وحدت نیوز (کوئٹہ) مجلس وحدت مسلمین کوئٹہ ڈویڑن کے میڈیا سیل سے جاری کردہ بیان میں کہا گیا کہ ایم پی اے آغا رضا نے علاقے کے اسکولوں کے مسائل اور کاموں کا جائزہ لینے کیلے اپنے نمائندوں سے تفصیلی گفتگو کی اور انہوں نے اپنے نمائندوں کو اسکولز کے مسائل دیکھنے اورجائزہ لینے کیلئے بھییجا جسکی تفصیل کچھ یوں ہے،کونسلرعباس علی اورسید یوسف سمیت ایک وفد نے گورنمنٹ پرائمری سکول مومن آباد کا دورہ کیا جہاں سکول کے ہیڈ ماسٹر صاحب نے انہیں بتایا کہ اسکول میں ایک پانی کے ٹینکی بنانے، چھت پر جانے کیلئے سیڑھیوں کی تعمیر اور چھت کے اطراف پر باؤنڈری وال کی تعمیر کیا جائے. سکول کے ہیڈ ماسٹر نے وفد اور ٹھیکداروں کیلئے جگہ کی نشاندہی کی. جلد ہی ان کاموں کا آغاز کیا جائے گا. اسکے بعد گورنمٹ سردار اسحاق خان ہائی سکول کا دورہ کیا گیا اور وہاں کے ہیڈ ماسٹر نے اسکول کے اسمبلی اور موٹر سائیکل کھڑی کرنے والی جگہ کیلئے فائبر شیڈ لگوانے کو کہا اسکے علاوہ اسکول کے کاموں میں بچوں کیلئے کینٹین کی مرمت، اسکول کی دیواروں کو ٹائل لگوانا اور چوکی دار کے کمرے کیلئے چھت کی مرمت اور بعض دیگر کام شامل ہے. اسکول ہذا کے ہیڈ ماسٹر نے ایم پی اے آغا رضا صاحب کے کاموں خوش آئند قرار دیا. علاوہ ازیں اہلیہ محلہ فاطمیہ کے بعض گھروں کو پانی کی فراہمی میں دشواریوں کا سامنا ہے اور وہاں پہاڑ کی چوٹی پراس سال ایک واٹر ریزروائر بنایا جائیں گا، تاکہ انکی مشکلیں آسان ہو جائے. وفد نے اس واٹر ریزروائر کے جگہ کا بھی دورہ کیا اور ٹھیکدار حضرات کو ساراکام سمجھا دیا. اور اس بات پر زور دیا گیا کہ ان کاموں کیلئے اہل علاقہ سے ہی مزدور لئے جائے تاکہ علاقے کے بے روزگار مزدوروں کیلئے بھی روزگار کے مواقع فراہم ہو.
ایم ڈبلیوایم کے فلاحی شعبے کی جانب سے ملک بھر کے سینکڑوں مستحقین میں سینکڑوں من قربانی کا گوشت تقسیم
وحدت نیوز (اسلام آباد) مجلس وحدت مسلمین پاکستان کے فلاحی شعبے خیرالعمل فاونڈیشن پاکستان کے زیر اہتمام اس سال عید قربان پر 80 جانوروں کی قربانی کی گئی. جس کا گوشت غرباء . مساکین اور سیلاب سے متاثرہ علاقوں میں تقسیم کیا گیا،جب کہ ملک بھر میں فلاحی منصوبوں کی تکمیل کیلئے ایم ڈبلیوایم کے کارکنان نے قربانی کے جانوروں کی کھالیں بھی جمع کیں ،ہیت امام حسین ؑکویت کے تعاون سےخیر العمل فائونڈیشن کی جانب سے اندرون سندھ حیدرآباد، ٹنڈومحمد خان،ماتلی، دولت پور، نوابشاہ، پنجاب کے شہروں چنیوٹ، لیہ، شیخوپورہ،سرگودھا، گلگت اور سکردو سمیت ملک بھر کے متعدد اضلاع میں قربانی برائے مستحقین کا اہتمام کیا گیا، کراچی کے ضلع شرقی، ضلع ملیر، ضلع جنوبی اور ضلع وسطی نے بھی اجتماعی قربانی کا اہتمام کیا جبکہ کئی سو کلو گوشت خانوادہ شہداءاور مستحق مومنین میں تقسیم کیا گیا،جبکہ مختلف اضلاع نے اپنی مدد آپ کے تحت کئی ٹن قربانی کا گوشت غرباء ، مساکین اورسیلاب متاثرین میں تقسیم کیا گیا، خیرالعمل فائونڈیشن کے قائم مقام چیئرمین مسرت کاظمی نے ہیڈ آفس سے جاری ایک بیان میں ہیت امام حسین ؑ، قربانی کی کھالیں دینے والے مخیرحضرات اور خیرالعمل فائونڈیشن کے رضاکاروں کا شکریہ ادا کیا ہے ، ان کی نیک خواہشات کی تکمیل کی دعا اور آئندہ بھی اسی طرح تعاون جاری رکھنے کی اپیل کی ہے۔
