وحدت نیوز(لاہور) مجلس وحدت مسلمین پاکستان مرکزی سیکریٹری امور سیاسیات اور فوکل پرسن حکومت پنجاب برائے بین المذاہب ہم آہنگی سید اسدعباس نقوی کی ایم ڈبلیوایم کی جانب سے جشن عید میلاد النبی ؐ کے موقع پر ایوان اقبال لاہور میں منعقد ہ وحدت کانفرنس کی دعوتی مہم کے سلسلے میں جمیعت یوتھ ،ڈاکٹر علامہ راغب نعیمی مہتمم جامعہ نعیمیہ لاہور،جماعت اہل حدیث کے سربراہ عبدالغفور روپڑی ،اہل حدیث راہنما مولاناشکیل الرحمن ناصر،شیر پنجاب علامہ پیر وقاص منوراورصاحبزادہ پرویز اکبر ساقی سے ملاقاتیں اور انہیں وحدت کانفرنس میں شرکت کی دعوت۔اس موقع پر جمعیت علمائے پاکستان نیازی کے مرکزی رہنما ڈاکٹر امجد چشتی بھی ہمراہ تھے۔

وحدت نیوز(کوئٹہ) مجلس وحدت مسلمین شعبہ خواتین کی مرکزی سیکرٹری سیاسیات محترمہ سیدہ نرگس سجاد جعفری صاحبہ نے زائرین کے لئے لگائے شعبہ خواتین کی جانب موکب میں خواتین کےایک اجتماع سے خطاب کرتے ہوئے کہا کہ حضرت امام مھدی (عج) ہم سب مسلمانوں کے امام ہیں اور وطن عزیز بسنے والے سب مسلمانوں کے نزدیک ایک بہت ہی باعظمت شخصیت اور اعلیٰ مقام کے مالک ہیں ۔

انہوں نے کہاکہ سب ان کے ظہور کے منتظر ہیں۔ حتیٰ کہ غیر مذہب بھی اس امام برحق کے احترام کے قائل ہیں ۔ دادو سے تعلق رکھنے والے اس تکفیری سوچ کے مالک مجرم کو صرف گرفتار کرنے سے کچھ نہیں ہو گا ۔ اس ملعون شخص نے امام کی شان میں گستاخی کرکے کروڑوں مسلمانوں کے دل چھلنی کیے ہیں ۔ اس کو فی لفور قرار واقعی سزا ملنی چاہیے ۔

امام خمینی ؒکے فرمان پر اس سال پاکستان میں ۱۲  سے ۱۷ ربیع الاول تک ہفتہ وحدت کو ہفتہ اخوت کے طور پر منایا جائے گا ۔ میں تمام خواہران سے گزارش کروں گی کہ اس دوران معاشرے میں پائی جانے والی ایسی تکفیری سوچ اور امام مہدی (عج) کی شان میں گستاخی کا مرتکب عبدالستار جمالی کے خلاف اپنی آواز بلندرکھیں اور آگاہی دیں کہ اس قسم کی گستاخانہ حرکتیں پاکستان میں انتشار کو ہوا دینے اور شیعہ وسنی وحدت کو پارہ پارہ کرنے کے لئےانجام دی جارہی ہیں، جو کسی صورت برداشت نہیں کی جائیں گی۔

وحدت نیوز(گلگت)  امام زمانہ (عج) کی شان میں گستاخی کیخلاف گلگت میں جامع مسجد نومل سے علمدار چوک تک مجلس وحدت مسلمین کے رہنما شیخ نیئر عباس مصطفوی کی قیادت میں عوام نے احتجاجی ریلی نکالی۔

احتجاجی ریلی کے شرکاء سے خطاب کرتے ہوئے شیخ نیئر عباس نے کہا کہ حکومت قانون تو بنا لیتی ہے لیکن قانون پر عملدرآمد کرانے میں ناکام دکھائی دیتی ہے۔ اس قانون کا فائدہ ہی کیا جس پر عملدرآمد نہ ہو، توہین صحابہ کرام اور توہین رسالت و اہل بیت کے مرتکب مجرموں کیلئے قانون موجود ہے، لیکن ایک عرصے سے سوشل میڈیا میں مقدسات کی توہین کا سلسلہ جاری ہے، حکومت خاموش تماشائی بنی ہوئی ہے جس کا انجام بھیانک ہو سکتا ہے۔

