وحدت نیوز(نصیرآباد ) 8 شوال جنت البقیع کے مقدس مزارات کو مسمار کرنے کے خلاف مجلس وحدت مسلمین اور اصغریہ آرگنائیزیشن کی جانب سے احتجاجی مظاہرہ اور ریلی ۔تفصیلات کے مطابق سعودی میں مقدس مزارات کو مسمار کرنے کے خلاف ایم ڈبلیو ایم اور اصغریہ کی جانب سے قلندری امام بارگاھ سے پریس کلب تک احتجاجی ریلی نکالی گئی ، ریلی کی قیادت ایم ڈبلیو ایم کےضلعی رہنما زوار حبدار علی ، سید قرار حیدر ، سيد اختر حسین ، مست علی ، اختيار علی اور شیرذادعلی کر رہے تھے ۔

رہنمائوں نے ریلی سے خطاب کرتے ہوئے کہا کہ آل سعود نے 1926 میں مکہ اور مدینہ جنت البقیع اور جنت المعلیٰ میں موجود آل رسولؐ   اور اصحاب رسولؐ  کے مقدس مزارات کو مسمار کر کے توہین رسالت کی تھی ، ہم اس واقعے کی پرزور مذمت کرنے کے ساتھ مطالبہ کرتے ہیں کہ جلد از جلد نبی پاکؐ کی بیٹی سیدہ فاطمہ زھرا ؑ ، ازواج رسولؐ ، آل رسولؐ اور اصحاب رسولؐ کے مقدس مزارات کی تعمیرات کرائی جائے۔