وحدت نیوز (قم) اس سال حج کے دوران حاجیوں کی پے در پے شہادتوں اور زخمی ہونے کے واقعات سے پورا عالمِ اسلام سوگوار ہے۔ دنیا کے دیگر ممالک کی طرح اسلامی جمہوریہ ایران میں بھی شہید ہونے والے حاجیوں کے ایصالِ ثواب اور زخمیوں کی جلد صحت یابی کے لئے قرآن خوانی اور دعاوں کے پروگرامات تسلسل سے جاری ہیں۔ ایم ڈبلیو ایم شعبہ قم کے سیکرٹری جنرل حجت الاسلام غلام محمد فخر الدین کے زخمی ہونے کی خبر آنے کے بعد ان کی جلد صحت یابی کے لئے بھی خصوصی اور انفرادی و اجتماعی طور پر دعائیں کی جا رہی ہیں۔ مجلس وحدتِ مسلمین قم کے دفتر سے جاری پریس ریلیز کے مطابق قائم مقام سیکرٹری جنرل حجت الاسلام گلزار احمد جعفری، میڈیا سیکرٹری آغا نذر حافی، سیکرٹری سیاسیات آغا عاشق حسین آئی آر اور آفس سیکرٹری آغا مختار مطہری نے اپنے بیان میں جہاں شہید ہونے والے حاجیوں کے ورثاء سے اظہارِ تعزیت کیا ہے، وہیں عالم اسلام سے یہ اپیل بھی کی ہے کہ اس سانحے کی غیر جانبدارانہ تحقیقات کروائی جائیں۔ مجلس وحدتِ مسلمین قم کی کابینہ کی نمائندگی کرتے ہوئے مذکورہ اراکین نے کہا کہ او آئی سی کو چاہیے کہ وہ اس موقع پر اپنی ذمہ داریوں کو نبھائے۔ انہوں نے کہا کہ سعودی عرب کا شاہی خاندان عیاشیوں میں مست اور دہشت گردی کے فروغ میں مصروف ہے، لہذا سعودی عرب میں پائے جانے والے تمام مقدس مقامات کے انتظامات او آئی سی کو اپنے ہاتھوں میں لے لینے چاہیئے۔
وحدت نیوز (اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل و سیکرٹری امور خارجہ ڈاکٹر علامہ سید شفقت حسین شیرازی نے سانحہ منٰی پر سعودی حکومت کی مذمت کرتے ہوئے کہا ہے کہ ان فرعون صفت آل سعود کی نظر میں دنیا اسلام میں قتل ہونے والی انسانیت ماسوائے اعداد و شمار کے اور کچھ نہیں ہے۔ سعودی حکمران اپنے علاوہ کسی اور کو انسان شمار ہی نہیں کرتے، ان کے ہاتھ لیبیا، مصر، شام، عراق، بحرین، کویت، افغانستان، یمن اور پاکستان کے مسلمانوں کے خون سے رنگین ہیں۔ دنیا میں جہاں کہیں بھی دہشتگردی اور خودکش حملہ ہوتا ہے کہ اس میں یا سعودی شہری یا سعودی فنڈڈ تکفیری وہابی ملوث پائے جاتے ہیں۔ ایم ڈبلیو ایم کے مرکزی رہنما کا مزید کہنا تھا کہ اس موسم حج کے آغاز میں بھی سینکڑوں حجاج اور خانہ خدا کے مہمان بے گناہ قتل ہوئے اور اب پھر سعودی انتظامیہ کی نااہلی کی وجہ سے پورے عالم اسلام میں صف ماتم بچھ گئی ہے۔ اس سانحہ کی جتنی مذمت کی جائے کم ہے، او آئی سی ممبر ممالک حج کے امور کو اپنی تحویل میں لیں اور سعودی حکومت پر دباؤ ڈالیں، کیونکہ سعودیہ مسلسل کئی سال سے حج کے انتظامی امور میں ناکام ہو رہا ہے۔ موجودہ سعودی حکمرانوں کو اپنی نااہلی کا اعتراف کرتے ہوئے مستعفی ہو جانا چاہیئے۔