انہوںنے مزیدکہاکہ حکومت ایسے مجرموں کو کیفر کردار تک پہنچانے میں دیر نہ کرے، فساد و فتنہ قتل سے زیادہ خطرناک فعل ہے، عبدالستار جمالی نے فساد کی چنگاری لگائی ہے، جسکو قانون کی گرفت میں نہ لایا گیا تو یہ چنگاری بہت بڑے فتنے کا سبب بن سکتی ہے۔

انہوں نے حکومت سے مطالبہ کیا کہ اس گستاخ کیخلاف فوری کارروائی عمل میں لا کر سخت سے سخت سزا دی جائے تاکہ آئندہ کسی کو مقدسات کی توہین کی جرات نہ ہو۔

وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے کہا ہے کہ حضرت محمد مصطفی(ص) کی ذات اقدس کائنات کے ہر ذرے اور پوری انسانیت کیلئے باعث رحمت ہے، ہمارے زوال کی وجہ یہ ہے کہ ہم بحیثیتِ اُمت سیرت النبیؐ سے دور ہو چکے ہیں، آپ (ص) کی ذات اقدس پوری انسانیت کیلئے رحمت اور نجات دہندہ ہے۔ لاہور میں عہدیداروں سے خطاب کرتے ہوئے۔

 علامہ اسدی نے کہا کہ مسلمان، مسلمان سے دست و گریبان ہے، آپ(ص) کی تعلیمات اور سیرت پر عمل کیا جائے تو ہم سب ایک ہو جائیں گے، موجودہ پُرآشوب دور میں امت مسلمہ کو جتنی وحدت کی ضرورت ہے، اس سے پہلے کبھی نہیں تھی۔
 
علامہ اسدی نے اعلان کیا کہ امام خمینی ؒ کےفرمان اور ایم ڈبلیو ایم کے سربراہ علامہ راجہ ناصر عباس کی ہدایت پر پورے ملک میں 12 سے 17 ربیع الاول تک ہفتہ وحدت منایا جائے گا جس میں تمام اہل تشیع اور ایم ڈبلیو ایم کے رہنما اور عہدیدار اپنے اہلسنت بھائیوں کے جلوسوں میں شریک ہوں گے اور ان کا راستوں میں استقبال کریں گے۔

 انہوں نے کہا کہ لاہور میں بھی جشن عیدمیلادالنبی(ص) کے سلسلہ میں مرکزی جلوس کے روٹ پر مختلف مقامات پر ایم ڈبلیو ایم کی جانب سے استقبالیہ کیمپ لگائے جائیں گے اور شرکاء کی شربت سے تواضع کی جائے گی۔

 انہوں نے کہا کہ اس حوالے سے ایم ڈبلیو ایم ایوان اقبال میں وحدت کانفرنس بھی کروا رہی ہے جس میں امت مسلمہ کے تمام مسالک کیساتھ ساتھ دیگر مذاہب کے عمائدین بھی شرکت کریں گے۔

وحدت نیوز (اسلام آباد) مفکر پاکستان ڈاکٹر علامہ اقبال نے اپنی شاعری سے پاک و ہند کے لوگوں کی فکر کو تبدیل کیا، آپ نے معاشرے کی ناصرف اصلاح کی بلکہ اپنی شاعری سے افراد کی ذہنی و فکری تربیت فرمائی۔ ان خیالات کا اظہار مجلس وحدت مسلمین کے سربراہ علامہ ناصر عباس جعفری نے یوم اقبال پر میڈیا سیل سے جاری بیان میں کیا۔

 انہوں نے کہا ہے کہ دور حاضر کا تقاضا ہے کہ ہم ان کی انقلابی و فکری شاعری کی ترویج اور اس پر عمل کرنے کی سعی کریں، اپنے اندر خودی پیدا کریں، جو کہ ہماری قومی غیرت و حمیت کی ترجمانی کرسکے، اقبال کے خوابوں کی حقیقی تعبیر بنانے کے لئے ہر شخص کو اپنا انفرادی کردار ادا کرنے کی ضرورت ہے۔

