وحدت نیوز(اسلام آباد)مجلس وحدت مسلمین پاکستان کے سربراہ علامہ راجہ ناصرعباس جعفری نے ممتازعالم دین اور علامہ سید حسن ظفرنقوی کے ماموں علامہ ڈاکٹر کلب صادق نقوی کے انتقال پر دلی افسوس اوررنج وغم کا اظہار کیاہے ۔
مرکزی سیکریٹریٹ سے جاری تعزیتی پیغام میں انہوں نے کہاکہ برصغیر کے ممتاز عالم دین، مفکراور اتحاد امت کے داعی جناب مولانا ڈاکٹر کلب صادق صاحب کی وفات عالم اسلام کا بہت بڑا نقصان ہے ۔
انہوں نے کہاکہ مرحوم کی وفات سے پیدا ہونے والاخلاء مدتوں پورا نہیں ہوگا۔خانوادہ اجتہاد کے چشم وچراغ کی رحلت پر گہرے دلی افسوس اور ان کے خانوادگان کو تعزیت و تسلیت پیش کرتاہوں۔خداوندمتعال بحق چہاردہ معصومین علیہم السلام مرحوم کو اپنی جوار رحمت میں جگہ عطا فرمائے اور پسماندگان کو صبر جمیل عطا فرمائے۔