وحدت نیوز(سندوس) صوبائی وزیرزراعت گلگت بلتستان محمد کاظم میثم نے مجلس وحدت مسلمین گلگت بلتستان کے سیکریٹری جنرل آغا علی رضوی کے ہمراہ حوطو اور دیگر ملحقہ علاقے جس میں رنگاہ رزسنا کتپناہ سندس اور سترنگلونگما شامل ہے جو کہ ایک عرصے سے دریائی کٹاو ٔکے زد میں ہے اس علاقے کا دورہ کیا۔

 اس دورہ کے موقع پر عمائدین و متاثرین سے گفتگو کرتے ہوئے وزیر زراعت کاظم میثم نے کہا کہ گزشتہ ایک عرصے سے دریائی کٹاو ٔکی زد میں آکر ہزاروں کنال اراضی برباد ہوچکی ہیں گھر بار اور درختوں کو جو نقصان پہنچا ہے اس کی تلافی ممکن نہیں۔ اس وقت بھی دریائی کٹاؤ جاری ہے اسے روکنے کے لیے تمام متعلقہ اداروں سے فوری رابطہ کرکے حل نکالا جائے گا۔

 صوبائی حکومت اس مسئلے کے مستقل بنیادوں پر حل نکالنے کیے اقدامات اٹھائے گی۔ اس موقع پر آغا علی رضوی نے کہا مزید کسی قسم کی تاخیر کے بغیر دریائے کٹاؤ کے حل کے لیے اقدامات اٹھانے ہوں گے۔