ حملے میں نشانہ بننے والے افراد کا تعلق شیعہ مسلک سے ہے۔آج اس اسمبلی فلور سے پہ درپہ واقعات کی شدید مذمت کرتا ہوں۔ پاکستان کے صوبہ بلوچستان کے دارالحکومت کوئٹہ میں ایک بار پھر حالات خرابی کی طرف جارہی ہے۔اس واقعہ کے خلاف وحدت المسلمین نے علمدار روڈ پر احتجاج کیا ہے اور قاتلوں کی فوری گرفتاری کا مطالبہ کیا ہے ۔