وحدت نیوز(لاڑکانہ) مجلس وحدت مسلمین پاکستان ضلع لاڑکانہ اور آئی ایس او لاڑکانہ ڈویژن کی طرف سے جمعة الوداع یوم القدس کے حوالے سے پریس کانفرنس منعقد کی گئی جس سے مولانا محمد علی شر نے خطاب کرتے ہوئے کہا کہ قبلہ اول پہ ناجائز اسرائیلی قبضہ اور نہتے فلسطینی مسلمانوں پر عرصہ دراز سے ظلم و بربریت کسی صورت قبول نہیں ہےہم کربلائی حسینی اور مکتب اہلبیت کے پیروکار ہیں یہ مکتب ہمیں ظالم سے ٹکرانے اور مظلوم کی حمایت کا درس دیتا ہےہماری یہ ظالم مخالف تحریک جو آزادی قدس کی تحریک ہے رنگ لائے گی عنقریب وقت کا فرعون اسرائیل اپنے سرپرست امریکہ اور اپنے تمام اتحادیوں سمیت تباہ و  برباد ہوگا ہمارا قبلہ اول اور فلسطین آزاد ہوگا۔

انہوں نے مزید کہا کہ یوم علی ع کے موقعے پہ عزاداری اور عزاداروں کے خلاف جو سندہ حکومت کی طرف سے کارروائیاں کی گئیں اسکی مذمت کرتے ہیںانکی یہ شرمناک حرکت ایک سوالیہ نشان ہے۔اس موقع پر ایم ڈبلیو ایم کے ضلعی سیکریٹری جنرل برادر عبدالرزاق جلبانی ،تحصیل رتوڈیرو کے سیکریٹری جنرل برادر سردار علی چانڈیو، آئی ایس او لاڑکانہ ڈویژن کے جنرل سیکریٹری برادر باغ علی جلبانی،مولانا حبدار علی چانڈیو، مزمل حسین،لحاق احمد، مسلم حسین و دیگر شریک تھے۔