وحدت نیوز:(جھنگ ) ملک بھر میں ایام عزاء (محرم الحرام و صفراالمظفر)میں روکے گئے (اسٹڈی سرکل) سلسلہ کا باقاعدہ آغاز ہوچکا ہے ۔
اسٹڈی سرکل کایہ سلسلہ فکری ارتقاء ،صحیح دینی سوچ پیدا کرنے ،اجتماعی سیاسی فکری دینی وسماجی تربیت کے لئے بہت ضروری ہے ۔
ضلع جھنگ کے ضلعی صدر جناب حجت الاسلام والمسلمین مولانا سید روح اللہ کاظمی اور برادر مظہر عباس جعفری صوبائی سیکرٹری تنظیم سازی کی مشترکہ کاوشوں سے ضلع جھنگ میں جہاں سے یہ تربیتی سلسلہ رکا تھا اس کا باقاعدہ آغاز ہوچکا ہے۔
ضلع جھنگ قائم بھروانہ میں جامع مسجد میں رہبر معظم انقلاب اسلامی حضرت آیت اللہ العظمیٰ سید علی خامنہ ای حفظہ اللہ کی شہرہ آفاق کتاب ( ہمارے آئمہ اور ان سیاسی جدوجہد) کا اسٹڈی سرکل (حلقہ مطالعہ) کا باقاعدہ آغاز ہوا ۔
جس میں تحصیل شورکوٹ کے یونٹس کے علاوہ قائم بھروانہ یونٹ کے کارکنان نے شرکت کی ۔ اللہ تعالی ان سب کی توفیقات خیر میں اضافہ فرمائے ۔ ضلعی صدر مجلس وحدت مسلمین ضلع جھنگ کا کہنا ہے کہ اسٹڈی سرکل کایہ سلسلہ ان شاءاللہ جاری رہے گا ۔