شکارپور: مجلس وحدت مسلمین ضلع شکارپور کے زیر اہتمام حسینؑ سب کا کانفرنس کا انعقاد پریس کلب میں کیا گیا ، کانفرنس کی صدارت ضلعی سیکریٹری جنرل ایم ڈبلیوایم اصغرعلی سیٹھار نے کی، کانفرنس کے مقررین میں شیعہ سنی علمائے کرام بشمول علامہ عبداللہ مطہری، زبیر سومرو، ادیب الحسن، جیئے سندھ محاذ کے رہنما اسداللہ سومرو، صحافی سلطان رند، رواداری تحریک کے رہنما دلشیر مجید ، ایڈوکیٹ ظفر چنا، جے یوآئی کے رہنما مولانا عبدالقادر بروہی،مولانا عبد الفتح مہر، مولانا عنایت اللہ اور حافظ سلیم نے خطاب کیا اور محرم الحرام میں بین المسالک ہم آہنگی پر زور دیتے ہوئے کہا کہ نواسہ رسولؐ کی یاد ہر مسلمان مناتا ہے کیوں کے وہ اللہ کے مقرب اور نبی کریمؐ کے لخت جگر ہیں، محرم الحرام میں رواداری اور وحدت کا فروغ امت مسلمہ کا اولین فریضہ ہونا چاہئے۔