وحدت نیوز(لاہور) بابا گرونانک کی جنم دن کی تقریبات کے سلسلہ بیرون ملک سے آئے ہوئے سکھ برادری کے اعزاز میں استقبالیہ تقریب و سیمینار کا انعقاد لاہور میں کیا گیا ۔

 تقریب سے خطاب کرتے ہوئے مجلسِ وحدت مسلمین پاکستان کے مرکزی سیکرٹری سیاسیات و فوکل پرسن برائے مذہبی ہم آہنگی حکومت پنجاب سید اسد عباس نقوی نے کہا کہ سکھوں اور مسلمانوں کے اتحاد کی بنیاد توحید ہے۔بابا گرونانک نے امن محبت اور بھائی چارے کا پیغام عام کرکے یہ ثابت کیا کہ انسانیت کی خدمت اور انسانی اقدار کی پاسداری ہی تمام مذاہب کا مرکز و محور ہونا چاہیئے۔

اسدعباس نقوی نے مزید کہاکہ اسلامی تعلیمات کا بھی یہی بنیادی اصول ہے۔ تقریب سے پارلیمانی سیکرٹری برائے اقلیتی امور و انسانی حقوق مہندر سنگھ پال و دیگر شخصیات نے بھی خطاب کیا۔

وحدت نیوز(کراچی) سندھ کالج اساتذہ کے مطالبات جائز ہیں ،صوبائی حکومت صحت تعلیم سمیت دیگر انتظامات میں یکسر ناکام نظر آتی ہے،خواتین اساتذہ پرسندھ  پولیس کےتشد د اور بد سلوکی کی مذمت کرتے ہیں ۔

ان خیالات کا اظہار مجلس وحدت مسلمین کے صوبائی رہنما علامہ باقر عباس زیدی نے کراچی سمیت سندھ بھر میں سپلا کی جانب سے مطالبات کی منظوری کیلئے کئے جانے والے احتجاج پر تشدد کئے جانے پر اپنے مذمتی بیان میں کیا ۔

انہوں نے کہا کہ اساتذہ کے جائز مطالبات پورے کئے جائیں ،اساتذہ کا پرامن احتجاج جائز ہے مظاہرین پرجبری مقدمات ختم کئے جائیں ۔ان کا کہناتھا کہ وزیر اعلیٰ کی جانب سے سندھ بھر میں موجود 8ہزار سے زائدسرکاری اساتذہ کے درینہ مسائل کے حل کیلئے کئے جانے والے اقدامات صوبے کے دیگر اہم مسائل کی طرح سرد مہری کا شکار ہیں۔

انہوں نے مزیدکہاکہ ٹائم پے اسکیل سرکاری ملازمین کا جائز مطالبہ ہے حق تلفی کی جانے پر احتجاج پروفیسرز و لیکچرز ایسوسی ایشن (سپلا) کا آئینی و قانونی حق ہے ۔سندھ حکومت طاقت کے استعمال کے بجائے اساتذہ کے مسائل کو فوری بنیادوں پر حل کرے۔ 

وحدت نیوز(سجاول) سجاول میں احتجاجی ریلی کے شرکاء نے ہاتھوں میں بینرز اور پلے کارڈز اٹھا رکھے تھے، جن پر فرزند رسولؐ ، حضرت امام مہدی( عجل اللہ تعالیٰ فرجہم شریف) کی شان میں بدترین گستاخی کرنے والے ملعون عبدالستار جمالی کو پھانسی دینے کا مطالبہ کیا گیا تھا۔

اطلاعات کے مطابق مجلس وحدت مسلمین کے زیر اہتمام سجاول میں احتجاجی ریلی کا آغاز مرکزی مسجد وامام بارگاہ الحسینی سے ہوا جو کہ اپنے مقررہ راستوں سے ہوتی ہوئے پبلک پارک کراچی بدین روڈ پہنچ کر احتجاجی جلسے میں تبدیل ہوگئی۔

 احتجاجی ریلی میں شریک مظاہرین سے خطاب کرتے ہوئے مجلس وحدت مسلمین ضلع سجاول کے سیکریٹری جنرل حاجی مظفر علی لغاری کا کہنا تھا کہ ملعون عبدالستار نے امام زمانہ( عجل اللہ تعالیٰ فرجہ الشریف) کی شان میں بدترین گستاخی کرکے مسلمانان عالم کے دل کو چھلنی کیا ہے، اور اس کا مداوا اس وقت ہوگا کہ عدالت عالیہ کی جانب سے ملعون عبدالستار جمالی کو سرعام پھانسی پر لٹکایا جائےگا۔

