وحدت نیوز (کراچی) مجلس وحدت مسلمین صوبہ سندھ کی جانب سے ایام عزا محرم الحرام اور صفر المظفر کے لئے صوبائی عزاداری سیل قائم کیا گیا ہے۔ پانچ رکنی صوبائی عزاداری سیل کے سربراہ صوبائی سیکرٹری جنرل علامہ مقصود علی ڈومکی ہوں گے جبکہ صوبائی سیکرٹری سیاسیات برادر علی حسین نقوی کوآرڈینیٹر اور صوبائی سیکرٹری شعبہ عزاداری سید علی اکبر شاہ ڈپٹی کوآرڈینیٹر ہوں گے۔ برادر آغا ندیم جعفری صوبائی سیکرٹری نشرواشاعت اور برادر سید حفیظ علی شاہ صوبائی رابطہ سیکرٹری بھی صوبائی عزاداری سیل کے رکن ہوں گے۔ علامہ مقصود ڈومکی کا اخباری بیان میں کہنا تھا کہ عزاداری اور مجالس میں کسی قسم کا مسئلہ درپیش ہوتوعزاداری سیل سے رابطہ کیا جائے۔ سندھ بھر کے اضلاع کو تاکید کی جاتی ہے کہ وہ جلد ضلعی عزاداری سیل تشکیل دے کر صوبہ کو آگاہ کریں۔ ڈویژن عزاداری سیل کا اعلان بھی آیندہ چند روز میں کردیا جائے گا۔