ڈاکٹر علامہ اقبال کی جدوجہد محض کسی زمینی ٹکڑے کے حصول کے لئے نہ تھی بلکہ ان کے پیش نظر ایک ایسے ملک کا حصول تھا، جہاں نظریہ اسلام کے مطابق ہر کسی کو آزادنہ زندگی بسر کرنے کا حق حاصل ہو، ایک ایسی مملکت جہاں کسی تفرقہ بازی، انتہاء پسندی اور عصبیت کی قطعاََ گنجائش موجود نہیں، آزادی کے بعد بدقسمتی سے ایسے حکمران اس ملک کے حصے میں آتے رہے، جنہوں نے اقتدار کو ملکی ترقی و استحکام کی بجائے ذاتی منفعت کا ذریعہ بنائے رکھا، قرارداد مقاصد اس امر کا تقاضہ کرتی تھی کہ اس ملک کے باسیوں کو قرآن و سنت کے اصولوں کے مطابق زندگی بسر کرنے کے مواقع میسر ہوں اور اقلیتوں کو مکمل مذہبی آزادی ملے۔

علامہ ناصر عباس جعفری نے کہا کہ ملک میں بسنے والے ہر طبقے کے جائز حقوق کا تحفظ ریاست کے ذمہ ہے، لیکن اس کے برعکس اس ملک میں ایسے تکفیری گروہوں کو پروان چڑھایا گیا، جنہوں نے اپنے مذموم عزائم کی تکمیل کے لئے اس ملک کی جڑیں ہلا کر رکھ دیں۔

 انہوں نے کہا کہ وطن عزیز کی سالمیت و استحکام باہمی احترام اور اخوت و اتحاد میں مضمر ہے، جس کے فروغ کے لئے سب کو مل کر کوششیں کرنا ہوں گی، محض حکمرانوں کی طرف دیکھنے کی بجائے ہر شخص انفرادی طور پر تجدید عہد کرے کہ وہ اس ملک کو امن کا گہوارہ بنانے کے لئے بھرپور کردار ادا کرے گا۔

 انہوں نے کہا یہ وطن ہمارے لئے اللہ تعالیٰ کی سب سے بڑی نعمت ہے، نعمتوں کی ناقدری کفر کا زینہ ہے۔ انہوں نے حکمرانوں سے مطالبہ کیا کہ وطن عزیز کو بیرونی مداخلت سے پاک کیا جائے، یہی اصل آزادی اور تمام مسائل کا حل ہے۔

وحدت نیوز(فیصل آباد) جشن عید میلادالنبی ؐ کی مناسبت سے مجلس وحدت مسلمین ضلع فیصل آباد کے زیر اہتمام مذاکرہ امام بارگاہ حیدریہ امین پور بازار میں زیر صدارت ڈاکٹر افتخار حسین نقوی ڈپٹی سیکرٹری مجلس وحدت مسلمین پنجاب، ممبر ڈسٹرکٹ ڈویژنل امن کمیٹی فیصل آباد،جنرل سیکرٹری بین المسالک رواداری کونسل پاکستان ،پرست امام بارگاہ حیدریہ منعقدہوا۔

مذاکرے میں علامہ مولانا محمد ریاض حسین کھرل ممبر ڈسٹرکٹ ڈویژنل امن کمیٹی فیصل آبادقائد تحریک اتحاد ملت اسلامیہ،قاری محمد شریف کھرل مہتمم جامعہ چشتیہ نظامیہ کوکیانوالہ والا،صاحبزادہ پیر سید محمد ایوب شاہ سجادہ نشین دربار عالیہ محبوب آباد،مولانا محمد یوسف انور سرپرست جمعیت اہلحدیث پاکستا ن ،ممبر ڈسٹرکٹ ڈویژنل امن کمیٹی فیصل آباد،حافظ محمد امجدڈپٹی سیکرٹری علما کونسل پاکستان،صدر پنجاب بین المسالک رواداری کونسل پاکستان،مولانا اسماعیل عابدی خطیب پیش امام امام بارگاہ حیدریہ امین پور بازار،سید حیدر شاہ میڈیا سیکریٹری بین المسالک رواداری کونسل پاکستان، پیر محمد صدیق الرحمن خالقی رہنما جے یو پی نیازی گروپ،ڈاکٹر محمد عبد الحفیظ رابطہ سیکرٹری بین المسالک رواداری کونسل پاکستان کو آرڈینیٹر ادارہ امن و تعلیم پاکستان اوررانا دلاور عباس جنرل سیکرٹری امام بارگاہ حیدریہ ،آفس سیکرٹری مجلس وحدت مسلمین ضلع فیصل آباد نے شرکت کی ۔