حاجی مظفر لغاری کا مزید کہنا تھا کہ پاکستان میں بسنے والے کروڑوں شیعہ و سنی مسلمان اس ملک کے پر امن اور محب وطن شہری ہیں، لیکن ناموس اہلبیت اطہار علیہ السلام پر حملہ ہوا تو ہم خاموش نہیں بیٹھیں گے۔

حاجی مظفر لغاری نے اعلیٰ حکام خصوصاً چیف جسٹس آف پاکستان سے مطالبہ کیا کہ دادو اور پنو عاقل میں اہلبیت رسولؐ کی شان میں بدترین گستاخی کرنے والے دہشتگرد عناصر کے خلاف فوری کاروائی کرتے ہوئے ملعون عبدالستار جمالی سمیت دیگر دہشتگردوں کو فوراً پھانسی پر لٹکایا جائے۔

وحدت نیوز(اسلام آباد) عید میلاد البنی ﷺ کا دن مسلمانوں کا اپنے نبی کریم سے عشق کے عملی اظہار کا دن ہے پیغمبر خدا حضرت محمد مصطفی امت کے درمیان نقطہ وحدت ہیں ۔ مجلس وحدت مسلمین 12کا تا 17ربیع الاول تک ہفتہ وحدت و اخوت کے عنوان سے منائے گی ۔ان خیالات کا اظہار سربراہ مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری سنٹرل سیکرٹریٹ ایم ڈبلیوایم میں پریس کانفرنس سے خطاب کرتے ہوئے کیا۔

 انہوں نے کہا کہ اس عظیم اور پرمسرت موقع پر امت مسلمہ کو مبارکبادپیش کرتے ہیں ولادت باسعادت نبی کریم ﷺ کا دن تجدید عہد کا دن ہے۔ہمیںحقیقی مصطفوی تعلیمات کو فروغ دینا ہوگا اور اس کے مطابق اپنی زندگی گزارنے کا عہدبھی کرنا ہو گا،آج ا مت مسلمہ کی تنزلی کا سب سے بڑا سبب رحمت اللعالمین کی حقیقی تعلیمات سے دوری ہے۔

ان کا کہنا تھاکہ حضور نبی کریم نے امت کو اخوت،رواداری اور بھائی چارے کا درس دیا ہے لیکن آج عالم اسلام اغیار کے اشاروں پر ایک دوسرے کے دست وگریبان ہے۔اسلامی معاشروں میں بدترین اخلاقی وسماجی بگاڑ پیدا ہوچکا ہے ۔ ان تمام مشکلات کا حل تعلیمات مصفطوی میں پنہاں ہے ۔انہوں نے کہا کہ دین اسلام جبر و بربریت سے نہیں بلکہ اسوہ حسنہ سے پھیلا ہے۔

انہوں نے مذید کہا کہ اس وقت مسئلہ کشمیرکا حل مسلم امہ کے لئے ایک چیلنج بن چکا ہے اس مقدس مہینے میں اپنے مظلوم کشمیری بھائیوں کو ہرگز فراموش نا کریں ۔ اور اپنی میلاد کی محافل او ر جلوسوں میں ان کے لئے بھی آواز بلند کریں ۔انہوں نے کہا کہ مجلس وحدت مسلمین 12 تا 17ربیع الاول تک ہفتہ وحدت و اخوت منا رہی ہے۔

اس دوران ملک بھر میں جشن میلاد النبی کے سلسلے میں سمینار منعقد کیے جائیں گے۔ اور لاہور میں عظیم الشان وحدت کانفرنس کاانعقاد کیا جائے گا تمام صوبائی و ضلعی دفاتر پر چراغان اور نعتیہ محافل کا انعقاد اوربارہ ربیع الاول کو ملک بھر میں عید میلاد النبی کے مرکزی جلوسوں کے راستوں میں استقبالیہ کیمپ اور سبیلیں بھی لگائی جائیں گی۔

پریس کانفرنس کے موقع پر مرکزی ڈپٹی سیکرٹری جنرل سید ناصر شیرازی ، مرکزی سیکرٹری سیاسیات سید اسد عباس نقوی ، علامہ اقبال بہشتی ،علامہ سید ہاشم موسوی  ،شیخ شیر علی انصاری ، علامہ ضیغم عباس بھی موجود تھے ۔

وحدت نیوز(لاہور)پارلیمانی سیکرٹری برائے اقلیتی امور و انسانی حقوق سردارمہندرسنگھ پال نے مجلس وحدت مسلمین کی جانب سے 17نومبر کو ایوان اقبال لاہور میں منعقدہ وحدت کانفرنس کی حمایت کا اعلان کردیا ہے ۔

