وحدت نیوز(کوئٹہ)اہلیان محلہ ہاشمی کوئٹہ نے مجلس وحدت مسلمین کے رہنما اور صوبائی اسمبلی کے امیدواربرائے حلقہ PB-42 علامہ علی حسنین حسینی کو کربلائی انور کے گھر پر مدعو کیا۔
علامہ صاحب نے سامعین مجلس کو انتخابات کے حوالے سے اپنے اغراض و مقاصد سے آگاہ کیا. اہلیان محلہ سے ان کے در پیش مسائل پر گفتگو ہوئی اور علامہ صاحب نے ان کے مسائل کے حل کے لیے اپنی ہر ممکن کوشش کی یقین دہانی کرائی۔
اس موقع پر اہلیان محلہ ہاشمی نے مجلس وحدت مسلمین کے اغراض و مقاصد سے اتفاق کرتے ھوے انتخابات میں قومی اسمبلی کے لیے مجلس کے امیدوار ارباب لیاقت علی اور صوبائی اسمبلی کے لیے امیدوار علامہ حسنین حسینی کو اپنی بھر پور حمایت کا یقین دلایا۔