مذاکرےکا آغاز تلاوت کلام پاک سے ہوا قاری محمد شریف کھرل میں تلاوت کی سعادت حاصل کی اور شرکاء کے دلوں کو تلاوت کلام پاک سے معطر کیا پیر محمد صدیق رحمان خالقی نے حضور نبی اکرم صلی اللہ علیہ وآلہ وسلم کی خدمت میں ہدیہ نعت پیش کیا  اور خوب داد وصول کی نقابت کی ذمہ داری قاری حافظ محمد امجد نے اٹھائی۔

صاحبزادہ پیر سید محمد ایوب نے اپنے خیالات کا اظہار کیا آپ نے عید میلاد النبی ؐکے پروگرام کو سراہا اور خوشی کا اظہار کیا ۔آپ نے کہا حضور صلی اللہ علیہ وآلہٖ وسلم کی زندگی ہر پہلو جانبدار اور ہمارے لئے رہنما ہے لہذا ہمیں کوشش کرنی چاہیے کہ نقش پا کی پیروی کریں زندگی گزارنے کا یہی بہترین اصول ہے اور خدا کے ہاں اس کا بہت اجر ہے ۔

 مولانا اسماعیل عابدی نے اس بات پر شکر ادا کیا کے آج مسلمانوں کے تمام فرقے متحد ہے۔ انہوں نے کہا کہ ہمارا اتحاد اور اتفاق دشمن کی ہر سازش کو ناکام بنا دے گا دشمن کے ناعزائم کبھی کامیاب نہیں ہوں گے اور اسے ہمیشہ منہ کی کھانا پڑے گی ۔ علامہ ریاض حسین کھرل نے خطاب کیا اور حضور نبی اکرم ص پر بات کی آپ نے فرمایا کہ نبی اکرم کی زندگی میں رواداری کا درس ملتا ہے بچوں کے ساتھ محبت کے ساتھ پیش آتے اور بڑوں پر ہمیشہ شفقت رکھتے تھے آپ رحمۃ اللہ علیہ میں نینی سارے جہانوں کے لیے آپ کو رحمت بنا کے بھیجا گیا۔

ڈاکٹر عبدالحفیظ نے اپنے خطاب میں کہا کہ حضور نبی اکرم صلی اللہ علیہ وآلہ وسلم کی ذات نہ صرف مسلمانوں بلکہ انسانوں کے ساتھ ساتھ جانوروں کے لیے بی آپ رحمت اللعالمین ہیں ہے اور آج آپ کی رحمت کی وجہ سے دنیا کا وجود باقی ہے اور اس بابرکت مہینے میں ہمیں چاہیے کہ اپنے اخلاق کو بہتر بنائیں اور برداشت تحمل اور رواداری کو عام کریں ۔

 حضرت مولانا یوسف انور نے شرکاء کو مخاطب کرتے ہوئے کہا کہ امام بارگاہ حیدری سے ہمارا پرانا رشتہ ہے اس قسم کے پروگرام میں مطمئن ہوں کہ اس قسم کے پروگرام منعقد کرکے آپس میں پیار محبت اخوت کو فروغ دیا جا سکتا ہے اور آپس میں پیداشدہ غلط فہمیوں کا ازالہ کیا جا سکتا ہے ۔