ایم ڈبلیوایم کے مرکزی پولیٹیکل سیکریٹری اور فوکل پرسن حکومت پنجاب برائے بین المذاہب ہم آہنگی سید اسدعباس نقوی نے پارلیمانی سیکرٹری برائے اقلیتی امور و انسانی حقوق سردارمہندرسنگھ پال سے ملاقات کی اور انہیں وحدت کانفرنس میں شرکت کی دعوت دی جسے انہوںنے قبول کرلیا ۔

اس موقع پر اپنے ویڈیو انٹرویو میں انہوںنے تمام پاکستانیوں کو وحدت کانفرنس میں شرکت کی تاکید کرتے ہوئے کہاکہ ایم ڈبلیوایم کی جانب سے منعقدہ وحدت کانفرنس جس میں تمام مسالک ومذاہب کے رہنماشرکت کررہے ہیں ۔ اس کانفرنس کا مقصد نبی کریم ؐ کی تعلیمات کا فروغ ہے ۔

سردار مہندر سنگھ پال نے مزید کہاکہ میں تمام پاکستانیوں سے گذارش کرتاہوں ہے کہ آپ ؐ سیرت مبارکہ ان کے اتحاد ویکجہتی کے پیغام سے آشنائی کیلئے اس کانفرنس میں لازمی شرکت کریں ۔

وحدت نیوز(لاہور)ایم ڈبلیو ایم کے تحت 17نومبر کو ایوانِ اقبال میں ہونیوالی ’’وحدت کانفرنس‘‘ اتحاد امت کیلئے سنگ میل ثابت ہوگی، امت کو اسلام دشمن قوتوں نے منتشر کیا، تفرقہ بازی نے جہاں پاکستان کا نقصان کیا، وہیں اسلام کا بھی نقصان ہوا۔ ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے کانفرنس کی دعوت دینے کیلئے جانیوالے وفود سے گفتگو کرتے ہوئے کیا۔۔

انہوں نے کہا کہ ایم ڈبلیو ایم وحدت امت کیلئے کوشاں ہے اور اس حوالے سے ہمارے پاس ماہ مقدس ربیع الاول بہترین پلیٹ فارم ہے جہاں سے ہم رسول کریم (ص) کی ذات مبارکہ پر تمام مکاتب فکر متحد کر سکتے ہیں۔ انہوں نے کہا کہ وحدت کانفرنس اسی سلسلے کی کڑی ہے، جس میں تمام مکاتب فکر کیساتھ ساتھ دیگر مذاہب کے قائدین اور زعماء بھی شریک ہوں گے۔

انہوں نے کہا کہ ایم ڈبلیو ایم وحدت امت کیلئے کوشاں ہے اور اس حوالے سے ہمارے پاس ماہ مقدس ربیع الاول بہترین پلیٹ فارم ہے جہاں سے ہم رسول کریم (ص) کی ذات مبارکہ پر تمام مکاتب فکر متحد کر سکتے ہیں۔ انہوں نے کہا کہ وحدت کانفرنس اسی سلسلے کی کڑی ہے، جس میں تمام مکاتب فکر کیساتھ ساتھ دیگر مذاہب کے قائدین اور زعماء بھی شریک ہوں گے۔
 
انہوں نے کہا کہ وزیراعظم عمران خان کے ریاست مدینہ کے وژن کی حمایت کرتے ہیں، ریاست مدینہ میں حضور نبی اکرم(ص) مسیحیوں کو بھی مسجد نبوی میں اپنے عقیدے کے مطابق عبادت کرنے کی اجازت دیدی تھی جو وسعت قلبی کی عظیم مثال ہے۔ علامہ اسدی نے کہا کہ پاکستان میں بھی ایسا ماحول بنائیں گے کہ جہاں شیعہ سنی ایک دوسرے کی مساجد میں بلا خوف و خطر نماز پڑھ سکیں گے، پاکستان کی ترقی بھی اتحاد ملت میں مضمر ہے۔

انہوں کارکنوں کو ہدایت کی کہ وہ جن جن رہنماوں کو کانفرنس میں شرکت کی دعوت دیں انہیں وحدت امت کی ضرورت سے ضرور آگاہ کریں۔ انہوں نے کہا کہ علماء اس حوالے سے بہترین کردار ادا کر سکتے ہیں، علماء جمعہ کے خطبات اور دیگر تقریروں میں قوم کو وحدت کا پیغام دیں اس سے جہاں بھائی چارے کو فروغ ملے گا وہیں معاشرے میں امن قائم ہوگا جس سے ملک ترقی کرے گا۔