وحدت نیوز (اسلام آباد) مجلس وحدت مسلمین پاکستان کے مرکزی جنرل سیکریٹری علامہ راجہ ناصرعباس جعفری نے منٰی کے مقام پر طواف کے دوران بھگدڑمچ جانے سےسات سو سے زائد حجاج کرام کی شہادت کے واقعہ پر گہرے رنج وغم کا اظہارکیا ہے ۔انہوں نے کہ رواں ہفتے کے دوران حجاج کرام کے ساتھ پیش آنے والا یہ دوسرا بڑا افسوسناک واقعہ ہے۔یہ واقعات سعودی حکومت کی انتظامی نا اہلی کا واضح ثبوت ہے۔ جس کے باعث ایک ہزا سے زائد قیمتی جانوں کا ضیاع ہوا۔۔حکومت کو ان واقعات کی مکمل طور پر انکوائری کی جانی چاہیے کہ آیا یہ واقعہ محض حادثہ ہی ہے۔ اس کے پس پردہ شر پسندی کی کوئی سازش تو کارفرما نہیں۔انہوں نے کہا کہ شہدا ء کا شمار اللہ تعالیٰ کے مقربین میں ہوتاہے۔اللہ تعالیٰ اس سانحہ میں شہید ہونے والوں کے درجات بلند کرے اور پسماندگان کو صبر جمیل عطا کرے۔
وحدت نیوز (ملتان) مجلس وحدت مسلمین ملتان کے زیراہتمام سانحہ پشاور(بڈھ بیر) کے شہداء کے ایصال ثواب کے لیے جامعہ شہید مطہری ملتان میں قرآن خوانی کا اہتمام کیا گیا۔ تقریب کی صدارت مجلس وحدت مسلمین ملتان کے سیکرٹری جنرل علامہ قاضی نادر حسین علوی نے کی، جبکہ قرآن خوانی کی تقریب میں ڈپٹی سیکرٹری جنرل محمد عباس صدیقی، سیکرٹری سیاسیات انجینیئر سخاوت علی، سید دلاور عباس زیدی، مولانا امیر حسین ساقی، سید علی رضا بخاری اور دیگر نے شرکت کی۔ اس موقع پر خطاب کرتے ہوئے علامہ قاضی نادرحسین علوی نے بڈھ بیر پشاور میں دہشت گردوں کی جانب سے پی اے ایف ائیر بیس پر بزدلانہ حملے کی شدید مذمت کرتے ہوئے کہا کہ دہشت گردی کے خلاف جنگ کو دہشت گردوں اور ان کے سہولت کاروں کے منطقی انجام تک جاری رہنا چاہئیے، دہشت گرد اور ان کے حواریوں کو نشان عبرت بنانے کے لئے پوری قوم پاک فوج کے ساتھ شانہ بشانہ کھڑی ہے، کالعدم دہشت گرد گروہ طالبان دراصل انڈیا، اسرائیل اور امریکہ کے ایجنٹ ہیں جو پاکستان کی سلامتی کے خلاف اپنے مذموم مقاصد کے حصول کے لئے دہشت گردانہ کاروائیاں کرتے ہیں، طالبان، داعش، النصرہ اور بوکوحرام اسلام دشمن صہیونی آلہ کار ہیں جو اسلام کے روشن چہرے کو مسخ کرنے کے لئے استعمال ہو رہے ہیں، انہوں نے نمازیوں، پاک فوج اور پی اے ایف کے شہیدوں کو خراج عقیدت پیش کرتے ہوئے کہا کہ ہمارے بہادور سپوتوں نے دشمن کے ناپاک عزائم کو اپنی جانوں کا نذرانہ دے کر خاک میں ملا دیے، انشااللہ ہمارے پاک شہیدوں کے لہو رائیگاں نہیں جائے گا ان کی یہ قربانی وطن عزیز کی سلامتی کے لئے سنگ میل ثابت ہو گا، علامہ قاضی نادر حسین علوی نے شہدائے پشاور کے لواحقین سے اظہار ہمدردی و تعزیت اور زخمیوں کی جلد صحت یابی کے لئے دعا کی۔