انہوں نے حضور نبی اکرم کی شان میں  بہت خوبصورت اشعار پیش کئے  اور کہا کہ ہمیں حضور نبی اکرم کے مقام کو سمجھنے کی ضرورت ہے اگر نبی اکرم صلی اللہ علیہ وسلم وسلم کی ذات گرامی کی  عزت عظمت  ومرتبہ ہماری سمجھ میں آجائے تو ہم اپنی زندگیوں کو ایک حقیقی مسلمان جو کہ خدا کے قریب ہو اور نبی اکرم کا پسندیدہ ہو بن سکتے ہیں لہذا علماء کرام کی ذمہ داری ہے کہ حضور کی ذات اقدس کے بارے میں اور آپ کی شان و شوکت کو بیان کرے تاکہ آئندہ آنے والی نسلوں تک یہ پیغام منتقل ہو سکے۔
 سید حیدر شاہ نے کہا 12 ربیع الاول کا مرکزی جلوس غوث صاحب زادہ پیر فیض کی قیادت میں مسجد رضویہ جنگ بازار سے نکالا جاتا ہے ہے مرکزی جلوس امام بارگاہ پہنچتا ہے تو ان کا بھرپور استقبال کیا جاتا ہے یہ جلوس امام بارگاہ حیدری امین پور بازار پہنچتا ہے تو وہاں بھی ہمارا استقبال کیا جاتا ہے جس کے لئے ہم اہل تشیع برادران خاص طور پر ڈاکٹر افتخار نقوی اور رانا دلاور عباس کے انتہائی ممنون ہیں اور انشاء اللہ 12 ربیع الاول کو شایان شان طریقے سے منایا جائے گا ۔

انہوں نے کہا کہ یہ رحمتوں کا مہینہ ہے ربیع الاول کی عظمت ہے جب عرب کا جاہلانہ ماحول تھا حضور نبی اکرم کی ذات گرامی رحمت بن کر آئی اس معاشرے کو شعور دیا جو اپنی پیدا ہونے والی بیٹیوں کو زندہ دفن کر دیا کرتے تھے جہاں نفس پرستی تھی تنگ نظری تھی جہالت تھی اس ماحول میں نبی اکرم تشریف لائے اور اور ان کی دنیا کی کایا پلٹ دی تحمل برداشت کو فروغ دیا اس معاشرے کو ایک فلاحی و اخلاقی معاشرہ بنا دیا معاشرتی اقدار کو جنم دیا جہالت کو علم کے زاویے سے شکست دی آخر میں۔

 صدرمذاکرہ ڈاکٹر سید افتخار حسین نقوی نے اپنے گفتگو میں کہا کہ آج یقینا ہماری اس چھوٹی سی کاوش سے نبی اکرم بہت خوش ہوئے ہوں گے ۔انہوں نے کہا کہ دنیا میں دیکھا ہے جب کسی شخص کی ایک سے زیادہ اولاد ہوں اور آپس میں لڑائی جھگڑے میں مبتلا ہو اور ایک دوسرے کی مخالفت میں انتہائی اقدام اٹھاتے ہیں تو وہ شخص جو باپ کی حیثیت رکھتا ہے ہمیشہ پہ مغموم رہتا ہے اور ہمیشہ ان کے تعلق میں بہتری اتحاد اور رواداری کی کوشش کرتا رہتا ہے اور اگر اس کی یہ کوشش کامیاب ہو جائے تو وہ خوش اور مطمئن ہو جاتا ہے اس طرح آج ہمارے آقا و مولا خوش ہو رہے ہوں گے کہ تمام مسالک کے لوگ اکٹھے بیٹھ کر پیار و محبت اخوت بھائی چارے اور رواداری کی باتیں کر رہے ہیں تو وہ بہت خوش ہو رہے ہوں گے۔

 آپ نے کہا کہ حضور کے اقوال کی سائنسی تصدیق بھی ہو چکی ہے مثال کے طور پہ آپ مسواک کرنے گی بہت تاکید فرماتے تھے جبکہ اس وقت سائنسدان یہ کہہ رہے ہیں کہ دانتوں کا تعلق جسم کے اندرونی اعضاء سے بھی ہے اور مسواک کرنے سے انسان صحت مند رہتا ہے اور بیماریوں سے محفوظ رہتا ہے انگلیوں کو چوسنا کھانے کو ہضم ہونے میں مدد کرتا ہیں اس کے بعد آپ نے شرکاء کا شکریہ ادا کیا  اور اس بات کا ارادہ کیا کہ اس قسم کے پروگرام تسلسل سے جاری رہیں گے۔